ಬಿಸಿಸಿಐ ಬಳಿಕ ಎಫ್‌ಟಿಪಿಗೆ ಆಸೀಸ್‌ ವಿರೋಧ
ಐಸಿಸಿಯ ಮಹತ್ವದ ಯೋಜನೆಗೆ ಕಳೆದ ತಿಂಗಳು ಬಿಸಿಸಿಐ ವಿರೋಧ ವ್ಯಕ್ತಪಡಿಸಿತ್ತು. ಇದೀಗ ಆಸ್ಟ್ರೇಲಿಯಾ ಕೂಡ ಐಸಿಸಿ ಪ್ಲಾನ್ ಕಾರ್ಯಗತಗೊಳಿಸಲು ನಮ್ಮ ವಿರೋಧವಿದೆ ಎಂದಿದೆ. ಹೊಸ ಆದಾಯ ಮೂಲದ ಕಂಡು ಹಿಡಿದಿದ್ದ ಐಸಿಸಿಗೆ ಹಿನ್ನಡೆಯಾಗಿದೆ.
Followಮೆಲ್ಬರ್ನ್‌(ಅ.27): ಐಸಿಸಿ ಪ್ರಸ್ತಾಪಿಸಿದ 8 ವರ್ಷಗಳ ಫ್ಯೂಚರ್ ಟೂರ್‌ ಪ್ರೋಗ್ರಾಮ್‌ (FTP) ಬಗ್ಗೆ ಕ್ರಿಕೆಟ್ ಆಸ್ಪ್ರೇಲಿಯಾ ವಿರೋಧ ವ್ಯಕ್ತಪಡಿಸಿದೆ. ಐಸಿಸಿ ಪ್ರಸ್ತಾವನೆಯಿಂದ ದ್ವಿಪಕ್ಷೀಯ ಸರಣಿಗಳು ಹಾಗೂ ಅದರ ಮಹತ್ವ ಸತ್ತುಹೋಗಲಿದೆ. ದ್ವಿಪಕ್ಷೀಯ ಟೆಸ್ಟ್ ಸರಣಿಗಳನ್ನು ಆಯೋಜಿಸದಿರಲು ಸಾಧ್ಯವಿಲ್ಲವೆಂದು ಕ್ರಿಕೆಟ್ ಆಸ್ಪ್ರೇಲಿಯಾ ತಿಳಿಸಿದೆ.
ಇದನ್ನೂ ಓದಿ: ಗಂಗೂಲಿ ಅಥವಾ ಲಕ್ಷ್ಮಣ್? ICC ಪ್ರಶ್ನೆಗೆ ಫ್ಯಾನ್ಸ್ ಉತ್ತರ!
ಕಳೆದ ತಿಂಗಳು ದುಬೈನಲ್ಲಿ ನಡೆದಿದ್ದ ಐಸಿಸಿ ಸಭೆಯಲ್ಲಿ ಬಿಸಿಸಿಐ, ಎಫ್‌ಟಿಪಿಗೆ ವಿರೋಧ ವ್ಯಕ್ತಪಡಿಸಿತ್ತು. ಮುಂದಿನ 8 ವರ್ಷಗಳಲ್ಲಿ (2023-2031) 8 ಟೂರ್ನಿಗಳ ಪ್ರಸಾರ ಹಕ್ಕು ಮಾರಾಟ ಮಾಡುವ ಪ್ರಸ್ತಾಪವನ್ನು ಐಸಿಸಿ ಸದಸ್ಯ ರಾಷ್ಟ್ರಗಳ ಮುಂದಿಟ್ಟಿತ್ತು. ಬಿಸಿಸಿಐ ಸಿಇಒ ರಾಹುಲ್‌ ಜೊಹ್ರಿ ಈಗಾಗಲೇ ವಿರೋಧಿಸಿದ್ದು, ಕ್ರಿಕೆಟ್ ಆಸ್ಪ್ರೇಲಿಯಾ ಸಿಇಒ ಕೆವಿನ್‌ ರಾಬಟ್ಸ್‌ರ್‍ ಸಹ ಆತಂಕ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಗಂಗೂಲಿಗೆ BCCI ಅಧ್ಯಕ್ಷ ಪಟ್ಟ; ಕೊನೆಗೂ ಪ್ರತಿಕ್ರಿಯೆ ನೀಡಿದ ರವಿ ಶಾಸ್ತ್ರಿ!
ಬಿಸಿಸಿಐ ಹಾಗೂ ಆಸ್ಟ್ರೇಲಿಯಾ ವಿರೋಧ ವ್ಯಕ್ತಪಡಿಸಿದ ಕಾರಣ, ಐಸಿಸಿ ಮಹತ್ವದ ಯೋಜನೆಗೆ ಭಾರಿ ಹಿನ್ನಡೆಯಾಗಿದೆ. ಪ್ರಮುಖ ಕ್ರಿಕೆಟ್ ಮಂಡಳಿಗಳೇ ಹಿಂದೆ ಸರಿದಿರುವುದರಿಂದ ಐಸಿಸಿ FTP ಕಾರ್ಯಗತ ಮಾಡುವುದು ಅಸಾಧ್ಯವಾಗಿ ಪರಿಣಮಿಸಿದೆ.
