ಪಕ್ಕದಲ್ಲಿ ರಶ್ಮಿಕಾ ಇರುವಾಗ್ಲೇ ಆಲಿಯಾ ಚಪ್ಪಲಿ ತೆಗೆದು ಎಸೆದದ್ದೇಕೆ? 'ಅನಿಮಲ್' ರಿವೇಂಜಾ ಕೇಳ್ತಿದ್ದಾರೆ ನೆಟ್ಟಿಗರು!
ರಶ್ಮಿಕಾ ಮಂದಣ್ಣ ಮತ್ತು ಆಲಿಯಾ ಭಟ್ ವೇದಿಕೆಯ ಮೇಲೆ ಡ್ಯಾನ್ಸ್ ಮಾಡ್ತಿರುವಾಗ ಆಲಿಯಾ ಚಪ್ಪಲಿ ತೆಗೆದು ಎಸೆದದ್ದೇಕೆ?
ಅನಿಮಲ್ ಚಿತ್ರದ ಬಳಿಕ ಭಾರಿ ಪ್ರಚಾರದಲ್ಲಿದ್ದಾರೆ ನಟಿ ರಶ್ಮಿಕಾ ಮಂದಣ್ಣ. ಈ ಚಿತ್ರದಲ್ಲಿನ ಇವರ ಹಸಿಬಿಸಿ ದೃಶ್ಯಕ್ಕೆ ರಶ್ಮಿಕಾ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಅದೇ ಇನ್ನೊಂದೆಡೆ, ನಟಿ ತೃಪ್ತಿ ಡಿಮ್ರಿ ಅವರು ಸಂಪೂರ್ಣ ಬೆತ್ತಲಾಗಿ ರಾತ್ರೋರಾತ್ರಿ ಸೂಪರ್ಸ್ಟಾರ್ ಆದರು. ಮಹಿಳೆಯರ ಮೇಲೆ ಮಿತಿಮೀರಿದ ದೌರ್ಜನ್ಯ, ಮೂರು ಪತ್ನಿಯರ ಮೇಲೆ ನಡೆಸುವ ಅತ್ಯಾಚಾರ, ಮಹಿಳೆಯನ್ನು ಕಾಮದ ವಸ್ತು ಎಂದು ಅಂದುಕೊಳ್ಳುವುದು, ಬೂಟನ್ನು ನೆಕ್ಕು ಎಂದು ಪತ್ನಿಗೆ ನಾಯಕ ಹೇಳುವುದು... ಇವೆಲ್ಲ ಇದ್ದಕ್ಕೂ ಅನಿಮಲ್ ಚಿತ್ರ ಭಾರಿ ಕಲೆಕ್ಷನ್ ಮಾಡಿದ್ದು, ಸಿನಿಮಾ ಪ್ರೇಮಿಗಳು ಈ ಚಿತ್ರವನ್ನು ಯಶಸ್ವಿಗೊಳಿಸಿದ್ದಾರೆ. ಈ ಚಿತ್ರದಲ್ಲಿ ಮೃಗೀಯತೆ, ಕ್ರೌರ್ಯ, ರಕ್ತಪಾತ, ಪ್ರೀತಿಪ್ರೇಮ, ಸ್ತ್ರೀದ್ವೇಷ, ಎಲ್ಲವೂ ಇದೆ ಎಂದು ಕೆಲವರು ಕಿಡಿ ಕಾರುತ್ತಲೇ ಇದ್ದಾರೆ. ಈ ಸಿನಿಮಾದಲ್ಲಿ ಹಿಂಸಾಚಾರ ಉತ್ತುಂಗದಲ್ಲಿದೆ ಎನ್ನತ್ತಲೇ ಇದ್ದಾರೆ. ಚಿತ್ರದಲ್ಲಿ ರಣಬೀರ್ ಕಪೂರ್ ಸ್ತ್ರೀದ್ವೇಷದ ಪ್ರತಿರೂಪವಾಗಿ ಕಾಣಿಸುತ್ತಾರೆ. ತನ್ನ ತಂಗಿಗೆ ವೈನ್‌ ಕುಡಿಯಲು, ವಿಸ್ಕಿ ಕುಡಿಯಲು ಹೇಳುತ್ತಾನೆ. ಇವೆಲ್ಲ ಸರಿಯಲ್ಲ ಎನ್ನುವ ಆರೋಪ ಮಾಡುತ್ತಲೇ ವೀಕ್ಷಕರು ಈ ಚಿತ್ರವನ್ನು ಭರ್ಜರಿಯಾಗಿ ಯಶಸ್ವಿ ಮಾಡಿದ್ದಾರೆ.
ರಣವೀರ್ ಕಪೂರ್ ಅವರ ರಶ್ಮಿಕಾ ಮತ್ತು ತೃಪ್ತಿ ಜೊತೆಗಿನ ನಟನೆ ಅಶ್ಲೀಲತೆಯ ಪರಮಾವಧಿ ಎಂದು ಒಂದು ವರ್ಗ ಟ್ರೋಲ್ ಮಾಡುತ್ತಲೇ ಇದೆ. ಅದೇ ಇನ್ನೊಂದು ಚಿತ್ರದಲ್ಲಿ ಆಲಿಯಾ ಭಟ್ ಮತ್ತು ದೀಪಿಕಾ ಪಡುಕೋಣೆ ಪತಿ ರಣವೀರ್ ಸಿಂಗ್ ಲಿಪ್ಲಾಕ್ ಮಾಡಿದಾಗಲೂ ಇದೇ ರೀತಿ ಮಾತು ಕೇಳಿಬಂದಿತ್ತು. ಅದೇನೇ ಇದ್ದರೂ ಆಲಿಯಾ ಭಟ್, ಅನಿಮಲ್ನಲ್ಲಿ ಹೆಣ್ಣುಮಕ್ಕಳ ಮೇಲೆ ಕ್ರೌರ್ಯ ಮೆರೆದ ತಮ್ಮ ಪತಿಯ ಪಾತ್ರವನ್ನು ಮನಸಾರೆ ಹೊಗಳಿದ್ದರು. ನಟಿ ತೃಪ್ತಿ ಡಿಮ್ರಿಯ ಜೊತೆ ಸಂಪೂರ್ಣ ಬೆತ್ತಲಾಗಿ ಕಾಣಿಸಿಕೊಂಡಿದ್ದರೂ ಪತಿಯ ನಟನೆಯನ್ನು ಶ್ಲಾಘಿಸಿದ್ದರು.
'ಅನಿಮಲ್' ಯಶಸ್ಸು ಡೇಂಜರಸ್ ಎಂದ ಜಾವೇದ್ ಅಖ್ತರ್! ನೀವು ಕಲಾವಿದನೇ ಅಲ್ಲ ಎಂದು ನಿರ್ದೇಶಕ ಗರಂ
ಚಿತ್ರ ಭರ್ಜರಿ ಯಶಸ್ಸು ಕಂಡ ಹಿನ್ನೆಲೆಯಲ್ಲಿ ಮುಂಬೈನಲ್ಲಿ ಕೆಲ ದಿನಗಳ ಹಿಂದೆ ಅನಿಮಲ್ ಸಕ್ಸಸ್ ಪಾರ್ಟಿ ಅರೇಂಜ್ ಮಾಡಲಾಗಿತ್ತು. ಅನಿಮಲ್ ನಂತರ ರಶ್ಮಿಕಾ ಪುಷ್ಪ 2 ಸಿನಿಮಾದ ಶೂಟಿಂಗ್ನಲ್ಲಿ ಭಾರೀ ಬ್ಯುಸಿಯಾಗಿದ್ದಾರೆ. ಈ ಸಿನಿಮಾವನ್ನು ಬೇಗ ಮುಗಿಸಲು ಚಿತ್ರತಂಡ ಭಾರೀ ಶ್ರಮ ವಹಿಸುತ್ತಿದ್ದು ತ್ವರಿತವಾಗಿ ಶೂಟಿಂಗ್ ಕಂಪ್ಲೀಟ್ ಮಾಡುತ್ತಿದೆ. ಇದರ ನಡುವೆಯೇ ಅನಿಮಲ್ ಯಶಸ್ಸಿನ ಪಾರ್ಟಿಗಾಗಿ ರಶ್ಮಿಕಾ ಹೈದರಾಬಾದ್ನಿಂದ ಮುಂಬೈಗೆ ಹೋಗಿದ್ದರು. ಕಾರ್ಯಕ್ರಮದಲ್ಲಿ ರಶ್ಮಿಕಾರನ್ನು ನೋಡುತ್ತಿದ್ದಂತೆಯೇ ರಣಬೀರ್ ಅವರಿಗೆ ಪ್ರೀತಿ ಉಕ್ಕಿ ಹರಿದಿದೆ. ಅನಿಮಲ್ ತಂಡದ ಈಕೆಯ ನಟನೆಯ ಕುರಿತು ಶ್ಲಾಘನೆ ವ್ಯಕ್ತವಾಗುತ್ತಿದ್ದ ಬೆನ್ನಲ್ಲೇ ರಣಬೀರ್ ಪ್ರೀತಿಯಲ್ಲಿ ಆಲಿಯಾ ಎದುರೇ ರಶ್ಮಿಕಾ ಕೆನ್ನೆಗೆ ಮುತ್ತಿಕ್ಕಿದ್ದರು. ಇದರಿಂದ ಸಕತ್ ಟ್ರೋಲ್ ಆಗುತ್ತಲೇ ಇದೆ ಜೋಡಿ.
ಇದೀಗ ಇದರ ಬೆನ್ನಲ್ಲೇ ಆಲಿಯಾ ಭಟ್ ಮತ್ತು ರಶ್ಮಿಕಾ ನಾಟು ನಾಟು ಹಾಡಿಗೆ ವೇದಿಕೆಯ ಮೇಲೆ ಡ್ಯಾನ್ಸ್ ಮಾಡಿರುವ ವಿಡಿಯೋ ವೈರಲ್ ಆಗಿದೆ. ಅದರಲ್ಲಿ ಆಲಿಯಾ ಅವರು, ರಶ್ಮಿಕಾ ಪಕ್ಕದಲ್ಲಿ ಇರುವಾಗಲೇ ತಮ್ಮ ಹೈಹೀಲ್ಸ್ ಚಪ್ಪಲಿಯನ್ನು ಕೈಯಿಂದ ತೆಗೆದು ಎಸೆದಿದ್ದಾರೆ. ಆದರೆ ರಶ್ಮಿಕಾ ಹೈಹೀಲ್ಸ್ನಲ್ಲಿಯೇ ಸ್ಟೆಪ್ ಹಾಕಿದ್ದಾರೆ. ಅಷ್ಟಕ್ಕೂ ಚಪ್ಪಲಿ ಧರಿಸಿ ಯಾವುದೇ ಹಾಡಿಗೆ ಡ್ಯಾನ್ಸ್ ಮಾಡುವುದು ಆಲಿಯಾ ಭಟ್ಗೆ ಹೊಸದೇನಲ್ಲ. ಆದರೆ ಅವರು ಯಾಕೆ ಹಾಗೆ ಮಾಡಿದರೋ ಗೊತ್ತಿಲ್ಲ, ಒಟ್ಟಿನಲ್ಲಿ ರಶ್ಮಿಕಾ ಮತ್ತು ಅನಿಮಲ್ ಚಿತ್ರದಲ್ಲಿ ರಣವೀರ್ ಕಪೂರ್ ಜೊತೆಗಿನ ಅವರ ದೃಶ್ಯವನ್ನು ಎಳೆದು ತಂದಿರುವ ಟ್ರೋಲಿಗರು, ಆಲಿಯಾ ರಶ್ಮಿಕಾ ಎದುರು ಚಪ್ಪಲಿ ತೆಗೆದು ಅನಿಮಲ್ ರಿವೇಂಜ್ ತೆಗೆದುಕೊಳ್ಳುತ್ತಿದ್ದಾರೆ ಎಂದು ಕಾಲೆಳೆಯುತ್ತಿದ್ದಾರೆ. ಈ ವಿಡಿಯೋಗೆ ಸಕತ್ ಕಮೆಂಟ್ಗಳು ಬರುತ್ತಿವೆ.
ಪುಷ್ಪಾ ಶೂಟಿಂಗ್ ಬಿಟ್ಟು ಮುಂಬೈಗೆ ಹಾರಿದ ರಶ್ಮಿಕಾ: ಪತ್ನಿ ಆಲಿಯಾ ಎದುರೇ ಕಿಸ್ ಕೊಟ್ಟ ರಣಬೀರ್- ವಿಡಿಯೋ ವೈರಲ್
