Daily Horoscope: ದುಡುಕು ಪ್ರವೃತ್ತಿಯಿಂದ ಎಡವುವ ಕನ್ಯಾ ರಾಶಿ, ಉಳಿದ ರಾಶಿಗಳ ಫಲ ಹೇಗಿದೆ?
18 ಡಿಸೆಂಬರ್ 2021, ಶನಿವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಕುಂಭಕ್ಕೆ ಕಸಿವಿಸಿ, ಮೀನಕ್ಕೆ ಮನೋಲ್ಲಾಸ
ಮೇಷ(Aries): ಬಹಳ ದಿನದಿಂದ ಮುಂದೂಡಿಕೊಂಡು ಬಂದ ಕೆಲಸಕ್ಕೆ ಇಂದು ಮುಹೂರ್ತ ಬರಲಿದೆ. ಹಳೆ ಸ್ನೇಹಿತರ ಭೇಟಿಯಿಂದ ಮನೋಲ್ಲಾಸ. ಸಣ್ಣಪುಟ್ಟ ತಿರುಗಾಟದಿಂದ ಸಂತಸ. ಧನನಷ್ಟ. ವ್ಯಾಪಾರ ವ್ಯವಹಾರಗಳಲ್ಲಿ ಪ್ರಗತಿ. ಮಕ್ಕಳಿಂದ ಚೈತನ್ಯ. ಅನ್ನಪೂರ್ಣೇಶ್ವರಿ ಪ್ರಾರ್ಥನೆ ಮಾಡಿ.
ವೃಷಭ(Taurus): ಮನೆಯ ಸ್ವಚ್ಛತಾ ಕೆಲಸಗಳಲ್ಲಿ ತೊಡಗಿಸಿಕೊಳ್ಳುವಿರಿ. ಬಹಳ ದಿನಗಳ ನಂತರ ಸ್ವಂತಕ್ಕಾಗಿ ಸಮಯ ಮೀಸಲಿಡುವುದರಿಂದ ಸಂಜೆಯ ಹೊತ್ತಿಗೆ ಸಂತೋಷದಲ್ಲಿರುವಿರಿ. ಪ್ರೀತಿಪಾತ್ರರೊಂದಿಗೆ ಮಾತನಾಡುವುದರಿಂದ ದುಗುಡ ಕಳೆಯುವುದು. ಮನೆ ದೇವರಿಗೆ ತುಪ್ಪದ ದೀಪ ಹಚ್ಚಿ.
ಮಿಥುನ(Gemini): ಮನೆಯಲ್ಲಿ ಶುಭ ಕಾರ್ಯ ನಡೆಯುವುದು. ಬಂಧು ಮಿತ್ರರ ಭೇಟಿಯಿಂದ ಸಂತಸ. ಧಾರ್ಮಿಕ ವಿಷಯಗಳಲ್ಲಿ ಮನಸ್ಸು ಮುಳುಗುವುದು. ನಿರುದ್ಯೋಗಿಗಳಿಗೆ ಪರಿಚಯದವರಿಂದಲೇ ಅವಕಾಶಗಳು ಅರಸಿ ಬರುವುವು. ಗಣಪತಿಗೆ ದೂರ್ವೆ ಸಮರ್ಪಿಸಿ.
ಕಟಕ(Cancer): ಆರೋಗ್ಯದಲ್ಲಿ ಸಕಾರಾತ್ಮಕ ಬದಲಾವಣೆಯಾಗುವುದು. ಮನೆಯಲ್ಲಿ ಶುಭ ಕಾರ್ಯಕ್ಕೆ ನಾಂದಿ ಹಾಡುವಿರಿ. ಕುಟುಂಬ ಸದಸ್ಯರ ನಡುವೆ ಇರುವ ವೈಮನಸ್ಸು ಶಮನವಾಗುವುದು. ನೆಂಟರಿಷ್ಟರ ಜೊತೆ ಮಾತುಕತೆ. ಉದ್ಯೋಗದಲ್ಲಿ ಪ್ರಗತಿ. ನವಗ್ರಹ ಸ್ಮರಣೆ ಮಾಡಿ.
ಸಿಂಹ(Leo): ಖರ್ಚುಗಳು ಹಠಾತ್ ಹೆಚ್ಚಿ ಚಿಂತೆ ಕಾಡುವುದು. ಮಕ್ಕಳ ಆರೋಗ್ಯದಲ್ಲಿ ಸಮಸ್ಯೆಯಿಂದ ಮನಸ್ಸಿಗೆ ಕಿರಿಕಿರಿ. ವಾಹನ ಖರೀದಿ ಮಾಡುನ ಸಂಭವಗಳಿವೆ. ಹಿತಶತ್ರುಗಳ ಉಪಟಳ ಹಾಗೂ ದಾಯಾದಿಗಳ ಕಿರಿಕಿರಿ ಕಾಡಬಹುದು. ಹಿಂದಿನ ಕೆಲಸಕಾರ್ಯಗಳ ಬಗ್ಗೆ ಸಿಂಹಾವಲೋಕನ ಅಗತ್ಯವಿದೆ. ಶಿವ ಶತನಾಮಾವಳಿ ಹೇಳಿಕೊಳ್ಳಿ.
ಕನ್ಯಾ(Virgo): ವಿನಾ ಕಾರಣ ಹಳೆ ನೆನಪುಗಳನ್ನು ಮೆಲುಕು ಹಾಕುತ್ತಾ ಕೊರಗುವಿರಿ. ಇದರಿಂದ ಮನಸ್ಸು ಕ್ಲೇಶಕ್ಕೊಳಗಾಗುವುದು. ಕೆಲವೊಂದು ದುಡುಕಿನ ಕೆಲಸಗಳಿಂದ ನೆಮ್ಮದಿ ಹಾಳು. ನಿಮ್ಮ ಮನಸ್ಸಿನ ಕೊರಗನ್ನು ಹತ್ತಿರದವರೊಂದಿಗೆ ಹಂಚಿಕೊಳ್ಳಿ. ವಿಷ್ಣು ಸಹಸ್ರನಾಮ ಪಠಿಸಿ.
Health Horoscope 2022: ಹೊಸ ವರ್ಷದಲ್ಲಿ ನಿಮ್ಮ ಆರೋಗ್ಯ ಹೀಗಿರಲಿದೆ..
ತುಲಾ(Libra): ನೆಂಟರಿಷ್ಟರ ಮನೆಗೆ ಭೇಟಿ ನೀಡುವಿರಿ. ಹರಟೆ, ಸವಿ ಭೋಜನದಿಂದ ಉಲ್ಲಾಸ. ವೈಯಕ್ತಿಕ ಸ್ಥಾನಮಾನ ಹೆಚ್ಚಿಸಿಕೊಳ್ಳಲು ಯತ್ನಿಸಿ. ಪ್ರಭಾವ ಹಾಗೂ ಸಹಕಾರದಿಂದ ವೃತ್ತಿರಂಗದಲ್ಲಿ ಮುನ್ನಡೆ. ಅವಿವಾಹಿತರಿಗೆ ಅಚ್ಚರಿಯ ವಾರ್ತೆ. ಧಾರ್ಮಿಕ ವಿಷಯಗಳಲ್ಲಿ ಆಸಕ್ತಿ. ಶಿವ ಶಕ್ತಿಯರ ಸ್ಮರಣೆ ಮಾಡಿ.
ವೃಶ್ಚಿಕ(Scorpio): ಬದುಕಿನಲ್ಲಿ ಯಾವುದೇ ಬದಲಾವಣೆಗಳಿಲ್ಲ ಎಂಬ ಚಿಂತೆ ಆವರಿಸುವುದು. ಆದಷ್ಟು ಮನಸ್ಸನ್ನು ಹಿಡಿತದಲ್ಲಿಟ್ಟುಕೊಳ್ಳಿ. ವಾಯುವಿಹಾರ ಹೋಗಿಬನ್ನಿ. ರುಚಿಕರ ಭೋಜನ ಸವಿಯುವಿರಿ. ಬಹು ನಿರೀಕ್ಷೆಯಿಂದ ಕಾಯುತ್ತಿರುವ ಸಂಗತಿಯಲ್ಲಿ ನಿರಾಶೆ ಅನುಭವಿಸುವಿರಿ. ಲಲಿತಾ ಸಹಸ್ರನಾಮ ಪಠಣ ಮಾಡಿ.
Self care tips for 2022: ನಿಮ್ಮ ರಾಶಿಗೆ ಈ ಅಭ್ಯಾಸ ಒಳ್ಳೇದು..
ಧನುಸ್ಸು(Sagittarius): ಬಹಳ ದಿನದಿಂದ ಬಿಡಬೇಕೆಂದಿರುವ ಕೆಟ್ಟ ಚಟವೊಂದಕ್ಕೆ ಇಂದು ತಿಲಾಂಜಲಿ ಇಡುವಿರಿ. ಸಂಗಾತಿಯ ಸಹಕಾರದಿಂದ ಹೊಸ ಹೂಡಿಕೆಗೆ ಕೈ ಹಾಕುವಿರಿ. ವಸ್ತ್ರ ವಡವೆಗಾಗಿ ಧನವ್ಯಯ. ಮಕ್ಕಳ ಪ್ರಗತಿಯಿಂದ ಸಮಾಧಾನ. ಪ್ರೀತಿಪಾತ್ರರ ಸಮಾಗಮದಿಂದ ಉತ್ಸಾಹ ಹೆಚ್ಚುವುದು. ಶಾರದಾಂಬೆಯನ್ನು ಸ್ಮರಿಸಿಕೊಳ್ಳಿ.
ಮಕರ(Capricorn): ಹಿರಿಯರ ಸಹಾಯದಿಂದ ಕಾರ್ಯಗಳು ನಿರ್ವಿಘ್ನವಾಗಿ ನೆರವೇರುವುವು. ದಿನಸಿ, ವಸ್ತ್ರ, ಒಡವೆ, ವಾಹನ, ಹೋಟೆಲ್ ವ್ಯಾಪಾರದಲ್ಲಿ ಲಾಭ. ಹೊಸ ಮನೆ ಖರೀದಿ ಸಂಬಂಧ ಚರ್ಚೆ ಮುಂದೆ ಹೋಗುವುದು. ನಿಮ್ಮ ಕಠಿಣ ಪರಿಶ್ರಮಕ್ಕೆ ಉತ್ತಮ ಫಲಿತಾಂಶಗಳನ್ನು ಪಡೆಯುವ ಬಲವಿದೆ. ತಂದೆತಾಯಿಯ ಆಶೀರ್ವಾದ ಪಡೆಯಿರಿ.
ಕುಂಭ(Aquarius): ಬಿಡುವಿಲ್ಲದ ಕೆಲಸದಿಂದ ಮನಸ್ಸಿಗೆ ಕಸಿವಿಸಿಯಾಗುವುದು. ಸಮಯದ ಅಭಾವ ಕಾಡುವುದು. ಕುಟುಂಬ ಸದಸ್ಯರ ನಡುವಳಿಕೆಯಿಂದ ಬೇಸರ. ಪ್ರಮುಖ ನಿರ್ಧಾರಗಳಿಗೆ ಸಿಗದ ಮನ್ನಣೆ ಕಂಗೆಡಿಸುವುದು. ಎಳ್ಳೆಣ್ಣೆಯಲ್ಲಿ ಮುಖ ನೋಡಿಕೊಂಡು ಶನಿಯನ್ನು ಪ್ರಾರ್ಥಿಸಿ.
ಮೀನ(Pisces): ಹೊಸ ಕಲಿಕೆಯಲ್ಲಿ ತೊಡಗುವುದರಿಂದ ಮನಸ್ಸಿಗೆ ಸಂತಸ. ತಾಂತ್ರಿಕ ವಿಷಯಗಳಲ್ಲಿ ಜ್ಞಾನ ವೃದ್ಧಿಯಾಗುವುದು. ದೂರದ ಸಂಬಂಧಿಯಿಂದ ಸುವಾರ್ತೆ ಕೇಳಿಬರುವುದು. ಮಕ್ಕಳ ಬದುಕಿನ ಸಮಸ್ಯೆಗಳು ತೀರುವುದರಿಂದ ಮನಸ್ಸು ಹಗುರಾಗುವುದು. ಕೃಷ್ಣ ಸ್ಮರಣೆ ಮಾಡಿ.
