ರಣಜಿ ಟೂರ್ನಿ: ‘ಬಿ’ ಗುಂಪಿನಲ್ಲಿ ಕರ್ನಾಟಕಕ್ಕೆ ಸ್ಥಾನ
2019-20ನೇ ಸಾಲಿನ ರಣಜಿ ಟೂರ್ನಿಯ ವೇಳಾಪಟ್ಟಿ ಪ್ರಕಟಗೊಂಡಿದ್ದು, ಕರ್ನಾಟಕ ’ಬಿ’ ಗುಂಪಿನಲ್ಲಿ ಸ್ಥಾನ ಪಡೆದಿದೆ. ಕರ್ನಾಟಕ ತವರಿನಲ್ಲಿ 4 ಹಾಗೂ ತವರಿನಾಚೆ 4 ಪಂದ್ಯಗಳನ್ನಾಡಲಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...
ಬೆಂಗಳೂರು[ಅ.22]: ವಿಜಯ್ ಹಜಾರೆ ಟೂರ್ನಿ ಅಂತಿಮ ಘಟ್ಟ ತಲುಪಿದ್ದು, ಈ ಪಂದ್ಯಾವಳಿ ಮುಕ್ತಾಯಗೊಳ್ಳುತ್ತಿದ್ದಂತೆ 2019-20ರ ಸಾಲಿನ ರಣಜಿ ಟ್ರೋಫಿ ಆರಂಭಗೊಳ್ಳಲಿದೆ. ಸೋಮವಾರ ಟೂರ್ನಿಯ ವೇಳಾಪಟ್ಟಿ ಪ್ರಕಟಗೊಂಡಿತು.
ವಿಜಯ್ ಹಜಾರೆ ಸೆಮೀಸ್: ಕರ್ನಾಟಕ-ಛತ್ತೀಸ್ಗಢ ಫೈಟ್
ಕರ್ನಾಟಕ ‘ಬಿ’ ಗುಂಪಿನಲ್ಲಿ ಸ್ಥಾನ ಪಡೆದಿದ್ದು, ತಂಡಕ್ಕೆ ಕಠಿಣ ಸವಾಲು ಎದುರಾಗಲಿದೆ. ಡಿ.9ರಿಂದ ತಮಿಳುನಾಡು ವಿರುದ್ಧ ಕರ್ನಾಟಕ ತನ್ನ ಮೊದಲ ಪಂದ್ಯವನ್ನು ಆಡಲಿದೆ. ಲೀಗ್ ಹಂತದಲ್ಲಿ ತವರಿನಲ್ಲಿ 4, ತವರಿನಾಚೆ 4 ಪಂದ್ಯಗಳನ್ನು ಆಡಲಿದೆ. ಕಳೆದ ಋುತುವಿನಲ್ಲಿ ಕರ್ನಾಟಕ, ಸೆಮಿಫೈನಲ್ನಲ್ಲಿ ಸೌರಾಷ್ಟ್ರ ವಿರುದ್ಧ ಸೋಲುಂಡಿತ್ತು.
10 ಕೋಟಿ ಜೇಬಿಗಿಳಿಸಿ ಹಾಯಾಗಿ ನಿದ್ದೆ; ಮತ್ತೆ ಟ್ರೋಲ್ ಆದ ಕೋಚ್ ಶಾಸ್ತ್ರಿ!
ಕರ್ನಾಟಕ ತಂಡವು ತವರಿನಾಚೆ ತಮಿಳುನಾಡು, ಮುಂಬೈ, ರಾಜ್’ಕೋಟ್ ಹಾಗೂ ವಡೋದರದಲ್ಲಿ ನಾಲ್ಕು ಪಂದ್ಯಗಳನ್ನಾಡಿದರೆ, ತವರಿನಲ್ಲಿ ಉತ್ತರಪ್ರದೇಶ, ಹಿಮಾಚಲ ಪ್ರದೇಶ, ರೈಲ್ವೇಸ್ ಹಾಗೂ ಮಧ್ಯ ಪ್ರದೇಶ ವಿರುದ್ಧ ಸೆಣಸಲಿದೆ.
ಕರ್ನಾಟಕದ ರಣಜಿ ವೇಳಾಪಟ್ಟಿ
ದಿನಾಂಕ - ಎದುರಾಳಿ- ಸ್ಥಳ
ಡಿ.9-12- ತಮಿಳುನಾಡು- ಚೆನ್ನೈ
ಡಿ.17-20- ಉತ್ತರ ಪ್ರದೇಶ- ತವರಿನ ಪಂದ್ಯ
ಡಿ.25-28 ಹಿಮಾಚಲ ಪ್ರದೇಶ- ತವರಿನ ಪಂದ್ಯ
ಜ.3-6- ಮುಂಬೈ- ಮುಂಬೈ
ಜ.11-14- ಸೌರಾಷ್ಟ್ರ- ರಾಜ್ಕೋಟ್
ಜ.27-30- ರೈಲ್ವೇಸ್- ತವರಿನ ಪಂದ್ಯ
ಫೆ.4-7 ಮಧ್ಯಪ್ರದೇಶ- ತವರಿನ ಪಂದ್ಯ
ಫೆ.12-15 ಬರೋಡಾ- ವಡೋದರ