ಬಿಸ್ಲೆರಿ ಮಾರಾಟಕ್ಕಿದೆ, ಖರೀದಿ ಮಾಡ್ತಿರೋ ಕಂಪನಿ ಇದು!
ದೇಶದಲ್ಲಿ ಪ್ಯಾಕೇಜ್ಡ್ ವಾಟರ್ ಮಾರುಕಟ್ಟೆ 20,000 ಕೋಟಿ ರೂ. ಇದರಲ್ಲಿ ಶೇ.60ರಷ್ಟು ಅಸಂಘಟಿತ ಕಂಪನಿಗಳು. ಸಂಘಟಿತ ಮಾರುಕಟ್ಟೆ ಪಾಲಿನಲ್ಲಿ ಸುಮಾರು 32 ಪ್ರತಿಶತವನ್ನು ಬಿಸ್ಲೆರಿ ಕಂಪನಿ ಹೊಂದಿದೆ. ಟಾಟಾ ಗ್ರೂಪ್ ಬಿಸ್ಲೆರಿಗೆ ಷೇರು ಸ್ವಾಧೀನಕ್ಕೆ ಮುಂದಾಗಿದೆ. ಟಾಟಾ ಗ್ರೂಪ್ ತನ್ನದೇ ಆದ ಬಾಟಲಿ ನೀರಿನ ವ್ಯವಹಾರವನ್ನು ಸಹ ಹೊಂದಿದೆ.
ನವದೆಹಲಿ (ಸೆ.15): ಟಾಟಾ ಗ್ರೂಪ್ ಭಾರತದ ಅತಿದೊಡ್ಡ ಪ್ಯಾಕೇಜ್ಡ್ ವಾಟರ್ ಕಂಪನಿ ರಮೇಶ್ ಚೌಹಾಣ್ ಒಡೆತನದ ಬಿಸ್ಲೆರಿ ಇಂಟರ್‌ನ್ಯಾಶನಲ್‌ನಲ್ಲಿ ಪಾಲನ್ನು ಪಡೆಯಲು ಪ್ರಸ್ತಾಪವನ್ನು ಮಾಡಿದೆ ಎಂದು ಈ ಬೆಳವಣಿಗೆಯ ಬಗ್ಗೆ ಉನ್ನತ ಮಾಹಿತಿ ಹೊಂದಿರುವ ಮೂವರು ವ್ಯವಸ್ಥಾಪಕ ಅಧಿಕಾರಿಗಳು ತಿಳಿಸಿದ್ದಾರೆ. ಭಾರತದ ಅತ್ಯಂತ ಜನಪ್ರಿಯ ವಾಟರ್ ಬಾಟಲ್ ಕಂಪನಿಯಾಗಿ ಬಿಸ್ಲೆರಿ ಹೆಸರು ಮಾಡಿದ್ದು, ಶೀಘ್ರದಲ್ಲಿಯೇ ಇದರ ಮಾಲೀಕತ್ವ ಟಾಟಾ ಗ್ರೂಪ್‌ಗೆ ಸೇರುವುದು ನಿಶ್ಚಿತ ಎಂದು ಹೇಳಲಾಗಿತ್ತಿದೆ. ಭಾರತದ ಅತಿದೊಡ್ಡ ಪ್ಯಾಕೇಜ್ಡ್ ವಾಟರ್ ಬಾಟಲ್ ಕಂಪನಿಯಲ್ಲಿ ಷೇರು ಖರೀದಿಸಲು ಟಾಟಾ ಮುಂದಾಗಿದೆ. ಬಿಸ್ಲೆರಿ ಕಂಪನಿಯ ಉದ್ಯೋಗಿಗಳೇ ಈ ಕುರಿತಾಗಿ ಮಾಹಿತಿ ನೀಡಿದ್ದಾರೆ ಎಂದು ದೇಶದ ವಾಣಿಜ್ಯ ಪತ್ರಿಕೆಗಳು ವರದಿ ಮಾಡಿವೆ. ಅವರಲ್ಲಿ ಒಬ್ಬರು ಟಾಟಾ ಸಮೂಹವು ಬಿಸ್ಲೆರಿಯ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳಲು ಪ್ರಸ್ತಾಪವನ್ನು ಮಾಡಿದೆ ಎಂದು ಹೇಳಿದರು. ಈ ಒಪ್ಪಂದವು ಜಾರಿಯಾದರೆ, ಟಾಟಾ ಗ್ರೂಪ್ ಪ್ರವೇಶ ಮಟ್ಟದ, ಮಧ್ಯಮ ವಿಭಾಗ ಮತ್ತು ಪ್ರೀಮಿಯಂ ಪ್ಯಾಕೇಜ್ಡ್ ವಾಟರ್ ವಿಭಾಗಗಳಲ್ಲಿ ನೆಲೆಯನ್ನು ಸ್ಥಾಪಿಸಲು ದೊಡ್ಡ ಅವಕಾಶವನ್ನು ಪಡೆದುಕೊಳ್ಳಲಿದೆ.
ಟೆಟ್ಲಿ ಟೀ, ಎಯ್ಟ್ ಓ ಕ್ಲಾಕ್ ಕಾಫಿ, ಸೌಲ್‌ಫುಲ್ ಸೆರೆಲ್ಸ್‌, ಉಪ್ಪು ಮತ್ತು ಬೇಳೆಕಾಳುಗಳನ್ನು ಮಾರಾಟ ಮಾಡುವ ಟಾಟಾ ಗ್ರೂಪ್‌ನ ಟಾಟಾ ಗ್ರಾಹಕ ವ್ಯಾಪಾರವು ಸ್ಟಾರ್‌ಬಕ್ಸ್ ಕೆಫೆಗಳನ್ನು ನಿರ್ವಹಿಸುವುದರ ಜೊತೆಗೆ ಕಾರ್ಯತಂತ್ರದ ಸ್ವಾಧೀನಗಳನ್ನು ಸಕ್ರಿಯವಾಗಿ ಅನ್ವೇಷಿಸುತ್ತಿದೆ ಎಂದು ಮುಖ್ಯ ಕಾರ್ಯನಿರ್ವಾಹಕ ಸುನಿಲ್ ಡಿಸೋಜಾ ಇತ್ತೀಚಿನ ಪೋಸ್ಟ್-ಎರ್ನಿಂಗ್ಸ್ ಹೂಡಿಕೆದಾರರ ಕರೆಗಳಲ್ಲಿ ತಿಳಿಸಿದ್ದಾರೆ. ನೊರಿಶ್‌ಕೋ ಅಡಿಯಲ್ಲಿ ತನ್ನದೇ ಆದ ಬಾಟಲ್-ವಾಟರ್ ವ್ಯವಹಾರವನ್ನು ಟಾಟಾ ಗ್ರೂಪ್ ಹೊಂದಿದೆ, ಆದರೆ ಅದು ಸ್ಥಾಪಿತ ವ್ಯವಹಾರವಾಗಿ ಉಳಿದಿದೆ.
ವೆಬ್‌ಸೈಟ್‌ನಲ್ಲಿ ನೀಡಲಾದ ಮಾಹಿತಿಯ ಪ್ರಕಾರ, ಬಿಸ್ಲೆರಿ 122 ಕ್ಕೂ ಹೆಚ್ಚು ಕಾರ್ಯಾಚರಣಾ ಘಟಕಗಳನ್ನು ಹೊಂದಿದೆ. ಇದು ಭಾರತದಾದ್ಯಂತ 5,000 ಟ್ರಕ್‌ಗಳೊಂದಿಗೆ 4,500 ಕ್ಕೂ ಹೆಚ್ಚು ವಿತರಕರ ಜಾಲವನ್ನು ಹೊಂದಿದೆ. ದೇಶದಲ್ಲಿ ಪ್ಯಾಕೇಜ್ಡ್ ವಾಟರ್ ಮಾರುಕಟ್ಟೆ 20,000 ಕೋಟಿ ರೂ. ಇದರಲ್ಲಿ ಶೇ.60ರಷ್ಟು ಅಸಂಘಟಿತ ವಲಯದವರಾಗಿದ್ದಾರೆ. ಸಂಘಟಿತ ಮಾರುಕಟ್ಟೆ ಪಾಲಿನಲ್ಲಿ ಬಿಸ್ಲೆರಿ ಕಂಪನಿಯೊಂದರ ಪಾಲು ಸುಮಾರು 32 ಪ್ರತಿಶತ ಆಗಿದೆ. ಖನಿಜಯುಕ್ತ ನೀರನ್ನು ಹೊರತುಪಡಿಸಿ, ಬಿಸ್ಲೆರಿ ಇಂಟರ್ನ್ಯಾಷನಲ್ ಪ್ರೀಮಿಯಂ ಹಿಮಾಲಯನ್ ಸ್ಪ್ರಿಂಗ್ ವಾಟರ್ ಅನ್ನು ಸಹ ಮಾರಾಟ ಮಾಡುತ್ತದೆ.
Cyrus Mistry Death: ಖ್ಯಾತ ವೈದ್ಯೆ ಚಲಾಯಿಸುತ್ತಿದ್ದ ಕಾರು; ಸೀಟ್ ಬೆಲ್ಟ್ ಧರಿಸಿರಲಿಲ್ಲ ಸೈರಸ್‌ ಮಿಸ್ತ್ರಿ..!
1993 ರಲ್ಲಿ, ರಮೇಶ್ ಚೌಹಾಣ್ ಅವರು ಥಮ್ಸ್ ಅಪ್, ಲಿಮ್ಕಾ ಮತ್ತು ಗೋಲ್ಡ್ ಸ್ಪಾಟ್‌ನಂತಹ ಐಕಾನಿಕ್ ಸಾಫ್ಟ್ ಡ್ರಿಂಕ್ಸ್ ಬ್ರಾಂಡ್‌ಗಳನ್ನು ಕೋಕಾ-ಕೋಲಾಗೆ ಸುಮಾರು $60 ಮಿಲಿಯನ್‌ಗೆ ಮಾರಾಟ ಮಾಡಿದರು. ಥಮ್ಸ್ ಅಪ್ ದೇಶದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ತಂಪು ಪಾನೀಯ ಬ್ರ್ಯಾಂಡ್ ಆಗಿ ಈಗಲೂ ಉಳಿದುಕೊಂಡಿದೆ. ವರದಿಗಳನ್ನು ನಂಬುವುದಾದರೆ, ಬಿಸ್ಲೆರಿ ಮಾಲೀಕ ರಮೇಶ್ ಚೌಹಾಣ್ ಅವರ ಉತ್ತರಾಧಿಕಾರಿ ಯೋಜನೆಯು ಕಂಪನಿಯ ಪಾಲನ್ನು ಕಡಿಮೆ ಮಾಡಲು ಕಾರಣವಾಗಿದೆ. ಆದರೆ, ಇದು ಇನ್ನೂ ದೃಢಪಟ್ಟಿಲ್ಲ. ಚೌಹಾಣ್ (Ramesh Chauhan) ಅವರು ಬಿಸ್ಲೆರಿಯಲ್ಲಿನ ತಮ್ಮ ಪಾಲನ್ನು ಮಾರಾಟ ಮಾಡಲು ನಿರ್ಧರಿಸಿದರೆ, ಬ್ರ್ಯಾಂಡ್ ಅನ್ನು ಮುಂದಕ್ಕೆ ಕೊಂಡೊಯ್ಯಲು ಭಾರತೀಯರನ್ನು ಆಯ್ಕೆ ಮಾಡುವುದಾಗಿ ಈಗಾಗಲೇ ತಿಳಿಸಿದ್ದಾರೆ.
ಗುಡ್ ಫೆಲೋಸ್ ನಲ್ಲಿ ರತನ್ ಟಾಟಾ ಹೂಡಿಕೆ;ವೃದ್ಧರ ಒಂಟಿತನ ದೂರ ಮಾಡಲಿದೆ ಈ ವಿನೂತನ ಸ್ಟಾರ್ಟಪ್‌
ಆರಂಭದಲ್ಲಿ, ಬಿಸ್ಲೆರಿ (Bisleri ) ಮಲೇರಿಯಾ ಔಷಧಗಳನ್ನು ಮಾರಾಟ ಮಾಡುವ ಔಷಧೀಯ ಕಂಪನಿಯಾಗಿತ್ತು. ಇದರ ಸ್ಥಾಪಕರು ಇಟಾಲಿಯನ್ ಉದ್ಯಮಿ ಫೆಲಿಸ್ ಬಿಸ್ಲೆರಿ (Felice Bisleri). ಅವರ ಮರಣದ ನಂತರ, ಅವರ ಕುಟುಂಬ ವೈದ್ಯ ರೋಸ್ಸಿ (Rossi) ಬಿಸ್ಲೆರಿಯನ್ನು ಕಂಪನಿಯ ಜವಾಬ್ದಾರಿ ತೆಗೆದುಕೊಂಡಿದ್ದರು. ಭಾರತದಲ್ಲಿ, ಡಾ. ರೊಸ್ಸಿ, ವಕೀಲ ಖುಶ್ರು ಸಂತಾಕು ಅವರೊಂದಿಗೆ ಬಿಸ್ಲೆರಿಯನ್ನು ಪ್ರಾರಂಭಿಸಿದರು. ಆ ಕಾಲದಲ್ಲಿ ಬಾಟಲಿ ನೀರು ಮಾರುವುದು ಹುಚ್ಚುತನ ಎನ್ನುತ್ತಿದ್ದರು. ಯಾಕೆಂದರೆ ಬಾಟಲ್ ನೀರು ಖರೀದಿಸಿ ಯಾರು ಕುಡಿಯುತ್ತಾರೆ ಎಂದು ಜನ ಅಂದುಕೊಂಡಿದ್ದರು. ಆದರೆ, ಭವಿಷ್ಯವನ್ನು ಊಹಿಸಿದ್ದ ರೋಸ್ಸಿ, 1965 ರಲ್ಲಿ, ಅವರು ಮುಂಬೈನ ಥಾಣೆಯಲ್ಲಿ ಮೊದಲ 'ಬಿಸ್ಲೆರಿ ವಾಟರ್ ಪ್ಲಾಂಟ್' ಅನ್ನು ಸ್ಥಾಪಿಸಿದರು. ಆ ನಂತರದ ಘಟಿಸಿದ ಮಹತ್ವದ ಬದಲಾವಣೆಯಲ್ಲಿ ಡಾ. ರೊಸ್ಸಿ ಈ ವ್ಯವಹಾರವನ್ನು ಪಾರ್ಲೆ ಕಂಪನಿಯ ರಮೇಶ್ ಚೌಹಾಣ್‌ಗೆ ಮಾರಾಟ ಮಾಡಿದರು. 1969 ರಲ್ಲಿ ಬಿಸ್ಲೆರಿಯನ್ನು ಭಾರತೀಯ ಕಂಪನಿ ಪಾರ್ಲೆ ಖರೀದಿಸಿತು. ಮಾಧ್ಯಮ ವರದಿಗಳ ಪ್ರಕಾರ ಈ ಡೀಲ್ ಕೇವಲ 4 ಲಕ್ಷಕ್ಕೆ ನಡೆದಿತ್ತು. ಆ ನಂತರ ರಮೇಶ್ ಚೌಹಾಣ್ ಮನೆ ಮನೆಗೆ ಬಿಸ್ಲೆರಿ ತೆಗೆದುಕೊಂಡು ಹೋಗಲು ಪ್ಲಾನ್ ಮಾಡಿದ್ದರು. ಇದರ ಭಾಗವಾಗಿ ಮೊದಲು ರೈಲ್ವೆ ಸ್ಟೇಷನ್‌ಗಳಲ್ಲಿ ಬಿಸ್ಲೆರಿ ಲಭ್ಯವಾಗುವಂತೆ ಮಾಡಲಾಗಿತ್ತು.
