BCCIಗೆ ಮತ್ತೆ ನೆನಪಾದ ಗಬ್ಬರ್ ಸಿಂಗ್ ಖ್ಯಾತಿಯ ಶಿಖರ್ ಧವನ್..!
* ಏಷ್ಯನ್ ಗೇಮ್ಸ್ ಕ್ರೀಡಾಕೂಟದಲ್ಲಿ ಭಾರತ ಕ್ರಿಕೆಟ್ ತಂಡ ಭಾಗಿ
* ಏಕದಿನ ವಿಶ್ವಕಪ್ ಟೂರ್ನಿಗೂ ಮುನ್ನ ಏಷ್ಯನ್ ಗೇಮ್ಸ್ನಲ್ಲಿ ಭಾಗಿ
* ಗಬ್ಬರ್ ಸಿಂಗ್ ಖ್ಯಾತಿಯ ಶಿಖರ್ ಧವನ್ಗೆ ನಾಯಕ ಪಟ್ಟ?
ಬೆಂಗಳೂರು(ಜು.03) ಕೆಲ ವರ್ಷಗಳ ಹಿಂದೆ ಶಿಖರ್ ಧವನ್, ಒನ್ಡೇ ಫಾರ್ಮ್ಯಾಟ್ನಲ್ಲಿ ಟೀಂ ಇಂಡಿಯಾದ ಕೀ ಪ್ಲೇಯರ್ ಆಗಿದ್ರು. ಆದ್ರೆ, ಸದ್ಯ ತಂಡದಲ್ಲಿ ಗಬ್ಬರ್ ಸಿಂಗ್ ಖ್ಯಾತಿಯ ಶಿಖರ್ ಧವನ್ಗೆ ಸ್ಥಾನವಿಲ್ಲ. ಅದ್ಭುತ ದಾಖಲೆ, ಫಿಟ್ನೆಸ್ ಎಲ್ಲಾ ಇದ್ರು ಧವನ್ರನ್ನು ಭಾರತ ತಂಡದಿಂದ ಡ್ರಾಪ್ ಮಾಡಲಾಗಿದೆ. ಆದ್ರಿಗ BCCIಗೆ ಮತ್ತೆ ಶಿಖರ್ ಧವನ್ ಬೇಕಾಗಿದ್ದಾರೆ.
ಯೆಸ್, ಯಾರೂ ಇಲ್ಲದಾಗ ಮಾತ್ರ BCCIಗೆ ಧವನ್ ನೆನಪಾಗ್ತಾರೆ. ಬೇರೆ ಸೀನಿಯರ್ ಆಟಗಾರರು ರೆಸ್ಟ್ನಲ್ಲಿದ್ದಾಗ, ಅವರು ಅಲಭ್ಯರಿದ್ದಾಗ ಮಾತ್ರ ಧವನ್ ಇದ್ದಾನಲ್ಲ ಅನ್ನೋದು ನೆನಪಾಗುತ್ತೆ. ಕೆಲಸಕ್ಕೆ ಬಾರದ ಟೂರ್ನಿಗಳಲ್ಲಿ ಧವನ್ಗೆ ಯುವಪಡೆಯನ್ನ ಮುನ್ನಡೆಸೋ ಜವಬ್ದಾರಿ ವಹಿಸುತ್ತೆ. ಅದರಂತೆ ಮತ್ತೊಮ್ಮೆ ಧವನ್ಗೆ ನಾಯಕನ ಪಟ್ಟ ಕಟ್ಟಲು BCCIಯೋಚಿಸ್ತಿದೆ.
ಏಷ್ಯನ್ ಗೇಮ್ಸ್ ತಂಡಕ್ಕೆ ಧವನ್ ಕ್ಯಾಪನ್ಟ್..?
ಯೆಸ್, ಏಕದಿನ ವಿಶ್ವಕಪ್ ಟೂರ್ನಿಗೂ ಮುನ್ನ, ಚೀನಾದಲ್ಲಿ ಏಷ್ಯನ್ ಗೇಮ್ಸ್ ನಡಯಲಿದೆ. ಇದೇ ಮೊದಲ ಬಾರಿ ಈ ಕ್ರೀಡಾಕೂಟಕ್ಕೆ ಟೀಂ ಇಂಡಿಯಾವನ್ನ ಕಳಿಸಲು BCCI ರೆಡಿಯಾಗಿದೆ. ಆದ್ರೆ, ವಿಶ್ವಕಪ್ ಟೂರ್ನಿ ಇರೋದ್ರಿಂದ ಏಷ್ಯನ್ ಗೇಮ್ಸ್ನಲ್ಲಿ ಯುವಪಡೆಯನ್ನ ಆಯ್ಕೆ ಮಾಡಬೇಕು. ಆ ತಂಡಕ್ಕೆ ಶಿಖರ್ ಧವನ್ರನ್ನ ಕ್ಯಾಪ್ಟನ್ ಮಾಡ್ಬೇಕು ಅನ್ನೋದು BCCI ಪ್ಲಾನ್ ಆಗಿದೆ.
Ashes 2023: ಲಾರ್ಡ್ಸ್‌ ಟೆಸ್ಟ್‌ ಗೆಲುವಿನ ಬೆನ್ನಲ್ಲೇ ಆಸೀಸ್‌ಗೆ ಶಾಕ್‌; ಸ್ಟಾರ್ ಕ್ರಿಕೆಟಿಗ ಟೂರ್ನಿಯಿಂದಲೇ ಔಟ್..!
ಈ ಹಿಂದೆ ಒಟ್ಟು 3 ಬಾರಿ ಶಿಖರ್ ಧವನ್ ಸೆಕೆಂಡ್ ಸ್ಟ್ರಿಂಗ್ ತಂಡದ ನಾಯಕತ್ವ ವಹಿಸಿದ್ದಾರೆ. 2021ರಲ್ಲಿ ಶ್ರೀಲಂಕಾ ವಿರುದ್ಧ ಶಿಖರ್ ಧವನ್ಗೆ ಮೊದಲ ಬಾರಿ ತಂಡವನ್ನ ಮುನ್ನಡೆಸಿದ್ರು. ಕಳೆದ ವರ್ಷ ವೆಸ್ಟ್ ಇಂಡೀಸ್ ಮತ್ತು ನ್ಯೂಜಿಲೆಂಡ್ ವಿರುದ್ಧದ ಏಕದಿನ ಸರಣಿಗಳಲ್ಲಿ ಧವನ್ ಯುವಪಡೆಯ ನಾಯಕರಾಗಿದ್ರು.
ಧವನ್ ದಾಖಲೆ, ಸಾಧನೆಗೆ ಬೆಲೆನೇ ಇಲ್ವಾ..?
ಯೆಸ್, ಸದ್ಯ ಟೀಂ ಇಂಡಿಯಾದಲ್ಲಿ ಎಡಗೈ ಬ್ಯಾಟ್ಸ್ಮನ್ ಕೊರತೆ ಕಾಡ್ತಿದೆ. ಏಕದಿನ ವಿಶ್ವಕಪ್ನಲ್ಲಿ ಟಾಪ್ ಆರ್ಡರ್ನಲ್ಲಿ ಮಿಂಚಬಲ್ಲ ಎಡಗೈ ಬ್ಯಾಟ್ಸ್ಮನ್ಗಾಗಿ ತಂಡಕ್ಕೆ ಬೇಕಾಗಿದ್ದಾನೆ. ಇದಕ್ಕಾಗಿ ಹುಡುಕಾಟ ನಡೆದಿದೆ. ಆದ್ರೆ, ಪ್ಲೇಯರ್ ಆಫ್ ICC ಇವೆಂಟ್ಸ್ ಧವನ್ ಮಾತ್ರ, BCCIಗೆ ಕಣ್ಣಿಗೆ ಕಾಣ್ತಿಲ್ಲ.
ICC ಟೂರ್ನಿಗಳಲ್ಲಿ ಧವನ್ ಜಬರ್ದಸ್ತ್ ಪ್ರದರ್ಶನ ನೀಡಿದ್ದಾರೆ. ಇದಕ್ಕೆ 2013ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯೇ ಸಾಕ್ಷಿ. 5 ಇನ್ನಿಂಗ್ಸ್ಳಲ್ಲಿ ಬ್ಯಾಟ್ ಬೀಸಿದ್ದ ಧವನ್, 90.75ರ ಸರಾಸರಿಯಲ್ಲಿ 363 ರನ್ ಕಲೆಹಾಕಿದ್ರು. ಟೂರ್ನಿಯಲ್ಲಿ ಅತ್ಯಧಿಕ ರನ್ಗಳಿಸಿದವ್ರ ಪಟ್ಟಿಯಲ್ಲಿ ನಂ.1 ಸ್ಥಾನ ಅಲಂಕರಿಸಿದ್ರು. ಇಷ್ಟು ಅದ್ಭುತ ದಾಖಲೆ ಹೊಂದಿರೋ ಧವನ್ರನ್ನ ವಯಸ್ಸಿನ ಕಾರಣದಿಂದಾಗಿ ತಂಡದಿಂದ ಕೈ ಬಿಡಲಾಗಿದೆ. ಆದ್ರೆ, 37ನೇ ವಯಸ್ಸಿನಲ್ಲೂ IPLನಲ್ಲಿ ಧವನ್ ಮಿಂಚ್ತಿದ್ದಾರೆ.
ಇನ್ನು ಕಾಲ ಮಿಂಚಿಲ್ಲ, ಏಷ್ಯನ್ ಗೇಮ್ಸ್ಗೆ ಯುವ ಆಟಗಾರನಿಗೆ ನಾಯಕನ ಪಟ್ಟ ಕಟ್ಟಿ, ಏಕದಿನ ವಿಶ್ವಕಪ್ ತಂಡದಲ್ಲಿ ಧವನ್ಗೆ ಸ್ಥಾನ ನೀಡಬೇಕು. ವಿಶ್ವಕಪ್ ಟೂರ್ನಿಯಲ್ಲಿ ಧವನ್ಗೆ ಸೆಂಡ್ ಆಫ್ ನೀಡಬೇಕು. ಆದ್ರೆ, ಬಿಸಿಸಿಐಗೆ ಇಂತದೊಂದು ಮನಸ್ಸು ಮಾಡುತ್ತಾ ಅನ್ನೋದನ್ನ ಕಾದು ನೋಡ್ಬೇಕಿದೆ.
