Daily Horoscope: ಈ ರಾಶಿಗೆ ವೃತ್ತಿ ಜೀವನದಲ್ಲಿ ಬದಲಾವಣೆಯ ಗಾಳಿ
24 ಮಾರ್ಚ್ 2022, ಗುರುವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಧನಸ್ಸಿಗೆ ಧನಲಾಭ
 )
Followಮೇಷ(Aries): ಪಾಲುದಾರಿಕೆ ಕೆಲಸಗಳಲ್ಲಿ ಹೆಚ್ಚಿನ ಲಾಭವಿರಲಿದೆ. ವೃತ್ತಿಯಲ್ಲಿ ಒತ್ತಡ ಎಂದಿಗಿಂತ ಹೆಚ್ಚಿರಲಿದೆ. ಆತ್ಮವಿಶ್ವಾಸದಿಂದ ನಿಭಾಯಿಸುವಿರಿ. ವಿದ್ಯಾರ್ಥಿಗಳಿಗೆ ಸ್ಪರ್ಧೆ, ಪರೀಕ್ಷೆಗಳಲ್ಲಿ ಉತ್ತಮ ಫಲಿತಾಂಶ ಸಿಕ್ಕು ಮನೆಯಲ್ಲಿ ಸಂತಸದ ವಾತಾವರಣ ಇರುತ್ತದೆ. ವಿಷ್ಣು ಸಹಸ್ರನಾಮ ಹೇಳಿಕೊಳ್ಳಿ.
ವೃಷಭ(Taurus): ಹೊಸ ಉದ್ಯಮ ಆರಂಭಿಸಲು ಶುಭ ದಿನವಾಗಿದೆ. ಮನೆಯಲ್ಲಿ ಎಲೆಕ್ಟ್ರಿಕ್ ಉಪಕರಣಗಳು ರಿಪೇರಿಗೆ ಬಂದು ಕಿರಿಕಿರಿಯಾಗಬಹುದು. ಹೊಸ ಸಂಘಸಂಸ್ಥೆಗಳನ್ನು ಸೇರಿಕೊಳ್ಳುವಿರಿ. ಇದರಿಂದ ಮನಸ್ಸಿಗೆ ಚೈತನ್ಯ ಹೆಚ್ಚುವುದು. ವಿದ್ಯಾರ್ಥಿಗಳಿಗೆ ಉನ್ನತ ಶಿಕ್ಷಣಕ್ಕಾಗಿ ವಿದೇಶದಲ್ಲಿ ಅವಕಾಶಗಳು ಸಿಗಲಿವೆ. ಕೃಷ್ಣನಿಗೆ ತುಳಸಿ, ಅವಲಕ್ಕಿ ಅರ್ಪಿಸಿ.
ಮಿಥುನ(Gemini): ಆಪ್ತರೆನಿಸಿಕೊಂಡವರ ಮಾತುಗಳು ಮನಸ್ಸಿಗೆ ನೋವು ತರುತ್ತವೆ. ಅದರಲ್ಲಿ ಸತ್ಯವಿದೆಯೇ ಪರಾಂಬರಿಸಿ. ಉದ್ಯೋಗದಲ್ಲಿ ಸಾಮಾನ್ಯ ದಿನ. ದೂರ ಪ್ರಯಾಣದಿಂದ ಕಾರ್ಯ ಸಿದ್ಧಿಯಾಗುವುದು. ಮಕ್ಕಳ ಬೆಳವಣಿಗೆ ಸಂತಸ ತರುವುದು. ರಾಮ ಧ್ಯಾನ ಮಾಡಿ.
ಕಟಕ(Cancer): ಉದ್ಯೋಗದಲ್ಲಿ ಬದಲಾವಣೆ ಗಾಳಿ ಬೀಸಲಿದೆ. ತಲೆ, ಕತ್ತು, ಬೆನ್ನು ನೋವಿಗೆ ಹೈರಾಣಾಗುವಿರಿ. ವ್ಯಾಪಾರ ಉತ್ತಮವಾಗಿರುತ್ತದೆ. ಮನೆಯಲ್ಲಿ ಶುಭ ಕಾರ್ಯಗಳು ಜರುಗುವುವು. ಮೂರನೆಯವರ ಸಮಸ್ಯೆಗಳನ್ನು ಮೈ ಮೇಲೆ ಎಳೆದುಕೊಳ್ಳಲು ಹೋಗಬೇಡಿ. ಲಕ್ಷ್ಮೀ ವೆಂಕಟೇಶ್ವರ ಸ್ಮರಣೆ ಮಾಡಿ.
ದಾರಿಯಲ್ಲಿ ಬಂಗಾರ ಸಿಕ್ಕರೆ ಮನೆಗೆ ತರ್ಬೇಡಿ..!
ಸಿಂಹ(Leo): ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ಅಗತ್ಯ. ಉದರ ಸಂಬಂಧಿ ಸಮಸ್ಯೆಗಳನ್ನು ನಿರ್ಲಕ್ಷಿಸದೆ ವೈದ್ಯರಲ್ಲಿ ತಪಾಸಣೆ ಮಾಡಿಸಿ. ಪ್ರವಾಸದಿಂದ ಉಲ್ಲಾಸವಾಗುವುದು. ಸಂಗಾತಿಯ ಮಾತುಗಳು ಸಂತಸ ತರುವುವು. ನಿಮಗೆ ಕಲಿಸಿದ ಗುರು ಹಿರಿಯರನ್ನು ಸ್ಮರಿಸಿಕೊಳ್ಳಿ.
ಕನ್ಯಾ(Virgo): ಹೊಸ ಭಕ್ಷ್ಯ ಭೋಜನ ಸವಿಯುವ ಅವಕಾಶ. ನೆಂಟರಿಷ್ಟರ ಭೇಟಿ ಸಂಭವವಿದೆ. ಆರೋಗ್ಯ ಸಮಸ್ಯೆಗಳು ಹೆಚ್ಚಬಹುದು. ಯೋಗ, ಮತ್ತಿತ್ತರೆ ಯಾವುದೇ ದೈಹಿಕ ವ್ಯಾಯಾಮದಲ್ಲಿ ತೊಡಗಿಸಿಕೊಳ್ಳಿ. ಆಹಾರದ ಬಗ್ಗೆ ಎಚ್ಚರ ವಹಿಸಿ. ವಿಷ್ಣು ಸಹಸ್ರನಾಮ ಶ್ರವಣ ಮಾಡಿ.
ತುಲಾ(Libra): ನಿಮ್ಮ ಉತ್ತಮ ಆಲೋಚನೆ ನಿಮಗೆ ಒಳಿತನ್ನೇ ಮಾಡುವುದು. ನಿರುದ್ಯೋಗಿಗಳು ಆತ್ಮವಿಶ್ವಾಸದಿಂದ ಸಂದರ್ಶನ ಎದುರಿಸಿ. ಯಾರಿಗೂ ಸಾಲ ನೀಡುವುದು ಬೇಡ. ಷೇರು ವ್ಯವಹಾರಗಳು ಲಾಭಕಾರಿಯಾಗಿರಲಿವೆ. ಕೋರ್ಟ್ ವ್ಯವಹಾರಗಳಲ್ಲಿ ವಿಳಂಬ. ಹಳದಿ ಧಾನ್ಯಗಳ ದಾನ ಮಾಡಿ.
ವೃಶ್ಚಿಕ(Scorpio): ಅನುಭವಿಗಳ ಪ್ರಭಾವ ಹಾಗೂ ಸಹಕಾರದಿಂದ ವೃತ್ತಿರಂಗದಲ್ಲಿ ಮುನ್ನಡೆ ಸಿಗಲಿದೆ. ಉದ್ಯೋಗದಲ್ಲಿ ಹಿರಿಯರಿಂದ ಶ್ಲಾಘನೆ ಕೇಳುವಿರಿ, ಉಡುಗೊರೆಗಳು ಸಂತಸ ತರಲಿವೆ. ಧಾರ್ಮಿಕ, ಸಾಮಾಜಿಕ ಕಾರ್ಯಗಳಲ್ಲಿ ಯಶಸ್ಸು, ಬಡವರಿಗೆ ಹಣ ನೀಡಿ.
ಧನುಸ್ಸು(Sagittarius): ಕೈ ತಪ್ಪಿ ಹೋಯಿತೆಂದು ಬೇಸರ ತಂದಿದ್ದ ಯೋಜನೆಯೊಂದು ಮರಳಿ ನಿಮ್ಮ ಕೈಗೆ ಬಂದು ಸಂತಸವಾಗುವುದು. ವೃತ್ತಿರಂಗದಲ್ಲಿ ಹೆಸರು, ಪ್ರತಿಷ್ಠೆ ಹೆಚ್ಚುವುದು. ಅನಿರೀಕ್ಷಿತ ಧನಲಾಭವಿರಲಿದೆ. ಹಳದಿ ವಸ್ತ್ರ ಧರಿಸಿ ದೇವಾಲಯಕ್ಕೆ ಭೇಟಿ ನೀಡಿ.
ಮಕರ(Capricorn): ಶ್ರಮವಿಲ್ಲದೆ ಯಾವುದೂ ಸಾಧನೆಯಾಗದು. ಅದೃಷ್ಟದ ಬಲದಿಂದ ಬಂದರೂ ಅದನ್ನು ಉಳಿಸಿಕೊಳ್ಳಲಾದರೂ ಶ್ರಮ ಹಾಕಲೇಬೇಕು ಎಂಬುದನ್ನು ನೆನಪಿಟ್ಟರೆ ನಿಮ್ಮ ಕನಸನ್ನು ನನಸು ಮಾಡಿಕೊಳ್ಳಲು ಸಾಧ್ಯವಾಗುವುದು. ಕುಟುಂಬದಲ್ಲಿ ವಾಗ್ವಾದ. ರಾಮ ನಾಮ ಸ್ಮರಣೆ ಮಾಡಿ.
ಕುಂಭ(Aquarius): ವ್ಯಾಪಾರ, ಉದ್ದಿಮೆಗಳಲ್ಲಿ, ರಿಯಲ್ ಎಸ್ಟೇಟ್ ವ್ಯವಹಾರಗಳಲ್ಲಿ ಆಯ್ಕೆಗಳು ಹೆಚ್ಚಲಿವೆ. ಆದಷ್ಟು ಎಚ್ಚರದಿಂದ ಲಾಭ ನಷ್ಟ ಅಳೆದು ತೂಗಿ ಸರಿಯಾದುದನ್ನು ಆರಿಸಿ. ಉದ್ಯೋಗದಲ್ಲಿ ಹೊಸತನ ಕಾಣಬಹುದು. ಗೋ ಗ್ರಾಸ ನೀಡಿ.
ಹಾಲು, money plant ಜೊತೆಯಾಗಿ ನಿಮ್ಮನ್ನು ಲಕ್ಷ್ಮೀಪುತ್ರನಾಗಿಸಬಲ್ಲವು!
ಮೀನ(Pisces): ಬ್ಯಾಂಕ್ ಕೆಲಸಗಳು ಸರಾಗವಾಗಿ ಆಗಿ ಸಮಾಧಾನ ತರಲಿದೆ. ತಂದೆಯ ಕಡೆಯಿಂದ ಆಸ್ತಿಯಲ್ಲಿ ಪಾಲು ಸಿಗಬಹುದು. ಉದ್ಯೋಗದಲ್ಲಿ ತಪ್ಪುಗಳಾಗುವ ಸಾಧ್ಯತೆ. ಅಪವಾದ ಎದುರಿಸಬೇಕಾಗಬಹುದು. ಹಕ್ಕಿಗಳಿಗೆ ನೀರು, ಧಾನ್ಯ ನೀಡಿ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳ ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
