Asianet Suvarna News Asianet Suvarna News

ರಾಜ್‌ಕೋಟ್‌ನಲ್ಲಿ ಮಳೆ ಇಲ್ಲವೇ ರನ್‌ ಮಳೆ!

ಭಾರತ-ಬಾಂಗ್ಲಾದೇಶ ನಡುವಿನ ಎರಡನೇ ಟೆಸ್ಟ್ ಪಂದ್ಯಕ್ಕೆ ಮಳೆ ಭೀತಿ ಎದುರಾಗಿದೆ. ಒಂದು ವೇಳೆ ಮಳೆ ಬರದಿದ್ದರೆ, ರನ್ ಮಳೆ ಹರಿಯೋದಂತೂ ಗ್ಯಾರಂಟಿ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ..

2nd T20I in Rajkot India vs Bangladesh match Preview
Author
Rajkot, First Published Nov 7, 2019, 7:37 AM IST

ರಾಜ್‌ಕೋಟ್‌(ನ.07): ಟಿ20 ಮಾದ​ರಿ​ಯಲ್ಲಿ ಭಾರತ ತಂಡದ ಸಾಮರ್ಥ್ಯದ ಬಗ್ಗೆ ಅನು​ಮಾನಗ​ಳಿವೆ. 2020ರ ಟಿ20 ವಿಶ್ವ​ಕಪ್‌ಗೆ ಸಿದ್ಧತೆ ನಡೆ​ಸು​ತ್ತಿ​ರುವ ತಂಡದ ಮುಂದೆ ಹಲ​ವಾರು ಪ್ರಶ್ನೆಗಳಿವೆ. ಬಾಂಗ್ಲಾ​ದೇಶ ವಿರು​ದ್ಧದ ಮೊದಲ ಪಂದ್ಯ​ದಲ್ಲಿ ಸೋಲುಂಡ ಬಳಿಕ ಪ್ರಶ್ನೆಗಳು ಹೆಚ್ಚಾ​ಗಿವೆ. ಈ ಒತ್ತಡದಲ್ಲೇ ಗುರು​ವಾರ ಇಲ್ಲಿನ ಸೌರಾಷ್ಟ್ರ ಕ್ರಿಕೆಟ್‌ ಸಂಸ್ಥೆ ಕ್ರೀಡಾಂಗಣದಲ್ಲಿ ಬಾಂಗ್ಲಾ ವಿರುದ್ಧ 2ನೇ ಟಿ20 ಪಂದ್ಯ​ವ​ನ್ನಾ​ಡಲು ಭಾರತ ತಂಡ ಕಣ​ಕ್ಕಿ​ಳಿ​ಯ​ಲಿದೆ.

ಪಂದ್ಯಕ್ಕೆ ಮಹಾ ಚಂಡ​ಮಾ​ರುತದಿಂದ ಅಡ್ಡಿ​ಯಾ​ಗುವ ಸಾಧ್ಯತೆ ಇದ್ದು, ಪಂದ್ಯ ರದ್ದಾ​ಗ​ಬ​ಹುದು ಎನ್ನುವ ಆತಂಕವಿದೆ. ಬುಧ​ವಾರ ಸಂಜೆ ಸಿಡಿಲು ಸಹಿತ ಭಾರೀ ಮಳೆಯಾಗಿದೆ. ಗುರು​ವಾರ ಮೋಡ ಕವಿತ ವಾತಾ​ವ​ರಣವಿರ​ಲಿದ್ದು, ಸಂಜೆ ಮಳೆಯಾಗಲಿದೆ ಎಂದು ಹವಾ​ಮಾ​ನ ಇಲಾಖೆ ಮುನ್ಸೂ​ಚನೆ ನೀಡಿದೆ.

2ನೇ ಟಿ20 ಪಂದ್ಯಕ್ಕೆ ಟೀಂ ಇಂಡಿಯಾದಲ್ಲಿ 2 ಮಹತ್ತರ ಬದಲಾವಣೆ?

ಒಂದೊಮ್ಮೆ ಮಳೆ ಬಿಡುವು ಕೊಟ್ಟರೆ ಇಲ್ಲಿನ ಬ್ಯಾಟಿಂಗ್‌ ಸ್ನೇಹಿ ಪಿಚ್‌ನಲ್ಲಿ ರನ್‌ ಹೊಳೆ ಹರಿ​ಯ​ಲಿದೆ. ಇಲ್ಲಿ ನಡೆ​ದಿ​ರುವ ಬಹು​ತೇಕ ಪಂದ್ಯ​ಗ​ಳಲ್ಲಿ ದೊಡ್ಡ ಮೊತ್ತ ದಾಖ​ಲಾ​ಗಿದೆ. ಭಾರತ ತಂಡದ ಟೆಸ್ಟ್‌ ಹಾಗೂ ಏಕ​ದಿನ ಮಾದ​ರಿ​ಯಲ್ಲಿ ಕಂಡಿ​ರುವ ಯಶ​ಸ್ಸನ್ನು ಕಳೆ​ದೊಂದು ವರ್ಷದಲ್ಲಿ ಟಿ20 ಮಾದ​ರಿ​ಯಲ್ಲಿ ಕಾಣಲು ಸಾಧ್ಯ​ವಾ​ಗಿಲ್ಲ. ಇತ್ತೀ​ಚೆಗೆ ಆಸ್ಪ್ರೇ​ಲಿಯಾ ವಿರುದ್ಧ ಸರಣಿ ಸೋತಿದ್ದ ಭಾರತ, ದ.ಆ​ಫ್ರಿಕಾ ವಿರುದ್ಧ ಡ್ರಾಗೆ ತೃಪ್ತಿ​ಪಟ್ಟಿತ್ತು. ಇದೀಗ ಬಾಂಗ್ಲಾ​ದೇಶ ವಿರುದ್ಧ ಮೊದಲ ಪಂದ್ಯ​ದಲ್ಲಿ ಸೋಲುಂಡ ಭಾರತ, 2ನೇ ಪಂದ್ಯ​ದಲ್ಲಿ ಪುಟಿ​ದೆದ್ದು ಸರಣಿ ಸೋಲಿ​ನಿಂದ ಪಾರಾ​ಗಲು ಕಾತ​ರಿ​ಸು​ತ್ತಿದೆ.

ವಿರಾಟ್‌ ಕೊಹ್ಲಿ ಸೇರಿ​ದಂತೆ ಕೆಲ ಹಿರಿಯ ಆಟ​ಗಾ​ರರ ಅನುಪಸ್ಥಿ​ತಿ​ಯಲ್ಲಿ ಯುವಕರಿಗೆ ಮಿಂಚಲು ಉತ್ತಮ ಅವ​ಕಾಶ ಸಿಕ್ಕಿದೆ. ಭಾರತ ತಂಡಕ್ಕೆ ತನ್ನ ಬ್ಯಾಟಿಂಗ್‌ ವಿಭಾಗದ ಕಳಪೆ ಲಯವೇ ದೊಡ್ಡ ಸಮಸ್ಯೆಯಾಗಿದೆ. ಶಿಖರ್‌ ಧವನ್‌ ನಿಧಾ​ನ​ಗ​ತಿ​ಯಲ್ಲಿ ಬ್ಯಾಟ್‌ ಮಾಡುತಿದ್ದು, ಕೆ.ಎಲ್‌.ರಾ​ಹುಲ್‌, ರಿಷಭ್‌ ಪಂತ್‌ ತಮ್ಮ ಸಾಮ​ರ್ಥ್ಯಕ್ಕೆ ತಕ್ಕ ಆಟ​ವಾ​ಡು​ತ್ತಿಲ್ಲ. ರೋಹಿತ್‌ ಶರ್ಮಾ ಸ್ಥಿರತೆ ಉಳಿ​ಸಿ​ಕೊ​ಳ್ಳಲು ಪರ​ದಾ​ಡು​ತ್ತಿ​ದ್ದರೆ, ಶ್ರೇಯಸ್‌ ಅಯ್ಯರ್‌ ದೊಡ್ಡ ಇನ್ನಿಂಗ್ಸ್‌ಗಳನ್ನು ಆಡು​ವಲ್ಲಿ ವಿಫ​ಲ​ರಾ​ಗು​ತ್ತಿ​ದ್ದಾರೆ.

ಬಾಂಗ್ಲಾ ಕ್ರಿಕೆಟಿಗರ ಬ್ಯೂಟಿಫುಲ್ ಮಡದಿಯರಿವರು

ಸಂಜು ಸ್ಯಾಮ್ಸನ್‌, ಮನೀಶ್‌ ಪಾಂಡೆಯಂತಹ ಟಿ20 ತಜ್ಞ ಬ್ಯಾಟ್ಸ್‌ಮನ್‌ಗಳಿ​ದ್ದರೂ, ಭಾರತ ತಂಡ ಮೊದಲ ಪಂದ್ಯ​ದಲ್ಲಿ ಆಡಿದ್ದ ಆಟ​ಗಾ​ರ​ರನ್ನೇ ಮುಂದು​ವ​ರಿ​ಸುವ ಸಾಧ್ಯತೆ ಇದೆ. ಬೌಲಿಂಗ್‌ ಸಂಯೋ​ಜನೆಯನ್ನು ಬದ​ಲಿ​ಸಲು ತಂಡದ ಆಡ​ಳಿ​ತ ನಿರ್ಧ​ರಿ​ಸಿ​ದರೆ, ಎಡಗೈ ವೇಗಿ ಖಲೀಲ್‌ ಅಹ್ಮದ್‌ ಬದ​ಲಿಗೆ ಶಾರ್ದೂಲ್‌ ಠಾಕೂರ್‌ಗೆ ಸ್ಥಾನ ಸಿಗ​ಬ​ಹುದು ಎನ್ನ​ಲಾ​ಗಿದೆ. ಇನ್ನು​ಳಿದಂತೆ ಯಜು​ವೇಂದ್ರ ಚಹಲ್‌, ಕೃನಾಲ್‌ ಪಾಂಡ್ಯ ಹಾಗೂ ವಾಷಿಂಗ್ಟನ್‌ ಸುಂದರ್‌ ಸ್ಪಿನ್ನರ್‌ಗಳಾಗಿ ಕಾಣಿ​ಸಿ​ಕೊ​ಳ್ಳ​ಲಿ​ದ್ದಾರೆ.

ಆತ್ಮ​ವಿ​ಶ್ವಾಸದಲ್ಲಿ ಬಾಂಗ್ಲಾ

ಭಾರತ ವಿರುದ್ಧ ಸತತ 8 ಸೋಲು​ಗಳ ಬಳಿಕ ಗೆಲು​ವಿನ ರುಚಿ ನೋಡಿದ ಬಾಂಗ್ಲಾ​ದೇಶ ತಂಡ ಆತ್ಮ​ವಿ​ಶ್ವಾ​ಸದ ಅಲೆಯಲ್ಲಿ ತೇಲು​ತ್ತಿದೆ. ತಾರಾ ಆಟ​ಗಾ​ರರಾದ ಶಕೀಬ್‌ ಅಲ್‌ ಹಸನ್‌ ಹಾಗೂ ತಮೀಮ್‌ ಇಕ್ಬಾಲ್‌ ಅನು​ಪ​ಸ್ಥಿ​ತಿ​ಯಲ್ಲಿ ಪ್ರವಾಸ ಕೈಗೊಂಡಿ​ರು​ವ ಬಾಂಗ್ಲಾ, ಸರಣಿ ಗೆದ್ದು ಇತಿ​ಹಾಸ ರಚಿ​ಸಲು ಎದುರು ನೋಡುತ್ತಿದೆ. ತಂಡದ ಯುವ ಪ್ರತಿಭೆಗಳು ನಿರೀಕ್ಷೆ ಮೀರಿ ಪ್ರದ​ರ್ಶನ ತೋರು​ತ್ತಿದ್ದು, ಭಾರ​ತೀ​ಯರಲ್ಲಿ ಆತಂಕ ಹುಟ್ಟಿ​ಸಿ​ರು​ವುದು ಖಚಿತ.

ಒಂದೊಮ್ಮೆ ಈ ಪಂದ್ಯ ಮಳೆಯಿಂದ ರದ್ದಾ​ದರೆ, ಭಾರ​ತ ಸರಣಿ ಗೆಲ್ಲುವ ಅವ​ಕಾಶ ಕಳೆ​ದು​ಕೊ​ಳ್ಳ​ಲಿದೆ. ನ.10ರಂದು ನಾಗ್ಪುರ ಪಂದ್ಯ​ದಲ್ಲಿ ಗೆದ್ದು ಸರಣಿಯಲ್ಲಿ ಸಮ​ಬಲ ಸಾಧಿ​ಸುವ ಒತ್ತಡಕ್ಕೆ ಸಿಲು​ಕ​ಲಿದೆ.

ಪಿಚ್‌ ರಿಪೋರ್ಟ್‌

ರಾಜ್‌ಕೋಟ್‌ ಪಿಚ್‌ ಬ್ಯಾಟಿಂಗ್‌ ಸ್ನೇಹಿ​ಯಾ​ಗಿದ್ದು, ಇಲ್ಲಿ ನಡೆ​ದಿ​ರು​ವ ಬಹು​ತೇಕ ಟಿ20 ಪಂದ್ಯ​ಗ​ಳಲ್ಲಿ ದೊಡ್ಡ ಮೊತ್ತ ದಾಖ​ಲಾ​ಗಿದೆ. ಪಂದ್ಯಕ್ಕೆ ಮಳೆ ಅಡ್ಡಿ​ಯಾ​ಗುವ ನಿರೀಕ್ಷೆ ಇದ್ದು, ಟಾಸ್‌ ಪ್ರಮುಖ ಪಾತ್ರ ವಹಿ​ಸ​ಲಿದೆ.


ಸಂಭವನೀಯ ಆಟ​ಗಾ​ರರ ಪಟ್ಟಿ

ಭಾರತ: ರೋಹಿತ್‌ ಶರ್ಮಾ (ನಾ​ಯ​ಕ), ಶಿಖರ್‌ ಧವನ್‌, ಸ್ಯಾಮ್ಸನ್‌/ರಾಹುಲ್‌, ಶ್ರೇಯಸ್‌ ಅಯ್ಯರ್‌, ರಿಷಭ್‌ ಪಂತ್‌, ಶಿವಂ ದುಬೆ, ಕೃನಾಲ್‌ ಪಾಂಡ್ಯ, ವಾಷಿಂಗ್ಟನ್‌ ಸುಂದರ್‌, ಯಜು​ವೇಂದ್ರ ಚಹಲ್‌, ದೀಪಕ್‌ ಚಾಹರ್‌, ಶಾರ್ದೂಲ್‌/ಖಲೀಲ್‌.

ಬಾಂಗ್ಲಾ​ದೇಶ: ಲಿಟನ್‌ ದಾಸ್‌, ಸೌಮ್ಯ ಸರ್ಕಾರ್‌, ಮೊಹ​ಮದ್‌ ನೈಮ್‌, ಮುಷ್ಫಿ​ಕುರ್‌ ರಹೀಂ, ಮಹ​ಮ​ದುಲ್ಲಾ (ನಾ​ಯ​ಕ), ಮೊಸಾ​ದೆಕ್‌ ಹುಸೇನ್‌, ಆಫಿಫ್‌ ಹುಸೇನ್‌, ಅಮಿ​ನುಲ್‌ ಇಸ್ಲಾಂ, ಮುಸ್ತಾ​ಫಿ​ಜುರ್‌ ರಹ​ಮಾನ್‌, ಅಲ್‌ ಅಮೀನ್‌, ಶಫಿ​ಯುಲ್‌.

ಪಂದ್ಯ ಆರಂಭ: ಸಂಜೆ 7ಕ್ಕೆ
ನೇರ ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್ 1

 

Follow Us:
Download App:
  • android
  • ios