22400% Return! 5 ವರ್ಷದಲ್ಲಿ ಕೋಟ್ಯಧಿಪತಿಯನ್ನಾಗಿ ಮಾಡಿದ 4 ರೂಪಾಯಿ ಷೇರು

PG Electroplast Ltd ಕಳೆದ 5 ವರ್ಷಗಳಲ್ಲಿ ಹೂಡಿಕೆದಾರರಿಗೆ 22,400% ಲಾಭ ತಂದುಕೊಟ್ಟಿದೆ. ₹3.59 ಇದ್ದ ಷೇರು ₹807.60 ತಲುಪಿದೆ. 1:10 ಸ್ಟಾಕ್ ಸ್ಪ್ಲಿಟ್‌ನಿಂದ ಹೂಡಿಕೆದಾರರಿಗೆ ಹೆಚ್ಚಿನ ಲಾಭ.

ಮಲ್ಟಿಬ್ಯಾಗರ್ ಸ್ಟಾಕ್ : ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಸಂಪೂರ್ಣ ಸಂಶೋಧನೆ ಮತ್ತು ತಾಳ್ಮೆ ಬೇಕು. ಯಾಕಂದ್ರೆ ಯಶಸ್ಸು ಸುಲಭವಾಗಿ ಸಿಗಲ್ಲ. ಷೇರು ಮಾರುಕಟ್ಟೆಯಲ್ಲಿ ಕೆಲವು ಸ್ಟಾಕ್‌ಗಳು ಅಲ್ಪಾವಧಿಯಲ್ಲಿಯೇ ಭಾರಿ ಏರಿಕೆ ಕಾಣುತ್ತವೆ. ಹೂಡಿಕೆದಾರರು ರಾತ್ರೋರಾತ್ರಿ ಶ್ರೀಮಂತರಾಗುತ್ತಾರೆ. ಅಂತಹ ಒಂದು ಮಲ್ಟಿಬ್ಯಾಗರ್ ಸ್ಟಾಕ್ 5 ವರ್ಷಗಳಲ್ಲಿ ಹೂಡಿಕೆದಾರರಿಗೆ ಭಾರಿ ಲಾಭ ತಂದುಕೊಟ್ಟಿದೆ. ಈ ಕಂಪನಿಯ ಹೆಸರು PG Electroplast Ltd. ಈ ಸ್ಟಾಕ್ ಕಳೆದ 3 ವರ್ಷಗಳಲ್ಲಿ 1000% ಲಾಭ ನೀಡಿದೆ. ಐದು ವರ್ಷಗಳಲ್ಲಿ ಲಾಭ ಸುಮಾರು 22,400%. ಸ್ಟಾಕ್‌ನ ಕಾರ್ಯಕ್ಷಮತೆಯನ್ನು ನೋಡೋಣ. 

PG Electroplast ಏನು ಮಾಡುತ್ತದೆ?
PG Electroplast Ltd (PGEL), PG ಗ್ರೂಪ್‌ನ ಪ್ರಮುಖ ಕಂಪನಿ. ಇದು 2003 ರಲ್ಲಿ ಪ್ರಾರಂಭವಾಗಿರುವ ಈ ಕಂಪನಿ ಭಾರತದಲ್ಲಿ ಎಲೆಕ್ಟ್ರಾನಿಕ್ಸ್ ಉತ್ಪಾದನಾ ಸೇವೆಗಳನ್ನು (EMS) ಒದಗಿಸುತ್ತದೆ. ಈ ಕಂಪನಿ AC, LED ಟಿವಿ, ವಾಷಿಂಗ್ ಮೆಷಿನ್‌ಗಳಂತಹ ಗ್ರಾಹಕ ಬಾಳಿಕೆ ಬರುವ ವಸ್ತುಗಳ ಭಾಗಗಳನ್ನು ತಯಾರಿಸುತ್ತದೆ ಮತ್ತು ದೇಶದ ಪ್ರಮುಖ ಬ್ರ್ಯಾಂಡ್‌ಗಳಿಗೆ ಪೂರೈಸುತ್ತದೆ.

5 ವರ್ಷಗಳ ಹಿಂದೆ ₹10,000 ಹೂಡಿಕೆ ಮಾಡಿದವರು ಈಗ ಲಕ್ಷಾಧಿಪತಿಗಳು
5 ವರ್ಷಗಳ ಹಿಂದೆ PG Electroplast Ltd ನ ಸ್ಟಾಕ್ ಬೆಲೆ ಕೇವಲ ₹3.59 ಇತ್ತು. ಶುಕ್ರವಾರ, 9 ಮೇ 2025 ರಂದು ₹807.60 ತಲುಪಿದೆ. ಅಂದರೆ ₹10,000 ಹೂಡಿಕೆ ಮಾಡಿದವರ ಹೂಡಿಕೆ ಮೌಲ್ಯ ಇಂದು ಸುಮಾರು ₹22.4 ಲಕ್ಷ. ₹1 ಲಕ್ಷ ಹೂಡಿಕೆ ಮಾಡಿದವರ ಹೂಡಿಕೆ ಮೌಲ್ಯ ₹2 ಕೋಟಿಗೂ ಹೆಚ್ಚು. ಕೇವಲ 3 ವರ್ಷಗಳ ಹಿಂದೆ ₹10,000 ಹೂಡಿಕೆ ಮಾಡಿದವರಿಗೆ ಇಂದು ₹1.1 ಲಕ್ಷಕ್ಕೂ ಹೆಚ್ಚು ಲಾಭ.

ಇದನ್ನೂ ಓದಿ: ಅವಾಗ 1 ಲಕ್ಷ ಈಗ 1 ಕೋಟಿ! ಈ ಮಲ್ಟಿಬ್ಯಾಗರ್ ಶೇರ್ ಮಿಸ್ ಮಾಡ್ಬೇಡಿ!

₹1000 ದಾಟಿದೆ ಷೇರು
ಈ ವರ್ಷ ಜನವರಿ 6 ರಂದು ಶೇರ್ ₹1,054.95 ತಲುಪಿತು. ಇದು 52 ವಾರಗಳ ಗರಿಷ್ಠ ಮಟ್ಟ. ಕಳೆದ ವರ್ಷ ಮೇ 10 ರಂದು ಕನಿಷ್ಠ ಮಟ್ಟ ₹194.58. ಅಂದರೆ ಒಂದು ವರ್ಷದಲ್ಲಿಯೇ ಭಾರಿ ಏರಿಕೆ ಕಂಡಿದೆ.

ಸ್ಟಾಕ್ ಸ್ಪ್ಲಿಟ್‌ನ ಲಾಭ
10 ಜುಲೈ 2024 ರಂದು PGEL 1:10 ಅನುಪಾತದಲ್ಲಿ ಸ್ಟಾಕ್ ಸ್ಪ್ಲಿಟ್ ಮಾಡಿತು. ಅಂದರೆ ₹10 ಮುಖಬೆಲೆಯ ಪ್ರತಿ ಶೇರ್‌ಗೆ ಹೂಡಿಕೆದಾರರಿಗೆ ₹1 ಮುಖಬೆಲೆಯ 10 ಶೇರ್‌ಗಳು ಸಿಕ್ಕಿವೆ. ಇದರಿಂದ ದ್ರವ್ಯತೆ ಹೆಚ್ಚಾಯಿತು ಮತ್ತು ಸಣ್ಣ ಹೂಡಿಕೆದಾರರಿಗೂ ಶೇರ್‌ಗಳು ಲಭ್ಯವಾದವು. ಇದರಿಂದ ಹೂಡಿಕೆದಾರರಿಗೆ ಭಾರಿ ಲಾಭವನ್ನು ತಂದುಕೊಟ್ಟಿದೆ.

ಹೂಡಿಕೆದಾರರನ್ನು ಐಪಿಒ ನಂತರದ ಲಿಸ್ಟಿಂಗ್‌ನಲ್ಲಿ ನಿರಾಶೆಗೊಳಿಸಿದ ಹಲವಾರು ಶೇರುಗಳು ಷೇರು ಮಾರುಕಟ್ಟೆಯಲ್ಲಿವೆ. ಆದರೆ, ನಂತರ ಅದೇ ಶೇರುಗಳು ಹೂಡಿಕೆದಾರರಿಗೆ ದೊಡ್ಡ ಮಟ್ಟದ ಲಾಭವನ್ನು ನೀಡಿದ ದೃಷ್ಟಾಂತಗಳೂ ಇವೆ. 

Disclaimer:ಯಾವುದೇ ವ್ಯವಹಾರವು ಮಾರುಕಟ್ಟೆಯ ಅಪಾಯವನ್ನು ಒಳಗೊಂಡಿರುತ್ತವೆ. ಷೇರು ಮಾರುಕಟ್ಟೆಯಲ್ಲಿನ ಹೂಡಿಕೆಯೂ ಸಹ ಮಾರುಕಟ್ಟೆ ಅಪಾಯಗಳಿಗೆ ಒಳಪಟ್ಟಿರುತ್ತದೆ. ಆದ್ದರಿಂದ ಯಾವುದೇ ಹೂಡಿಕೆ ಮಾಡುವ ಮುನ್ನ ಆರ್ಥಿಕ/ಮಾರುಕಟ್ಟೆ ತಜ್ಞರ ಸಲಹೆ ಪಡೆದುಕೊಳ್ಳಬೇಕು. ಓದುಗರು ಇದನ್ನು ಕೇವಲ ಮಾಹಿತಿಯನ್ನಾಗಿ ಮಾತ್ರ ಪರಿಗಣಿಸಬೇಕಾಗಿ ವಿನಂತಿ.

ಇದನ್ನೂ ಓದಿ: ನಾಲ್ಕು ವರ್ಷದ ಹಿಂದೆ 3 ರೂಪಾಯಿ ಇದ್ದ ಷೇರಿನ ಬೆಲೆ ಇಂದು 1,412 ರೂಪಾಯಿ!