ನವದೆಹಲಿ(ಎ.06) ಭಾರತ SUV ಕಾರು ಮಾರುಕಟ್ಟೆಗೆ ಮತ್ತೊಂದು ಸೇರ್ಪಡೆಯಾಗುತ್ತಿದೆ. ಇಷ್ಟೇ ಅಲ್ಲ ಪೈಪೋಟಿ ಕೂಡ ಹೆಚ್ಚಾಗುತ್ತಿದೆ.  ಭಾರತ 2.0 ಯೋಜನೆ ಮೂಲಕ ತಯಾರಾದ ಸ್ಕೋಡಾದ ಮೊದಲ SUV ಸ್ಕೋಡಾ ಕುಶಾಕ್ ಭರ್ಜರಿ ಎಂಟ್ರಿ ಕೊಡಲು ಸಜ್ಜಾಗಿದೆ. 

ಪೈಪೋಟಿ ಹೆಚ್ಚಿಸಿದ ಸ್ಕೋಡಾ; ಭಾರತದಲ್ಲಿ ಕುಶಾಕ್ SUV ಕಾರು ಅನಾವರಣ!.

ಹ್ಯುಂಡೈ ಕ್ರೇಟಾ ಹಾಗೂ ಕಿಯಾ ಸೆಲ್ಟೋಸ್ ಭಾರಿ ಬೇಡಿಕೆ ಪಡೆಯುತ್ತಿರುವ ಬೆನ್ನಲ್ಲೇ ಇದೀಗ ಈ ಕಾರುಗಳಿಗೆ ಸೆಡ್ಡು ಹೊಡೆಯಲು ಸ್ಕೋಡಾ ಕುಶಾಕ್ ಕಾರು ಭಾರತದ ರಸ್ತೆಗಿಳಿಯುತ್ತಿದೆ.  ಜೂನ್‌ನಿಂದ ಈ ಕಾರ್‌ನ ಬುಕ್ಕಿಂಗ್ ಶುರುವಾದರೆ, ಜುಲೈನಲ್ಲಿ ಕುಶಾಕ್ ಗ್ರಾಹಕರ ಕೈ ಸೇರಲಿದೆ. 

ಸ್ಕೋಡಾ ಕುಶಾಕ್‌ನದು 4,221 mm ಉದ್ದ, 1,760 mm ಅಗಲ ಮತ್ತು 1,61 mm ಎತ್ತರ. ವ್ಹೀಲ್‌ಬೇಸ್ 2,651 mmm ಇದೆ. 188 mmನಷ್ಟು ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ. 2 ಇನ್ಫೋಟೆಕ್ ಸಿಸ್ಟಮ್, ಉತ್ತಮ ಸೌಂಡ್ ಸಿಸ್ಟಮ್, ಸಬ್‌ವೂರ್‌ಗಳಿವೆ. ಸುರಕ್ಷತೆಗೆ 6 ಏರ್‌ಬ್ಯಾಗ್‌ಗಳಿರುತ್ತವೆ. 115 PS ಹಾಗೂ 150 PS ಎರಡು ಪೆಟ್ರೋಲ್ ಎಂಜಿನ್‌ಗಳಿವೆ. 6 ಸ್ಪೀಡ್ ಮ್ಯಾನ್ಯುವಲ್ ಗೇರ್‌ಬಾಕ್ಸ್‌ಗಳ ಮೂಲಕ ವೇಗ ಮೈಂಟೇನ್ ಮಾಡಬಹುದು.

ಸ್ಕೋಡಾ ಕುಶಾಕ್ ಕಾರಿನ ಬೆಲೆ 10 ಲಕ್ಷ ರೂಪಾಯಿಂದ 18 ಲಕ್ಷ ರೂಪಾಯಿ ಎಂದು ಅಂದಾಜಿಸಲಾಗಿದೆ.