Asianet Suvarna News Asianet Suvarna News

10 ಸಾವಿರ ಮಂದಿ ಕ್ವಾರಂಟೈನ್‌ ವ್ಯವಸ್ಥೆ: ಮೋದಿಗೆ ಜಮೀಯತ್ ಉಲೆಮಾ- ಎ- ಹಿಂದ್ ಪತ್ರ!

ಕೊರೋನಾ ಸಮರದಲ್ಲಿ ಒಂದಾದ ಭಾರತ| ಸಮರಕ್ಕೆ ಕೈಲಾದಷ್ಟು ಸಹಾಯ ಮಾಡಲು ಮುಂದಾದ ಜನತೆ| 10 ಸಾವಿರ ಮಂದಿ ಕ್ವಾರಂಟೈನ್‌ ವ್ಯವಸ್ಥೆಗೆ ಮುಂದಾದ ಜಮೀಯತ್ ಉಲೆಮಾ- ಎ- ಹಿಂದ್!

Jamiat Ulema e Hind writes to PM Modi offers space for 10000 isolaton beds to fight COVID 19
Author
Bangalore, First Published Mar 31, 2020, 1:11 PM IST

ನವದೆಹಲಿ(ಮಾ.31):  ಕೊರೋನಾ ಹೊಡೆದೋಡಿಸುವ ನಿಟ್ಟಿನಲ್ಲಿ ಇಡೀ ದೇಶವೇ ಒಂದಾಗಿದೆ. ಚಿತ್ರ ನಟರು, ಉದ್ಯಮಿಗಳು, ಜನ ಸಾಮಾನ್ಯರೆಲ್ಲರೂ ಕೊರೋನಾಪಿಡಿತರ ನೆರವಿಗೆ ಧಾವಿಸಿದ್ದಾರೆ. ತಮ್ಮ ಕೈಲಾದಷ್ಟು ಸಹಾಯವನ್ನು ಮಾಡುತ್ತಿದ್ದಾರೆ. ಹೀಗಿರುವಾಗ ಈ ಸಮರಕ್ಕೆ ಸದ್ಯ ಜಮೀಯತ್ ಉಲೆಮಾ ಎ ಹಿಂದ್ ಕೂಡಾ ಕೈ ಜೋಡಿಸಿದೆ.

ಹೌದು ಹತ್ತು ಸಾವಿರ ಮಂದಿಯ ಕ್ವಾರಂಟೈನ್‌ ವ್ಯವಸ್ಥೆಗೆ ಬೇಕಾದ ಸ್ಥಳವವನ್ನು ನೀಡುವುದಾಗಿ ಜಮೀಯತ್ ಉಲೆಮಾ ಎ ಹಿಂದ್ ಮುಖ್ಯಸ್ಥ ಮೌಲಾನಾ ಮಹಮ್ಮದ್ ಮದ್ನೀ ಪ್ರಧಾನ ಮಂತ್ರಿ ನರೇಂದ್ರ ಮೋದಿಗೆ ಪತ್ರದ ಮೂಲಕ ತಿಳಿಸಿದ್ದಾರೆ.

ತಾವು ಕೇಂದ್ರಕ್ಕೆ ಬರೆದಿರುವ ಪತ್ರದಲ್ಲಿ ಕೊರೋನಾದಿಂದ ದೇಶಕ್ಕೆಎದುರಾಗುವ ಅಪಾಯ ಹಾಗೂ ಎದುರಿಸಬೇಕಾದ ಸವಾಲುಗಳನ್ನು ಉಲ್ಲೇಖಿಸಿರುವ ಮದ್ನೀ, ಎಲ್ಲಾ ವರ್ಗದ ಜನರು ಒಗ್ಗಟ್ಟಿಲ್ಲದೆ ಈ ಸಮರದಲ್ಲಿ ಗೆಲ್ಲುವುದು ಅಸಾಧ್ಯ. ಹೀಗಿರುವಾಗ ಜಮೀಯತ್ ಉಲೆಮಾ ಎ ಹಿಂದ್ ಇಂತಹ ಕಠಿಣ ಪರಿಸ್ಥಿತಿಯಲ್ಲಿ ಸಹಾಯ ಮಾಡುವುದು ದೇಶದ ಪರ ತನ್ನ ಕರ್ತವ್ಯವೆಂದು ಭಾವಿಸುತ್ತದೆ ಎಂದಿದ್ದಾರೆ.

ಅಲ್ಲದೇ ಲಾಕ್‌ಡೌನ್‌ನಿಂದಾಗಿ ಪ್ರಭಾವಿತರಾಗುವ ಲಕ್ಷಾಂತರ ಮಂದಿ ಜನರು ಹಾಗೂ ಕಾರ್ಮಿಕರು ಅನೇಕ ಸಮಸ್ಯೆಗಳನ್ನೆದುರಿಸಬೇಕಾಗಿದೆ. ಹೀಗಿರುವಾಗ ಇವರ ಸಹಾಯಕ್ಕೆ ಜಮೀಯತ್ ಉಲೆಮಾ ಎ ಹಿಂದ್ ದೇಶದಾದ್ಯಂತ ಸಾಮಾಜಿಕ ಪರಿಹಾರ ಸಮಿತಿ ರಚಿಸಿ ಸಹಾಯ ಮಾಡುವುದಾಗಿಯೂ ತಿಳಿಸಿದ್ದಾರೆ.

Follow Us:
Download App:
  • android
  • ios