ಐಪಿಎಲ್ 2025 ರ ಪ್ಲೇಆಫ್ ರೇಸ್ ತೀವ್ರಗೊಳ್ಳುತ್ತಿದ್ದು, ಹಲವಾರು ತಂಡಗಳು ಮೊದಲ ನಾಲ್ಕು ಸ್ಥಾನಗಳಿಗಾಗಿ ಪೈಪೋಟಿ ನಡೆಸುತ್ತಿವೆ. ಆರ್ಸಿಬಿ, ಎಂಐ, ಜಿಟಿ, ಡಿಸಿ ಮತ್ತು ಪಿಬಿಕೆಎಸ್ ಪ್ರಮುಖ ಸ್ಪರ್ಧಿಗಳಾಗಿದ್ದರೂ, ಕೇವಲ ನಾಲ್ಕು ತಂಡಗಳು ಮಾತ್ರ ಮುನ್ನಡೆಯಬಲ್ಲವು,.
Parimatch sports analyst Sir Vivian Richards: ಐಪಿಎಲ್ 2025 ರ ಪ್ಲೇಆಫ್ಗೆ ಪ್ರವೇಶಿಸಲು ಅಕ್ಷರ್ ಪಟೇಲ್ ಡೆಲ್ಲಿ ಕ್ಯಾಪಿಟಲ್ಸ್ ತಮ್ಮ ಫಾರ್ಮ್ ಕಂಡುಕೊಳ್ಳಬೇಕಾಗಿದೆ. ಇಂಡಿಯನ್ ಪ್ರೀಮಿಯರ್ ಲೀಗ್ನ 18 ನೇ ಆವೃತ್ತಿಯು ಹವೆ ಸೂಸಿ ಕಾವೇರುತ್ತಿದೆ, ಏಕೆಂದರೆ ಪಂದ್ಯದ ರೋಚಕ ಅಂತ್ಯವು ವೇಗವಾಗಿ ಸಮೀಪಿಸುತ್ತಿದೆ ಮತ್ತು ಐಪಿಎಲ್ 2025 ರ ಪ್ಲೇಆಫ್ಗೆ ಅರ್ಹತೆ ಪಡೆಯುವ ನಾಲ್ಕಕ್ಕೂ ಹೆಚ್ಚು ತಂಡಗಳು ಸ್ಥಾನ ಪಡೆಯಲು ಪಟ್ಟುಹಿಡಿದು ಬಿಗಿಯಾದ ಹೋರಾಟದಲ್ಲಿ ಸಿಲುಕಿಕೊಂಡಿವೆ.
ಐಪಿಎಲ್ 2025 ಪಾಯಿಂಟ್ ಪಟ್ಟಿಯಲ್ಲಿ ಪ್ರತಿದಿನ ಬದಲಾವಣೆಗಳಾಗುತ್ತಿವೆ, ಅಂತಿಮ ನಾಲ್ಕರಲ್ಲಿ ಸ್ಥಾನ ಪಡೆಯಲು ಇಲ್ಲಿಯವರೆಗೆ ಯಾವುದೇ ಸ್ಪಷ್ಟ ನೆಚ್ಚಿನ ತಂಡಗಳಾಗಿ ಹೊರಹೊಮ್ಮಿಲ್ಲ, ಆದರೆ ಯಾರು ಅಗ್ರಸ್ಥಾನದಲ್ಲಿ ಪಟ್ಟ ಪಡೆಯುವ ಜೊತೆಗೆ ನಾಕೌಟ್ ಆಡುವ ಸಾಧ್ಯತೆ ಇದೆ ಎಂಬ ಮುಂಸೂಚನೆಗಳು ಕಂಡುಬರುತ್ತಿವೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಅತ್ಯುತ್ತಮ ಫಾರ್ಮ್ನಲ್ಲಿದೆ, ಮುಂಬೈ ಇಂಡಿಯನ್ಸ್ ತನ್ನ ಲಯ ಕಂಡುಕೊಂಡಿದ್ದು, ಗುಜರಾತ್ ಟೈಟಾನ್ಸ್ ಎಂದಿನಂತೆ ಉತ್ತಮ ಪ್ರದರ್ಶನ ನೀಡುತ್ತಿದ್ದರೆ, ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಪಂಜಾಬ್ ಕಿಂಗ್ಸ್ ತಂಡಗಳು ಸಹ ಬಲಿಷ್ಠವಾಗಿ ಆಡುತ್ತಿವೆ.
Related Articles
ಲಕ್ನೋ ಸೂಪರ್ ಜೈಂಟ್ಸ್ ಕೂಡ ಈ ಶ್ರೇಣಿಯ ತಂಡದಲ್ಲಿದ್ದು, ನಾಕೌಟ್ ಸುತ್ತಿನವರೆಗೆ ಉಳಿದಿರುವ ಪಂದ್ಯಗಳು ಐಪಿಎಲ್ 2025 ರ ಪ್ಲೇ-ಆಫ್ನಲ್ಲಿ ನಾಲ್ಕು ಸ್ಥಾನಗಳಿಗಾಗಿ ಈ ಎಲ್ಲಾ ತಂಡಗಳ ನಡುವೆ ಕಠಿಣ ಹೋರಾಟವಾಗಲಿದೆ.
48ನೇ ಪಂದ್ಯದ ನಂತರ ಪಾಯಿಂಟ್ ಟೇಬಲ್ನಲ್ಲಿ ಅಗ್ರಸ್ಥಾನದಲ್ಲಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಈ ಸೀಜನ್ ನಲ್ಲಿ ಎಲ್ಲಾ ವಿಭಾಗಗಳಲ್ಲಿ ಅದ್ಭುತ ಆಟದ ಶೈಲಿಯನ್ನು ಪ್ರದರ್ಶಿಸಿದೆ. ಕಠಿಣ ಸಂದರ್ಭಗಳಲ್ಲಿ ದಾಳಿ ಮತ್ತು ರಕ್ಷಣೆಗೆ ಬಂದಾಗ ಅವರು ಸಾಕಷ್ಟು ಫೈರ್ಪವರ್ ಹೊಂದಿದ್ದಾರೆ, ಇದು ಪ್ರತಿಭೆಯ ಪರಿಪೂರ್ಣ ಮಿಶ್ರಣ ಮತ್ತು ಅವರ ಯೋಜನೆಗಳನ್ನು ಉತ್ತಮವಾಗಿ ಕಾರ್ಯಗತಗೊಳಿಸುತ್ತಿದೆ ಎಂಬುದರ ಸೂಚನೆಯಾಗಿದೆ.
ವಿರಾಟ್ ಕೊಹ್ಲಿ ಡ್ರೆಸ್ಸಿಂಗ್ ಕೋಣೆಯಲ್ಲಿ ತೋರುವ ಪ್ರೋತ್ಸಾಹದ ವರ್ತನೆ ಹಾಗೂ ಮಧ್ಯದಲ್ಲಿ ಆಗಾಗ ಕೊಹ್ಲಿ ತೋರ್ಪಡಿಸುವ ಅವರ ಉಗ್ರ ತಾಂಡವ ವರ್ತನೆ ತಂಡಗಳಿಗೆ ಹೆಚ್ಚುವರಿ ಬಲವನ್ನು ನೀಡುತ್ತದೆ, ಅವರು ಯಾವುದೇ ತಂಡಕ್ಕಾಗಿ ಆಡಿದರೂ ಸಹ ಇತರ ಆಟಗಾರರು ಕೊಹ್ಲಿ ಅವರಿಂದ ಪ್ರೇರಣೆ ಪಡೆಯುತ್ತಾರೆ. ಫಿಲ್ ಸಾಲ್ಟ್ ಮತ್ತು ಟಿಮ್ ಡೇವಿಡ್ ಅವರಂತಹ ಆಟಗಾರರು ಆರಸಿಬಿ ಗೆ ಆಕ್ರಮಣಕಾರಿ ಆಯ್ಕೆಗಳನ್ನು ಒದಗಿಸಿದರೆ, ದೇವದತ್ ಪಡಿಕ್ಕಲ್ ಮತ್ತು ರಜತ್ ಪಾಟಿದಾರ್ ಅವರಂತಹ ಭಾರತೀಯ ಬ್ಯಾಟ್ಸ್ಮನ್ಗಳು ತಮ್ಮ ತಂಡದ ಗುರಿಯನ್ನು ಬೆಂಬಲಿಸುವಲ್ಲಿ ಅದ್ಭುತ ಕೆಲಸ ಮಾಡಿದ್ದಾರೆ.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಆಡುವಾಗ, ಆಟವನ್ನು ಕಾಪಾಡಿಕೊಂಡು ಸಾಗುವುದು ಎಂದಿಗೂ ಸುಲಭವಲ್ಲ, ಆದರೆ ಈ ವರ್ಷ ಪಿಚ್ ನಿಧಾನಗತಿಯಲ್ಲಿದೆ, ಆರಸಿಬಿ ತನ್ನ ಯೋಜನೆಗಳನ್ನು ಬದಲಾಯಿಸಲು ಯೋಚಿಸುತ್ತಿದೆ, ಇದು ಹೊಸ ಸವಾಲನ್ನು ಎಸೆದಿದೆ, ಇದನ್ನು ಗಣನೆಗೆ ತೆಗೆದುಕೊಂಡು ಅದಕ್ಕೆ ಅನುಗುಣವಾಗಿ ಪ್ರದರ್ಶನ ನೀಡಲು ಸಾಧ್ಯವಾಗಿದೆ, ಜೋಶ್ ಹ್ಯಾಜಲ್ವುಡ್ ಬೌಲಿಂಗ್ನಲ್ಲಿ ಸ್ಟಾರ್ ಪ್ರದರ್ಶನ ನೀಡುವವರಾಗಿದ್ದಾರೆ.
ಹೌದು, ಐದು ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಜೊತೆಗೆ ಆರಸಿಬಿ ಅಂತಿಮ ನಾಲ್ಕರ ಹಂತಕ್ಕೆ ಪ್ರವೇಶಿಸುವ ನೆಚ್ಚಿನ ತಂಡಗಳಲ್ಲಿ ಒಂದಾಗಿದೆ. ಈ ತಂಡವು ಸತತ ಐದು ಪಂದ್ಯಗಳನ್ನು ಗೆದ್ದು ಅಂಕಪಟ್ಟಿಯಲ್ಲಿ ಒಂಬತ್ತನೇ ಸ್ಥಾನದಿಂದ ಮೇಲೇರಿದ್ದು, ಈ ಸೀಸನ್-ನ ಬಹುತೇಕ ಅಂತ್ಯಗೊಂಡಂತೆ ಕಾಣುವ ಪರಿಸ್ಥಿತಿಯಿಂದ ಮೇಲೇರಿದೆ.
ಮುಂಬೈ ಇಂಡಿಯನ್ಸ್ ಇಷ್ಟು ಬಲವಾಗಿ ಮೇಲೇರಲು ಸಾಧ್ಯವಾಗಿರುವುದಕ್ಕೆ ಕಾರಣವೇನೆಂದರೆ, ಅವರ ಮಾಜಿ ನಾಯಕ ರೋಹಿತ್ ಶರ್ಮಾ ಮತ್ತೆ ಭರ್ಜರಿ ಫಾರ್ಮ್ಗೆ ಮರಳಿದ್ದಾರೆ, ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಸತತ ಶತಕಗಳನ್ನು ಬಾರಿಸಿದ್ದಾರೆ ಮತ್ತು ತಿಲಕ್ ವರ್ಮಾ ಅವರೊಂದಿಗೆ ಸೂರ್ಯಕುಮಾರ್ ಯಾದವ್ ಕೂಡ ಉರುಳು ಕೊಡುತ್ತಾ ಪೂರ್ಣ ವೇಗದಲ್ಲಿದ್ದಾರೆ.
ಮುಂಬೈ ಇಂಡಿಯನ್ಸ್ ತಂಡದ ಬೌಲಿಂಗ್ ದಾಳಿ ಅತ್ಯಂತ ಅಪಾಯಕಾರಿಯಾಗಿದ್ದು, ಜಸ್ಪ್ರೀತ್ ಬುಮ್ರಾ, ಟ್ರೆಂಟ್ ಬೌಲ್ಟ್, ದೀಪಕ್ ಚಾಹರ್ ಅವರಂತಹ ಬೌಲರ್ಗಳು ಉತ್ತಮ ಪ್ರದರ್ಶನ ನೀಡುತ್ತಿದ್ದರೆ, ವಿಲ್ ಜ್ಯಾಕ್ಸ್, ಕರ್ಣ್ ಶರ್ಮಾ ಮತ್ತು ಮಿಚೆಲ್ ಸ್ಯಾಂಟ್ನರ್ – ಇವರೆಲ್ಲ ಸ್ಪಿನ್ ದಾಳಿಯನ್ನು ನಿಭಾಯಿಸುತ್ತಿದ್ದಾರೆ. ಒಟ್ಟಾರೆ ತಂಡದ ಸಮತೋಲನದ ವಿಷಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡವು ಅಷ್ಟೇನೂ ಸೌಮ್ಯವಾಗಿಲ್ಲ.
ಹಾರ್ದಿಕ್ ಪಾಂಡ್ಯ ಆಲ್ರೌಂಡರ್ ಆಗಿ ಹಾಗೂ ನಾಯಕನಾಗಿ ಯಶಸ್ವಿ ಪ್ರದರ್ಶನ ನೀಡಿದ್ದು, ತಮ್ಮ ತಂಡಕ್ಕೆ ಆಟದ ಎಲ್ಲಾ ಆಯಾಮುಗಳಲ್ಲಿಯೂ ಸಾಕಷ್ಟು ಬೆಂಬಲವನ್ನು ನೀಡಿದ್ದಾರೆ.
ಗುಜರಾತ್ ಟೈಟಾನ್ಸ್ ಈ ಐಪಿಎಲ್ನಲ್ಲಿ ಬಲಿಷ್ಠ ತಂಡವಾಗಿದೆ, ಏಕೆಂದರೆ ಅವರು ಮೇಲಿನ ಕ್ರಮಾಂಕದಲ್ಲಿ ಯುವ ಮತ್ತು ಅನುಭವದ ಪರಿಪೂರ್ಣ ಮಿಶ್ರಣವನ್ನು ಹೊಂದಿದ್ದಾರೆ, ಇದು ಅವರ ಯಶಸ್ಸಿಗೆ ಆಧಾರವಾಗಿದೆ.
ಭಾರತದ ಯುವ ಬ್ಯಾಟ್ಸ್ಮನ್ಗಳಾದ ಬಿ ಸಾಯಿ ಸುದರ್ಶನ್ ಮತ್ತು ಶುಭಮನ್ ಗಿಲ್ ಅಗ್ರ ಕ್ರಮಾಂಕದಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದ್ದರೆ, ಅನುಭವಿ ಜೋಸ್ ಬಟ್ಲರ್ ಸ್ಥಿರ ಪ್ರದರ್ಶನ ನೀಡಿ 2022 ರಲ್ಲಿ ಐಪಿಎಲ್ ಗೆದ್ದ ಗುಜರಾತ್ ಟೈಟಾನ್ಸ್ ತಂಡವನ್ನು ತಮ್ಮ ಅತ್ಯುತ್ತಮ ಪ್ರದರ್ಶನ ಕೊಟ್ಟ ಹಿರಿಮೆ ಮತ್ತು ತಂಡಕ್ಕೆ ಪಾಯಿಂಟ್ ಗಳಿಸುವ ಅನುಭವ ಇರಿಸಿಕೊಂಡಿದ್ದಾರೆ.
ಆದಾಗ್ಯೂ, ಕೆಲವು ರಾತ್ರಿಗಳ ಹಿಂದೆ ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ 14 ವರ್ಷದ ವೈಭವ್ ಸೂರ್ಯವಂಶಿ ಎಂಬ ಬಾಲಕ ಐತಿಹಾಸಿಕ ಶತಕಕ್ಕಾಗಿ ಅವರ ದಾಳಿಯನ್ನು ಛಿದ್ರಗೊಳಿಸಿದ. ಆ ಸಮಯದಲ್ಲಿ ಜಿಟಿಯ ಬೌಲಿಂಗ್ ಸ್ವಲ್ಪ ದುರ್ಬಲವಾಗಿರಬಹುದು. ಈ ಪಂದ್ಯದಲ್ಲಿ ಜಿಟಿಯ ಬೌಲಿಂಗ್ ದಾಳಿಯಲ್ಲಿ ಟೆಸ್ಟ್ ಬೌಲರ್ಗಳು ಮತ್ತು ಇಶಾಂತ್ ಶರ್ಮಾ, ಮೊಹಮ್ಮದ್ ಸಿರಾಜ್, ಪ್ರಸಿದ್ಧ್ ಕೃಷ್ಣ, ರಾಶೀದ್ ಖಾನ್ ಮತ್ತು ಕರೀಮ್ ಜನತ್ ರಂತಹ ಅಟಗಾರರು ಇದ್ದರು. ಆದರೆ ಸೂರ್ಯವಂಶಿ ಸರಿಯಾದ ಉದ್ದೇಶದಿಂದ ಸರಿಯಾಗಿ ದಾಳಿ ಮಾಡಿದರೆ ಜಿಟಿಯನ್ನು ಸಂಪೂರ್ಣವಾಗಿ ಸೋಲಿಸಬಹುದು ಎಂದು ತೋರಿಸಿದರು.
ಆದರೆ ಒಟ್ಟಾರೆಯಾಗಿ, ಭಾರತದ ಉಪನಾಯಕ ಶುಭಮನ್ ಗಿಲ್ ಮತ್ತು ಭಾರತದ ಮಾಜಿ ಬೌಲರ್ ಆಶಿಶ್ ನೆಹ್ರಾ ಅವರ ನಾಯಕತ್ವದಲ್ಲಿ ಉತ್ತಮ ತಂಡವಾಗಿರುವ ಗುಜರಾತ್ ಟೈಟಾನ್ಸ್ ಉತ್ತಮ ಪ್ರದರ್ಶನ ನೀಡುತ್ತಿದೆ. ಸರಳವಾಗಿರಿಸಿಕೊಳ್ಳುವುದು ಅವರ ತತ್ವವಾಗಿದೆ. ಇದು ಅವರಿಗೆ ನಿಜವಾಗಿಯೂ ಚೆನ್ನಾಗಿ ಕೆಲಸ ಮಾಡಿದೆ ಮತ್ತು ಪ್ಲೇ-ಆಫ್ನಲ್ಲಿ ಸ್ಥಾನ ಪಡೆಯಲು ಜಿಟಿ ಬಲವಾದ ಸವಾಲನ್ನು ಒಡ್ಡುವ ತಂಡಗಳಲ್ಲಿ ಒಂದಾಗಿರುತ್ತದೆ.
ಡೆಲ್ಲಿ ಕ್ಯಾಪಿಟಲ್ಸ್ ಕೂಡ ಐಪಿಎಲ್ನಲ್ಲಿ ರಚನಾತ್ಮಕ ತಂಡಗಳಲ್ಲಿ ಒಂದಾಗಿದೆ, ಆದರೆ ಕಳೆದ ಐದು ಪಂದ್ಯಗಳಲ್ಲಿ ನಾಲ್ಕರಲ್ಲಿ ಸೋತು ತಮ್ಮ ಫಾರ್ಮ್ ಕಳೆದುಕೊಂಡು ಸಂಕಷ್ಟದ ಸಮಯವನ್ನು ಎದುರಿಸುತ್ತಿದೆ. ಇಲ್ಲದಿದ್ದರೆ, ಡೆಲ್ಲಿ ಕ್ಯಾಪಿಟಲ್ಸ್, ವಿವಿಧ ವಿಭಾಗಗಳಲ್ಲಿ ಬ್ಯಾಟ್ ಮತ್ತು ಬೌಲಿಂಗ್ ಎರಡರಲ್ಲೂ ಅದ್ಭುತಗಳನ್ನು ಮಾಡಬಲ್ಲ ಅದ್ಭುತ ಆಟಗಾರರ ಗುಂಪಾಗಿದೆ, ಆದರೆ ಅಕ್ಸರ್ ಪಟೇಲ್ ನಾಯಕತ್ವದಲ್ಲಿ ತಂಡವು ತನ್ನ ಫಾರ್ಮ್ ಅನ್ನು ಕಂಡುಕೊಳ್ಳುವುದು ಮತ್ತು ಅವರ ಕಷ್ಟಕರ ಓಟಕ್ಕೆ ಅಂತ್ಯ ಹಾಡುವುದು ಅತ್ಯಂತ ಮುಖ್ಯವಾಗಿದೆ.
ಪಂಜಾಬ್ ಕಿಂಗ್ಸ್ ತಂಡವು ತನ್ನಲ್ಲಿರುವ ಪ್ರತಿಭೆಯನ್ನು ಪರಿಗಣಿಸಿದರೆ, ಅಗ್ರ ತಂಡಗಳಲ್ಲಿ ಸ್ಥಾನ ಪಡೆಯಬೇಕಾಗಿದ್ದರೂ, ಐದನೇ ಸ್ಥಾನದಲ್ಲಿ ಮಧ್ಯದ ಪಟ್ಟಿಯಲ್ಲಿ ಸ್ಥಾನ ಪಡೆದಿರುವುದು ಆಶ್ಚರ್ಯಕರವಾಗಿದೆ. ಆದಾಗ್ಯೂ, ಪಂಜಾಬ್ ಕಿಂಗ್ಸ್ ಒಂಬತ್ತು ಪಂದ್ಯಗಳಲ್ಲಿ ಐದು ಗೆಲುವುಗಳನ್ನು ಕಂಡಿದೆ ಮತ್ತು ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡರಲ್ಲೂ ಹೊಂದಿರುವ ಅದ್ಭುತ ಫೈರ್ಪವರ್ಗಾಗಿ ಈ ವರ್ಷ ಪ್ಲೇ-ಆಫ್ಗೆ ಸ್ಪರ್ಧಿಗಳಲ್ಲಿ ಒಂದಾಗಿದೆ.
ಪಂಜಾಬ್ ಕಿಂಗ್ಸ್ ತಂಡವು ಭಾರತದ ಶ್ರೇಯಸ್ ಅಯ್ಯರ್, ಪ್ರಭ್ಸಿಮ್ರಾನ್ ಸಿಂಗ್ ಮತ್ತು ಪ್ರಿಯಾಂಶ್ ಆರ್ಯ ಅವರಂತಹ ಸ್ಫೋಟಕ ಬ್ಯಾಟಿಂಗ್ ಲೈನ್ ಅಪ್ ಅನ್ನು ಹೊಂದಿದ್ದು, ಬ್ಯಾಟಿಂಗ್ನಲ್ಲಿ ಅದ್ಭುತ ಪ್ರದರ್ಶನ ನೀಡುತ್ತಿದೆ. ಆದರೆ ಐಪಿಎಲ್ ಗೆಲ್ಲಲು ಅವರಿಗೆ ಆಸ್ಟ್ರೇಲಿಯಾದ ಆಲ್ರೌಂಡರ್ಗಳಾದ ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಮಾರ್ಕಸ್ ಸ್ಟೊಯಿನಿಸ್ ಅವರ ಪ್ರದರ್ಶನ ಅಗತ್ಯವಾಗಿದೆ. ಇದುವರೆಗೆ ಈ ರೀತಿ ಆಗಿಲ್ಲ.
ಇದೇ ಇಲ್ಲದಿದ್ದರೆ, ಇನ್ನು ಪಿಬಿಕೆಎಸ್ ಬೌಲಿಂಗ್ ವಿಭಾಗದಲ್ಲಿ ಯಾವುದೇ ಪ್ರಮುಖ ಕಾಳಜಿಯನ್ನು ಹೊಂದಿಲ್ಲ ಅಂತ ಹೇಳಬಹುದು.
ಈಗ ಇರುವ ಪರಿಸ್ಥಿತಿಯಲ್ಲಿ, ಆರಸಿಬಿ, ಎಂಐ, ಜಿಟಿ, ಡಿಸಿ ಮತ್ತು ಪಿಬಿಕೆಎಸ್ ತಂಡವು ಅಂತಿಮ ನಾಲ್ಕರಲ್ಲಿ ಸ್ಥಾನ ಪಡೆಯಬೇಕು, ಈ ತಂಡಗಳಲ್ಲಿ ಒಂದು ಸೋತು ಮನೆಗೆ ಹಿಂದಿರುಗುವುದು ಅನಿವಾರ್ಯವಾಗಿದೆ.