ರಾಕೇಶ್ ಜುಂಜುನ್‌ವಾಲಾ ನಂಬಿಕೆ ಇಟ್ಟಿದ್ದ ಹೂಡಿಕೆಯ 5 ಟಿಪ್ಸ್ ಹೀಗಿದೆ..
ರಾಕೇಶ್ ಜುಂಜುನ್‌ವಾಲಾ ಅವರು ಷೇರು ಮಾರುಕಟ್ಟೆಯ ಬಗ್ಗೆ ಎಷ್ಟು ಆಸಕ್ತಿ ಹೊಂದಿದ್ದರೆಂದರೆ ತಾನು ಸಾಯುವ ವೇಳೆಯಲ್ಲೂ ಸ್ಟಾಕ್ ಖರೀದಿಸುತ್ತೇನೆ, ಟ್ರೇಡಿಂಗ್ ಮಾಡುತ್ತೇನೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದರು. ಅವರ ಟಾಪ್ 5 ಹೂಡಿಕೆಯ ಟಿಪ್ಸ್ ಹೀಗಿದೆ..
ಪ್ರಖ್ಯಾತ ಹೂಡಿಕೆದಾರ ಹಾಗೂ ಇತ್ತೀಚೆಗಷ್ಟೇ ಆರಂಭವಾಗಿದ್ದ ಆಕಾಶ ಏರ್‌ವೇಸ್‌ ಸಹ ಸಂಸ್ಥಾಪಕ ರಾಕೇಶ್ ಜುಂಜುನ್‌ವಾಲಾ ಭಾನುವಾರ ಬೆಳಗ್ಗೆ ನಿಧನರಾಗಿದ್ದಾರೆ. ಭಾರತದ ಕಂಪನಿ, ಷೇರು ಮಾರುಕಟ್ಟೆ ಬಗ್ಗೆ ಆಶಾವಾದಿಯಾಗಿದ್ದ ಜುಂಜುನ್‌ವಾಲಾ, ಭಾರತೀಯ ಮಾರುಕಟ್ಟೆಯ ಅತ್ಯುತ್ತಮವಾದುದುದ ಇನ್ನೂ ಬರಬೇಕಷ್ಟೇ ಎಂದು ನಂಬಿದ್ದರು. ಇವರನ್ನು ಭಾರತೀಯ ಷೇರು ಮಾರುಕಟ್ಟೆಯ ಬಿಗ್‌ ಬುಲ್‌ ಎಂದು ಕರೆಯುತ್ತಿದ್ದರು. 5 ಸಾವಿರದಿಂದ ಹೂಡಿಕೆ ಆರಂಭಿಸಿದವರು ಸಾವಿರಾರು ಕೋಟಿ ಒಡೆಯರಾಗಿದ್ದಾರೆ.
ರಾಕೇಶ್ ಜುಂಜುನ್‌ವಾಲಾ ಅವರು ಷೇರು ಮಾರುಕಟ್ಟೆಯ ಬಗ್ಗೆ ಎಷ್ಟು ಆಸಕ್ತಿ ಹೊಂದಿದ್ದರೆಂದರೆ ತಾನು ಸಾಯುವ ವೇಳೆಯಲ್ಲೂ ಸ್ಟಾಕ್ ಖರೀದಿಸುತ್ತೇನೆ, ಟ್ರೇಡಿಂಗ್ ಮಾಡುತ್ತೇನೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದರು. “ನಾನು ಸಾಯಲು ಹೊರಟಾಗ, ನನ್ನನ್ನು 3 ಗಂಟೆಗಳ ಕಾಲ ಬಿಟ್ಟುಬಿಡಿ ಎಂದು ನಾನು ಹೇಳುತ್ತೇನೆ. ಆ ಸಮಯದಲ್ಲಿ ನಾನು ಒಂದು ಸ್ಟಾಕ್ ಅನ್ನು ಖರೀದಿಸುತ್ತೇನೆ, ಸ್ವಲ್ಪ ಟ್ರೇಡಿಂಗ್ ಮಾಡುತ್ತೇನೆ, ನನ್ನ ಹೆಂಡತಿ ಮತ್ತು ಮಕ್ಕಳೊಂದಿಗೆ ಸಮಯ ಕಳೆಯುತ್ತೇನೆ, 2 ಡ್ರಿಂಕ್ಸ್‌ ಸೇವಿಸುತ್ತೇನೆ ಮತ್ತು ನಂತರ ನೀವು ನನ್ನನ್ನು ಸುಡಬಹುದು. ಇದು ಎಲ್ಲದರ ಸಂಯೋಜನೆಯಾಗಿರಬೇಕು” ಎಂದು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು.
ಇದನ್ನು ಓದಿ: Rakesh Jhunjhunwala ವಿಧಿವಶ: ಬಿಗ್‌ ಬುಲ್‌ ನಿಧನಕ್ಕೆ ಪ್ರಧಾನಿ ಮೋದಿ ಸೇರಿ ಗಣ್ಯರ ಸಂತಾಪ
80ರ ದಶಕದಲ್ಲಿ ಸಣ್ಣ ಬಂಡವಾಳದ ಮೂಲದಿಂದ ಪ್ರಾರಂಭಿಸಿ, ತಮ್ಮ ಹೆಚ್ಚಿನ ಸ್ಟಾಕ್ ಐಡಿಯಾಗಳ ಮೇಲೆ ದೊಡ್ಡ ಬೆಟ್ಟಿಂಗ್ ಮಾಡುವ ಮೂಲಕ, ಭಾರತದ ಮಾರುಕಟ್ಟೆ ಬೆಳವಣಿಗೆಯ ನಿರೀಕ್ಷೆಗಳ ಮೇಲೆ ಸಕಾರಾತ್ಮಕವಾಗಿ ಉಳಿಯುವ ಮೂಲಕ ಮತ್ತು ದೊಡ್ಡ, ಹಾಗೂ ಲೆಕ್ಕಾಚಾರದ ಟ್ರೇಡಿಂಗ್ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಮೂಲಕ ಸಾವಿರಾರು ಕೋಟಿಗಳ ಬೃಹತ್ ಪೋರ್ಟ್‌ಫೋಲಿಯೋ ನಿರ್ಮಿಸಿದ್ದರು. ಷೇರು ಮಾರುಕಟ್ಟೆಯಲ್ಲಿ ತೊಡಗುವವರು ಯಾವಾಗಲೂ ಜುಂಜುನ್ವಾಲಾರ ವರ್ಚಸ್ಸು, ಆಶಾವಾದ ಮತ್ತು ಧೈರ್ಯವನ್ನು ಮಿಸ್‌ ಮಾಡಿಕೊಳ್ಳುತ್ತಾರೆ.
ರಾಕೇಶ್ ಜುಂಜುನ್‌ವಾಲಾ ಅವರನ್ನು ಶ್ರೀಮಂತರನ್ನಾಗಿ ಮಾಡಿದ ಐದು ಹೂಡಿಕೆ ತಂತ್ರಗಳನ್ನು ನಾವು ನೋಡೋಣ:
1) ಸರಿಯಾದ ಸ್ಟಾಕ್ ಕೊಂಡುಕೊಳ್ಳಿ, ಅದರ ಮೇಲೆ ಭರವಸೆ ಇಡಿ
ಜುಂಜುನ್‌ವಾಲಾ ಯಾವಾಗಲೂ ನಿಮ್ಮ ಸ್ವಂತ ಸಂಶೋಧನೆ ಮಾಡಿ, ಸರಿಯಾದ ಸ್ಟಾಕ್ ಅನ್ನು ಖರೀದಿಸಿ ಮತ್ತು ನಂತರ ಸೂಕ್ತ ಸಮಯದವರೆಗೆ ಅದರ ಮೇಲೆ ಕುಳಿತುಕೊಳ್ಳಿ. ಕಂಪನಿಯ ವ್ಯವಹಾರದಲ್ಲಿ ನಂಬಿಕೆ ಇರಲಿ. ನಿಮ್ಮ ಹೂಡಿಕೆ ನಿರ್ಧಾರಗಳ ಬಗ್ಗೆ ಆತಂಕ ಪಡಬೇಡಿ ಎನ್ನುತ್ತಿದ್ದರು.
2) ನಿಮ್ಮ ಸ್ಟಾಕ್ ವಿಚಾರಗಳ ಬಗ್ಗೆ ಎಂದಿಗೂ ಭಾವುಕರಾಗಬೇಡಿ
ತಾನು ಮಕ್ಕಳು, ಹೆಂಡತಿ ಹಾಗೂ ಗೆಳತಿ ಬಗ್ಗೆ ಭಾವನೆಗಳನ್ನು ಹೊಂದಿರಬಹುದು. ಆದರೆ, ತಮ್ಮ ಯಾವುದೇ ಷೇರುಗಳ ಬಗ್ಗೆ ಹೆಚ್ಚು ಭಾವನಾತ್ಮಕವಾಗಿರಲಿಲ್ಲ ಎಂದು ವರದಿಗಾರರಿಗೆ ಹೇಳಿದ್ದರು. "ನೀವು ದೀರ್ಘಾವಧಿಯವರೆಗೆ ಹೂಡಿಕೆ ಮಾಡಿದಾಗ ಯಾವುದೇ ಭಾವನೆಗಳಿಲ್ಲ ಎಂದು ನಾನು ಹೇಳುವುದಿಲ್ಲ, ಆದರೆ ಅವುಗಳು ಬೇರೆಯಾಗದಂತಹ ಭಾವನೆಗಳಲ್ಲ" ಎಂದೂ ಹೇಳಿದ್ದರು.ಇದು ಜುಂಜುನ್‌ವಾಲಾ ಅವರ ಹೂಡಿಕೆ ತತ್ವ. ಸ್ಟಾಕ್ ಮಾರುಕಟ್ಟೆಯಲ್ಲಿ (ಸಾಮಾನ್ಯವಾಗಿ ದೀರ್ಘಾವಧಿಗೆ) ಹೂಡಿಕೆ ಮಾಡಿ, ಆದರೆ ನೀವು ಶ್ರೀಮಂತರಾಗಲು ಬಯಸಿದರೆ, ನಿಮ್ಮ ಸ್ಟಾಕ್ ವಿಚಾರಗಳ ಬಗ್ಗೆ ಎಂದಿಗೂ ಭಾವನಾತ್ಮಕವಾಗಬೇಡಿ ಮತ್ತು ಅಗತ್ಯವಿದ್ದರೆ ಸಮಯಕ್ಕೆ ಸರಿಯಾಗಿ ನಿರ್ಗಮಿಸಿ.
3) ತಾಳ್ಮೆಯು ಯಶಸ್ಸಿನ ಕೀಲಿಯಾಗಿದೆ
ಜುಂಜುನ್‌ವಾಲಾ ಶ್ರೀಮಂತರಾಗಲು ವರ್ಷಗಳ ಸಂಶೋಧನೆ, ಶ್ರದ್ಧೆ ಅಡಗಿದೆ. ಅವರ ಪೋರ್ಟ್‌ಫೋಲಿಯೋ 25-30% ರಷ್ಟು ಅನೇಕ ಬಾರಿ ಸರಿಪಡಿಸಲ್ಪಟ್ಟಿದೆ. ಆದರೆ ಅವರು ಯಾವಾಗಲೂ ಈ ತಿದ್ದುಪಡಿಯನ್ನು ಖರೀದಿಸಲು ಅವಕಾಶವಾಗಿ ಬಳಸಿದರು.
5 ಸಾವಿರದಿಂದ 46 ಸಾವಿರ ಕೋಟಿ ರೂಪಾಯಿಯ ಸಾಮ್ರಾಜ್ಯ ಕಟ್ಟಿದ್ದ ಬಿಗ್‌ ಬುಲ್‌ ರಾಕೇಶ್ ಜುಂಜುನ್‌ವಾಲಾ!
4) ಇತರರು ಮಾರಾಟ ಮಾಡುವಾಗ ಖರೀದಿಸಿ ಮತ್ತು ಇತರರು ಖರೀದಿಸಿದಾಗ ಮಾರಾಟ ಮಾಡಿ
ಜುಂಜುನ್‌ವಾಲಾ ಯಾವಾಗಲೂ ಅಲೆಯ ವಿರುದ್ಧ ಹೋಗುವುದನ್ನು ನಂಬಿದ್ದರು. "ಇತರರು ಮಾರಾಟ ಮಾಡುವಾಗ ಖರೀದಿಸಿ ಮತ್ತು ಇತರರು ಖರೀದಿಸಿದಾಗ ಮಾರಾಟ ಮಾಡಿ." ಎಂದು ಅವರು ಹೇಳುತ್ತಿದ್ದರು.
5) ಎಂದಿಗೂ ಅವಿವೇಕದ ಮೌಲ್ಯಗಳಲ್ಲಿ ಹೂಡಿಕೆ ಮಾಡಬೇಡಿ
‘ಅಸಮಂಜಸವಾದ ಮೌಲ್ಯಗಳಲ್ಲಿ ಎಂದಿಗೂ ಹೂಡಿಕೆ ಮಾಡಬೇಡಿ. ಪ್ರಚಾರದಲ್ಲಿರುವ ಕಂಪನಿಗಳ ಹಿಂದೆ ಓಡಿಹೋಗಬೇಡಿ’ ಎಂದು ಜುಂಜುನ್‌ವಾಲಾ ಹೇಳುತ್ತಿದ್ದರು. ಹೀಗಾಗಿ, ನೀವು ಅಸಮಂಜಸವಾದ ಮೌಲ್ಯಗಳಲ್ಲಿ ಸ್ಟಾಕ್ ವಹಿವಾಟನ್ನು ನೋಡಿದಾಗ, ಅದರ ಹಿಂದೆ ಹೋದರೆ, ನೀವು ಕಷ್ಟಪಟ್ಟು ಸಂಪಾದಿಸಿದ ಹಣವನ್ನು ಕಳೆದುಕೊಳ್ಳಬಹುದು.
