ಕಡಿಮೆಯಾಗುತ್ತಿದೆ ಭಾರತ-ಇರಾನ್ ತೈಲ ಸಂಬಂಧ| ಭಾರತಕ್ಕೆ ಇರಾನ್ನಿಂದ ತೈಲ ಆಮದು ಕಡಿತ| ಕಳೆದ ಜನವರಿಯಲ್ಲಿ ಶೇ.45ರಷ್ಟು ತೈಲ ಆಮದು ಕಡಿತ| ಇರಾನ್ನಿಂದ 270,500 ಬ್ಯಾರಲ್ನಷ್ಟು ತೈಲ ಆಮದು| ವೆನಿಜುವೆಲಾ ರಾಷ್ಟ್ರದಿಂದ ಭಾರತ ತೈಲ ಖರೀದಿಗೆ ಅಮೆರಿಕ ಆಕ್ಷೇಪ|
ನವದೆಹಲಿ(ಫೆ.17): ಇರಾನ್ ಮೇಲಿನ ಅಮೆರಿಕದ ಆರ್ಥಿಕ ದಿಗ್ಭಂಧನದ ಪರಿಣಾಮ ಕಾಣಿಸಲಾರಂಭಿಸಿದೆ. ಇರಾನ್ನಿಂದ ತೈಲ ಆಮದಿಗೆ ಅಮೆರಿಕದಿಂದ ಭಾರತ ವಿನಾಯ್ತಿ ಪಡೆದಿದೆಯಾದರೂ, ಭಾರತ ಕಳೆದ ಜನವರಿಯಲ್ಲಿ ಇರಾನ್ನಿಂದ ತೈಲ ಆಮದಿನಲ್ಲಿ ಶೇ.45ರಷ್ಟು ಕಡಿತಗೊಳಿಸಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಕಳೆದ ಜನವರಿಯಲ್ಲಿ 270,500 ಬ್ಯಾರಲ್ನಷ್ಟು ತೈಲ ಆಮದು ಮಾಡಿಕೊಳ್ಳಲಾಗಿದ್ದು, ಸಾಗಣೆಯಲ್ಲಿ ಉಂಟಾಗಿರುವ ವಿಳಂಬವೇ ಇದಕ್ಕೆ ಕಾರಣ ಎಂದು ಹೇಳಲಾಗುತ್ತಿದೆ.
ಜನವರಿಯಲ್ಲಿ ಭಾರತಕ್ಕೆ ತೈಲ ಸರಬರಾಜು ಮಾಡಿದ ರಾಷ್ಟ್ರಗಳಲ್ಲಿ ಇರಾನ್ 7ನೇ ಸ್ಥಾನದಲ್ಲಿತ್ತು. ಕಳೆದ ಡಿಸೆಂಬರ್ನಲ್ಲಿ 6ನೇ ಸ್ಥಾನದಲ್ಲಿತ್ತು. ಅಷ್ಟೇ ಅಲ್ಲದೇ ವರ್ಷದ ಹಿಂದೆ 3ನೇ ಉನ್ನತ ಸ್ಥಾನದಲ್ಲಿತ್ತು.
ಇದೇ ವೇಳೆ ಭಾರತ ವೆನಿಜುವೆಲಾ ರಾಷ್ಟ್ರದಿಂದ ತೈಲ ಖರೀದಿ ಮುಂದುವರಿಸಿರುವುದು ಅಮೆರಿಕದ ಕಳವಳಕ್ಕೆ ಕಾರಣವಾಗಿದೆ.
