ನಿಕ್ ಜೋನಸ್ ಹೆಂಡ್ತಿ ಎಂದು ಕರೆದಿದ್ದಕ್ಕೆ ಸಿಟ್ಟಾದ ದೇಸಿ ಗರ್ಲ್ ಸುದ್ದಿ ತುಣುಕು ನೋಡಿ ಕೋಪಗೊಂಡ ಪ್ರಿಯಾಂ ಚೋಪ್ರಾ ಜೋನಸ್(Priyanka Chopra Jonas)
ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಅವರನ್ನು ನಿಕ್ ಜೋನಾಸ್ ಪತ್ನಿ ಎಂದು ಬರೆದ ನಂತರ ಸುದ್ದಿವಾಹಿನಿಯೊಂದರ ವಿರುದ್ಧ ನಟಿ ವಾಗ್ದಾಳಿ ನಡೆಸಿದ್ದಾರೆ. Instagram ಸ್ಟೋರೀಯಲ್ಲಿ ಕೆಲವು ಸುದ್ದಿ ತುಣುಕುಗಳ ಸ್ಕ್ರೀನ್ಶಾಟ್ಗಳನ್ನು ಹಂಚಿಕೊಂಡಿದ್ದಾರೆ ಪ್ರಿಯಾಂಕ. ತನ್ನ IMDb ಲಿಂಕ್ ಅನ್ನು ತನ್ನ ಬಯೋಗೆ ಸೇರಿಸಬೇಕೇ ಎಂದು ಕೇಳಿದ್ದಾರೆ. ಇನ್ನೂ ಮಹಿಳೆಯರಿಗೆ ಅವರ ಪತಿಯ ಗುರುತಿನ ಮೂಲಕವೇ ಗುರುತಿಸುವ ಪದ್ಧತಿ ಈಗಲೂ ಮುಂದುವರಿದಿರುವ ಬಗ್ಗೆ ಅವರು ಮಾತನಾಡಿದ್ದಾರೆ. ಪ್ರಿಯಾಂಕಾ ಚೋಪ್ರಾ ಅವರು ಹಂಚಿಕೊಂಡಿರುವ ಸ್ಕ್ರೀನ್ಶಾಟ್ನಲ್ಲಿ ನಿಕ್ ಜೋನಾಸ್ ಅವರ ಪತ್ನಿ ಎಂದು ಬರೆಯಲಾಗಿದೆ. ಅದರಲ್ಲಿ ನಟಿಯ ದಿ ಮ್ಯಾಟ್ರಿಕ್ಸ್ ರಿಸರ್ರೆಕ್ಷನ್ಸ್ ಸಹ-ನಟ ಕೀನು ರೀವ್ಸ್ ಬಗ್ಗೆ ಗುಡ್ ಮಾರ್ನಿಂಗ್ ಅಮೇರಿಕಾದಲ್ಲಿ ಮಾತನಾಡುವುದನ್ನು ಉಲ್ಲೇಖಿಸಿದೆ.
ಇದನ್ನು ಹೈಲೈಟ್ ಮಾಡಿದ ನಟಿ ಪ್ರಿಯಾಂಕಾ, ನಾನು ಸಾರ್ವಕಾಲಿಕ ಅಪ್ರತಿಮ ಚಲನಚಿತ್ರ ಫ್ರಾಂಚೈಸಿಗಳಲ್ಲಿ ಒಂದನ್ನು ಪ್ರಚಾರ ಮಾಡುತ್ತಿದ್ದೇನೆ. ನನ್ನನ್ನು ಇನ್ನೂ ಹೆಂಡತಿ.. ಎಂದು ಉಲ್ಲೇಖಿಸುತ್ತಿದ್ದಾರೆ ಎಂದು ಬರೆದಿದ್ದಾರೆ. ಅದೇ ತುಣುಕಿನಲ್ಲಿ ಇನ್ನೊಂದು ಭಾಗವನ್ನು ಹೈಲೈಟ್ ಮಾಡಿದ ನಟಿ, ದಯವಿಟ್ಟು ಇನ್ನೂ ಮಹಿಳೆಯರಿಗೆ ಹೀಗ್ಯಾಕೆ ಸಂಭವಿಸುತ್ತದೆ ಎಂಬುದನ್ನು ವಿವರಿಸಿ? ನಾನು ನನ್ನ IMDb ಲಿಂಕ್ ಅನ್ನು ನನ್ನ ಬಯೋಗೆ ಸೇರಿಸಬೇಕೇ? ಎಂದು ಬರೆದು ಪ್ರಿಯಾಂಕಾ ತಮ್ಮ ಪೋಸ್ಟ್ನಲ್ಲಿ ಪತಿ, ಗಾಯಕ ನಿಕ್ ಜೋನಾಸ್ ಅವರನ್ನು ಟ್ಯಾಗ್ ಮಾಡಿದ್ದಾರೆ.
ಮದ್ವೆ ಫೋಟೋಗಳನ್ನು ಕೋಟಿಗಳಿಗೆ ಮಾರಿದ ಸ್ಟಾರ್ ಜೋಡಿಗಳಿವರು
ಪ್ರಿಯಾಂಕಾ ಈ ವಾರ ಪೂರ್ತಿ ಚಿತ್ರದ ಪ್ರಚಾರ ನಡೆಸುತ್ತಿದ್ದಾರೆ. ಅದರ ಬಗ್ಗೆ ಹಲವಾರು ವೇದಿಕೆಗಳಲ್ಲಿ ನಿಕ್ ಮಾತನಾಡಿದ್ದಾರೆ. ಇತ್ತೀಚೆಗೆ ಜಡಾ ಪಿಂಕೆಟ್ ಸ್ಮಿತ್ ಅವರ ರೆಡ್ ಟೇಬಲ್ ಟಾಕ್ ನ 100 ನೇ ಸಂಚಿಕೆಯಲ್ಲಿ, ನಿಕ್ ಫಿಲ್ಮ್ ಫ್ರಾಂಚೈಸಿಯ ಅಭಿಮಾನಿ ಎಂದು ಪ್ರಿಯಾಂಕಾ ಬಹಿರಂಗಪಡಿಸಿದ್ದರು. ಪ್ರಿಯಾಂಕಾ ಅವರು ಸಿನಿಮಾ ಭಾಗವಾಗಿದ್ದಾರೆ ಎಂದು ಅವರು ತಮ್ಮ ಅಭಿಮಾನಿಗಳಿಗೆ ಉತ್ಸುಕತೆಯಿಂದ ಹೇಳಿಕೊಂಡಿದ್ದಾರೆ. ಅವರು ಖಂಡಿತವಾಗಿಯೂ ದಿ ಮ್ಯಾಟ್ರಿಕ್ಸ್ನ ಅಭಿಮಾನಿಯಾಗಿರುತ್ತಾರೆ. ನಾನು ಚಿತ್ರದ ಭಾಗವಾದಾಗ ಅವರು ತುಂಬಾ ಉತ್ಸುಕರಾಗಿದ್ದರು ಎಂದು ನಾನು ಭಾವಿಸುತ್ತೇನೆ ಎಂದಿದ್ದಾರೆ.
ಪ್ರಿಯಾಂಕಾ ತನ್ನ ಸಹ-ನಟಿಯರೊಂದಿಗೆ ದೃಶ್ಯವನ್ನು ಚಿತ್ರೀಕರಿಸುವಾಗ ನರ್ವಸ್ ಆಗಿರುವ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ನಾವು ಬರ್ಲಿನ್ನಲ್ಲಿ ಆ ಒಂದು ದೃಶ್ಯವನ್ನು ಮಾಡುವಾಗ ನಾನು ನಿಜವಾಗಿಯೂ ಒಂದು ಕ್ಷಣ ಬೆವತಿದ್ದೆ. ನನ್ನ ಕೈಗಳು ಬೆವರುತ್ತಿರುವುದನ್ನು ನೆನಪಿಸಿಕೊಳ್ಳಿ. ಓ ದೇವರೇ. ನಿಮ್ಮೆಲ್ಲರ ಮುಂದೆ ನನ್ನ ಮಾತುಗಳನ್ನು ಸರಿಯಾಗಿ ಹೇಳದಿದ್ದರೆ 16 ವರ್ಷದ ನಾನು ಎಂದಿಗೂ ನನ್ನನ್ನು ಕ್ಷಮಿಸುವುದಿಲ್ಲ ಎಂದು ನಾನು ಹೇಳಿಕೊಂಡಿದ್ದೆ ಎಂದಿದ್ದಾರೆ ನಟಿ.
