ದುಬೈ[ಡಿ.05]: ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ, ಬುಧ​ವಾರ ನೂತ​ನ​ವಾಗಿ ಬಿಡು​ಗಡೆಗೊಂಡಿ​ರುವ ಐಸಿಸಿ ಟೆಸ್ಟ್‌ ಬ್ಯಾಟ್ಸ್‌ಮನ್‌ಗಳ ರ‍್ಯಾಂಕಿಂಗ್ ಪಟ್ಟಿ​ಯಲ್ಲಿ ನಂ.1 ಸ್ಥಾನ​ಕ್ಕೇ​ರಿ​ದ್ದಾರೆ. ಆಸ್ಪ್ರೇ​ಲಿ​ಯಾದ ಸ್ಟೀವ್‌ ಸ್ಮಿತ್‌ 2ನೇ ಸ್ಥಾನಕ್ಕೆ ಕುಸಿ​ದಿದ್ದು, ಕೊಹ್ಲಿ ಮತ್ತೊಮ್ಮೆ ಅಗ್ರ​ಸ್ಥಾನ ಅಲಂಕ​ರಿ​ಸಿ​ದ್ದಾರೆ.

ICC ರ‍್ಯಾಂಕಿಂಗ್‌ ಪ್ರಕಟ; ಟಾಪ್ 10 ಪಟ್ಟಿಯಲ್ಲಿ ಮಯಾಂಕ್ ಅಗರ್ವಾಲ್!

ಕಳೆದ ವಾರ ಬಾಂಗ್ಲಾ​ದೇಶ ವಿರು​ದ್ಧ ಕೋಲ್ಕ​ತಾ​ದಲ್ಲಿ ನಡೆದ ಹಗ​ಲು-ರಾತ್ರಿ ಟೆಸ್ಟ್‌ನಲ್ಲಿ 136 ರನ್‌ ಸಿಡಿ​ಸಿದ ವಿರಾಟ್‌, 928 ರೇಟಿಂಗ್‌ ಅಂಕ​ಗ​ಳ​ನ್ನು ತಲು​ಪಿ​ದ್ದಾರೆ. ಪಾಕಿ​ಸ್ತಾನ ವಿರುದ್ಧ ಅಡಿ​ಲೇಡ್‌ ಟೆಸ್ಟ್‌ಗೂ ಮುನ್ನ 931 ಅಂಕ​ಗ​ಳನ್ನು ಹೊಂದಿದ್ದ ಸ್ಮಿತ್‌, ಪಂದ್ಯ​ದಲ್ಲಿ ಕೇವಲ 36 ರನ್‌ ಗಳಿ​ಸಿದ ಕಾರಣ ಅವರ ರೇಟಿಂಗ್‌ ಅಂಕ 923ಕ್ಕೆ ಕುಸಿ​ದಿದೆ.

ಸ್ಮಿತ್‌ಗಿದೆ ಅವ​ಕಾಶ: ಭಾರತ ತಂಡ ಈ ವರ್ಷ ನಿಗದಿಯಾಗಿದ್ದ ಟೆಸ್ಟ್‌ ಪಂದ್ಯ​ಗ​ಳನ್ನು ಆಡಿ ಮುಗಿ​ಸಿದೆ. ಇನ್ನೇ​ನಿ​ದ್ದರೂ 2020ರಲ್ಲಿ ನ್ಯೂಜಿ​ಲೆಂಡ್‌ ಪ್ರವಾಸ ಕೈಗೊ​ಳ್ಳ​ಲಿ​ರುವ ತಂಡ, 2 ಪಂದ್ಯ​ಗಳ ಟೆಸ್ಟ್‌ ಸರ​ಣಿ​ಯಲ್ಲಿ ಆಡ​ಲಿದೆ. ಹೀಗಾಗಿ ಕೊಹ್ಲಿ ಮುಂದಿನ ಟೆಸ್ಟ್‌ಗಾಗಿ ಫೆಬ್ರ​ವರಿ ವರೆಗೂ ಕಾಯ​ಬೇಕಿದೆ. ಆದರೆ ಆಸ್ಪ್ರೇ​ಲಿ​ಯಾ ತಂಡ ಈ ವರ್ಷ ಇನ್ನೂ 2 ಪಂದ್ಯ​ಗ​ಳನ್ನು ಆಡ​ಲಿದೆ. ನ್ಯೂಜಿ​ಲೆಂಡ್‌ ವಿರುದ್ಧ ಡಿ.12ರಿಂದ 2 ಪಂದ್ಯ​ಗಳ ಸರಣಿ ಆರಂಭ​ಗೊ​ಳ್ಳ​ಲಿದ್ದು, ಸ್ಮಿತ್‌ಗೆ ಮತ್ತೆ ಅಗ್ರ​ಸ್ಥಾ​ನ​ಕ್ಕೇ​ರಲು ಅವ​ಕಾಶ ಸಿಗ​ಲಿದೆ. ಕೊಹ್ಲಿ​ಗಿಂತ ಕೇವಲ 5 ಅಂಕ ಹಿಂದಿ​ರುವ ಸ್ಮಿತ್‌, ಸರ​ಣಿ​ಯಲ್ಲಿ ಉತ್ತಮ ಪ್ರದ​ರ್ಶನ ತೋರಿ​ದರೆ ಭಾರ​ತೀಯ ನಾಯ​ಕ​ನನ್ನು ಹಿಂದಿ​ಕ್ಕ​ಲಿ​ದ್ದಾರೆ.

ಉಳಿ​ದಂತೆ, ಭಾರ​ತದ ಚೇತೇ​ಶ್ವರ್‌ ಪೂಜಾರ ಟೆಸ್ಟ್‌ ಬ್ಯಾಟ್ಸ್‌ಮನ್‌ಗಳ ಪಟ್ಟಿ​ಯಲ್ಲಿ 4ನೇ ಸ್ಥಾನ​ದಲ್ಲಿ ಮುಂದು​ವ​ರಿ​ದರೆ, ಅಜಿಂಕ್ಯ ರಹಾನೆ ಒಂದು ಸ್ಥಾನ ಕುಸಿದ ಕಂಡು 6ನೇ ಸ್ಥಾನ ಪಡೆ​ದಿ​ದ್ದಾರೆ. ಮಯಾಂಕ್‌ ಅಗರ್‌ವಾಲ್‌ 12ನೇ ಸ್ಥಾನಕ್ಕೆ ಕುಸಿ​ದಿ​ದ್ದಾರೆ.

ಟೆಸ್ಟ್ ರ‍್ಯಾಂಕಿಂಗ್‌: ಟಾಪ್‌ 10ಗೆ ಲಗ್ಗೆಯಿಟ್ಟ ಶಮಿ..!

ಬೌಲರ್‌ಗಳ ರ‍್ಯಾಂಕಿಂಗ್ ಪಟ್ಟಿ​ಯಲ್ಲಿ ಜಸ್ಪ್ರೀತ್‌ ಬುಮ್ರಾ 5ನೇ ಸ್ಥಾನ​ದಲ್ಲಿ ಮುಂದು​ವರಿದರೆ, ಆರ್‌.ಅ​ಶ್ವಿನ್‌ 9ನೇ ಸ್ಥಾನ ಕಾಯ್ದು​ಕೊಂಡಿದ್ದಾರೆ. ಮೊಹ​ಮದ್‌ ಶಮಿ ಅಗ್ರ 10ರೊಳಗೆ ಪ್ರವೇ​ಶಿ​ಸಿದ್ದು, 10ನೇ ಸ್ಥಾನದಲ್ಲಿ​ದ್ದಾರೆ. ಆಸ್ಪ್ರೇಲಿ​ಯಾದ ಪ್ಯಾಟ್‌ ಕಮಿನ್ಸ್‌ ವಿಶ್ವದ ನಂ.1 ಬೌಲರ್‌ ಆಗಿ ಮುಂದು​ವ​ರಿ​ದಿ​ದ್ದಾರೆ.

ಏಕ​ದಿನ​ದಲ್ಲೂ ಕೊಹ್ಲಿ ಅಧಿ​ಪ​ತ್ಯ

ವಿರಾಟ್‌ ಕೊಹ್ಲಿ ಏಕ​ದಿನ ಬ್ಯಾಟ್ಸ್‌ಮನ್‌ಗಳ ರ‍್ಯಾಂಕಿಂಗ್ ಪಟ್ಟಿ​ಯಲ್ಲಿ ಅಗ್ರ​ಸ್ಥಾನ ಕಾಯ್ದು​ಕೊಂಡಿ​ದ್ದಾರೆ. 895 ರೇಟಿಂಗ್‌ ಅಂಕ​ಗ​ಳನ್ನು ಹೊಂದಿ​ರುವ ಕೊಹ್ಲಿ, 2ನೇ ಸ್ಥಾನ​ದ​ಲ್ಲಿ​ರುವ ರೋಹಿತ್‌ ಶರ್ಮಾಗಿಂತ (863) 32 ಅಂಕ ಮುಂದಿದ್ದಾರೆ. ಮತ್ತೊಮ್ಮೆ ಏಕ​ಕಾಲದಲ್ಲಿ ಏಕ​ದಿನ ಹಾಗೂ ಟೆಸ್ಟ್‌ ಬ್ಯಾಟ್ಸ್‌ಮನ್‌ಗಳ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಅಗ್ರ​ಸ್ಥಾನ ಪಡೆದ ಹಿರಿಮೆಗೆ ವಿರಾಟ್‌ ಪಾತ್ರರಾಗಿ​ದ್ದಾರೆ. 797 ರೇಟಿಂಗ್‌ ಅಂಕ​ಗ​ಳೊಂದಿಗೆ ಜಸ್ಪ್ರೀತ್‌ ಬುಮ್ರಾ ನಂ.1 ಏಕ​ದಿನ ಬೌಲರ್‌ ಆಗಿ ಮುಂದು​ವ​ರಿ​ದಿ​ದ್ದಾರೆ. 2ನೇ ಸ್ಥಾನ​ದ​ಲ್ಲಿ​ರುವ ಟ್ರೆಂಟ್‌ ಬೌಲ್ಟ್‌ಗಿಂತ 57 ಅಂಕ ಮುಂದಿ​ದ್ದಾರೆ.

ಕೊಹ್ಲಿಗೆ ಟಿ20 ಮೇಲೆ ಕಣ್ಣು

ಟೆಸ್ಟ್‌ ಹಾಗೂ ಏಕ​ದಿನ ಮಾದ​ರಿ​ಯಲ್ಲಿ ಕಂಡ ಯಶ​ಸ್ಸನ್ನು ವಿರಾಟ್‌ ಕೊಹ್ಲಿ ಅಂತಾ​ರಾಷ್ಟ್ರೀಯ ಟಿ20ಯಲ್ಲಿ ಸಾಧಿ​ಸಿಲ್ಲ. ಹಲವು ಟಿ20 ಸರ​ಣಿ​ಗ​ಳಿಗೆ ಅವರು ಗೈರಾ​ಗಿ​ರು​ವುದೂ ಇದಕ್ಕೆ ಕಾರಣ. ಆದರೆ 2020ರ ಟಿ20 ವಿಶ್ವ​ಕಪ್‌ ದೃಷ್ಟಿ​ಯಿಂದ ಮುಂದಿನ 7-8 ತಿಂಗ​ಳಲ್ಲಿ ಭಾರತ ತಂಡ ಹಲವು ಟಿ20 ಸರ​ಣಿ​ಗ​ಳನ್ನು ಆಡ​ಲಿದ್ದು, ಕೊಹ್ಲಿ ಪ್ರತಿ ಸರ​ಣಿ​ಯ​ಲ್ಲೂ ಕಣ​ಕ್ಕಿ​ಳಿ​ಯಲು ನಿರ್ಧ​ರಿ​ಸಿ​ದ್ದಾರೆ ಎನ್ನ​ಲಾ​ಗಿದೆ. ಸದ್ಯ ಟಿ20 ಬ್ಯಾಟ್ಸ್‌ಮನ್‌ಗಳ ರ‍್ಯಾಂಕಿಂಗ್ ಪಟ್ಟಿ​ಯಲ್ಲಿ ಕೊಹ್ಲಿ 621 ಅಂಕ​ಗಳೊಂದಿಗೆ 15ನೇ ಸ್ಥಾನ​ದ​ಲ್ಲಿ​ದ್ದಾರೆ. ಅಗ್ರ​ಸ್ಥಾ​ನ​ದ​ಲ್ಲಿ​ರುವ ಪಾಕಿ​ಸ್ತಾ​ನದ ಬಾಬ​ರ್‌ ಆಜಂ 879 ಅಂಕ ಹೊಂದಿದ್ದಾರೆ. ಕೊಹ್ಲಿ ಮುಂಬ​ರುವ ಸರ​ಣಿ​ಗ​ಳಲ್ಲಿ ಉತ್ತಮ ಆಟ​ವಾ​ಡಿ​ದರೆ, ಅಗ್ರಸ್ಥಾನ​ಕ್ಕೇ​ರುವ ಸಾಧ್ಯತೆ ಇದೆ.