ಮಕ್ಕಳ ದಾಖ​ಲಾ​ತಿಗೆ ವಾಮ​ಮಾರ್ಗ ಹಿಡಿದ ಪೋಷ​ಕರು: ಎಲ್‌ಕೆಜಿಗೆ 4 ವರ್ಷ, ಯುಕೆಜಿಗೆ 5 ವರ್ಷ

ಎಂ.ಅಫ್ರೋಜ್‌ ಖಾನ್‌

ರಾಮ​ನ​ಗರ (ಜೂ.02): 2025-26ನೇ ಶೈಕ್ಷ​ಣಿಕ ಸಾಲಿ​ನಿಂದ ಅನ್ವ​ಯ​ವಾ​ಗು​ವಂತೆ ಜೂನ್‌ 1ನೇ ತಾರೀಖಿಗೆ ಕಡ್ಡಾ​ಯ​ವಾಗಿ 6 ವರ್ಷ ಪೂರ್ಣ​ಗೊಂಡಿ​ರುವ ಮಗು​ವನ್ನು 1ನೇ ತರ​ಗ​ತಿಗೆ ದಾಖ​ಲಿ​ಸಲು ವಯೋ​ಮಿತಿ ನಿಗ​ದಿ​ಪ​ಡಿಸಿ ರಾಜ್ಯ ಸರ್ಕಾರ ಆದೇಶ ಹೊರ​ಡಿ​ಸಿ​ರುವ ಕಾರಣ ಪೋಷ​ಕರು ಅರ್ಹ ವಯ​ಸ್ಸಿ​ಲ್ಲದ ಮಗು​ವನ್ನು ಎಲ್‌ ಕೆಜಿ ಮತ್ತು ಯುಕೆಜಿ ತರ​ಗ​ತಿಗೆ ದಾಖ​ಲು ಮಾಡಲು ವಾಮ​ಮಾರ್ಗ ಹಿಡಿ​ದಿ​ದ್ದಾರೆ. ರಾಜ್ಯ​ಸ​ರ್ಕಾರ ಜಾರಿಗೆ ತಂದಿ​ರುವ ನಿಯ​ಮದ ಪ್ರಕಾರ 2025-26ನೇ ಶೈಕ್ಷಣಿಕ ಸಾಲಿನಿಂದ 1ನೇ ತರಗತಿಗೆ ಮಗು ದಾಖ​ಲಾ​ಗಲು 6 ವರ್ಷ ಆಗಿ​ರಬೇಕು. ಅಂದರೆ 2023-24ನೇ ಸಾಲಿಗೆ ಎಲ್‌.ಕೆ.ಜಿ ತರಗತಿಗೆ ದಾಖಲಿಸಲು ಮಗುವಿಗೆ ಕನಿಷ್ಠ 4 ವರ್ಷ, ಯು.ಕೆ.ಜಿ.ಗೆ 5 ವರ್ಷ ತುಂಬಿ​ರ​ಬೇ​ಕು.

ಆದ​ರೀಗ ಪೋಷ​ಕರು ಅರ್ಹ ವಯ​ಸ್ಸು ತುಂಬದ ಮಕ್ಕ​ಳನ್ನು ಎಲ್‌.ಕೆ.ಜಿ ಮತ್ತು ಯು.ಕೆ.ಜಿ ತರಗತಿಗಳಿಗೆ ದಾಖಲಿಸಲು ಮಗು​ವಿ​ನ ಜನನ ಪ್ರಮಾಣ ಪತ್ರವನ್ನೇ ಮರೆ ಮಾಚಿ, ನ್ಯಾಯಾಲಯದಿಂದ ಅಫಿಡೆವಿಚ್‌ ಅಥ​ವಾ ತಿದ್ದುಪಡಿ ಮಾಡಿದ ಜನನ ಪ್ರಮಾಣ ಪತ್ರಗಳನ್ನು ಹಾಜರುಪಡಿ​ಸು​ತ್ತಿ​ರುವ ಆರೋಪಗಳು ಕೇಳಿ ಬಂದಿವೆ. ಸರ್ಕಾರಿ ಶಾಲೆ ಕೆಲ ಶಿಕ್ಷ​ಕರು ಹಾಗೂ ವ್ಯಾಪಾರಿ ಮನೋ​ಭಾ​ವ​ವುಳ್ಳ ಕೆಲವು ಖಾಸಗಿ ಶಿಕ್ಷಣ ಸಂಸ್ಥೆ​ಗಳ ಆಡ​ಳಿತ ಮಂಡಳಿ ಸದ​ಸ್ಯರು ತಮ್ಮ ಬಳಿ ಬರುವ ಪೋಷ​ಕ​ರಿಗೆ ಇಂತಹ ವಾಮ ಮಾರ್ಗ ಅನು​ಸ​ರಿ​ಸುವ ಮನೆ​ಹಾಳು ಐಡಿಯಾ ನೀಡು​ತ್ತಿ​ದ್ದಾ​ವ

ಮಂಚನಬೆಲೆಗೆ ಶಾಶ್ವತ ಸೇತುವೆ ನಿರ್ಮಾಣ ಯಾವಾಗ?: ತಾತ್ಕಾಲಿಕ ಸೇತುವೆಯು ಮುಳುಗಡೆ ಸಾಧ್ಯತೆ

ವಾಮ​ಮಾರ್ಗ ಅನು​ಸ​ರಿ​ಸಲು ಕುಮ್ಮಕ್ಕು: ಇನ್ನೊಂದೆಡೆ ಸರ್ಕಾರಿ , ಅನು​ದಾ​ನಿತ ಹಾಗೂ ಅನು​ದಾನ ರಹಿತ ಶಾಲೆ​ಗ​ಳಲ್ಲಿ 2023-24ನೇ ಸಾಲಿಗೆ 1ನೇ ತರಗತಿಗೆ ದಾಖಲಾಗಲು ಮಗುವಿನ ವಯಸ್ಸು ಕನಿಷ್ಠ 5 ವರ್ಷ 5 ತಿಂಗಳು ತುಂಬಿರಬೇಕು. ಈ ವಯೋಮಿತಿಯ ಅರ್ಹತೆ ತಲುಪದ ಮಗುವಿನ ಅಸಲಿ ಜನನ ಪ್ರಮಾಣ ಪತ್ರವನ್ನು ಮರೆಮಾಚಿ, ಅಫಿಡವಿಚ್‌ ತಂದು ಕೊಡಿ ಎಂದು ಕೆಲವು ಸರ್ಕಾರಿ ಶಾಲೆಗಳು ಸೇರಿದಂತೆ ಖಾಸಗಿ ಶಾಲೆಯ ಶಿಕ್ಷಕರು ಪೋಷಕರಿಗೆ ವಾಮ​ಮಾರ್ಗ ಅನು​ಸ​ರಿ​ಸಲು ಕುಮ್ಮಕ್ಕು ನೀಡುತ್ತಿದ್ದಾರೆ ಎಂದು ಗೊತ್ತಾಗಿದೆ.

ಎಲ್‌.ಕೆ.ಜಿ ತರಗತಿಗೆ ದಾಖಲು ಮಾಡಲು ಬಯಸಿದ ಗುರುತಿಸಿಕೊಳ್ಳಲು ಇಚ್ಚಿಸದ ಪೋಷಕರೊಬ್ಬರ ಮಗುವಿನ ವಯಸ್ಸು 3 ವರ್ಷ 11 ತಿಂಗಳು ತುಂಬಿದೆ. 4 ವರ್ಷಕ್ಕೆ ಕೇವಲ 1 ತಿಂಗಳು ಮಾತ್ರ ಕೊರತೆ. ಆದರೆಸ ನಿಯಮಗಳ ಪ್ರಕಾರ ಈ ಮಗು ಎಲ್‌.ಕೆ.ಜಿಗೆ ದಾಖಲಾಗಲು ಅರ್ಹತೆ ಪಡೆದಿಲ್ಲ. ಹೀಗಾಗಿ ಖಾಸಗಿ ಶಾಲೆಯ ಆಡಳಿತ ಮಂಡಳಿ ಸದಸ್ಯರೊಬ್ಬರು 4 ವರ್ಷ ವಯಸ್ಸು ತುಂಬಿರುವ ಬಗ್ಗೆ ನ್ಯಾಯಾಲಯದಿಂದ ಅಫಿಡೆವಿಚ್‌ ತನ್ನಿ ಎಂಬ ಸಲಹೆ ಕೊಟ್ಟಿದ್ದಾರೆ ಎಂದು ಗೊತ್ತಾಗಿದೆ.

ಮಗುವೊಂದರ ಜನನ ದಿನಾಂಕವನ್ನು ಸ್ಥಳೀಯ ಸಂಸ್ಥೆಗಳು ದಾಖಲೆ ಇಟ್ಟಿರುತ್ತವೆ. ಆಸ್ಪತ್ರೆ ಅಥವಾ ಮನೆಯಲ್ಲಿ ಜನಿಸಿದ ಮಗುವಿನ ಜನನ ದಿನ ಮತ್ತು ಸಮಯವನ್ನು ನಿಗದಿತ ಸಮಯದಲ್ಲಿ ಸ್ಥಳೀಯ ಸಂಸ್ಥೆಗಳ ಗಮನಕ್ಕೆ ತಂದು ದಾಖಲು ಮಾಡುವ ನಿಯಮ ಹಲವಾರು ವರ್ಷಗಳಿಂದ ಜಾರಿಯಲ್ಲಿದೆ. ಇತ್ತೀಚಿನ ವರ್ಷಗಳಲ್ಲಿ ಈ ವ್ಯವಸ್ಥೆ ಗಣಕೀಕರಣವೂ ಆಗಿದೆ. ಸರ್ಕಾರದ ಈ ವ್ಯವಸ್ಥೆಯನ್ನು ಮೀರಿ ಅನ್ಯ ಮಾರ್ಗಗಳಲ್ಲಿ ಮಗುವಿನ ಜನನ ಪ್ರಮಾ​ಣದ ದಾಖಲಾತಿಗಳನ್ನು ಪಡೆಯಲು ಶಿಕ್ಷಣ ವಲಯದಲ್ಲಿನ ವ್ಯಾಪಾರಿ ಬುದ್ಧಿಯ ಕೆಲವು ಖಾಸಗಿ ಶಿಕ್ಷ​ಣ ಸಂಸ್ಥೆ​ಗಳು ಸಲಹೆ ಕೊಡುತ್ತಿದ್ದಾರೆ.

ಆದರೆ, ಮಕ್ಕಳ ಭವಿಷ್ಯ ರೂಪಿ​ಸುವ ಹೊಣೆಗಾರಿಕೆ ಅರಿ​ತಿ​ರುವ ಬೆರ​ಳ​ಣಿ​ಕೆ​ಯಷ್ಟುಶಿಕ್ಷಣ ಸಂಸ್ಥೆ​ಗಳ ಮುಖ್ಯ​ಸ್ಥ​ರಿಂದ ಖಾಸಗಿ ಶಿಕ್ಷಣ ಸಂಸ್ಥೆ​ಗಳು ಅನು​ಸ​ರಿ​ಸು​ತ್ತಿ​ರುವ ವಾಮ​ಮಾ​ರ್ಗದ ವಿರುದ್ಧ ಅಪ​ಸ್ವ​ರವೂ ಕೇಳಿ ಬರು​ತ್ತಿದೆ. 1ನೇ ತರ​ಗತಿ ದಾಖ​ಲಾತಿ ಸಮ​ಯ​ದಲ್ಲಿ ಮಗು​ವಿನ ಜನನ ಪ್ರಮಾ​ಣ ಪತ್ರ ಸಂಬಂಧ ಪ್ರಮಾಣ ಪತ್ರದ ನಕಲು, ತಿದ್ದು​ಪ​ಡಿ​ಗೊಂಡಿ​ರುವ ಪ್ರಮಾ​ಣ​ಪತ್ರ ಅಥವಾ ನ್ಯಾಯಾ​ಲ​ಯದ ಅಫಿ​ಡ​ವಿಟ್‌ ಅನ್ನು ಗಣ​ನೆಗೆ ತೆಗೆ​ದು​ಕೊ​ಳ್ಳು​ವು​ದಿಲ್ಲ. ಮಗು​ವಿನ ಭವಿ​ಷ್ಯದ ದೃಷ್ಟಿ​ಯಿಂದ ವ್ಯಾಪಾರಿ ಮನ​ಸ್ಥಿ​ತಿಯ ಖಾಸಗಿ ಶಿಕ್ಷಣ ಸಂಸ್ಥೆ​ಗಳ ಮಾತು ನಂಬಿ ಮೋಸ ಹೋಗ​ಬಾ​ರದು ಎಂದು ಸಾರ್ವ​ಜ​ನಿಕ ಶಿಕ್ಷಣ ಇಲಾ​ಖೆಯ ಅಧಿ​ಕಾ​ರಿ​ಯೊ​ಬ್ಬರು ಪೋಷ​ಕ​ರಲ್ಲಿ ಮನವಿ ಮಾಡಿ​ದ​ರು.

ಗ್ಯಾರಂಟಿ​ಗಾಗಿ ಪಿಎಚ್‌ಎಚ್‌ ಕಾರ್ಡ್‌ ಹೊಂದುವ ಬಯಕೆ: ಆನ್‌ಲೈನ್‌ ಪೋರ್ಟಲ್‌ ಸ್ಥಗಿತ

ಸರ್ಕಾರಿ, ಅನು​ದಾ​ನಿತ ಹಾಗೂ ಅನು​ದಾನ ರಹಿತ ಶಾಲೆ​ಗ​ಳಲ್ಲಿ 1ನೇ ತರ​ಗತಿಗೆ ದಾಖ​ಲಿ​ಸಲು ಮಗು​ವಿಗೆ 6 ವರ್ಷ ತುಂಬಿ​ರ​ಬೇ​ಕು ಎಂಬುದು 2025-26ನೇ ಶೈಕ್ಷ​ಣಿಕ ಸಾಲಿ​ನಿಂದ ಅನ್ವ​ಯ​ವಾ​ಗು​ತ್ತದೆ. ಆದರೆ, ಪೂರ್ವ ಪ್ರಾಥ​ಮಿಕ ಎಲ್‌ ಕೆಜಿಗೆ 4 ವರ್ಷ, ಯುಕೆ​ಜಿ​ಗೆ 5 ವರ್ಷ ಪೂರ್ಣ​ಗೊಂಡಿ​ರ​ಲೇಬೇಕು. 1ನೇ ತರ​ಗ​ತಿಗೆ ದಾಖ​ಲಿ​ಸು​ವಾಗ ಮಗು​ವಿನ ಜನನ ಪ್ರಮಾಣ ಪತ್ರವನ್ನು ಕಡ್ಡಾ​ಯ​ವಾಗಿ ನೀಡ​ಲೇ​ಬೇಕು. ಪೋಷ​ಕರು ಜನನ ಪ್ರಮಾ​ಣ ಪತ್ರದ ವಿಚಾ​ರ​ದಲ್ಲಿ ವಾಮ ಮಾರ್ಗ ಅನು​ಸ​ರಿ​ಸದೆ ಎಚ್ಚರ ವಹಿ​ಸುವುದು ಸೂಕ್ತ.
-ಗಂಗ​ಣ್ಣ​ಸ್ವಾಮಿ, ಉಪ​ನಿ​ರ್ದೇ​ಶ​ಕರು, ಸಾರ್ವ​ಜ​ನಿಕ ಶಿಕ್ಷಣ ಇಲಾಖೆ, ರಾಮ​ನ​ಗ​ರ

• Childrens
• Parents
• Ramanagara
• School