Bhasha Certificate Selfie: ಭಾಷಾ ಪ್ರಮಾಣಪತ್ರ ಸೆಲ್ಫಿ ಆರಂಭಿಸಿದ ಕೇಂದ್ರ ಶಿಕ್ಷಣ ಸಚಿವಾಲಯ!
* ಕೇಂದ್ರ ಸರ್ಕಾರದ ಜಾರಿಗೆ ತಂದಿರುವ ಇದು ವಿಶಿಷ್ಟ ಉಪಕ್ರಮವಾಗಿದೆ.
* ಬಹುಭಾಷಾವಾದ ಮತ್ತು ಏಕ್ ಭಾರತ್ ಶ್ರೇಷ್ಠ್ ಭಾರತಕ್ಕೆ ಉತ್ತೇಜನ
* ಜನರು ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಗಳಿಂದ ಪ್ರಮಾಣಪತ್ರದೊಂದಿಗೆ ತಮ್ಮ ಸೆಲ್ಫಿ ಕಳುಹಿಸಬಹುದು
Followನವದೆಹಲಿ(ಫೆ.27): ಕೇಂದ್ರ ಸರ್ಕಾರದ ಶಿಕ್ಷಣ ಸಚಿವಾಲಯ ಮತ್ತು ಮೈಗೌ ಇಂಡಿಯಾ (MyGov India) ಸಾಂಸ್ಕೃತಿಕ ವೈವಿಧ್ಯತೆಯನ್ನು ಉತ್ತೇಜಿಸಲು ಮತ್ತು ಬಹುಭಾಷಾವಾದವನ್ನು ಉತ್ತೇಜಿಸಲು ಮತ್ತು ಏಕ್ ಭಾರತ್ ಶ್ರೇಷ್ಠ ಭಾರತ್‌ನ ಚೈತನ್ಯವನ್ನು ಹೆಚ್ಚಿಸಲು 'ಭಾಷಾ ಪ್ರಮಾಣಪತ್ರ ಸೆಲ್ಫಿ (Bhasha Certificate Sefie)' ಅಭಿಯಾನವನ್ನು ಪ್ರಾರಂಭಿಸಿದೆ. ಈ ಅಭಿಯಾನ ಸಲುವಾಗಿ ಶಿಕ್ಷಣ ಸಚಿವಾಲಯವು ಭಾಷಾ ಸಂಗಮ (Bhasha Sangam) ಮೊಬೈಲ್ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಿದೆ. 'ಭಾಷಾ ಸರ್ಟಿಫಿಕೇಟ್ ಸೆಲ್ಫಿ' ಉಪಕ್ರಮವು #BhashaCertificateSelfie ಎಂಬ ಹ್ಯಾಶ್‌ಟ್ಯಾಗ್ ಅನ್ನು ಬಳಸಿಕೊಂಡು ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಗಳಿಂದ ಪ್ರಮಾಣಪತ್ರದೊಂದಿಗೆ ತಮ್ಮ ಸೆಲ್ಫಿಗಳನ್ನು ಅಪ್‌ಲೋಡ್ ಮಾಡಲು ಜನರನ್ನು ಪ್ರೋತ್ಸಾಹಿಸುತ್ತಿದೆ. ಕೇಂದ್ರ ಸರ್ಕಾರವು ಈ ಉಪಕ್ರಮದ ಮೂಲಕ ಏಕ್ ಭಾರತ್ ಶ್ರೇಷ್ಟ ಭಾರತ ಪರಿಕಲ್ಪನೆಯನ್ನು ಇನ್ನಷ್ಟು ಪ್ರಚುರ ಪಡಿಸಲು ಪ್ರಯತ್ನಿಸುತ್ತಿದೆ. ಜತೆಗೆ, ದೇಶದ ಬಹುಭಾಷಾವಾದಕ್ಕೆ ಮಹತ್ವ ನೀಡುವ ಮೂಲಕ ಎಲ್ಲ ಭಾಷೆಗಳನ್ನು ಒಂದೇ ರೀತಿಯಲ್ಲಿ ಕೊಂಡೊಯ್ಯುವ ಸಂದೇಶವನ್ನು ರವಾನಿಸುತ್ತಿದೆ ಎಂದು ಹೇಳಬಹುದು. ಈ ಆ್ಯಪ್ ಅನ್ನು ಬಳಸುವುದರಿಂದ, ಜನರು 22 ನಿಗದಿತ ಭಾರತೀಯ ಭಾಷೆಗಳಲ್ಲಿ ದೈನಂದಿನ ಬಳಕೆಯ 100+ ವಾಕ್ಯಗಳನ್ನು ಕಲಿಯಬಹುದು.
Aided Employees Association Karnataka: ಅನುದಾನಿತ ನೌಕರರ ಪ್ರತಿಭಟನೆ, ಮಾರ್ಚ್ 4 ರಂದು ಶಾಲಾ-ಕಾಲೇಜು ಬಂದ್!
ಏಕ್ ಭಾರತ್ ಶ್ರೇಷ್ಠ ಭಾರತ್‌ನ ಆಶ್ರಯದಲ್ಲಿ ಈ ಉಪಕ್ರಮವು ಭಾರತೀಯ ಭಾಷೆಗಳಲ್ಲಿ ಜನರು ಮೂಲಭೂತ ಸಂಭಾಷಣಾ ಕೌಶಲ್ಯಗಳನ್ನು ಪಡೆದುಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳುವ ಗುರಿಯನ್ನು ಹೊಂದಿದೆ. ಇದನ್ನು ಸಾಧಿಸಲು, 75 ಲಕ್ಷ ಜನರು ಮೂಲಭೂತ ಸಂಭಾಷಣಾ ಕೌಶಲ್ಯವನ್ನು ಪಡೆಯುವ ಗುರಿಯನ್ನು ನಿಗದಿಪಡಿಸಲಾಗಿದೆ.
ಶಿಕ್ಷಣ ಸಚಿವಾಲಯದಿಂದ ಪ್ರಮಾಣೀಕರಿಸಲ್ಪಟ್ಟ ಪ್ರಮಾಣಪತ್ರವನ್ನು ಸ್ವೀಕರಿಸಲು, ಬಳಕೆದಾರರು ಮೊಬೈಲ್ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕಾಗುತ್ತದೆ. ಇದು Android ಮತ್ತು iOS ಎರಡೂ ಆವೃತ್ತಿಗಳಲ್ಲಿ ಲಭ್ಯವಿದೆ. 22 ನಿಗದಿತ ಭಾರತೀಯ ಭಾಷೆಗಳಿಂದ ಯಾವುದೇ ಭಾಷೆಯನ್ನು ಆಯ್ಕೆಮಾಡಿ, ಎಲ್ಲಾ ಹಂತಗಳನ್ನು ಪೂರ್ಣಗೊಳಿಸಿ, ಪರೀಕ್ಷೆಯನ್ನು ಪೂರೈಸಿ ಪ್ರಮಾಣಪತ್ರವನ್ನು ಗಳಿಸಬೇಕು.
ಸರ್ದಾರ್ ವಲ್ಲಭಭಾಯಿ ಪಟೇಲ್ ಅವರ ಜನ್ಮದಿನದ ಅಂಗವಾಗಿ ಪ್ರತಿ ವರ್ಷ ಅಕ್ಟೋಬರ್ 31 ರಂದು ಆಚರಿಸಲಾಗುವ ರಾಷ್ಟ್ರೀಯ ಏಕತಾ ದಿವಸ್ ಸ್ಮರಣಾರ್ಥವಾಗಿ ಭಾಷಾ ಸಂಗಮ ಮೊಬೈಲ್ ಅಪ್ಲಿಕೇಶನ್ ಅನ್ನು ಶಿಕ್ಷಣ ಮತ್ತು ಕೌಶಲ್ಯಾಭಿವೃದ್ಧಿ ಸಚಿವ ಧರ್ಮೇಂದ್ರ ಪ್ರಧಾನ್ (Dharmendra Pradan) ಅವರು ಬಿಡುಗಡೆ ಮಾಡಿದ್ದರು.
ಭಾಷಾ ಸಂಗಮ (Bhasha Sangam) ಮೊಬೈಲ್ ಅಪ್ಲಿಕೇಶನ್ ಬಿಡುಗಡೆ ಸಂದರ್ಭದಲ್ಲಿ, ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ ಅವರು ರಾಷ್ಟ್ರೀಯ ಶಿಕ್ಷಣ ನೀತಿ 2020 ಭಾರತೀಯ ಭಾಷೆಗಳ ಪ್ರಚಾರಕ್ಕೆ ಒತ್ತು ನೀಡುವ ದೃಷ್ಟಿಕೋನವನ್ನು ವಿವರಿಸುತ್ತದೆ ಎಂದು ಹೇಳಿದ್ದರು. ಮುಂದೆ, ಭಾಷಾ ಕಲಿಕೆಯನ್ನು ಔಪಚಾರಿಕ ಕ್ರೆಡಿಟ್-ಗಳಿಕೆಯ ವ್ಯವಸ್ಥೆಯೊಂದಿಗೆ ಕೌಶಲ್ಯವಾಗಿ ಉತ್ತೇಜಿಸಲಾಗುವುದು ಎಂದು ಅವರು ಹೇಳಿದ್ದರು. ಅದರಂತೆ ಇದೀಗ ಭಾಷಾ ಸಂಗಮ ಮೊಬೈಲ್ ಅಪ್ಲಿಕೇಶನ್ ನಲ್ಲಿ ಭಾಷಾ ಸರ್ಟಿಫಿಕೇಟ್ ಸೆಲ್ಫಿ ಪ್ರಾರಂಭಿಸಲಾಗಿದೆ. MyGov ಇಂಡಿಯಾ ಸಹಯೋಗದೊಂದಿಗೆ ಶಿಕ್ಷಣ ಸಚಿವಾಲಯವು ಅಭಿವೃದ್ಧಿಪಡಿಸಿದ ಮೊಬೈಲ್ ಅಪ್ಲಿಕೇಶನ್ ಇದಾಗಿದೆ. ಈ ಅಭಿಯಾನವು 'ಭಾಷಾ ಸರ್ಟಿಫಿಕೇಟ್ ಸೆಲ್ಫಿ' ಉಪಕ್ರಮದಡಿ #BhashaCertificateSelfie ಎಂಬ ಹ್ಯಾಶ್‌ಟ್ಯಾಗ್ ಅನ್ನು ಬಳಸಿಕೊಂಡು ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಗಳಿಂದ ಪ್ರಮಾಣಪತ್ರದೊಂದಿಗೆ ತಮ್ಮ ಸೆಲ್ಫಿಯನ್ನು ಅಪ್‌ಲೋಡ್ ಮಾಡಲು ಜನರನ್ನು ಪ್ರೋತ್ಸಾಹಿಸುತ್ತಿದೆ.
ಪ್ರಮಾಣೀಕರಿಸಲ್ಪಟ್ಟ ಪ್ರಮಾಣಪತ್ರವನ್ನು ಸ್ವೀಕರಿಸಲು, ಬಳಕೆದಾರರು ಮೊಬೈಲ್ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕಾಗುತ್ತದೆ. ಇದು Android ಮತ್ತು iOS ಎರಡೂ ಆವೃತ್ತಿಗಳಲ್ಲಿ ಲಭ್ಯವಿದೆ. ಕೇಂದ್ರ ಸರ್ಕಾರದ ಈ ಯೋಜನೆಯು ದೇಶದ ಬಹುತ್ವವನ್ನು ಮತ್ತು ಏಕ್ ಭಾರತ್ ಶ್ರೇಷ್ಠ ಭಾರತ್ ಎಂಬ ಪರಿಕಲ್ಪನೆಯನ್ನು ಒಟ್ಟೊಟ್ಟಿಗೆ ಕೊಂಡೊಯ್ಯುವ ಪ್ರಯತ್ನವಾಗಿದೆ ಎಂದು ಹೇಳಬಹುದು.
ಕಲೆ, ವಾಸ್ತುಶಿಲ್ಪ, ಮಹಾಕಾವ್ಯ, ವೇದಗಳ Online Course!
