Daily Horoscope: ಕನ್ಯಾಗೆ ಕಾಡುವ ಅನಾರೋಗ್ಯ, ಆ ಒಂದು ರಾಶಿಗೆ ಷೇರಿನಲ್ಲಿ ನಷ್ಟ!
28 ಮಾರ್ಚ್ 2022, ಸೋಮವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಕಟಕಕ್ಕೆ ಆಡಿದ ಮಾತೇ ಕಂಟಕ ತರುವುದು..
 )
Followಮೇಷ(Aries): ಎಷ್ಟೇ ವೇಗವಾಗಿ ಕೆಲಸ ಮಾಡಬೇಕೆಂದರೂ ಬಾಹ್ಯ ವಿಚಾರಗಳು ಜೊತೆಗೆ ಕೈ ಜೋಡಿಸದೆ ಎಲ್ಲವೂ ವಿಳಂಬವಾಗುತ್ತವೆ. ಹೀಗಾಗಿ, ಇಡೀ ದಿನ ಅಸಮಾಧಾನ ಕಾಡಬಹುದು. ತಲೆನೋವು ಬಾಧಿಸಬಹುದು. ಷೇರಿನಲ್ಲಿ ನಷ್ಟ. ವೈವಾಹಿಕ ಜೀವನ ಚೆನ್ನಾಗಿರಲಿದೆ. ಬಡವರಿಗೆ ಅನ್ನದಾನ, ವಸ್ತ್ರದಾನ ಮಾಡಿ.
ವೃಷಭ(Taurus): ಇಡೀ ದಿನ ಚಟುವಟಿಕೆಯಿಂದ ಕೆಲಸ ಮಾಡುತ್ತೀರಿ. ಹೊಸ ಹುಮ್ಮಸ್ಸೊಂದು ಆವರಿಸಿದಂತೆನಿಸುತ್ತದೆ. ಪ್ರೇಮ ಸಂಬಂಧಗಳು ಆರಂಭವಾಗಬಹುದು. ವಿವಾಹ ಕೆಲಸಗಳು ಸರಾಗಿವಾಗಿ ಸಾಗಲಿವೆ. ವಿದ್ಯಾರ್ಥಿಗಳಿಗೆ ಪ್ರಶಂಸೆ ಸಿಗಲಿದೆ. ಸುಬ್ರಹ್ಮಣ್ಯನ ಸ್ಮರಣೆಯಿಂದ ನೆಮ್ಮದಿ.
ಮಿಥುನ(Gemini): ಆಡಳಿತ ನಿರ್ವಹಣೆಯ ಕೆಲಸ ಸಿಗುವ ಸಾಧ್ಯತೆ ಇದೆ. ಬುದ್ಧಿವಂತಿಕೆಯಿಂದ ಕೆಲಸ ಮಾಡುವಿರಿ. ಸಂಗಾತಿಯ ಮನೋಭಿಲಾಶೆ ಏನೆಂದು ಆಲಿಸಿ. ಮಕ್ಕಳ ಆರೋಗ್ಯ ಸಮಸ್ಯೆಗಳು ಕಂಗೆಡಿಸಬಹುದು. ನಿಮ್ಮ ಬದುಕಿನ ಗುರುಗಳನ್ನು ನೆನೆಸಿಕೊಳ್ಳಿ.
ಕಟಕ(Cancer): ನೀವು ಇನ್ನೊಬ್ಬರ ಒಳಿತಿಗಾಗಿ ಎಂದು ಆಡಿದ ಮಾತುಗಳೇ ತಪ್ಪು ಅರ್ಥೈಸುವಿಕೆಗೆ ಕಾಣವಾಗಬಹುದು. ಇಲ್ಲವೇ ಕೋಪದ ಭರದಲ್ಲಿ ನೀವಾಡುವ ಮಾತುಗಳಿಂದ ನೆಮ್ಮದಿ ಕೆಡಬಹುದು. ಕಚೇರಿಯಲ್ಲಿ ಆದಷ್ಟು ಮೌನವಾಗಿದ್ದು ಕೆಲಸದ ಕಡೆ ಗಮನ ವಹಿಸಿ. ಮನೆ ದೇವರ ಪ್ರಾರ್ಥನೆ ಮಾಡಿ.
ಸಿಂಹ(Leo): ನಿಮ್ಮ ನಿರೀಕ್ಷೆಗಳು ಈಡೇರದೇ ನಿರಾಸೆಯಾಗುವ ಸಾಧ್ಯತೆ ಇದೆ. ಪ್ರಯತ್ನಕ್ಕೆ ತಕ್ಕ ಫಲ ಸಿಗದೆ ಕಂಗಾಲಾಗುವಿರಿ. ಆರೋಗ್ಯದಲ್ಲಿ ಸಣ್ಣಪುಟ್ಟ ಸಮಸ್ಯೆಗಳು ಕಾಣಿಸಬಹುದು. ತಾಯಿಯ ಆರೋಗ್ಯದ ಕುರಿತು ಚಿಂತಿತರಾಗುವಿರಿ. ಧನ್ವಂತರಿ ಶ್ಲೋಕ ಹೇಳಿಕೊಳ್ಳಿ.
ಕನ್ಯಾ(Virgo): ಹೃದಯ ವ್ಯಾಧಿಯಿಂದ ಬಳಲುವ ಸಾಧ್ಯತೆ ಇದೆ. ಆರೋಗ್ಯವನ್ನು ನಿರ್ಲಕ್ಷಿಸಬೇಡಿ. ಯಾವುದೇ ಕಷ್ಟ ಎದುರಿಸುತ್ತಿದ್ದರೆ ಅದನ್ನು ನಿಮ್ಮ ಹಿರಿಯರು ಹೇಗೆ ಎದುರಿಸಿದ್ದರು ಎಂದು ವಿಚಾರಿಸಿ. ಅವರಿಗೆ ನೆರವಿಗೆ ಬಂದ ವಿಷಯಗಳು ನಿಮಗೂ ನೆರವಾಗಬಹುದು. ಶಿವ ಶಕ್ತಿಯರ ಪ್ರಾರ್ಥನೆ ಮಾಡಿ.
ತುಲಾ(Libra): ಸಂಗಾತಿಯ ಮೇಲೆ ಅನಗತ್ಯ ಅನುಮಾನದಿಂದ ಯಾವ ಲಾಭವೂ ಇಲ್ಲ. ಮಾತುಕತೆಯಲ್ಲಿ ವಿಷಯ ಬಗೆಹರಿಸಿಕೊಳ್ಳಿ. ಇಲ್ಲದಿದ್ದರೆ ವೃಥಾ ಮನಸ್ಸು ಹಾಳಾಗುವುದು. ನಿಮ್ಮ ಪ್ರೇಮ ನಿವೇದನೆಗೆ ಫಲ ಸಿಗಲಿದೆ. ಹೊಸ ಭಾವನೆಗಳು ಭರಪೂರವಾಗಿ ಮನಸ್ಸನ್ನು ಆವರಿಸಲಿವೆ. ಶಿವ ಶತನಾಮಾವಳಿ ಹೇಳಿ.
ಯುಗಾದಿ ವರ್ಷ ಭವಿಷ್ಯ: ಯಾವ ರಾಶಿಗೆ ಹೇಗಿರಲಿದೆ?
ವೃಶ್ಚಿಕ(Scorpio): ದೊಡ್ಡ ಹಣಕಾಸಿನ ಹೊಣೆ ಹೆಗಲೇರುವುದು. ಒತ್ತಡಕ್ಕೊಳಗಾಗುವ ಅಗತ್ಯವಿಲ್ಲ. ಹಂತ ಹಂತವಾಗಿ ನಿಭಾಯಿಸುವುದನ್ನು ಕಲಿಯುವಿರಿ. ಸಂಗಾತಿಯೊಂದಿಗೆ ಅತ್ಯುತ್ತಮ ಕ್ಷಣಗಳನ್ನು ಕಳೆಯುವಿರಿ. ಹೂಡಿಕೆ ಮಾಡಬೇಡಿ. ಈಶ್ವರ ಪ್ರಾರ್ಥನೆ ಮಾಡಿ.
ಧನುಸ್ಸು(Sagittarius): ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ಗೊಂದಲಗಳು ಕಾಡಬಹುದು. ಮನಸ್ಸು ಚಂಚಲವಾಗಿರುವುದು. ಅನಗತ್ಯ ಆತಂಕಗಳು ಕಾಡುವುವು. ಆಸ್ತಿ ವಿಚಾರಗಳನ್ನು ಇಂದು ಕೈಗೆತ್ತಿಕೊಳ್ಳಬೇಡಿ. ಶಿವ ಸಹಸ್ರನಾಮ ಪಠಿಸಿ.
ಮಕರ(Capricorn): ಗೃಹ ಸೌಖ್ಯ ಇರಲಿದೆ. ಹಬ್ಬದ ತಯಾರಿ ಕೆಲಸಗಳಿಂದ ಸ್ತ್ರೀಯರಿಗೆ ಹುರುಪು ದೊರೆಯಲಿದೆ. ನಿಮ್ಮ ಶ್ರಮಕ್ಕೆ ತಕ್ಕ ಪ್ರತಿಫಲ ದೊರೆಯಲಿದೆ. ದೇವತಾ ಕಾರ್ಯಗಳಿಗೆ ದೈವಾನುಕೂಲ ಒದಗಿ ಬಂದು ಎಲ್ಲ ಸುಸೂತ್ರದಲ್ಲಿ ಸಾಗುವುದು. ಮನೆ ದೇವರಿಗೆ ತುಪ್ಪದ ದೀಪ ಹಚ್ಚಿ.
Vastu Shastra: ಈ ಎಂಟು ವಸ್ತುಗಳನ್ನು ತಪ್ಪಿಯೂ ಯಾರಿಗೂ ಉಡುಗೊರೆ ನೀಡಬೇಡಿ!
ಕುಂಭ(Aquarius): ಹಿತೈಷಿಗಳೊಂದಿಗೆ ಜೀವನದ ಪ್ರಮುಖ ವಿಚಾರಗಳ ಬಗ್ಗೆ ಚರ್ಚೆ ನಡೆಸುವಿರಿ. ವಿದ್ಯಾರ್ಥಿಗಳಿಗೆ ಏಕಾಗ್ರತೆ ಸಿದ್ಧಿಸಲಿದೆ. ಸ್ನೇಹಿತರ ಸಹಾಯದಿಂದ ಕೆಲಸಗಳು ಸುಗಮ. ಮನೆ ಕೆಲಸದವರ ಧೋರಣೆಯಿಂದ ಬೇಸರ, ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
ಮೀನ(Pisces): ಕ್ರಯ ವಿಕ್ರಯದಿಂದ ನಷ್ಟ. ಗೃಹ ನವೀಕರಣ ಕಾರ್ಯಗಳು ನಡೆಯಲಿವೆ. ನಿಮ್ಮ ಬಜೆಟ್‌ನ್ನು ಗಮನದಲ್ಲಿಟ್ಟುಕೊಂಡು ಕೆಲಸ ಮಾಡಿ. ಹಾಸಿಗೆ ಇದ್ದಷ್ಟೇ ಕಾಲು ಚಾಚಿ. ಮಾನಸಿಕ ತುಮುಲಗಳು ಕಾಡಲಿವೆ. ಧ್ಯಾನದ ಸಹಾಯ ಪಡೆಯಿರಿ. ಪಾರ್ವತಿ ಅಷ್ಟೋತ್ತರ ಪಠಿಸಿ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳ ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
