ಈ ಮೂವರಲ್ಲಿ ದಿನೇಶ್ ಕಾರ್ತಿಕ್ಗೆ ಟೀಂ ಇಂಡಿಯಾಗೆ ಸ್ಥಾನ ಬಿಟ್ಟುಕೊಡೋರ್ಯಾರು..?
* ಭರ್ಜರಿ ಫಾರ್ಮ್ನಲ್ಲಿದ್ದಾರೆ ಟೀಂ ಇಂಡಿಯಾ ಅನುಭವಿ ಕ್ರಿಕೆಟಿಗ ದಿನೇಶ್ ಕಾರ್ತಿಕ್
* ಮುಂಬರುವ ಟಿ20 ವಿಶ್ವಕಪ್ ಟೂರ್ನಿಗೆ ತಮ್ಮ ಸ್ಥಾನ ಭದ್ರಪಡಿಸಿಕೊಂಡಿರುವ ಡಿಕೆ
* ಡಿಕೆ ಕಮ್ಬ್ಯಾಕ್ನಿಂದಾಗಿ ಮೂವರ ಪೈಕಿ ಇಬ್ಬರು ಬೆಂಚ್ ಕಾಯಿಸೋದು ಪಕ್ಕಾ
ಬೆಂಗಳೂರು(ಜೂ.25): ಈ ಸೀಸನ್ ಐಪಿಎಲ್ನಲ್ಲಿ ಆರ್ಸಿಬಿ ಪರ ಮ್ಯಾಚ್ ಫಿನಿಶರ್ ಆಗಿದ್ದೇ ಬಂತು. ದಿನೇಶ್ ಕಾರ್ತಿಕ್ (Dinesh Karthik) ಕ್ರಿಕೆಟ್ ಕೆರಿಯರ್ ಚೇಂಜ್ ಆಗಿ ಹೋಯ್ತು. ಅದು ನಿವೃತ್ತಿ ವಯಸ್ಸಿನಲ್ಲಿ. ಹೌದು, 37 ವರ್ಷದ ಡಿಕೆಯನ್ನ ಯಾರೂ ಕೇಳೋರಿರಲಿಲ್ಲ. ಆದ್ರೆ ಬಿಡ್ನಲ್ಲಿ ಆರ್ಸಿಬಿ (RCB) ಖರೀದಿಸಿ ಅವರಿಗೆ ಫಿನಿಶಿಂಗ್ ಜವಾಬ್ದಾರಿ ನೀಡಿತು. ಅದನ್ನ ಅಚ್ಚುಕಟ್ಟಾಗಿ ನಿರ್ವಹಿಸಿದ ಕಾರ್ತಿಕ್, ಮೂರು ವರ್ಷಗಳ ನಂತರ ಟೀಂ ಇಂಡಿಯಾಗೆ ಕಮ್ಬ್ಯಾಕ್ ಮಾಡಿ ಸೌತ್ ಆಫ್ರಿಕಾ ಟಿ20 ಸಿರೀಸ್ ಆಡಿದ್ರು.
ಆಫ್ರಿಕಾ ಸಿರೀಸ್ನಲ್ಲೂ ಸ್ಲಾಗ್ ಓವರ್ಗಳಲ್ಲಿ ಆರ್ಭಟಿಸಿ, ತಮ್ಮ ಆಯ್ಕೆಯನ್ನ ಸಮರ್ಥಿಸಿಕೊಂಡಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧದ 4ನೇ ಟಿ20 ಪಂದ್ಯದಲ್ಲಿ ಜಸ್ಟ್ 27 ಬಾಲ್ನಲ್ಲಿ 55 ರನ್ ಸಿಡಿಸಿ ಗೆಲುವಿನ ರೂವಾರಿಯಾದ್ರು. ಅಷ್ಟು ಮಾತ್ರವಲ್ಲ, ಈ ವರ್ಷ ಅಕ್ಟೋಬರ್-ನವೆಂಬರ್ನಲ್ಲಿ ನಡೆಯೋ ಐಸಿಸಿ ಟಿ20 ವಿಶ್ವಕಪ್ಗೂ (ICC T20 World Cup) ಸೆಲೆಕ್ಟ್ ಆಗಲಿದ್ದಾರೆ. ಡಿಕೆ ಬ್ಯಾಟಿಂಗ್ ವೈಭವಕ್ಕೆ ಕೋಚ್ ರಾಹುಲ್ ದ್ರಾವಿಡ್ (Rahul Dravid) ಫಿದಾ ಆಗಿದ್ದಾರೆ. ಅಲ್ಲಿಗೆ ಆಸ್ಟ್ರೇಲಿಯಾ ಫ್ಲೈಟ್ ಟಿಕೆಟ್ ಕನ್ಫರ್ಮ್ ಅದಂತಾಗಿದೆ.
ದಿನೇಶ್ ಕಾರ್ತಿಕ್, ದ್ರಾವಿಡ್ ಹೊಗಳಿದ್ದೇ ಬಂತು, ಡಿಕೆ ಟಿ20 ವಿಶ್ವಕಪ್ ಆಡೋದು ಕನ್ಫರ್ಮ್ ಅನ್ನೋದು ಎಲ್ಲರಿಗೂ ಗೊತ್ತಾಗಿ ಹೋಯ್ತು. ಆದರೆ ಡಿಕೆಗೆ ಸ್ಥಾನ ಬಿಟ್ಟುಕೋಡೋದು ಯಾರು ಅನ್ನೋ ಪ್ರಶ್ನೆ ಈಗ ಹುಟ್ಟಿಕೊಂಡಿದೆ. ಹಾಗೆ ಮೂವರು ಆಟಗಾರರಲ್ಲಿ ಭಯನೂ ಶುರುವಾಗಿದೆ. ಯಾಕೆ ಗೊತ್ತಾ..? ಡಿಕೆ ಆ ಮೂವರಲ್ಲಿ ಒಬ್ಬನ ಸ್ಥಾನವನ್ನ ಆಕ್ರಮಿಸಿಕೊಳ್ಳಲಿದ್ದಾನೆ. ಈ ಮುಂಚೆ ಮೂವರು ಟಿ20 ಟೀಮ್ನಲ್ಲಿ ಸ್ಥಾನ ಪಡೆಯುತ್ತಿದ್ದರು. ಒಬ್ಬ ಬೆಂಚ್ ಕಾದ್ರೆ ಮತ್ತಿಬ್ಬರು ಪ್ಲೇಯಿಂಗ್-11ನಲ್ಲಿ ಆಡುತ್ತಿದ್ದರು. ಆದ್ರೆ ಡಿಕೆ ರೀ ಎಂಟ್ರಿಯಾದ್ರೆ, ಟಿ20 ವರ್ಲ್ಡ್ಕಪ್ ಆಡೋ ಒಬ್ಬನ ಕನಸು ನುಚ್ಚುನೂರಾಗಲಿದೆ. ಮತ್ತೊಬ್ಬ ಪ್ಲೇಯಿಂಗ್-11ನಿಂದ ಡ್ರಾಪ್ ಆಗ್ತಾನೆ. ಇನ್ನೊಬ್ಬ ಮಾತ್ರ ನಂಬರ್ 4 ಸ್ಲಾಟ್ನಲ್ಲಿ ಆಡ್ತಾನೆ.
ರಿಷಭ್-ಸೂರ್ಯ-ಶ್ರೇಯಸ್ ಮೂವರಲ್ಲಿ ಕಿಕೌಟ್ ಆಗೋರ್ಯಾರು..?:
ಸೂರ್ಯಕುಮಾರ್ ಯಾದವ್ (Suryakumar Yadav), ರಿಷಭ್ ಪಂತ್ (Rishabh Pant), ಶ್ರೇಯಸ್ ಅಯ್ಯರ್ಗೆ (Shreyas Iyer) ಭಾರತ ಟಿ20 ಟೀಮ್ನಲ್ಲಿ ಖಾಯಂ ಸ್ಥಾನ ಇದೆ. ಆದರೆ ಕಾರ್ತಿಕ್ ರೀ ಎಂಟ್ರಿಯಿಂದಾಗಿ ತ್ರಿಮೂರ್ತಿಗಳೂ ಚಿಂತೆಗೀಡಾಗಿದ್ದಾರೆ. ರೋಹಿತ್-ರಾಹುಲ್ ಓಪನರ್ಸ್. ಕೊಹ್ಲಿ ಫಸ್ಟ್ ಡೌನ್. ಪಾಂಡ್ಯ-ಡಿಕೆ 5 ಮತ್ತು 6ನೇ ಸ್ಲಾಟ್ನಲ್ಲಿ ಆಡಲಿದ್ದಾರೆ. ಅವರೇ ಫಿನಿಶಯರ್ ಸಹ. ಉಳಿದುಕೊಳ್ಳೋದು ನಂಬರ್ 4 ಸ್ಲಾಟ್ ಮಾತ್ರ. ಈಗ ಅದೇ ಸ್ಲಾಟ್ನಲ್ಲಿ ಟಿ20 ವಿಶ್ವಕಪ್ ಆಡಲು ಮೂವರ ನಡುವೆ ಫೈಟ್ ಬಿದ್ದಿದೆ. ಟೀಂ ಇಂಡಿಯಾ (Team India) ಮುನ್ನಡೆಸಿದ್ದರು, ವಿಕೆಟ್ ಕೀಪರ್, ಎಡಗೈ ಬ್ಯಾಟ್ಸ್ಮನ್. ಹೀಗೆ ಮೂರು ಮೂರು ಬೆನ್ನಿಗೆ ಇಟ್ಟುಕೊಂಡಿರುವ ರಿಷಭ್ ಪಂತ್ ಆಯ್ಕೆಯಾಗಲಿದ್ದಾರೆ. ಸೂರ್ಯಕುಮಾರ್ ಸ್ಥಿರ ಪ್ರದರ್ಶನ ನೀಡುತ್ತಿರುವುದರಿಂದ ಅವರನ್ನ ಡ್ರಾಪ್ ಮಾಡೋಕೆ ಆಗೋಲ್ಲ. ಅಲ್ಲಿಗೆ ಶ್ರೇಯಸ್ ಟೀಮ್ನಿಂದಲೇ ಕಿಕೌಟ್ ಆಗಲಿದ್ದಾರೆ. ಆಗ ನಂಬರ್ 4 ಸ್ಲಾಟ್ನಲ್ಲಿ ಆಡಲು ಪಂತ್-ಸೂರ್ಯ ನಡುವೆ ಫೈಟ್ ಬೀಳಲಿದೆ.
ICC T20 World Cup ಟೂರ್ನಿಗೆ ಬಲಿಷ್ಠ ಭಾರತ ತಂಡವನ್ನು ಹೆಸರಿಸಿದ ಇರ್ಫಾನ್ ಪಠಾಣ್..!
ಈ ಇಬ್ಬರಲ್ಲಿ ಯಾರು ಬೆಸ್ಟ್ ಅಂತ ನಾವ್ ಹೇಳಬೇಕಿಲ್ಲ. ಸೂರ್ಯ ಪ್ಲೇಯಿಂಗ್-11ಗೆ ಎಂಟ್ರಿಯಾದ್ರೆ ಪಂತ್ ಬೆಂಚ್ ಕಾಯಬೇಕಾಗುತ್ತೆ. ರಿಷಭ್ ಪಂತ್ ನಮ್ಮ ತಂಡದ ಅವಿಭಾಜ್ಯ ಅಂಗ ಅಂತ ಕೋಚ್ ರಾಹುಲ್ ದ್ರಾವಿಡ್ ಹೇಳಿರಬಹುದು. ಆದ್ರೆ ಟಿ20 ವಿಶ್ವಕಪ್ ಅಂತಹ ಮಹಾನ್ ಟೂರ್ನಿಯಲ್ಲಿ ಫಾರ್ಮ್ ಇದ್ದವನಿಗೆ ಮಾತ್ರ ಅವಕಾಶ. ಒಟ್ನಲ್ಲಿ ಡಿಕೆ ರೀ ಎಂಟ್ರಿಯಿಂದ ಇಬ್ಬರ ಸ್ಥಾನಕ್ಕೆ ಕುತ್ತು ಬಂದಿರೋದಂತು ಸುಳ್ಳಲ್ಲ.