ಚಿನ್ನದ ಫೋನ್ ಕಳಕೊಂಡ ಊರ್ವಶಿಗೆ ವಜ್ರದ ಫೋನ್ ಕೊಡಿಸೋ ಆಫರ್ಗಳ ಸುರಿಮಳೆ! ನಟಿ ಹೇಳಿದ್ದೇನು ಕೇಳಿ...
ಕ್ರಿಕೆಟ್ ಪಂದ್ಯದ ವೇಳೆ ಚಿನ್ನದ ಫೋನ್ ಕಳಕೊಂಡ ಊರ್ವಶಿ ರೌಟೇಲಾ ಅವರಿಗೆ ವಜ್ರದ ಫೋನ್ ಕೊಡಿಸೋ ಆಫರ್ಗಳ ಸುರಿಮಳೆಯಾಗ್ತಿದೆಯಂತೆ. ನಟಿ ಹೇಳಿದ್ದೇನು ಕೇಳಿ...
ಕಳೆದ ಅಕ್ಟೋಬರ್ 14ರಂದು ಗುಜರಾತ್ನ ಅಹಮದಾಬಾದ್ನ ನರೇಂದ್ರಮೋದಿ ಸ್ಟೇಡಿಯಂನಲ್ಲಿ ನಡೆದ ಭಾರತ ಮತ್ತು ಪಾಕಿಸ್ತಾನ ಕ್ರಿಕೆಟ್ ಪಂದ್ಯಾವಳಿ ವೇಳೆ, ಕ್ರೀಡೆ ನೋಡಲು ತೆರಳಿದ್ದ ಬಾಲಿವುಡ್ ಖ್ಯಾತ ನಟಿ ಊರ್ವಶಿ ರೌಟೇಲಾ (Uravashi Rautela) ಅವರು ತಮ್ಮ ಚಿನ್ನದ ಐಫೋನ್ ಅನ್ನು ಕಳೆದುಕೊಂಡಿದ್ದರು. ಸುಂದರವಾದ ನೀಲಿ ಬಣ್ಣದ ಡ್ರೆಸ್ ಧರಿಸಿ ಭಾರತ ಕ್ರಿಕೆಟ್ ತಂಡವನ್ನು ಬೆಂಬಲಿಸಲು ಬಂದಿದ್ದ ಊರ್ವಶಿ ರೌಟೇಲಾ ಬಂದಿದ್ದ ಊರ್ವಶಿಯವರು ಭಾರತ ಗೆದ್ದ ಖುಷಿಯಲ್ಲಿ ಇರುವಾಗಲೇ ಫೋನ್ ಕಳೆದುಕೊಂಡಿದ್ದರು, ಈ ಕುರಿತು ಅಂದೇ ಅವರು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದರು. ನನ್ನ 24 ಕ್ಯಾರೆಟ್ ಚಿನ್ನದ ಐಫೋನ್ ಅನ್ನು ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಭಾರತ-ಪಾಕಿಸ್ತಾನ ಮ್ಯಾಚ್ ನಡೆಯುವಾಗ ಕಳೆದುಕೊಂಡಿದ್ದೇನೆ. ದಯವಿಟ್ಟು ಸಹಾಯ ಮಾಡಿ, ಯಾರಿಗಾದರೂ ಮೊಬೈಲ್ ಸಿಕ್ಕರೆ ಮರಳಿಸಿ, ಅಥವಾ ನನ್ನನ್ನು ಸಂಪರ್ಕಿಸಿ ಎಂದು ಊರ್ವಶಿ ಬರೆದುಕೊಂಡಿದ್ದರು. ತಮ್ಮ ಈ ಪೋಸ್ಟ್ ಅನ್ನು ಅಹಮದಾಬಾದ್ ಪೊಲೀಸರಿಗೆ ಹಾಗೂ ನರೇಂದ್ರ ಮೋದಿ ಸ್ಟೇಡಿಯಂನ ಅಧಿಕೃತ ಟ್ವಿಟ್ಟರ್ ಖಾತೆಯನ್ನು ಟ್ಯಾಗ್ ಮಾಡಿದ್ದರು.
ಅದಾದ ಬಳಿಕ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದ ನಟಿ, ನಟಿ ತಮ್ಮ ಫೋನ್ ಹುಡುಕಿ ಕೊಟ್ಟವರಿಗೆ ಭರ್ಜರಿ ಬಹುಮಾನವನ್ನೂ ಘೋಷಿಸಿದ್ದರು. ಮೊಬೈಲ್ ತಂದುಕೊಟ್ಟವರಿಗೆ ಬಹುಮಾನ ನೀಡುವುದಾಗಿ ಹೇಳಿರುವ ಊರ್ವಶಿ, ಆ ಬಹುಮಾನ ಯಾವುದು ಎನ್ನುವುದನ್ನು ತಿಳಿಸಿರಲಿಲ್ಲ. ಮೊಬೈಲ್ ಕಳೆದುಕೊಂಡಿರುವ ಕುರಿತು ಪೊಲೀಸರು ಕೂಡ ಕಾಳಜಿ ವಹಿಸಿದ್ದು, ಊರ್ವಶಿ ಮೊಬೈಲ್ ಬೇಗ ಸಿಗಲಿ ಎಂದು ಹಾರೈಸಿದ್ದರು. ಇದರ ಹೊರತಾಗಿಯೂ ನಟಿಯ ಫೋನ್ ಹುಡುಕುವಲ್ಲಿ ಪೊಲೀಸರು ವಿಫಲರಾಗಿದ್ದರು. ಇವೆಲ್ಲಾ ನಟಿ ಪ್ರಚಾರಕ್ಕಾಗಿ ಮಾಡ್ತಿರೋದು ಎಂದು ಹಲವರು ಟ್ರೋಲ್ ಕೂಡ ಮಾಡಿದ್ದರು. ಆದರೆ ಇದರ ನಡುವೆಯೇ, ಅಜ್ಞಾತ ವ್ಯಕ್ತಿಯೊಬ್ಬ ನಟಿ ಊರ್ವಶಿಗೆ ಮೇಲ್ ಒಂದನ್ನು ಕಳುಹಿಸಿದ್ದ. ಆ ಮೇಲ್ ಅನ್ನು ನಟಿ ತಮ್ಮ ಇನ್ಸ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಶೇರ್‌ ಮಾಡಿಕೊಂಡಿದ್ದರು. ಮೇಲ್ ಕಳುಹಿಸಿದ್ದ ವ್ಯಕ್ತಿಯು, ನಿಮ್ಮ ಫೋನ್ ನನ್ನ ಬಳಿಯಿದೆ. ವಾಪಸ್ ಕೊಡುತ್ತೇನೆ. ಆದರೆ ನನಗೊಂದು ಸಹಾಯ ಮಾಡಬೇಕು. ನಿಮ್ಮ ಫೋನ್ ನಿಮಗೆ ಬೇಕಾದರೆ, ಕ್ಯಾನ್ಸರ್‌ನಿಂದ ಬಳಲುತ್ತಿರುವ ನನ್ನ ಸಹೋದರನ ಕ್ಯಾನ್ಸರ್‌ ಚಿಕಿತ್ಸೆಗೆ ಸಹಾಯ ಮಾಡಬೇಕು ಎಂದಿದ್ದ. ಈ ಮೇಲ್‌ಗೆ ನಟಿ ಓಕೆ ಎಂದು ಥಮ್ಸ್‌ ಅಪ್‌ ಎಮೋಜಿ ಹಾಕಿದ್ದರು.
56 weds 33! ಮಂಟಪಕ್ಕೆ ಬಂದ 56ರ ಮದುಮಗ ಅರ್ಬಾಜ್ ಖಾನ್: ಮದ್ವೆಮನೆ ವಿಡಿಯೋ ವೈರಲ್
ಆದರೆ ಇದರ ಹೊರತಾಗಿಯೂ ಫೋನ್ ಸಿಗಲಿಲ್ಲ ಎನ್ನಲಾಗುತ್ತಿದೆ. ಘಟನೆ ನಡೆದು ಎರಡು ತಿಂಗಳ ಮೇಲಾದರೂ ನಟಿಯ ಕಳೆದು ಹೋಗಿದೆ ಎನ್ನಲಾದ ಫೋನ್ ಸಿಕ್ಕಂತಿಲ್ಲ. 24 ಕ್ಯಾರೆಟ್ ಚಿನ್ನ ಇರುವ ಫೋನ್ ಬೆಲೆ 7 ಲಕ್ಷದ 55 ಸಾವಿರದ 430ರೂಪಾಯಿ ಎಂದಿದ್ದರು ನಟಿ. ಚಿನ್ನದ ಫೋನ್ ಸಿಗದಿದ್ದರೆ ಏನಂತೆ, ಊರ್ವಶಿಗೆ ವಜ್ರದ ಫೋನ್ ಕೊಡಿಸುವುದಾಗಿ ಅಭಿಮಾನಿಗಳಿಂದ ಆಫರ್ಗಳ ಸುರಿಮಳೆಯೇ ಆಗಿದೆಯಂತೆ!
ಈ ಕುರಿತು ಖುದ್ದು ಈಗ ಊರ್ವಶಿ ಹೇಳಿಕೊಂಡಿದ್ದಾರೆ. ನನ್ನ ಫೋನ್ ಕಳೆದು ಹೋಗಿರುವುದು ತಿಳಿದಾಗಿನಿಂದಲೂ ನನಗೆ ಚಿನ್ನ ಮಾತ್ರವಲ್ಲದೇ ವಜ್ರದ ಫೋನ್ ಕೊಡಿಸುವುದಾಗಿಯೂ ಆಫರ್ಗಳ ಸುರಿಮಳೆಯೇ ಆಗುತ್ತಿದೆ. ಆದರೆ ನಿಜವಾಗಿ ಹೇಳಬೇಕೆಂದರೆ, ಇಲ್ಲಿ ಚಿನ್ನ, ವಜ್ರದ ಪ್ರಶ್ನೆಯಲ್ಲ... ಬದಲಿಗೆ ನನ್ನ ಆ ಫೋನಿನ ಪ್ರಶ್ನೆ ಎಂದಿದ್ದಾರೆ. ಇದನ್ನು ಕೇಳುತ್ತಿದ್ದಂತೆಯೇ ಫ್ಯಾನ್ಸ್, ಫೋನ್ ಕಳೆದುಹೋಗಿದ್ದರೆ ತಾನೇ ಸಿಗುವುದು ಎಂದಿದ್ದರೆ, ಉಳ್ಳವರಿಗೇ ಯಾಕೆ ಎಲ್ಲರೂ ಆಫರ್ ಕೊಡುತ್ತಾರೆ? ನನ್ನಂಥ ಬಡವರಿಗೂ ಸಹಾಯ ಮಾಡಬಹುದಲ್ಲವೆ ಎಂದು ಪ್ರಶ್ನಿಸಿದ್ದಾರೆ. ಈ ವಿಡಿಯೋದಲ್ಲಿ ನಟಿ ಇನ್ನೊಂದು ವಜ್ರ, ಚಿನ್ನ ಲೇಪಿತ ಝಗಮಗಿಸುವ ಫೋನ್ ಒಂದನ್ನು ಕೈಯಲ್ಲಿ ಹಿಡಿದುಕೊಂಡಿರುವುದನ್ನು ನೋಡಬಹುದು.
