Exam Preparation: ಸ್ಮಾರ್ಟ್ ಆಗಿ ಸ್ಟಡಿ ಮಾಡಿ, ಹೆಚ್ಚು ಅಂಕಗಳಿಸಿ!
*ಈಗ ಎಸ್ಸೆಸ್ಸೆಲ್ಸಿ ಮತ್ತು ಪಿಯುಸಿ ದ್ವಿತೀಯ ಪರೀಕ್ಷಾ ಸಮಯ. ಪರೀಕ್ಷೆ ಧೈರ್ಯವಾಗಿ ಎದುರಿಸಿ
*ನಿಮ್ಮ ಅಧ್ಯಯನ ಶಿಸ್ತುಬದ್ಧವಾಗಿರಲಿ, ಎಲ್ಲವನ್ನೂ ಒಮ್ಮಿಗೆ ಓದಲು ಹೋಗಬೇಡಿ
*ಸ್ಮಾರ್ಟ್ ಆಗಿ ಅಧ್ಯಯನ ಮಾಡಿ, ಒತ್ತಡವಿಲ್ಲದೇ ಪರೀಕ್ಷೆ ಬರೆಯಿರಿ, ಹೆಚ್ಚು ಅಂಕಗಳಿಸಿ.
 )
ಈಗ ಪರೀಕ್ಷಾ ಸಮಯ. ಎಸ್ಎಸ್ಎಲ್ ಸಿ (SSLC) ಹಾಗೂ ಪಿಯುಸಿ (PUC) ವಿದ್ಯಾರ್ಥಿಗಳೇ, ಅಗ್ನಿಪರೀಕ್ಷೆ ಎದುರಿಸಲು ಸಜ್ಜಾಗುತ್ತಿದ್ದೀರಾ..? ದ್ವಿತೀಯ ಪಿಯು ಪರೀಕ್ಷೆ ಹಾಗೂ 10ನೇ ಕ್ಲಾಸ್ ಪರೀಕ್ಷೆಗೆ ಇನ್ನೂ ಕೆಲವೇ ದಿನಗಳು ಬಾಕಿ ಇರೋದ್ರಿಂದ ಹಗಲು-ರಾತ್ರಿ ಎನ್ನದೇ ಓದುತ್ತಿದ್ದೀರಾ? ಪ್ರಿಪರೇಟರಿ ಎಕ್ಸಾಂ ಜೊತೆಗೆ ಮೇನ್ ಪರೀಕ್ಷೆಗೆ ಪ್ರಾಕ್ಟೀಸ್ ಮಾಡೋದ್ರಲ್ಲಿ ಬ್ಯುಸಿ ಆಗಿದ್ದೀರಾ..? ಪರೀಕ್ಷೆಯ ಯಾವುದೇ ಹಂತದಲ್ಲಿ, ಬಹಳಷ್ಟು ಒತ್ತಡಕ್ಕೆ ಕಾರಣವಾಗಬಹುದು. ಪರೀಕ್ಷೆಗಳನ್ನು ಯಾವುದೇ ಒತ್ತಡ ಇಲ್ಲದೇ ಎದುರಿಸಬೇಕು. ಆಗ ನಿಮ್ಮ ಪರೀಕ್ಷೆಯನ್ನು ಚೆನ್ನಾಗಿ ಬರೆಯಲು ಸಾಧ್ಯವಾಗುತ್ತದೆ. ಇಲ್ಲದಿದ್ದರೆ, ಒತ್ತಡದಲ್ಲಿ ಎಲ್ಲವೂ ಮರೆತ ಹೋಗುವ ಸಾಧ್ಯತೆಗಳಿರುತ್ತವೆ.. ಮುಖ್ಯ ಪರೀಕ್ಷೆಯಲ್ಲಿ ಉತ್ತಮ ಅಂಕ ಗಳಿಸುವ ಕನಸು ಇಟ್ಟುಕೊಂಡಿದ್ದರೆ, ಅದನ್ನ ಈಡೇರಿಸಿಕೊಳ್ಳಲು ನಾವೊಂದಿಷ್ಟು ಪ್ರಯತ್ನಗಳನ್ನು ಮೈಗೂಡಿಸಿಕೊಳ್ಳಬೇಕು.
ನಿತ್ಯ ಅಧ್ಯಯನಕ್ಕೆ ಸಮಯ ಮೀಸಲಿಡಿ
ವಿದ್ಯಾರ್ಥಿಗಳು ಪರೀಕ್ಷೆಗೂ ಮೊದಲು ತಮಗೆ ಮಾಡಬೇಕಾದ ಪಟ್ಟಿಯಲ್ಲಿ ದಿನಕ್ಕೆ ಒಂದು ವಿಷಯ (Subject) ವನ್ನು ಓದಲು ನಿಗದಿ ಮಾಡಿಕೊಳ್ಳುತ್ತಾರೆ. ಒಂದೇ ದಿನ ಒಂದೇ ವಿಷಯವನ್ನು ಸಾಕಷ್ಟು ಅಧ್ಯಯನ ಮಾಡಿದರೆ, ಅದು ನಿಮ್ಮನ್ನು ಗೊಂದಲಗೊಳಿಸಬಹುದು. ಆದ್ದರಿಂದ ವೇಗವಾಗಿ ಕಲಿಯಲು ಪ್ರತಿ ವಿಷಯಕ್ಕೂ ನಿಮ್ಮ ಅಧ್ಯಯನದ ಸಮಯವನ್ನು ಹೊಂದಿಸಿ. ಒಂದು ಅಥವಾ ಎರಡು ವಿಷಯಗಳಿಗೆ ಆಳವಾಗಿ ಧುಮುಕುವುದಕ್ಕಿಂತ ಗಮನವನ್ನು ಕೇಂದ್ರೀಕರಿಸಲು ಇದು ನಿಮಗೆ ಸಹಾಯ ಮಾಡುತ್ತದೆ.
ಬಡ್ತಿಯನ್ನು ನೌಕರರು ಹಕ್ಕು ಎಂದು ಹೇಳಲು ಸಾಧ್ಯವಿಲ್ಲ: ಮದ್ರಾಸ್ ಹೈಕೋರ್ಟ್‌
ಟಿಪ್ಪಣಿಗಳನ್ನು ಮಾಡಿಟ್ಟುಕೊಳ್ಳಿ
ಬೋಧನೆ-ಕಲಿಕೆ ಪ್ರಕ್ರಿಯೆಯಲ್ಲಿ, ಎಚ್ಚರಿಕೆಯಿಂದ ಆಲಿಸಬೇಕು. ಜೊತೆಗೆ ಕಲಿಸಿದ ಪರಿಕಲ್ಪನೆಗಳನ್ನು ಅರ್ಥಮಾಡಿಕೊಳ್ಳಲು ಪ್ರಯತ್ನಿಸಿ. ಪ್ರಮುಖ ಅಂಶಗಳನ್ನು ನೋಟ್ (Notes)ಮಾಡಿಕೊಂಡು, ಆಗಾಗ್ಗೆ ತ್ವರಿತವಾಗಿ ಓದಿ. ಇದು ನಿಮ್ಮ ದೀರ್ಘಾವಧಿಯ ಸ್ಮರಣೆಯಲ್ಲಿ ಮಾಹಿತಿಯನ್ನು ಸಂಗ್ರಹಿಸಲು ಸಹಾಯ ಮಾಡುತ್ತದೆ.
ತಾಳೆ ಮಾಡಿ
ವಿಜ್ಞಾನಿಗಳಾದ Henry Roediger III ಮತ್ತು Mark A McDaniel ಅವರು ತಮ್ಮ ಪುಸ್ತಕದಲ್ಲಿ ಹೇಳಿದಂತೆ, 'ಮೇಕ್ ಇಟ್ ಸ್ಟಿಕ್: ದಿ ಸೈನ್ಸ್ ಆಫ್ ಸಕ್ಸಸ್‌ಫುಲ್ ಲರ್ನಿಂಗ್', ನೀವು ಈಗಾಗಲೇ ಅರ್ಥಮಾಡಿಕೊಂಡ ಪರಿಕಲ್ಪನೆಗಳಿಗೆ ಹೊಸ ಪರಿಕಲ್ಪನೆಗಳನ್ನು ಹೊಂದಿಸಿದಾಗ ನೀವು ಹೊಸ ಮಾಹಿತಿಯನ್ನು ವೇಗವಾಗಿ ಕಲಿಯುವಿರಿ.
‘ಟೀಚ್ ಯುವರ್ ಪೀರ್’ ವಿಧಾನ ಪ್ರಯತ್ನಿಸಿ
ವಿದ್ಯಾರ್ಥಿಗಳು ಸಾಮಾನ್ಯವಾಗಿ ವಿಷಯಾಧಾರಿತ ಪ್ರಶ್ನೆಗಳಿಗೆ ಉತ್ತರಗಳನ್ನು ಬರೆಯುವಾಗ ಶೀರ್ಷಿಕೆಗಳು, ಉಪಶೀರ್ಷಿಕೆಗಳು, ಬುಲೆಟ್‌ಗಳು ಮತ್ತು ಮುಂತಾದವುಗಳನ್ನು ನೀಡುವುದನ್ನು ನಿರ್ಲಕ್ಷಿಸುತ್ತಾರೆ. ನಿಮ್ಮ ಉತ್ತರಗಳು ಉತ್ತಮ ರೀತಿಯಲ್ಲಿ ಇರುವಂತೆ ನೀವು ಯಾವಾಗಲೂ ನೋಡಿಕೊಳ್ಳಬೇಕು. ಉತ್ತರಗಳನ್ನು ಸಂಕ್ಷಿಪ್ತವಾಗಿ ಬರೆದಿಟ್ಟುಕೊಳ್ಳುವುದು, ಪ್ರಮುಖ ಅಂಶಗಳನ್ನು ಅಂಡರ್‌ಲೈನ್ ಮಾಡುವುದು ಉತ್ತಮ ಅಭ್ಯಾಸವಾಗಿದೆ. ವಿಜ್ಞಾನ ಹಾಗೂ ಗಣಿತ ಓದುವಾಗ ಸಾಧ್ಯವಿರುವಲ್ಲೆಲ್ಲಾ ಫ್ಲೋ ಚಾರ್ಟ್‌ಗಳು ಮತ್ತು ರೇಖಾಚಿತ್ರಗಳನ್ನು ಬಳಸಿ.
ಸ್ಮಾರ್ಟ್ ಪ್ರಾಕ್ಟೀಸ್, ಗುಡ್ ರಿಸಲ್ಟ್
ನೀವು 25 ನಿಮಿಷಗಳ ಕಾಲ ಸಂಪೂರ್ಣ ಗಮನದಿಂದ ಅಧ್ಯಯನ ಮಾಡಬೇಕು ಮತ್ತು ನಂತರ 5 ನಿಮಿಷಗಳ ವಿರಾಮವನ್ನು ತೆಗೆದುಕೊಳ್ಳಬೇಕು. ವಿರಾಮದ ನಂತರ ನೀವು ಅಧ್ಯಯನಕ್ಕೆ ಹಿಂತಿರುಗಬಹುದು. ನೆನಪಿಡಿ, ದಿನಕ್ಕೆ 10 ಗಂಟೆಗಳಿಗಿಂತ ಹೆಚ್ಚು ಕಾಲ ಅಧ್ಯಯನ ಮಾಡಬೇಡಿ.
Zomato Instant ಸೇವೆ ಪ್ರಕಟಿಸಿದ ಬೆನ್ನಲ್ಲೇ, ಟೀಕೆಗೊಳಗಾದ ಸಂಸ್ಥಾಪಕ ಗೋಯಲ್
ಈ ವಿಷಯಗಳನ್ನೂ ತಿಳಿದುಕೊಂಡಿರಿ
-ಒಂದು ಅಥವಾ ಎರಡು ಪ್ರಶ್ನೆಗಳಿಗೆ ಉತ್ತರ ತಿಳಿದಿಲ್ಲದಿದ್ದರೂ ಸಹ, ಪ್ರಶ್ನೆ ಪತ್ರಿಕೆಯಲ್ಲಿನ ಎಲ್ಲಾ ಪ್ರಶ್ನೆಗಳಿಗೆ ನೀವು ಉತ್ತರಿಸಬೇಕು ಎಂಬುದನ್ನು ಗಮನದಲ್ಲಿಟ್ಟುಕೊಳ್ಳಬೇಕು. ನಿಮ್ಮ ಪತ್ರಿಕೆಯನ್ನು ಸಮಯಕ್ಕೆ ಸರಿಯಾಗಿ ಪೂರ್ಣಗೊಳಿಸಲು ನೀವು ಬಯಸಿದರೆ, ನಿಮ್ಮ ಉತ್ತರಗಳನ್ನು ಬರೆಯುವಾಗ ಪದದ ಮಿತಿಯನ್ನು ಮೀರಬೇಡಿ. ಸಣ್ಣ ಉತ್ತರಗಳು, ಬಹು ಆಯ್ಕೆಯ ಪ್ರಶ್ನೆಗಳು ಮತ್ತು ದೀರ್ಘ ಉತ್ತರಗಳ ನಡುವೆ ನಿಮ್ಮ ಸಮಯವನ್ನು ಯೋಜಿಸಿ. ದಯವಿಟ್ಟು ಅಚ್ಚುಕಟ್ಟಾಗಿ ಮತ್ತು ಓದಬಹುದಾದ ಕೈಬರಹದಲ್ಲಿ ಬರೆಯಿರಿ. ನೀವು ನಿಮ್ಮ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವಾಗ, ನೀವು ಹೆಚ್ಚು ಸಮಯದವರೆಗೆ ಅಧ್ಯಯನ ಮಾಡಬಾರದು. ಇದು ಬಳಲಿಕೆಗೆ ಕಾರಣವಾಗಬಹುದು ಮತ್ತು ದೀರ್ಘಕಾಲದವರೆಗೆ ಕಲಿತ ವಿಷಯವನ್ನು ನಿಮಗೆ ನೆನಪಿಲ್ಲದಿರಬಹುದು.
