ನನ್ ಪೂರ್ತಿ ಮುಖ ನಿಮ್ಗೆ ತೋರ್ಸೋಕಾಗ್ತಿಲ್ಲ ಎಂದ ರಶ್ಮಿಕಾ; ಅಯ್ಯೋ, ನಟಿಯ ಮುಖಕ್ಕೇನಾಯ್ತು?
ರಶ್ಮಿಕಾ ಮಂದಣ್ಣ ಎರಡು ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದು, ಎರಡರಲ್ಲೂ ಮುಖ ತೋರಿಸಿಲ್ಲ. ಇದಕ್ಕೆ ಅವರು ಉದ್ದವಾಗಿ ಕಾರಣವನ್ನು ಬರೆದಿದ್ದಾರೆ. ಏನಾಯ್ತು ರಶ್ ಮುಖಕ್ಕೆ?
ಬಾಲಿವುಡ್, ಟಾಲಿವುಡ್‌ಗಳಲ್ಲಿ ನಟಿ ರಶ್ಮಿಕಾ ಮಂದಣ್ಣ ಹವಾ ಜೋರು. ಅಲ್ಲಿನ ಟಾಪ್ ನಟರೊಂದಿಗೆ ನಟಿಯ ಆಯ್ಕೆ ಬಂದಾಗ ಈ ಕೊಡಗಿನ ಕುವರಿಯ ಹೆಸರು ಕೇಳಿ ಬಂದೇ ಬರುತ್ತದೆ. ಇಷ್ಟು ಬೇಡಿಕೆಯ ನಟಿ, ರಶ್ಮಿಕಾ ಹಾಕಿರುವ ಹೊಸ ಫೋಟೋಗಳಲ್ಲಿ ನಟಿ ಮುಖ ತೋರಿಸಿಲ್ಲ. ಮುಖಕ್ಕೆ ಫೋನ್ ಅಡ್ಡ ಹಿಡಿದು ಮಿರರ್ ಸೆಲ್ಫೀ ತೆಗೆದು ಹಾಕಿಕೊಂಡಿದ್ದಾರೆ. ಬ್ಲ್ಯಾಕ್ ಆ್ಯಂಡ್ ವೈಟ್ ಫೋಟೋಗಳಲ್ಲಿ ಅವರ ಬಾಯಿಯಷ್ಟೇ ಕಾಣಿಸುತ್ತದೆ. ಅಷ್ಟೇ ಅಲ್ಲ, ಮುಖ ತೋರಿಸೋಕೆ ಆಗಲ್ಲ ಎಂದಿದ್ದಾರೆ.
ಅರೆರೆ, ಆ್ಯನಿಮಲ್ ಬೆಡಗಿಯ ಮುಖಕ್ಕೇನಾಯ್ತಪ್ಪಾ ಎಂದು ಫ್ಯಾನ್‌ಗಳು ಗಾಬರಿ ಬೀಳುವ ಹೊತ್ತಿಗೇ ಅವರದಕ್ಕೆ ವಿವರಣೆಯನ್ನೂ ನೀಡಿದ್ದಾರೆ.
ಹೌದು, ವಾಸ್ತವವಾಗಿ ರಶ್ ಶೇರ್ ಮಾಡಿರುವ ಫೋಟೋಗಳು ಆಕಯ ಹೊಸ ಚಿತ್ರದ ಲುಕ್ ಅಂತೆ. ಎಂದಿನಂತೆ ಚಿತ್ರತಂಡವೇ ಮೊದಲು ಆಕೆಯ ಲುಕ್ ಬಹಿರಂಗಪಡಿಸದೆ ತಾನು ಬಹಿರಂಗ ಪಡಿಸೋಕೆ ಸಾಧ್ಯವಿಲ್ಲ ಎಂದಿದ್ದಾರೆ ನಟಿ. ಚಿತ್ರದ ಹೆಸರನ್ನು ಹೇಳದ ನಟಿ, ಶೂಟಿಂಗ್ ತುಂಬಾ ಚೆನ್ನಾಗಿ ಆಗುತ್ತಿದೆ. ನಿಮಗೆಲ್ಲ ಈ ವಿಷಯವನ್ನು ಹೇಳಬೇಕೆನಿಸಿತು ಎಂದು ಬರೆದಿದ್ದಾರೆ.
ವಿವಾಹ ಆಮಂತ್ರಣ ಪತ್ರಿಕೆಯಲ್ಲಿ ಗಣೇಶನಿಗೆ ಪ್ರಥಮ ಆಹ್ವಾನ ನೀಡಿದ ಮುಸ್ಲಿಂ ಯುವಕ; ಕಾರ್ಡ್ ವೈರಲ್
ಮತ್ತೊಂದು ವಿಷಯ ಮಾತನಾಡಬೇಕಿದೆ. ತನ್ನ ಯಶಸ್ಸಿನ ಮಾಲೀಕತ್ವವನ್ನು ನಾನು ತೆಗೆದುಕೊಳ್ಳುತ್ತಿಲ್ಲ ಎಂಬ ವಿಷಯ ಎಲ್ಲೆಡೆ ಓಡಾಡುತ್ತಿದೆ. ಈ ಬಗ್ಗೆ ಹೇಳಬೇಕು ಎಂದಿದ್ದಾರೆ. ನಂತರ ಹೀಗೆ ಬರೆದಿದ್ದಾರೆ.
'ಸರಿ, ವಿಷಯ ಇಲ್ಲಿದೆ.
1- ಇದು ಪ್ರೀತಿ, ಕಾಳಜಿ ಮತ್ತು ಚಿಂತೆಯ ಕಾರಣದಿಂದ ಬಂದಿದೆ ಎಂದು ನನಗೆ ತಿಳಿದಿದೆ. ನಾವು ಒಂದು ದೊಡ್ಡ ಚಿತ್ರವನ್ನು ನೀಡಿದ್ದೇವೆ ಮತ್ತು ಜನರು ಅದನ್ನು ಇಷ್ಟಪಟ್ಟಿದ್ದಾರೆ ಮತ್ತು ಅದನ್ನು ಮೆಚ್ಚಿದ್ದಾರೆ. ನಮ್ಮಲ್ಲಿ ಪ್ರತಿಯೊಬ್ಬರೂ ಬಯಸಿದಂತೆ ನಾನು ಅದನ್ನು ಆನಂದಿಸಲು ಸ್ವಲ್ಪ ಸಮಯ ತೆಗೆದುಕೊಳ್ಳಬೇಕೆಂದು ಬಯಸಿದ್ದೆ, ಆದರೆ ನನ್ನ ಚಿತ್ರ ಬಿಡುಗಡೆಯ ಮರುದಿನವೇ ನಾನು ಮತ್ತೊಂದು ಚಿತ್ರೀಕರಣಕ್ಕಾಗಿ ಸೆಟ್‌ಗೆ ಮರಳಿದೆ (ನಾನು ಉತ್ತಮ ವರ್ಕೋಹಾಲಿಕ್), ಮತ್ತು ಆದ್ದರಿಂದ ನಾನು ಸಾಕಷ್ಟು ಸಂದರ್ಶನಗಳಲ್ಲಿ ಭಾಗವಹಿಸಲು ಸಾಧ್ಯವಾಗುತ್ತಿಲ್ಲ. ನಾನು ಕೆಲಸಕ್ಕಾಗಿ ಈ ರಾತ್ರಿಯ ಪ್ರಯಾಣಗಳನ್ನು ಮಾಡಬೇಕಾಗಿದೆ ಮತ್ತು ನನ್ನ ವೃತ್ತಿಜೀವನದಲ್ಲಿ ಕೆಲವು ದೊಡ್ಡ ಮತ್ತು ಅತ್ಯಂತ ತೀವ್ರವಾದ ಚಲನಚಿತ್ರಗಳಿಗಾಗಿ ನಾನು ಚಿತ್ರೀಕರಣ ಮಾಡುತ್ತಿದ್ದೇನೆ.'
ನಟಿ ಯಾವ ದೊಡ್ಡ ಚಿತ್ರಗಳಿಗೆ ಕೆಲಸ ಮಾಡುತ್ತಿದ್ದಾರೆಂಬ ಕುತೂಹಲವನ್ನು ಅಭಿಮಾನಿಗಳಲ್ಲಿ ಹುಟ್ಟು ಹಾಕುತ್ತಲೇ ತಮ್ಮ ಮಾತುಗಳನ್ನು ಮುಂದುವರಿಸಿದ್ದಾರೆ.
ನಿಮಗೆ ಅಡಿಕ್ಷನ್ ಹಿಡಿಸೋ ಮಟ್ಟಕ್ಕೆ ಆವರಿಸೋ ಕೊರಿಯನ್ ಡ್ರಾಮಾಗಳಿವು.. ಒಟಿಟಿಯಲ್ಲಿ ನೋಡಿ
'ನಿಮಗೆ ತಿಳಿದಿರುವಂತೆ, ನನ್ನ ಚಿತ್ರತಂಡ ನನ್ನ ಫೋಟೋವನ್ನು ಪೋಸ್ಟ್ ಮಾಡುವ ಮೊದಲು ನಾನು ಆ ಚಿತ್ರ ಲುಕ್ಕನ್ನು ಬಹಿರಂಗಪಡಿಸಲು ಸಾಧ್ಯವಿಲ್ಲ, ಮತ್ತು ಆದ್ದರಿಂದ ನಾನು ಫೋಟೋಗಳನ್ನು ತೆಗೆದುಕೊಳ್ಳಲು ಅಥವಾ ಕೆಲವು ಪೋಸ್ಟ್ ಮಾಡಲು ಅಥವಾ ನಿಮ್ಮ ಅಥವಾ ನನ್ನ ಇಚ್ಛೆಯ ಪ್ರಕಾರ ಲೈವ್ ಮಾಡಲು ಸಾಧ್ಯವಾಗುತ್ತಿಲ್ಲ. ಮತ್ತು ನೀವು ನನ್ನನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೀರಿ ಎಂದು ನನಗೆ ತಿಳಿದಿದೆ ಮತ್ತು ನಾನು ಕೂಡ ನಿಮ್ಮನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ.'
'ಚಲನಚಿತ್ರಗಳು ಬಿಡುಗಡೆಯಾದಾಗ, ನೀವೆಲ್ಲರೂ ಸೂಪರ್ ಡೂಪರ್ ಸಂತೋಷವಾಗಿರುತ್ತೀರಿ ಎಂದು ನನಗೆ ತಿಳಿದಿದೆ ಮತ್ತು ಅದು ಮೌಲ್ಯಯುತವಾಗಿದೆ !!( ವೈಯಕ್ತಿಕವಾಗಿ ಆ ಕ್ಷಣಗಳಿಗಾಗಿ ಕಾಯುತ್ತಿದ್ದೇನೆ). ಆದ್ದರಿಂದ ದಯವಿಟ್ಟು ನನ್ನೊಂದಿಗೆ ತಾಳ್ಮೆಯಿಂದಿರಿ ಏಕೆಂದರೆ ನಾನು ನನ್ನ ಕೈಲಾದಷ್ಟು ಮಾಡುತ್ತಿದ್ದೇನೆ ಎಂದು ನೀವು ತಿಳಿದಿರಬೇಕು ಮತ್ತು ನಿಮ್ಮೆಲ್ಲರಿಗೂ, ನನಗೂ ಮತ್ತು ನನ್ನ ತಂಡಗಳಿಗಾಗಿ ನಾನು ಸಂತೋಷಪಡುತ್ತೇನೆ..'
2- ಮತ್ತು ಈಗ ಯಶಸ್ಸಿನ ಮಾಲೀಕತ್ವದ ವಿಷಯಕ್ಕೆ ಬರುತ್ತೇನೆ..
'ಗೆಳೆಯರೇ, ನಿಮ್ಮ ಪ್ರೀತಿ, ಸಂದೇಶಗಳು ನನಗೆ ಸಂತೋಷವನ್ನು ನೀಡುತ್ತವೆ ಮತ್ತು ನನ್ನನ್ನು ಪ್ರಾಮಾಣಿಕವಾಗಿ ಮುಂದುವರಿಸುತ್ತವೆ. ಮತ್ತೊಮ್ಮೆ ಎಲ್ಲಾ ಪ್ರೀತಿಗಾಗಿ ತುಂಬಾ ಧನ್ಯವಾದಗಳು ' ಎಂದು ನಟಿ ಅಭಿಮಾನಿಗಳ ಪ್ರೀತಿಗೆ ಪ್ರತಿಯಾಗಿ ಪ್ರೀತಿ ತೋರಿದ್ದಾರೆ.
ರಶ್ಮಿಕಾ ಪೋಸ್ಟ್ ನೋಡಿ ಫ್ಯಾನ್‌ಗಳು ಖುಷಿಯಾಗಿದ್ದಾರೆ ಮತ್ತು ಆಕೆಯ ಬಗ್ಗೆ ತಮ್ಮ ಪ್ರೀತಿಯನ್ನು ಮತ್ತಷ್ಟು ವ್ಯಕ್ತಪಡಿಸುತ್ತಿದ್ದಾರೆ.
