ಮಾಜಿ ಸಿಎಂ ಮೊಮ್ಮಕ್ಕಳ ಜೊತೆ ಸಾರಾ ಆಲಿ ಖಾನ್ ಮತ್ತು ಜಾಹ್ನವಿ ಕಪೂರ್ ಡೇಟಿಂಗ್!
ಬಾಲಿವುಡ್ ತಾರೆಯರಾದ ಸಾರಾ ಆಲಿ ಖಾನ್ ಹಾಗೂ ಜಾಹ್ನವಿ ಕಪೂರ್ ಮಾಜಿ ಸಿಎಂ ಒಬ್ಬರ ಮೊಮ್ಮಕ್ಕಳ ಜೊತೆಗೆ ಡೇಟಿಂಗ್ ಮಾಡ್ತಿದ್ರು ಅನ್ನೋ ವಿಚಾರ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ಗುಟ್ಟು ರಟ್ಟಾಗಲು ಕಾರಣವಾಗಿದ್ದು ಕಾಫಿ ವಿತ್ ಕರಣ್ ವೇದಿಕೆ.
ಸಾರಾ ಆಲಿ ಖಾನ್ ಮತ್ತು ಜಾನ್ವಿ ಕಪೂರ್ ಬಾಲಿವುಡ್ ನ ಹ್ಯಾಪನಿಂಗ್ ಹೀರೋಯಿನ್‌ಗಳು. ಅದಕ್ಕೂ ಹೆಚ್ಚಾಗಿ ಪ್ರತಿಷ್ಠಿತ ಕುಟುಂಬದ ಈ ಇಬ್ಬರೂ ಗೆಳತಿಯರೂ ಹೌದು. ಇವರಿಬ್ಬರೂ ಜೊತೆಯಾಗಿ ಬಾಲಿವುಡ್ ಖ್ಯಾತ ನಿರ್ದೇಶಕ ಹಾಗೂ ನಿರ್ಮಾಪಕ ಕರಣ್ ಜೋಹರ್ ನಡೆಸಿಕೊಡುವ ಕಾಫಿ ವಿತ್ ಕರಣ್ ಶೋದಲ್ಲಿ ಭಾಗವಹಿಸಿದ್ದಾರೆ. ಈ ಕಾರ್ಯಕ್ರಮದ 7ನೇ ಸೀಸನ್ನ ಎರಡನೇ ಎಪಿಸೋಡ್ನಲ್ಲಿ ಕಾಣಿಸಿಕೊಂಡು ಈ ನಟಿಯರು ಕರಣ್ ಕೇಳಿದ ಒಂದು ಪ್ರಶ್ನೆಗೆ ತಬ್ಬಿಬ್ಬಾಗಿದ್ದಾರೆ. ಕರಣ್ ಯಾರ ಹೆಸರನ್ನೂ ಹೇಳದೇ ಇಬ್ಬರು ಸಹೋದರರ ನಡುವೆ ನೀವಿಬ್ಬರೂ ಈ ಹಿಂದೆ ಡೇಟಿಂಗ್ ಮಾಡ್ತಿದ್ರಿ, ಆ ಡೇಟಿಂಗ್ ಬಗ್ಗೆ ಒಂಚೂರು ಇಲ್ಲಿ ಹೇಳ್ತೀರಾ? ಅನ್ನೋ ಪ್ರಶ್ನೆ ಕೇಳಿದರು. ಆಗ ಸಾರಾ ಮತ್ತು ಜಾನ್ವಿ ಇಬ್ಬರೂ ಶಾಕ್‌ಗೆ ಒಳಗಾದವರಂತೆ ಕಂಡರು. ಟಾಪಿಕ್‌ ಚೇಂಜ್ ಮಾಡಿ ನುಣುಚಿಕೊಳ್ಳುವ ಪ್ರಯತ್ನ ಮಾಡಿದರು. ಆದರೆ ಅವರ ಈ ರಿಯಾಕ್ಷನ್, ಅವರು ಯಾರ ಜೊತೆಗೆ ಡೇಟ್ ಮಾಡ್ತಿದ್ರು ಅನ್ನೋ ವಿಚಾರವನ್ನು ಈ ಕಾರ್ಯಕ್ರಮ ನೋಡಿದ ಕೆಲವರು ಹುಡುಕಿ ತೆಗೆದಿದ್ದಾರೆ. ಅದೀಗ ಸೋಷಿಯಲ್ ಮೀಡಿಯಾದಲ್ಲೀಗ ವೈರಲ್ ಆಗಿದೆ.
ಕರಣ್ ಜೋಹರ್ ನಡೆಸಿಕೊಡುವ ಜನಪ್ರಿಯ ಶೋ 'ಕಾಫಿ ವಿತ್ ಕರಣ್' . ಈ ಬಾರಿ ಈ ಶೋ ನಡೆಯೋದಿಲ್ಲ ಎಂದು ಈ ಹಿಂದೆ ವಿಷಾದದಿಂದ ಹೇಳಿಕೊಂಡಿದ್ದ ಕರಣ್ ಜೋಹರ್ ಓಟಿಟಿಯಲ್ಲಿ 'ಕಾಫಿ ವಿತ್ ಕರಣ್' ಶೋ(Koffe With Karan) ಆರಂಭಿಸಿ ಸಪ್ರ್ರೈಸ್ ಕೊಟ್ಟಿದ್ದರು. ಇದರಲ್ಲಿ ಮೊದಲ ಭಾಗದಲ್ಲಿ ಆಲಿಯಾ ಭಟ್ ಮತ್ತು ರಣಬೀರ್ ಸಿಂಗ್ ಪಾಲ್ಗೊಂಡಿದ್ದರು. ಈ ಎಪಿಸೋಡ್ನಲ್ಲಿ ಮೊದಲ ರಾತ್ರಿ(First night)ಯ ಬಗೆಗಿನ ಕೆಲವು ಮಾತುಗಳು ವೈರಲ್ ಆಗಿದ್ದವು. ಇದೀಗ ಈ ಶೋದ ಎರಡನೇ ಎಪಿಸೋಡ್ ಪ್ರಸಾರವಾಗಿದೆ. ಇದಕ್ಕೆ 'ಇಟ್ಸ್ ಎ ಗರ್ಲ್ಸ್ ನೈಟ್' ಅಂತ ಹೆಸರಿಟ್ಟಿದ್ದಾರೆ. ಇದರಲ್ಲಿ ಸಾರಾ ಮತ್ತು ಜಾನ್ವಿ ತಮ್ಮ ಡೇಟಿಂಗ್(Dating) ಹಾಗೂ ಸಿನಿ ಜೀವನದ ಕುರಿತು ಸಾಕಷ್ಟು ಆಸಕ್ತಿಕರ ಸಂಗತಿಗಳನ್ನು ಈ ಎಪಿಸೋಡ್ನಲ್ಲಿ ಬಿಚ್ಚಿಟ್ಟಿದ್ದಾರೆ.
Happy Birthday Katrina Kaif; ಚಿತ್ರರಂಗದಲ್ಲಿ 19 ವರ್ಷ ಪೂರೈಸಿದ ಕ್ಯಾಟ್ ರೋಚಕ ಜರ್ನಿ
ಅದರಲ್ಲಿ ಕುತೂಹಲ ಕೆರಳಿಸಿದ್ದು ಕರಣ್ ಕೇಳಿದ ಒಂದು ಪ್ರಶ್ನೆ. 'ಸಾರಾ ಅಲಿ ಖಾನ್ ಮತ್ತು ಜಾಹ್ನವಿ ಕಪೂರ್ ಒಂದೇ ಕುಟುಂಬದ ಇಬ್ಬರು ಸಹೋದರರ ಜೊತೆ ಈ ಹಿಂದೆ ಡೇಟಿಂಗ್ ಮಾಡಿದ್ದರು. ಅದರ ಬಗ್ಗೆ ಈ ಶೋನಲ್ಲಿ ಏನಾದರೂ ಹೇಳುತ್ತೀರಾ?' ಎಂದು ಕರಣ್ ಜೋಹರ್ ಪ್ರಶ್ನಿಸಿದಾಗ ಇಬ್ಬರು ಶಾಕ್‌ಗೆ ಒಳಗಾದರು. ಈ ಗುಟ್ಟು, ಇವರಿಗೆ ಹೇಗೆ ಗೊತ್ತಾಯಿತು ಎಂದು ಒಂದು ಕ್ಷಣ ಗಲಿಬಿಲಿಗೊಂಡರು. ತಕ್ಷಣ ಜಾಹ್ನವಿ ಕಡೆ ನೋಡಿದ ಸಾರಾ, ಈ ಬಗ್ಗೆ ಕೇಳ್ತಾರೆ ಅನ್ನೋದು ನಿನಗೆ ಮೊದಲೇ ತಿಳಿದಿತ್ತಾ ಎಂದು ಪ್ರಶ್ನಿಸಿದರು. ಇದಕ್ಕೆ ಉತ್ತರಿಸಿದ ಜಾಹ್ನವಿ ನನಗೆ ಗೊತ್ತಿರಲಿಲ್ಲ ಎಂದರು. ಬಳಿಕ ಮಾತನಾಡಿದ ಕರಣ್, ನನ್ನ ಮಾತಿನ ಅರ್ಥ ಏನೆಂದರೆ, ನೀವು ಈ ಹಿಂದೆ ಇಬ್ಬರು ಸಹೋದರರ ಜೊತೆ ಡೇಟಿಂಗ್ ಮಾಡಿದ್ದಿರಿ. ನಮ್ಮ ಮೂವರ ನಡುವೆ ಇರುವ ಸಾಮಾನ್ಯತೆ ಏನೆಂದರೆ, ನಾನಿದ್ದ ಕಟ್ಟಡದಲ್ಲಿ ಆ ಸಹೋದರರು ವಾಸಿಸುತ್ತಿದ್ದರು ಎಂದು ಕರಣ್ ಹೇಳಿದರು. ಇದರಿಂದ ಸಾರಾ ಮತ್ತು ಜಾಹ್ನವಿ ಗಲಿಬಿಲಿಗೊಂಡರು.
ಅನಿಲ್‌ ಅಂಬಾನಿ ಸೇರಿ ಸುಶ್ಮಿತಾ ಸೇನ್‌ ಡೇಟ್ ಮಾಡಿದ ಬ್ಯುಸಿನೆಸ್‌ಮೆನ್‌
ಇದು ಇಷ್ಟಕ್ಕೇ ಮುಗಿಯಲಿಲ್ಲ. ಯಾವಾಗ ಕರಣ್ ಈ ವಿಚಾರ ಪ್ರಸ್ತಾಪಿಸಿದರೋ ಸೋಷಿಯಲ್ ಮೀಡಿಯಾ(Social Media)ದಲ್ಲಿ ಆ ಇಬ್ಬರು ಸಹೋದರರು ಯಾರು ಎಂಬ ಹುಡುಕಾಟ ಶುರುವಾಯಿತು. ಕೊನೆಗೂ ಆ ಇಬ್ಬರು ಸಹೋದರರನ್ನು ಹುಡುಕಿ ಅವರ ಜೊತೆಗೆ ಇವರಿಬ್ಬರಿದ್ದ ಫೋಟೋಗಳನ್ನು ಕೆಲವರು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ.
ಆ ಇಬ್ಬರು ಸಹೋದರರ ಹೆಸರು ವೀರ್ ಪಹಾರಿಯ ಮತ್ತು ಶಿಖರ್ ಪಹಾರಿಯ. ಈ ಇಬ್ಬರು ಮಹಾರಾಷ್ಟ್ರದ ಮಾಜಿ ಮುಖ್ಯಮಂತ್ರಿ ಸುಶಿಲ್ ಕುಮಾರ್ ಶಿಂಧೆ ಅವರ ಮೊಮ್ಮಕ್ಕಳು. ಜಾಹ್ನವಿ ಮತ್ತು ಸಾರಾ ಜೊತೆ ಇವರಿಬ್ಬರು ಇರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವೀರ್ ಪಹಾರಿಯ ಜೊತೆ ಸಾರಾ ಅಲಿ ಖಾನ್ ಮತ್ತು ಶಿಖರ್ ಪಹಾರಿಯ ಜತೆ ಜಾಹ್ನವಿ ಕಪೂರ್ ಡೇಟಿಂಗ್ ಮಾಡಿದ್ದರು ಎಂಬ ವಿಚಾರ ಇದೀಗ ಬಹಿರಂಗವಾಗಿದೆ.
