Asianet Suvarna News Asianet Suvarna News

ಬ್ಯಾಂಕ್ ಉದ್ಯೋಗ ಬಿಟ್ಟು UPSCಗೆ ತಯಾರಿ: ಎರಡನೇ ಪ್ರಯತ್ನದಲ್ಲೇ ಗೆದ್ದ ಅಭಿಷೇಕ್‌!

* ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್(UPSC 2020) ಪರೀಕ್ಷೆಯ ಫಲಿತಾಂಶ

* ಸರಣಿಯ 12ನೇ ಸಂಚಿಕೆಯಲ್ಲಿ ಅಭಿಷೇಕ್ ಸಿಂಗ್ ಜೊತೆ ಸಂವಾದ

* ಬ್ಯಾಂಕ್ ನೌಕರಿ ಬಿಟ್ಟು ಯುಪಿಎಸ್‌ಸಿಗೆ ತಯಾರಿ

UPSC 2020 Topper Abhishek Singh From Uttar Pradesh Asianet News Exclusive Interview pod
Author
Bangalore, First Published Oct 26, 2021, 3:53 PM IST
  • Facebook
  • Twitter
  • Whatsapp

ನವದೆಹಲಿ(ಅ.26) ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್(UPSC 2020) ಪರೀಕ್ಷೆಯ ಫಲಿತಾಂಶ ಸೆಪ್ಟೆಂಬರ್ 24 ರಂದು ಹೊರಬಿದ್ದಿದೆ. ಅಂತಿಮ ಫಲಿತಾಂಶದಲ್ಲಿ ಒಟ್ಟು 761 ಅಭ್ಯರ್ಥಿಗಳನ್ನು ಆಯ್ಕೆ ಮಾಡಲಾಗಿದೆ. ಏಷ್ಯಾನೆಟ್‌ ನ್ಯೂಸ್‌(Asianet News) UPSC ಆಯ್ಕೆ ಮಾಡಿದ 100 ಅಭ್ಯರ್ಥಿಗಳೊಂದಿಗೆ ಸಂವಾದ ನಡೆಸಿದೆ. ಈ ಸರಣಿ ಸಂದರ್ಶನದ(UPSC Interview) ಮೂಲಕ ಅಭ್ಯರ್ಥಿಗಳ ಯಶಸ್ಸಿನ ಗುಟ್ಟು ಅನಾವರಣಗೊಳಿಸಿದೆ. ಈ ಸರಣಿ 12ನೇ ಸಂಚಿಕೆಯಲ್ಲಿ, UPSCಯಲ್ಲಿ 240ನೇ Rank ಪಡೆದ ಉತ್ತರ ಪ್ರದೇಶದ(Uttar Pradesh) ಮೌ ಜಿಲ್ಲೆಯ ಅಭಿಷೇಕ್ ಸಿಂಗ್(Abhishek Singh) ಅವರ ಸಂದರ್ಶನ ನೀಡಲಾಗಿದೆ.

ಮೊದಲ ಪ್ರಯತ್ನದಲ್ಲೇ 22 ವರ್ಷದ ಆದರ್ಶ್ UPSC ಟಾಪರ್, ಕೋಚಿಂಗ್ ಇಲ್ಲದೆಯೇ ಸಾಧನೆ!

ಮುಂಬೈನಲ್ಲಿ ಉಪ ವ್ಯವಸ್ಥಾಪಕ

ಯುಪಿಯ ಮೌ ಜಿಲ್ಲೆಯ ಸದರ್ ತೆಹಸಿಲ್ ಪ್ರದೇಶದ ರತನ್‌ಪುರ ನಿವಾಸಿಯಾಗಿರುವ ಅಭಿಷೇಕ್ ಸಿಂಗ್, ರತನ್‌ಪುರದ ಎವರ್‌ಗ್ರೀನ್ ಪಬ್ಲಿಕ್ ಸ್ಕೂಲ್‌ನಲ್ಲಿ ತಮ್ಮ ಆರಂಭಿಕ ಅಧ್ಯಯನವನ್ನು ಮಾಡಿದರು. ಇಲ್ಲಿ ಐದನೇ ತರಗತಿಯವರೆಗೆ ಓದಿದ ನಂತರ ಅವರನ್ನು ಲಕ್ನೋದ ಸೈನಿಕ ಶಾಲೆಗೆ ಸೇರಿಸಲಾಯಿತು. ಅಲ್ಲಿಂದ ಇಂಟರ್‌ಮೀಡಿಯೇಟ್ ಮುಗಿಸಿದ ನಂತರ 2015ರಲ್ಲಿ ಲಕ್ನೋದ BBD ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಇಂಜಿನಿಯರಿಂಗ್ ಪದವಿ ಮುಗಿಸಿ ನಂತರ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ ಪ್ರೊಬೇಷನರಿ ಆಫೀಸರ್ ಆಗಿ ಆಯ್ಕೆಯಾದರು. 2017 ರಲ್ಲಿ ಅವರು ಮುಂಬೈನಲ್ಲಿ ಡೆಪ್ಯೂಟಿ ಮ್ಯಾನೇಜರ್ ಹುದ್ದೆಗೆ ನೇಮಕಗೊಂಡರು. ಅವರ ತಂದೆ ಬಲ್ಮುಕುಂದ್ ಸಿಂಗ್ ಮತ್ತು ತಾಯಿ ಉಷಾ ಸಿಂಗ್ ಸರ್ಕಾರಿ ಶಾಲೆಯಲ್ಲಿ ಶಿಕ್ಷಕರು. ಹಿರಿಯ ಸಹೋದರಿ ಅರ್ಚನಾ ಸಿಂಗ್ ಬೆಂಗಳೂರಿನ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ ಬ್ರಾಂಚ್ ಮ್ಯಾನೇಜರ್ ಆಗಿದ್ದಾರೆ.

ಸೀನಿಯರ್ಸ್‌ ಐಎಎಸ್ ಆದಾಗ ಆತ್ಮವಿಶ್ವಾಸ ಹೆಚ್ಚಾಯಿತು

ಅಭಿಷೇಕ್‌ಗೆ ಬಾಲ್ಯದಿಂದಲೂ ಆಡಳಿತ ಸೇವೆಗೆ ಸೇರಬೇಕೆಂಬ ಕನಸು ಇತ್ತು. ಲಕ್ನೋದ ಸೈನಿಕ್ ಶಾಲೆಯಲ್ಲಿ ಓದುತ್ತಿರುವಾಗ ಅವರ ಹಿರಿಯ ವಿದ್ಯಾರ್ಥಿಯೊಬ್ಬರು ಐಎಎಸ್ ಆಗಲು ಯುಪಿಎಸ್‌ಸಿಗೆ ಆಯ್ಕೆಯಾದಾಗ ಅವರ ಕನಸು ಮತ್ತಷ್ಟು ಬಲವಾಯಿತು. ಅವರ ಆಯ್ಕೆಯ ನಂತರ ಅಭಿಷೇಕ್ ಅವರ ಆತ್ಮವಿಶ್ವಾಸ ಹೆಚ್ಚಾಯಿತು. ಏಕೆಂದರೆ ಇಲ್ಲಿಯವರೆಗೆ ಅವರು ತಮ್ಮ ಶಾಲೆಯ ಅನೇಕ ಹಳೆಯ ವಿದ್ಯಾರ್ಥಿಗಳು ಐಎಎಸ್ ಮತ್ತು ಐಪಿಎಸ್ ಎಂದು ಕೇಳಿದ್ದರು ಆದರೆ ಮೊದಲ ಬಾರಿಗೆ ಅವರು ತಮ್ಮ ಹಿರಿಯ ವಿದ್ಯಾರ್ಥಿ ಐಎಎಸ್ ಆಗುವುದನ್ನು ನೋಡಿದ್ದರು. ನನಗೆ ವೈಯಕ್ತಿಕವಾಗಿ ಪರಿಚಯವಿರುವವರು ಇದರಲ್ಲಿ ಯಶಸ್ವಿಯಾದಾಗ, ನಾನೂ ಯತ್ನಿಸಿದರೆ ನಾನೂ ಆಯ್ಕೆಯಾಗಬಹುದು ಎಂಬ ನಂಬಿಕೆ ಮೂಡಿತು ಎನ್ನುತ್ತಾರೆ ಅಭಿಷೇಕ್. ಸಿವಿಲ್ ಸರ್ವೀಸ್ ಪರೀಕ್ಷೆಯ ತಯಾರಿಗೆ ಸಂಬಂಧಿಸಿದಂತೆ ಇಂಜಿನಿಯರಿಂಗ್ ವ್ಯಾಸಂಗದಲ್ಲಿ ಇದ್ದ ಅನಿಶ್ಚಿತತೆ, ಸೀನಿಯರ್ಸ್ ಐಎಎಸ್ ಆಗುವ ಸುದ್ದಿಯ ನಂತರ ಯುಪಿಎಸ್‌ಸಿಗೆ ತಯಾರಾಗುವ ಸಂಕಲ್ಪ ಮತ್ತು ಇಲ್ಲಿಂದ ಯುಪಿಎಸ್‌ಸಿ ಪರೀಕ್ಷೆಗೆ ತಯಾರಿ ಮಾಡುವ ಪಯಣ ಅಭಿಷೇಕ್‌ ಆರಂಭಿಸಿದರು. 

ಅಪ್ಪನಿಗೆ ನಿರಾಸೆ ಮಾಡಲಿಲ್ಲ ಮಗಳು: IPS ಆಗುವ ಕನಸು ನನಸಾಗಿಸಿದ ರೈತನ ಮಗಳು!

ಪ್ರೇರಣೆಗಿಂತ ಶಿಸ್ತು ಮುಖ್ಯ

ನಿಮ್ಮ ಪ್ರಯತ್ನಗಳ ಬಗ್ಗೆ ಯಾವಾಗಲೂ ಪ್ರಾಮಾಣಿಕವಾಗಿರಿ. ಸ್ವಯಂ ಮೌಲ್ಯಮಾಪನ ಮಾಡುವುದನ್ನು ಮುಂದುವರಿಸಿ. ಯಾವಾಗಲೂ ಮೈಕ್ರೋ ಲೆವೆಲ್‌ನ ಗುರಿ ಸಾಧಿಸಿ. ನೀವು ಮಾಡಲು ಬಯಸಿದ ಕೆಲಸವನ್ನು ಸಣ್ಣ ಭಾಗಗಳಾಗಿ ವಿಂಗಡಿಸಿ. ಹೀಗಿರುವಾಗ ಗುರಿ ಚಿಕ್ಕದಾಗಿ ಕಾಣುತ್ತದೆ. ಯುಪಿಎಸ್‌ಸಿ ತಯಾರಿಯಲ್ಲಿ ಪ್ರೇರಣೆಗಿಂತ ಶಿಸ್ತು ಬಹಳ ಮುಖಖ್ಯ. ಪ್ರೇರಣೆ ಇದ್ದರೆ ತಿಂಗಳಿಗೆ 10 ರ ಬದಲು 16 ಗಂಟೆ ಅಧ್ಯಯನ ನಡೆಸುತ್ತಾರೆ. ಆದರೆ ಯಾರು ಶಿಸ್ತುಬದ್ಧರಾಗುತ್ತಾರರೋ ಅವರು ಪ್ರತಿದಿನ 10 ರಿಂದ 12 ಗಂಟೆಗಳ ಕಾಲ ನಿಯಮಿತವಾಗಿ ಅಧ್ಯಯನ ಮಾಡುತ್ತಾರೆ. ನಿಮ್ಮ ಸಾಮರ್ಥ್ಯವನ್ನು ಎಂದಿಗೂ ಕಡಿಮೆ ಎಂದು ಪರಿಗಣಿಸಬೇಡಿ. ಗುರಿಯನ್ನು ಯಾವಾಗಲೂ ದೊಡ್ಡದಾಗಿ ಇಟ್ಟುಕೊಳ್ಳಬೇಕು. ಗುರಿಗಳನ್ನು ಎಂದಿಗೂ ಕೆಳಮಟ್ಟದಲ್ಲಿರಿಸಬಾರದು ಎಂದಿದ್ದಾರೆ.

ನಿಮಗಾಗಿ ಅರ್ಧ ಗಂಟೆ ಇಟ್ಟುಕೊಳ್ಳಿ

ಯಾರನ್ನೂ ನಕಲು ಮಾಡಬೇಡಿ. ನಿಮ್ಮ ಸಾಮರ್ಥ್ಯ ಮತ್ತು ದೌರ್ಬಲ್ಯಗಳ ಆಧಾರದ ಮೇಲೆ ನಿಮ್ಮ ತಂತ್ರವನ್ನು ಮಾಡಿ. ನಿಮ್ಮ ಪುಸ್ತಕಪಟ್ಟಿಯನ್ನು ಚಿಕ್ಕದಾಗಿಡಿ. ಆದ್ದರಿಂದ ನೀವು ಅದನ್ನು ಮತ್ತೆ ಮತ್ತೆ ಪರಿಷ್ಕರಿಸಬಹುದು. ಯೋಗ, ಧ್ಯಾನ ಅಥವಾ ವ್ಯಾಯಾಮಕ್ಕೆ ಅರ್ಧ ಗಂಟೆ ತೆಗೆದುಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳಿ. ಕಾಲಮಿತಿಯ ಗುರಿಯನ್ನು ಮಾಡಿಕೊಳ್ಳಿ ಮತ್ತು ಅದರಂತೆ ಮುಂದುವರಿಯಿರಿ. ನೀವು ಆಯ್ಕೆಯಾಗುತ್ತೀರಾ ಅಥವಾ ಇಲ್ಲವೇ ಎಂದು ಯೋಚಿಸಬೇಡಿ. ಬದಲಿಗೆ ಪರೀಕ್ಷೆಯ ತಯಾರಿಯಲ್ಲಿ ನಿರತರಾಗಿರಿ. ನೀವು ಸಣ್ಣ ವಿಷಯಗಳನ್ನು ಕಾರ್ಯಗತಗೊಳಿಸುತ್ತಿದ್ದರೆ, ನೀವು ಗುರಿಯತ್ತ ಸಾಗುತ್ತೀರಿ.

ಉದ್ಯೋಗ ಬಿಟ್ಟು UPSC ಬರೆದ ವಿಧು ಶೇಖರ್‌ಗೆ ಶಾಕ್, 4ನೇ ಪ್ರಯತ್ನದಲ್ಲಿ ಗೆಲುವು!

ಇವರಿಗೆ ಸಲ್ಲುತ್ತೆ ಯಶಸ್ಸಿನ ಕ್ರೆಡಿಟ್

ಶಾಲೆಯಲ್ಲಿ ಶಿಸ್ತಿನ ಪಾಠ ಹೇಳಿಕೊಟ್ಟರು. ಪೋಷಕರು ಶಿಕ್ಷಕರಾಗಿದ್ದರು, ಆದ್ದರಿಂದ ಅವರು ಉತ್ತಮ ಮೌಲ್ಯವನ್ನು ನೀಡಿದರು, ಧೈರ್ಯವನ್ನು ಹೆಚ್ಚಿಸಿದರು. ಹಿರಿಯ ಸಹೋದರಿ ಬಹಳಷ್ಟು ಪ್ರೋತ್ಸಾಹಿಸಿದರು. ಸದಾ ಪ್ರೇರೇಪಿಸಿ ಬೆಂಬಲವಾಗಿ ನಿಂತಳು. ಶಿಕ್ಷಕರೂ ಅವರ ಸ್ಥೈರ್ಯವನ್ನು ಹೆಚ್ಚಿಸಿಕೊಂಡರು. ಸ್ನೇಹಿತರು ಅವರ ಮೇಲೆ ನಂಬಿಕೆ ಇಟ್ಟರು. ಅದು ಅಭಿಷೇಕ್ ಆತ್ಮವಿಶ್ವಾಸವನ್ನು ಹೆಚ್ಚಿಸಿತು. ಅಭಿಷೇಕ್ ತನ್ನ ಯಶಸ್ಸಿನ ಶ್ರೇಯವನ್ನು ಕುಟುಂಬ, ಶಿಕ್ಷಕರು ಮತ್ತು ಸ್ನೇಹಿತರಿಗೆ ನೀಡಿದ್ದಾರೆ.

ಸಂದರ್ಶನಕ್ಕೆಂದು ಎರಡು ದಿನ ರಜೆ ಹಾಕಿದೆ

ಸಂದರ್ಶನದ ವೇಳೆ ಅಭಿಷೇಕ್ ತರಬೇತಿಯಲ್ಲಿದ್ದರು. ಸಂದರ್ಶನಕ್ಕೆಂದು ಎರಡು ದಿನ ರಜೆ ತೆಗೆದುಕೊಂಡರು. ಆಡಳಿತ ಮಂಡಳಿಯ ಮುಂದೆ ಪ್ರಾಮಾಣಿಕವಾಗಿರಬೇಕು ಎನ್ನುತ್ತಾರೆ. ಮಂಡಳಿಯು ನಿಮ್ಮಲ್ಲಿ ಪ್ರಾಮಾಣಿಕತೆಯನ್ನು ನೋಡಿದರೆ, ಅವರ ಪರವಾಗಿ ಅವರು ನಿಮಗೆ ಮಾನ್ಯತೆ ನೀಡುತ್ತಾರೆ. ನೀವು ಸರಿಯಾಗಿದ್ದರೆ ಮತ್ತು ಸರಿಯಾದ ರೀತಿಯಲ್ಲಿ ಯೋಚಿಸಿದರೆ ಏನನ್ನೂ ಕುಶಲತೆಯಿಂದ ನಿರ್ವಹಿಸುವ ಅಗತ್ಯವಿಲ್ಲ.

ನಾವು ಉದ್ದೇಶದ ಬಗ್ಗೆ ಯೋಚಿಸಿದಾಗ, ದೃಷ್ಟಿಕೋನವನ್ನು ವಿಶಾಲವಾಗಿರುತ್ತದೆ

UPSC ಪರೀಕ್ಷೆಯ ತಯಾರಿ ಸಮಯವು ಅಭಿಷೇಕ್ ಸಿಂಗ್‌ಗೆ ಸವಾಲಾಗಿತ್ತು. ಅವರು ಮಾನಸಿಕವಾಗಿ ಒತ್ತಡ ಅನುಭವಿಸುತ್ತಿದ್ದರು. ಈ ಬಗ್ಗೆ ಮಾತನಾಡಿದ ಅವರು ನಿಮ್ಮ ದೃಷ್ಟಿಕೋನವು ವಿಶಾಲ ವ್ಯಾಪ್ತಿಯನ್ನು ತೆಗೆದುಕೊಳ್ಳುತ್ತದೆ. ಅಂದರೆ ಗುರಿಯನ್ನು ಸಾಧಿಸುವಾಗ ಯಾವಾಗಲೂ ಏರಿಳಿತಗಳು ಇದ್ದೇ ಇರುತ್ತವೆ. ಗುರಿಯನ್ನು ತಲುಪಲು ಈ ಪ್ರಕ್ರಿಯೆಯ ಮೂಲಕ ಹೋಗಲೇಬೇಕು. ಆ ಸಮಯದಲ್ಲಿ ನೀವು ನಿಮ್ಮನ್ನು ಹೇಗೆ ಸಂಘಟಿತರಾಗಿ ಮತ್ತು ಶಿಸ್ತುಬದ್ಧವಾಗಿ ಇಟ್ಟುಕೊಳ್ಳಬಹುದು ಎಂಬುದು ನಿಮಗೆ ಬಿಟ್ಟದ್ದು. UPSC ಪರೀಕ್ಷೆಯಲ್ಲಿ ಆಯ್ಕೆಯಾಗುವವರೆಗಿನ ಪ್ರಯಾಣ ದೀರ್ಘವಾದದ್ದು. UPSCಯಲ್ಲಿ ಅಭ್ಯರ್ಥಿಯನ್ನು ಮೊದಲ ಬಾರಿಗೆ ಆಯ್ಕೆ ಮಾಡಿದರೂ, ಈ ಸಂಪೂರ್ಣ ಪ್ರಕ್ರಿಯೆಯು ಎರಡು ವರ್ಷಗಳವರೆಗೆ ತೆಗೆದುಕೊಳ್ಳುತ್ತದೆ ಎಂದಿದ್ದಾರೆ.

ಅತ್ತ ತಂದೆ ನಿಧನ, ಇತ್ತ UPSC ಸಂದರ್ಶನ: ಕನಸು ನನಸಾಗಿಸಿದ ದಿವ್ಯಾಂಶು!

ಸಕಾರಾತ್ಮಕವಾಗಿರಿ, ಅದು ಪ್ರೇರಣೆ

ನೀವು ಮಧ್ಯಮ ವರ್ಗದ ಕುಟುಂಬಕ್ಕೆ ಸೇರಿದವರಾಗಿದ್ದರೆ, ಅಲ್ಲಿ ಸಂದರ್ಭಗಳ ಜೊತೆಗೆ ಹಣಕಾಸಿನ ಪರಿಸ್ಥಿತಿಯು ಯಾವಾಗಲೂ ದೊಡ್ಡ ಸವಾಲಾಗಿರುತ್ತದೆ. ಬೇಗನೆ ನೆಲೆಸುವ ಭಾವನೆ ಬಲವಾಗಿರುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಅಭಿಷೇಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಕೆಲಸ ಬಿಟ್ಟು ತಯಾರಿ ನಡೆಸುವುದು ಸುಲಭದ ನಿರ್ಧಾರವಾಗಿರಲಿಲ್ಲ. ಅವರು ಕೆಲಸ ಮಾಡುವಾಗ, ಆರ್ಥಿಕವಾಗಿ ಸುರಕ್ಷಿತವಾಗಿರುತ್ತಿದ್ದರು. ಕೆಲಸ ಬಿಟ್ಟು ತಯಾರಾಗುವ ನಿರ್ಧಾರ ಅಷ್ಟು ಸುಲಭದ ಮಾತಲ್ಲ ಎನ್ನುತ್ತಾರೆ ಅವರು. ಯಾವಾಗಲೂ ಧನಾತ್ಮಕವಾಗಿರಿ. ಇದುವೇ ನನಗೆ ಪ್ರೇರಣೆಯಾಗಿತ್ತು ಮತ್ತು ಇದುವೇ ಯುಪಿಎಸ್‌ಇ ಹಾದಿಯನ್ನು ಮತ್ತಷ್ಟು ಸರಳಗೊಳಿಸಿತು ಎಂದಿದ್ದಾರೆ.

ಬ್ಯಾಂಕ್ ನೌಕರಿಯಿಂದ ರಜೆ ಪಡೆದು ತಯಾರಿ 

ಅಭಿಷೇಕ್ ಸಿಂಗ್ ಅವರು 2015 ರಲ್ಲಿ BBD ಲಕ್ನೋದಿಂದ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್‌ನಲ್ಲಿ ಪದವಿ ಪಡೆದರು ಮತ್ತು ಜುಲೈ 2015 ರಿಂದ ಅಕ್ಟೋಬರ್ 2018 ರವರೆಗೆ ಎಸ್‌ಬಿಐನಲ್ಲಿ ಪ್ರೊಬೇಷನರಿ ಅಧಿಕಾರಿಯಾಗಿ ಕೆಲಸ ಮಾಡಿದರು. ಬಾಲ್ಯದಿಂದಲೂ ನಾಗರಿಕ ಸೇವೆಗೆ ಸೇರುವುದು ತನ್ನ ಕನಸಾಗಿತ್ತು ಎಂದು ಬ್ಯಾಂಕ್‌ನಲ್ಲಿ ಮೂರು ವರ್ಷಗಳ ಕೆಲಸದ ಸಮಯದಲ್ಲಿ ಅವನು ಅರಿತುಕೊಂಡರು. ಬ್ಯಾಂಕಿಂಗ್ ಕ್ಷೇತ್ರದಲ್ಲಿಯೇ ಕೆಲಸ ಮಾಡುತ್ತಾ ಸಮಯ ಕಳೆದುಹೋಗುತ್ತಿದೆ ಎಂದು ಅರಿತುಕೊಂಡರು. ಆದ್ದರಿಂದ ಅವರು ಬ್ಯಾಂಕಿನಿಂದ ಆರು ತಿಂಗಳ ಹೆಚ್ಚುವರಿ ಸಾಮಾನ್ಯ ರಜೆಯನ್ನು ತೆಗೆದುಕೊಂಡು UPSC ಗೆ ತಯಾರಿ ಆರಂಭಿಸಿದರು.

ದೇಶಸೇವೆಗಾಗಿ ಮೂರು ವರ್ಷ ಸೋಶಿಯಲ್ ಮೀಡಿಯಾದಿಂದ ದೂರ ಉಳಿದ ಅಂಜಲಿ!

ಎಂದಿಗೂ ನೀರಸವಾಗಿ ಅಧ್ಯಯನ ಮಾಡಿಲ್ಲ

ಅಭಿಷೇಕ್ ಆರಂಭದ ದಿನಗಳಿಂದಲೂ ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿದ್ದರು. ಸೈನಿಕ ಶಾಲೆಯಲ್ಲಿ ಓದುತ್ತಿದ್ದಾಗಲೇ ಹಲವು ಅವಕಾಶಗಳನ್ನೂ ಪಡೆದರು. ಶಾಲೆಯ ಆಡಳಿತ ಸಮಿತಿ ಅಧ್ಯಕ್ಷರಾಗಿದ್ದರು. ಕ್ರೀಡಾ ಸಮಿತಿಯ ನಾಯಕರೂ ಆಗುತ್ತಾರೆ. ಕಾಲೇಜಿನ ಸಾಂಸ್ಕೃತಿಕ ಸಮಿತಿಯ ಮುಖ್ಯಸ್ಥರಾಗಿದ್ದರು. ಅವರು ಎಂದಿಗೂ ಏಕತಾನತೆಯಿಂದ ಅಧ್ಯಯನ ಮಾಡಲಿಲ್ಲ. ಸಾಮಾಜಿಕವಾಗಿ ಅವರು ಸಮಾಜದ ವಿವಿಧ ಕ್ಷೇತ್ರಗಳಲ್ಲಿ ಬಹಳಷ್ಟು ಕೆಲಸಗಳನ್ನು ಮಾಡಬಹುದು ಎಂದು ಕಂಡರು. ಈ ಕಾರಣಗಳಿಂದಾಗಿ, ನಾಗರಿಕ ಸೇವೆಗಳ ಕಡೆಗೆ ಅವರ ಒಲವು ಹೆಚ್ಚು ಉಳಿಯಿತು.

1 ಹಾಗೂ 2ನೇ ಬಾರಿ ವಿಫಲ, ಮರಳಿ ಪ್ರಯತ್ನಿಸಿದ ವರುಣಾ UPSC ಟಾಪರ್ ಆಗಿದ್ದು ಹೀಗೆ!

Follow Us:
Download App:
  • android
  • ios