ಏಪ್ರಿಲ್ನಲ್ಲಿ ಎರಡು KGFಗಳು ರಿಲೀಸ್: ಅಷ್ಟಕ್ಕೂ ಇನ್ನೊಂದು 'ಕೆಜಿಎಫ್' ಯಾವ್ದು ಗೊತ್ತಾ?
ಕೋಲಾರ ಗೋಲ್ಡ್ ಫೀಲ್ಡ್. ಭಾರತೀಯ ಚಿತ್ರರಂಗದಲ್ಲಿ ಹೊಸ ಅಲೆ ಸೃಷ್ಟಿಸಿದ ಪ್ಯಾನ್ ಇಂಡಿಯಾ ಸಿನಿಮಾ. 2018ರಲ್ಲಿ ರಿಲೀಸ್ ಆದ ಈ ಸಿನಿಮಾ ಯಾವ ಮಟ್ಟಕ್ಕೆ ಹವಾ ಸೃಷ್ಟಿಸಿದೆ ಅಂದರೆ KGF ಸೆಕೆಂಡ್ ಪಾರ್ಟ್ ರಿಲೀಸ್ಗಾಗಿ ಮೂರು ವರ್ಷದಿಂದ ಜತನದಿಂದ ಕಾಯ್ತಿದ್ದಾರೆ ಅಭಿಮಾನಿಗಳು.
ಕೋಲಾರ (ಮಾ.26): KGF... ಕೋಲಾರ ಗೋಲ್ಡ್ ಫೀಲ್ಡ್.. ಭಾರತೀಯ ಚಿತ್ರರಂಗದಲ್ಲಿ ಹೊಸ ಅಲೆ ಸೃಷ್ಟಿಸಿದ ಪ್ಯಾನ್ ಇಂಡಿಯಾ ಸಿನಿಮಾ. 2018ರಲ್ಲಿ ರಿಲೀಸ್ ಆದ ಈ ಸಿನಿಮಾ ಯಾವ ಮಟ್ಟಕ್ಕೆ ಹವಾ ಸೃಷ್ಟಿಸಿದೆ ಅಂದರೆ KGF ಸೆಕೆಂಡ್ ಪಾರ್ಟ್ ರಿಲೀಸ್ಗಾಗಿ ಮೂರು ವರ್ಷದಿಂದ ಜತನದಿಂದ ಕಾಯ್ತಿದ್ದಾರೆ ಅಭಿಮಾನಿಗಳು. ಕನ್ನಡಿಗ ಯಶ್ ನಟನೆಯ KGF ಚಾಪ್ಟರ್-2 ಇದೇ ಏಪ್ರಿಲ್ 14ರಂದು ಅದ್ದೂರಿಯಾಗಿ ಬಿಡುಗಡೆಯಾಗ್ತಿದೆ. ಇಡೀ ಭಾರತೀಯ ಚಿತ್ರರಂಗ ಕರ್ನಾಟಕದತ್ತ ಎದುರು ನೋಡ್ತಿದೆ.
KGF ಚಾಪ್ಟರ್-2 ಏಪ್ರಿಲ್ 14ರಂದು ರಿಲೀಸ್ ಆಗ್ತಿದ್ದರೆ, ಅದಕ್ಕೂ ಮುನ್ನವೇ ಏಪ್ರಿಲ್ 5ರಂದು ಮೈದಾನದಲ್ಲಿ ಮತ್ತೊಂದು KGF ರಿಲೀಸ್ ಆಗ್ತಿದೆ. ಯೆಸ್, ಬಿಗ್ ಸ್ಕ್ರೀನ್ನಲ್ಲಿ ರಿಲೀಸ್ ಆಗ್ತಿರೋ ಸಿನಿಮಾನೇ ಬೇರೆ. ಸ್ಟೇಡಿಯಂನಲ್ಲಿ ರಿಲೀಸ್ ಆಗೋ ಸಿನಿಮಾನೇ ಬೇರೆ. ಆದ್ರೂ KGF ಸಿನಿಮಾಗಿಂತ ಏಪ್ರಿಲ್ 5ರಂದು ಸ್ಟೇಡಿಯಂನಲ್ಲಿ ರಿಲೀಸ್ ಆಗೋ KGF ನೋಡಲು ಕ್ರಿಕೆಟ್ ಫ್ಯಾನ್ಸ್ ಕಾಯ್ತಿದ್ದಾರೆ. ಅಷ್ಟಕ್ಕೂ ಕ್ರಿಕೆಟ್ ಮೈದಾನದಲ್ಲಿ ರಿಲೀಸ್ ಆಗ್ತಿರೋ ಆ KGF ಯಾವ್ದು ಗೊತ್ತಾ..? ನಮ್ಮ ಆರ್ಸಿಬಿ.
ಕೆಜಿಎಫ್‌ನ ಬೆಮೆಲ್‌ ಕಾರ್ಖಾನೆ ಮಾರಾಟ ಇಲ್ಲ: ಸಚಿವ ಮುರುಗೇಶ್‌ ನಿರಾಣಿ
K FOR KOHLI: ಯೆಸ್, ಆರ್ಸಿಬಿಯಲ್ಲಿ ಕೆಜಿಎಫ್ ಇದೆ. ಅದರಲ್ಲಿ K ಮೊದಲ ಅಕ್ಷರವೇ ಕೊಹ್ಲಿ. ಹೌದು, ವಿರಾಟ್ ಕೊಹ್ಲಿ ಕ್ಯಾಪ್ಟನ್ಸಿ ಬಿಟ್ಟಿರಬಹುದು. ಆದ್ರೆ ಆರ್ಸಿಬಿ ಬಿಟ್ಟಿಲ್ಲ. ಈ ಸಲವೂ ಆರ್ಸಿಬಿ ಪರವೇ ಬ್ಯಾಟ್ ಬೀಸೋ ಕಿಂಗ್ ಕೊಹ್ಲಿ, ಬ್ಯಾಟಿಂಗ್ ಟ್ರಂಪ್ಕಾರ್ಡ್. ನಾಯಕತ್ವದ ಒತ್ತಡವಿಲ್ಲ. ಹಾಗಾಗಿ ಈ ಸಲ ಕಿಂಗ್ ಕೊಹ್ಲಿಯನ್ನ ಕಂಟ್ರೋಲ್ ಮಾಡೋದು ತುಂಬಾನೇ ಕಷ್ಟ. ನಾಯಕನಾಗಿದ್ದಾಗಲೇ ಆ ಮಟ್ಟಕ್ಕೆ ಆರ್ಭಟಿಸುತ್ತಿದ್ದರು. ಈಗ ನಾಯಕತ್ವವಿಲ್ಲ, ಒತ್ತಡವೂ ಇಲ್ಲ. ಕೇವಲ ಪ್ಲೇಯರ್. ಯಾವ್ದೇ ಟೆಕ್ಷನ್ ಇಲ್ಲ. ನಾಯಕನಾಗಿ ಆರ್ಸಿಬಿಗೆ ಐಪಿಎಲ್ ಕಪ್ ಗೆಲ್ಲಿಸಿಕೊಡಲಾಗಲಿಲ್ಲ ಅನ್ನೋ ಕೊರಗಿದೆ. ಈಗ ಆಟಗಾರನಾಗಿಯಾದ್ರೂ ಟ್ರೋಫಿ ಗೆಲ್ಲಿಸಿಕೊಡಲು ಎದುರು ನೋಡ್ತಿದ್ದಾರೆ. ಅಲ್ಲಿಗೆ ಈ ಸಲದ ಐಪಿಎಲ್ನಲ್ಲಿ ಬೌಲರ್ಗಳ ಪಾಲಿಗೆ ಕೊಹ್ಲಿಯೇ ಸಿಂಹ ಸ್ವಪ್ನ.
G FOR GLENN: ಆಸ್ಟ್ರೇಲಿಯಾದ ಈ ಆಲ್ರೌಂಡರ್, ಗ್ಲೆನ್ ಮ್ಯಾಕ್ಸ್ವೆಲ್ ಪಂಜಾಬ್ ಕಿಂಗ್ಸ್ ಟೀಮ್ನಲ್ಲಿದ್ದ ಕಾಲ ಯಾಕೋ ಮಂಕಾಗಿದ್ದರು. 2020ರಲ್ಲಿ ತೀರ ಕಳಪೆ ಪ್ರದರ್ಶನ ನೀಡಿ ಪಂಜಾಬ್ ಟೀಮ್ನಿಂದ ಹೊರಬಿದ್ದರು. ಆದ್ರೆ ಪಂಜಾಬ್ ಬಿಟ್ಟಿದ್ದೇ ಬಿಟ್ಟಿದ್ದ ಗ್ಲೆನ್ ನಸೀಬು ಬದಲಾಗಿ ಹೋಯ್ತು. ಕಳೆದ ವರ್ಷ ಯಾವಾಗ ಆರ್ಸಿಬಿ ಸೇರಿಕೊಂಡರೋ ಅಲ್ಲಿಂದ ಮ್ಯಾಕ್ಸ್ವೆಲ್ ನಸೀಬು ಮಾತ್ರವಲ್ಲ, ಆರ್ಸಿಬಿ ನಸೀಬು ಬದಲಾಯ್ತು. ನಂಬರ್ 4 ಸ್ಲಾಟ್ನಲ್ಲಿ ಸ್ಫೋಟಕ ಬ್ಯಾಟಿಂಗ್ ಮೂಲ್ಕ ಎದುರಾಳಿ ಬೌಲರ್ಗಳನ್ನ ಇನ್ನಿಲ್ಲದಂತೆ ಕಾಡಿದ್ರು. ತಮ್ಮ ಫೇವರಿಟ್, ಸ್ವಿಚ್ ಹಿಟ್ಗಳನ್ನ ಬಾರಿಸಿ, ಎದುರಾಳಿಯನ್ನ ಕೆಂಗೆಡಿಸಿದ್ರು. ಈ ಸಲವೂ ಆರ್ಸಿಬಿ ಪರ ಆಡೋದ್ರಿಂದ ಕೊಹ್ಲಿ ಜೊತೆ ಸೇರಿಕೊಂಡು ಬೌಲರ್ಗಳನ್ನ ಬೆಂಡೆತ್ತಲು ರೆಡಿಯಾಗಿದ್ದಾರೆ.
ಹಳೆ ಕಾರುಗಳಿಗೆ ಹೈಟೆಕ್ ಸ್ಪರ್ಶ ನೀಡುವ ಜಾದೂಗಾರ!
F FOR FAF: K ಮತ್ತು G, ಎರಡು ಕಳೆದ ವರ್ಷವೇ ಆರ್ಸಿಬಿಯಲ್ಲಿದ್ದವು. ಆದ್ರೆ ಈ ಸಲ ಆರ್ಸಿಬಿಗೆ F ಸೇರಿಕೊಂಡಿದೆ. ಹಾಗಾಗಿಯೇ ಆರ್ಸಿಬಿ ಈಗ KGF ಆಗಿರೋದು. ಹೌದು, ಈ ಸಲದ ಬಿಡ್ನಲ್ಲಿ ಫಾಫ್ ಡುಪ್ಲೆಸಿಸ್ ಅವರನ್ನ 7 ಕೋಟಿ ಕೊಟ್ಟು ಖರೀದಿಸಿದೆ ಆರ್ಸಿಬಿ. ಡುಪ್ಲೆಸಿಸ್ ಖರೀದಿಸಿದ ಮೇಲೆನೇ ಆರ್ಸಿಬಿ KGF ಆಗಿರೋದು. ಫಾಫ್ ಡುಪ್ಲೆಸಿಸ್, ಸಿಎಸ್ಕೆಯಲ್ಲಿ ಹೇಗೆ ಆಡಿದ್ರು ಅನ್ನೋದನ್ನ ನಾವು ನೀವೆಲ್ಲಾ ನೋಡಿದ್ದೀವಿ. 37 ವರ್ಷವಾದ್ರೂ ಈಗಲೂ ಫಿಟ್ & ಫೈನ್. ಓಪನಿಂಗ್ ಬ್ಯಾಟ್ಸ್ಮನ್. ಅದ್ಭುತ ಫೀಲ್ಡರ್. ಈ ಎರಡು ಆರ್ಸಿಬಿಗೆ ಪ್ಲಸ್ ಪಾಯಿಂಟ್ ಆಗಲಿದೆ. ಕೊಹ್ಲಿ, ಗ್ಲೆನ್ ಜೊತೆ ಫಾಫ್ ಸೇರಿದ್ರೆ ಕೆಜಿಎಫ್. ಈ ಕೆಜಿಎಫ್ ಒಟ್ಟಿಗೆ ಆಡಿದ್ರೆ ಆರ್ಸಿಬಿ ಬ್ಯಾಟಿಂಗ್ ಲೈನ್ ಅಪ್ ವೆರಿ ವೆರಿ ಸ್ಟ್ರಾಂಗ್. ಈ ಮೂವರನ್ನ ಕಟ್ಟಿಹಾಕಲು ಎದುರಾಳಿಗಳು ಸಾಕಷ್ಟು ಕಷ್ಟ ಪಡಬೇಕಾಗುತ್ತದೆ.
