Daily Horoscope: ಮಕರಕ್ಕೆ ಆಸ್ತಿ ಖರೀದಿ ಯೋಗ, ತುಲಾಗೆ ಕಾರ್ಯಹಿನ್ನಡೆ
26 ಮಾರ್ಚ್ 2022, ಶನಿವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಮೀನಕ್ಕೆ ಸೋಲುವುದರಿಂದ ಗೆಲ್ಲುವ ಅವಕಾಶ
 )
Followಮೇಷ(Aries): ಕುಟುಂಬದ ಜೊತೆ ಹೆಚ್ಚಿನ ಸಮಯ ವ್ಯಯಿಸುವಿರಿ. ಮುಕ್ತ ಮಾತುಕತೆಯಿಂದ ಸಮಸ್ಯೆಗಳು ಇತ್ಯರ್ಥವಾಗಲಿವೆ. ವಿದ್ಯಾರ್ಥಿಗಳು ತಮ್ಮ ಭವಿಷ್ಯದ ಬಗ್ಗೆ ಒಳ್ಳೆ ನಿರ್ಧಾರ ತೆಗೆದುಕೊಳ್ಳುವರು. ಆರೋಗ್ಯದಲ್ಲಿ ಸುಸ್ತು, ರಕ್ತದೊತ್ತಡ ಹೆಚ್ಚಬಹುದು. ಶಿವ ಶಕ್ತಿಯರ ಸ್ಮರಣೆ ಮಾಡಿ.
ವೃಷಭ(Taurus): ಮನರಂಜನೆಗಾಗಿ ಹೆಚ್ಚು ವ್ಯಯಿಸುವಿರಿ. ಸಂಗಾತಿಯ ಸಲಹೆಯಂತೆ ನಡೆದರೆ ನೆಮ್ಮದಿ ಇರಲಿದೆ. ಮನೆಯಲ್ಲಿ ಮಾನಸಿಕವಾಗಿಯೂ ಮನೆಯವರ ಜೊತೆಯೇ ಇರಲು ಪ್ರಯತ್ನಿಸಿ. ಅನುಕರಣೆಯ ಜೀವನ ಬೇಡ. ನಿಮ್ಮತನ ಕಳೆದುಕೊಳ್ಳಬೇಡಿ. ಶನಿ ಸ್ಮರಣೆ ಮಾಡಿ.
ಮಿಥುನ(Gemini): ವಿನಾ ಕಾರಣ ಕೆಲ ವಿಷಯಗಳ ಬಗ್ಗೆ ಅನುಮಾನ ಮೂಡುವುದು, ಅಂಜಿಕೆ ಕಾಡುವುದು. ಅದನ್ನು ಪರಿಹರಿಸಿಕೊಳ್ಳುವ ಮಾರ್ಗಗಳ ಕಡೆ ಗಮನ ಹರಿಸಿ. ವಿದ್ಯಾರ್ಥಿಗಳಿಗೆ ಏಕಾಗ್ರತೆ ಕೊರತೆ ಕಾಡುವುದು. ಕ್ರೀಡಾ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಿ. ನವಗ್ರಹ ಶ್ಲೋಕ ಪಠಿಸಿ.
ಕಟಕ(Cancer): ಗೆಳೆಯರ ಸಮಸ್ಯೆಗಳನ್ನು ಕೇಳಿದಾಗ ನಿಮ್ಮ ಬದುಕೇ ಚೆನ್ನಾಗಿದೆ ಎನಿಸಿ ಸಮಾಧಾನವಾಗುವುದು. ಮುಂದಾಲೋಚನೆ ಇಲ್ಲದೆ ಆರಂಭಿಸಿದ ಉದ್ಯಮ ನಷ್ಟದಿಂದ ಬೇಸರವಾಗುವುದು. ಸಂತಾನ ನಿರೀಕ್ಷೆಯಲ್ಲಿರುವ ದಂಪತಿಗೆ ನಿರಾಸೆ. ಅಶ್ವತ್ಥ ಮರಕ್ಕೆ ಸುತ್ತು ಬನ್ನಿ.
ಸಿಂಹ(Leo): ದೂರ ಪ್ರಯಾಣ ಯೋಗವಿದೆ. ಹೊಸ ಹೊಸ ಅನುಭವಗಳು ಮುದ ನೀಡಲಿವೆ. ವಿಪರೀತ ಧನ ವ್ಯಯದಿಂದ ಕಂಗಾಲಾಗುವಿರಿ. ಮಕ್ಕಳೊಂದಿಗೆ ಹೆಚ್ಚಿನ ಸಮಯ ವ್ಯಯಿಸುವಿರಿ. ಕೋಪ ನಿಯಂತ್ರಣ ಮಾಡಿಕೊಂಡರೆ ನೆಮ್ಮದಿ ಸಾಧ್ಯ. ಆಂಜನೇಯ ಸ್ಮರಣೆ ಮಾಡಿ.
ಜಗಳದ ಬಳಿಕ patch up ಆಗೋದೇನಂಥ ಕಷ್ಟವಲ್ಲ!
ಕನ್ಯಾ(Virgo): ಒಡವೆ, ವಸ್ತ್ರ ಖರೀದಿ ಮಾಡಬಹುದು. ಹಿಂದಿನ ಹರಕೆಗಳು ಬಾಕಿಯಿದ್ದರೆ ತೀರಿಸುವತ್ತ ಗಮನ ಹರಿಸಿ. ಆರೋಗ್ಯದ ಕಿರಿಕಿರಿ ತಪ್ಪದು. ಸೋಮಾರಿತನ ಕಾಡಲಿದೆ. ಇದರಿಂದ ದಿನ ವ್ಯರ್ಥವಾಗುವುದು. ನಿರುದ್ಯೋಗಿಗಳು ಸಂಬಂಧಿಕರ ಸಹಾಯದಿಂದ ಪ್ರಯತ್ನಿಸಿದಲ್ಲಿ ಉದ್ಯೋಗ ದೊರಕಬಹುದು. ಎಳ್ಳು ದಾನ ಮಾಡಿ.
ತುಲಾ(Libra): ಹೊರಗಿನ ಸುತ್ತಾಟ ತ್ರಾಸದಾಯಕ ಎನಿಸುವುದು. ತಲೆನೋವು, ಬೆನ್ನುನೋವು, ಕೆಮ್ಮು ಮುಂತಾದ ಸಮಸ್ಯೆಗಳು ಬಾಧಿಸಲಿವೆ. ಕೆಲಸಗಳೊಂದೂ ಯೋಜಿತ ರೀತಿಯಲ್ಲಿ ಆಗದೆ ಕಂಗಾಲಾಗುವಿರಿ. ವೃತ್ತಿನಿರತರಿಗೆ ಕೊಂಚ ಕಡಿಮೆ ಶ್ರಮ. ಹನುಮಾನ್ ಚಾಲೀಸಾ ಹೇಳಿಕೊಳ್ಳಿ.
ವೃಶ್ಚಿಕ(Scorpio): ಹೊಸಬರ ಭೇಟಿ ಸಂತಸ ತರಲಿದೆ. ಮಾತು ಬಿಟ್ಟ ಗೆಳೆಯರನ್ನು ಮತ್ತೆ ಮಾತಾಡಿಸಿ, ಸ್ನೇಹ ಮತ್ತೆ ಚಿಗುರಿ ಸಂತಸವಾಗುವುದು. ಜೀವನದಲ್ಲಿ ಯಾವುದಕ್ಕೆ ಪ್ರಾಶಸ್ತ್ಯ ನೀಡಬೇಕೆಂಬ ಬಗ್ಗೆ ಪರಾಮರ್ಶಿಸಿ. ಹಣದ ಬಗ್ಗೆ ಅತಿಯಾಗಿ ತಲೆ ಕೆಡಿಸಿಕೊಳ್ಳಬೇಡಿ. ಶನಿ ಸ್ಮರಣೆ ಮಾಡಿ.
ತೂಕ ಇಳಿಸಿಕೊಂಡ Smriti Irani, ಈಕೆಯ ಬಹುಮುಖ ಪ್ರತಿಭೆ ಇಲ್ಲಿದೆ ನೋಡಿ!
ಧನುಸ್ಸು(Sagittarius): ಹತ್ತಿರದಲ್ಲೇ ಇರುವ ಖುಷಿಯನ್ನು ಅರಸಿ ದೂರ ಹೋದರೆ ಪ್ರಯೋಜನವಿಲ್ಲ. ಅದನ್ನು ಮನೆಯಲ್ಲೇ ಕಂಡುಕೊಳ್ಳಬೇಕು. ಕುಟುಂಬದೊಂದಿಗೆ ಬಾಂಧವ್ಯ ಕಾಪಾಡಿಕೊಳ್ಳುವತ್ತ ಗಮನ ಹರಿಸಿ. ಮನೆಯ ಕೆಲ ವಸ್ತುಗಳ ರಿಪೇರಿ ಕೆಲಸ ಹೆಗಲಿಗೆ ಬೀಳುವುದು. ಶಿವನಿಗೆ ಜಲಾಭಿಷೇಕ ಮಾಡಿಸಿ.
ಮಕರ(Capricorn): ಶುಭ ಕಾರ್ಯವೊಂದರ ಸಲುವಾಗಿ ಹೆಚ್ಚಿನ ತಿರುಗಾಟ ಮಾಡಬೇಕಾಗಿ ಬರಲಿದೆ. ಮಕ್ಕಳೊಂದಿಗೆ ಸಮಯ ಕಳೆಯುವುದರಿಂದ ಸಂತೋಷ ಸಿಗಲಿದೆ. ಆಸ್ತಿ ಖರೀದಿ ಮಾಡಲಿದ್ದೀರಿ. ಆಯ್ಕೆ ಗೊಂದಲ ಪರಿಹಾರಕ್ಕಾಗಿ ದೇವಾಲಯದಲ್ಲಿ ಕೇಳಿಸಬಹುದು. ಹತ್ತಿರದ ದೇವಾಲಯಕ್ಕೆ ಭೇಟಿ ನೀಡಿ.
ಕುಂಭ(Aquarius): ನಿದ್ರಾಹೀನತೆಯಿಂದ ಆರೋಗ್ಯ ಸಮಸ್ಯೆಗಳು ಹೆಚ್ಚಾಗುವುವು. ವಸ್ತ್ರ, ಒಡವೆ, ಶೃಂಗಾರ ಸಾಮಗ್ರಿ ವ್ಯಾಪಾರಸ್ಥರು, ಹೋಟೆಲ್, ಬೇಕರಿ ಮಾಲೀಕರಿಗೆ ಧನ ಲಾಭ ಹೆಚ್ಚಲಿದೆ. ಅವಿವಾಹಿತರು ಮುಕ್ತವಾಗಿ ಮನಸ್ಸಿನ ವಿಷಯ ಹೇಳಿಕೊಂಡರೆ ಸಮಸ್ಯೆ ಬಗೆಹರಿವುದು. ಶನಿ ಶ್ಲೋಕ ಹೇಳಿಕೊಳ್ಳಿ.
ಮೀನ(Pisces): ಸಂಗಾತಿಯ ವಿಷಯದಲ್ಲಿ ಮುನಿಸು ಶಮನಗೊಳ್ಳಲು ನೀವೇ ಸೋತು ನೋಡಿ. ಸೋತು ಗೆಲ್ಲುವುದರ ಅನುಭವ ನಿಮ್ಮದಾಗುವುದು. ತಂದೆತಾಯಿಯ ಸಲಹೆಗಳನ್ನು ಪರಿಗಣಿಸಿ. ಅವರ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ. ಕುಲದೇವರ ಸ್ಮರಣೆ ಮಾಡಿ.
