ರೇಂಜ್ ರೋವರ್‌ನಿಂದ ಜಾಗ್ವಾರ್: ಭಾರತೀಯ ಉದ್ಯಮಿಗಳ ಒಡೆತನದ ಪ್ರಸಿದ್ಧ ವಿದೇಶಿ ಬ್ರ್ಯಾಂಡ್‌ಗಳು!
ಭಾರತೀಯರು ವಿದೇಶಿ ಬ್ರ್ಯಾಂಡ್‌ನ ವಸ್ತುಗಳನ್ನು ಬಳಸೋಕೆ ಮಾತ್ರ ಫೇಮಸ್‌ ಅಂದ್ಕೋಬೇಡಿ. ಜಗತ್ತಿನಲ್ಲಿ ಕೆಲವೊಂದು ಪ್ರಖ್ಯಾತ ವಿದೇಶಿ ಬ್ರ್ಯಾಂಡ್‌ಗೆ ನಮ್ಮವರೇ ಮಾಲೀಕರು ಅನ್ನೋದು ಹೆಮ್ಮೆಯ ವಿಚಾರ. ಅಂತಾ ಮಾಲೀಕರುಗಳ ಪಟ್ಟಿ ಇಲ್ಲಿದೆ.
ನವದೆಹಲಿ (ಅ. 25): ಭಾರತೀಯ ಮೂಲದ ಟೆಕ್ಕಿಗಳು ಮಾತ್ರವಲ್ಲ, ಪ್ರಪಂಚದಾದ್ಯಂತ ದೊಡ್ಡ ಪ್ರಸಿದ್ಧ ಬ್ರ್ಯಾಂಡ್‌ಗಳನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ ಜಗತ್ತನ್ನು ರೂಪಿಸುತ್ತಿರುವ ಅನೇಕ ಭಾರತೀಯ ಉದ್ಯಮಿಗಳು ಇದ್ದಾರೆ. ರೇಂಜ್ ರೋವರ್‌ನಿಂದ ಜಾಗ್ವಾರ್ ವರೆಗೆ, ಭಾರತೀಯವರು ವಿದೇಶಿ ಬ್ರ್ಯಾಂಡ್‌ಗಳನ್ನು ಸ್ವಾಧೀನಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಪ್ರಸ್ತುತ ರೇಂಜ್ ರೋವರ್ ಹಾಗೂ ಜಾಗ್ವಾರ್ ಎರಡೂ ಬ್ರ್ಯಾಂಡ್‌ಗಳು ಟಾಟಾ ಮಾಲೀಕತ್ವದಲ್ಲಿದ್ದರೆ, ರಿಲಯನ್ಸ್ ಇಂಡಸ್ಟ್ರೀಸ್‌ನ ಕೋಟ್ಯಧಿಪತಿ ಮುಖೇಶ್ ಅಂಬಾನಿ ಕೂಡ ಈ ಪಟ್ಟಿಯಲ್ಲಿದ್ದಾರೆ. ಇದರ ನಡುವೆ ಭಾರತದ ಕೆಲವು ಉದ್ಯಮಿಗಳು ವಿದೇಶಿ ಬ್ರ್ಯಾಂಡ್‌ಗಳ ಸ್ವಾಧೀನಕ್ಕೆ ಹೆಚ್ಚಿನ ಗಮನವನ್ನೂ ನೀಡಿದ್ದಾರೆ. ಅದಾನಿ ಗ್ರೂಪ್‌ನ ಗೌತಮ್‌ ಅದಾನಿ ಇದರಲ್ಲಿ ಪ್ರಮುಖರು. ಪ್ರಸ್ತುತ ಭಾರತೀಯ ಉದ್ಯಮಿಗಳ ಒಡೆತನದ ಪ್ರಸಿದ್ಧ ವಿದೇಶಿ ಬ್ರ್ಯಾಂಡ್‌ಗಳ ಪಟ್ಟಿ.
ಮ್ಯಾಂಡರಿನ್ ಓರಿಯಂಟಲ್ - ನ್ಯೂಯಾರ್ಕ್‌: ಮುಕೇಶ್ ಅಂಬಾನಿಯವರ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (RIL) ಮ್ಯಾನ್‌ಹ್ಯಾಟನ್‌ನಲ್ಲಿರುವ ಬಿಗ್ ಆಪಲ್‌ನ ಐಕಾನಿಕ್ ಹೋಟೆಲ್‌ಗಳಾದ ಮ್ಯಾಂಡರಿನ್ ಓರಿಯಂಟಲ್ ನ್ಯೂಯಾರ್ಕ್‌ನ (Mandarin Oriental New York) ಬಹುಪಾಲು ಮಾಲೀಕತ್ವ ಹೊಂದಿದೆ. ಆರ್‌ಐಎಲ್‌ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾದ ರಿಲಯನ್ಸ್ ಇಂಡಸ್ಟ್ರಿಯಲ್ ಇನ್ವೆಸ್ಟ್‌ಮೆಂಟ್ಸ್ ಮತ್ತು ಹೋಲ್ಡಿಂಗ್ಸ್ ಲಿಮಿಟೆಡ್ (RIIHL), ಪ್ರಸಿದ್ಧ ಪ್ರಾಪರ್ಟಿಯಲ್ಲಿ 73.4% ಪಾಲನ್ನು 98.1 ಮಿಲಿಯನ್‌ ಅಮೆರಿಕನ್‌ ಡಾಲರ್‌ಗೆ ತೆಗೆದುಕೊಂಡಿದೆ. ಮತ್ತು ಅದರಲ್ಲಿ 100% ಪಾಲನ್ನು ಸ್ವಾಧೀನಪಡಿಸಿಕೊಳ್ಳಲು ಮುಕ್ತವಾಗಿದೆ. ಮ್ಯಾಂಡರಿನ್ ಓರಿಯಂಟಲ್ ತನ್ನ ಜಾಗತಿಕ ಪೋರ್ಟ್‌ಫೋಲಿಯೊದಾದ್ಯಂತ 10 ಫೋರ್ಬ್ಸ್ 'ಫೈವ್-ಸ್ಟಾರ್' ಸ್ಪಾಗಳನ್ನು ಹೊಂದಿರುವ ಏಕೈಕ ಐಷಾರಾಮಿ ಹೋಟೆಲ್ ಸಮೂಹವಾಗಿದೆ. ಇದು ವಿಶ್ವದ ಯಾವುದೇ ಹೋಟೆಲ್ ಗುಂಪುಗಳಿಗಿಂತ ಹೆಚ್ಚು. ವಿಶ್ವದ ಅತೀದೊಡ್ಡ ಹೋಟೆಲ್ ಗುಂಪು ಎನಿಸಿಕೊಳ್ಳುವ ಗುರಿ ಇದಕ್ಕಿಲ್ಲ. ಆದರೆ ಐಷಾರಾಮಿ ಆತಿಥ್ಯದಲ್ಲಿ ಅತ್ಯುತ್ತಮವಾದದ್ದನ್ನು ಒದಗಿಸುವ ಮೂಲ ಉದ್ದೇಶ ಹೊಂದಿದೆ.
ರೇಂಜ್ ರೋವರ್: ಲ್ಯಾಂಡ್ ರೋವರ್ ರೇಂಜ್ ರೋವರ್ (Land Rover Range Rover), ಬ್ರಿಟನ್‌ನ ಅತಿ ದೊಡ್ಡ ವಾಹನ ತಯಾರಕ ಕಂಪನಿಯು ಪ್ರಪಂಚದ ಕೆಲವು ಅತ್ಯುತ್ತಮ ಪ್ರೀಮಿಯಂ ಕಾರುಗಳನ್ನು ವಿನ್ಯಾಸಗೊಳಿಸುತ್ತದೆ, ತಯಾರಿಸುತ್ತದೆ ಮತ್ತು ಮಾರಾಟ ಮಾಡುತ್ತದೆ. ಜೆಎಲ್‌ಆರ್‌ ಪ್ರಸ್ತುತ ಬ್ರೆಜಿಲ್, ಚೀನಾ, ಭಾರತ, ಸ್ಲೋವಾಕಿಯಾ ಮತ್ತು ಯುನೈಟೆಡ್ ಕಿಂಗ್‌ಡಮ್‌ನಲ್ಲಿ ಲ್ಯಾಂಡ್ ರೋವರ್‌ಗಳನ್ನು ನಿರ್ಮಿಸುತ್ತದೆ. ಲ್ಯಾಂಡ್ ರೋವರ್ ರೇಂಜ್ ರೋವರ್ ಅನ್ನು ಬ್ರಿಟಿಷ್ ಲೇಲ್ಯಾಂಡ್ 1970 ರಲ್ಲಿ ಬಿಡುಗಡೆ ಮಾಡಿತು. 2008 ರಲ್ಲಿ ಜಾಗ್ವಾರ್ ಮತ್ತು ಲ್ಯಾಂಡ್ ರೋವರ್ ಅನ್ನು ಸ್ವಾಧೀನಪಡಿಸಿಕೊಂಡ ನಂತರ, ಇದು ಈಗ ಟಾಟಾ ಮೋಟಾರ್ಸ್ ಒಡೆತನದಲ್ಲಿದೆ.
ರಾಯಲ್ ಎನ್ಫೀಲ್ಡ್: 1901 ರಲ್ಲಿ ದಿ ಎನ್ಫೀಲ್ಡ್ (Eicher Motors) ಸೈಕಲ್ ಕಂಪನಿಯಿಂದ ಪ್ರಾರಂಭವಾದ ರಾಯಲ್ ಎನ್ಫೀಲ್ಡ್ ಈಗ ಐಚರ್ ಮೋಟಾರ್ಸ್ ಲಿಮಿಟೆಡ್‌ನ ಒಡೆತನದಲ್ಲಿದೆ, ಕಂಪನಿಯು ನಿರಂತರ ಉತ್ಪಾದನೆಯಲ್ಲಿ ಅತ್ಯಂತ ಹಳೆಯ ಜಾಗತಿಕ ಮೋಟಾರ್‌ಸೈಕಲ್ ಬ್ರಾಂಡ್ ಆಗಿದೆ ಮತ್ತು ಭಾರತದಲ್ಲಿ ಚೆನ್ನೈನಲ್ಲಿ ಉತ್ಪಾದನಾ ಘಟಕಗಳನ್ನು ನಿರ್ವಹಿಸುತ್ತದೆ.
ಜಾಗ್ವಾರ್: ಜಾಗ್ವಾರ್ ಲ್ಯಾಂಡ್ ರೋವರ್‌ನ ಎರಡು ಐಕಾನಿಕ್ ಬ್ರಾಂಡ್‌ಗಳಲ್ಲಿ ಒಂದು ಜಾಗ್ವಾರ್ (Jaguar). ಐಷಾರಾಮಿ ಸೆಡಾನ್‌ಗಳು, ಸ್ಪೋರ್ಟ್ಸ್ ಕಾರುಗಳು ಮತ್ತು ಐಷಾರಾಮಿ ಕಾರ್ಯಕ್ಷಮತೆಯ ಎಸ್‌ಯುವಿಗಳು ಮತ್ತು ಲ್ಯಾಂಡ್ ರೋವರ್, ಪ್ರೀಮಿಯಂ ಆಲ್-ಟೆರೈನ್ ವಾಹನಗಳ ಪೋರ್ಟ್‌ಫೋಲಿಯೊವನ್ನು ಒಳಗೊಂಡಿದೆ. ಜಾಗ್ವಾರ್ ಲ್ಯಾಂಡ್ ರೋವರ್, 2008 ರಿಂದ ಟಾಟಾ ಮೋಟಾರ್ಸ್‌ನ ಭಾಗವಾಗಿದೆ, ಇದು ಬ್ರಿಟನ್‌ನ ಅತಿದೊಡ್ಡ ವಾಹನ ತಯಾರಕರಾಗಿದ್ದು, ಇದು ವಿಶ್ವದ ಕೆಲವು ಪ್ರಸಿದ್ಧ ಪ್ರೀಮಿಯಂ ಕಾರುಗಳನ್ನು ವಿನ್ಯಾಸಗೊಳಿಸುತ್ತದೆ, ತಯಾರಿಸುತ್ತದೆ ಮತ್ತು ಮಾರಾಟ ಮಾಡುತ್ತದೆ.
2 ವರ್ಷಗಳ ಬಳಿಕ ದೀಪಾವಳಿ ವ್ಯಾಪಾರಕ್ಕೆ ವರ್ತಕರು ಖುಷ್‌...!
ಹ್ಯಾಮ್ಲೀಸ್: ಮುಖೇಶ್ ಅಂಬಾನಿ (Mukesh Ambani) ಅವರು ತಮ್ಮ ತೈಲ ಮತ್ತು ರಾಸಾಯನಿಕಗಳ ಸಂಘಟಿತ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಅನ್ನು ಗ್ರಾಹಕ ಮತ್ತು ತಂತ್ರಜ್ಞಾನದ ಬೆಹೆಮೊತ್ ಆಗಿ ಪರಿವರ್ತಿಸುವ ಭಾಗವಾಗಿ ತಮ್ಮ ಚಿಲ್ಲರೆ ಉದ್ಯಮವನ್ನು ಬಲಪಡಿಸಲು 2019 ರಲ್ಲಿ ಹ್ಯಾಮ್ಲೀಸ್ ಅನ್ನು ಖರೀದಿಸಿದರು. ಹ್ಯಾಮ್ಲೀಸ್, ಹಲವಾರು ವರ್ಷಗಳಿಂದ ಲಾಭವನ್ನು ಗಳಿಸದ ಬ್ರಿಟಿಷ್ ರಿಟೇಲರ್‌ ಆಗಿದೆ.
8ನೆಯ ತರಗತಿ ಫೇಲ್‌ ಆದ ವ್ಯಕ್ತಿ ಇಂದು ದೊಡ್ಡ ಹೋಟೆಲ್ ಉದ್ಯಮಿ!
ರಾನ್‌ಬಾಕ್ಸಿ: ಕಂಪನಿಯು 1973 ರಲ್ಲಿ ಸಾರ್ವಜನಿಕ ವಲಯದ ಉದ್ದಿಮೆಯಾಯಿತು. ರಾನ್‌ಬಾಕ್ಸಿಯ ಮಾಲೀಕತ್ವವು ಅದರ ಇತಿಹಾಸದ ಅವಧಿಯಲ್ಲಿ ಎರಡು ಬಾರಿ ಬದಲಾಗಿದೆ.. 2008 ರಲ್ಲಿ, ಜಪಾನಿನ ಔಷಧೀಯ ಕಂಪನಿ ಸೈಚಿ ಸ್ಯಾಂಕ್ಯೋ ರಾನ್‌ಬಾಕ್ಸಿಯಲ್ಲಿ ನಿಯಂತ್ರಣ ಪಾಲನ್ನು ಸ್ವಾಧೀನಪಡಿಸಿಕೊಂಡಿತು ಮತ್ತು 2014 ರಲ್ಲಿ, ಸನ್ ಫಾರ್ಮಾ ಎಲ್ಲಾ-ಸ್ಟಾಕ್ ಒಪ್ಪಂದದಲ್ಲಿ ರಾನ್‌ಬಾಕ್ಸಿಯ 100% ಅನ್ನು ಸ್ವಾಧೀನಪಡಿಸಿಕೊಂಡಿತು.
ಸ್ಕೋನ್‌ವೀಸ್: ಮಹೀಂದ್ರಾ & ಮಹೀಂದ್ರಾ ಲಿಮಿಟೆಡ್ ತನ್ನ ಅಂಗಸಂಸ್ಥೆಯಾದ ಮಾರಿಷಸ್ ಮೂಲದ ಮಹೀಂದ್ರಾ ಫೋರ್ಜಿಂಗ್ಸ್ ಗ್ಲೋಬಲ್ ಲಿಮಿಟೆಡ್ ಮೂಲಕ ಜರ್ಮನಿಯ ಫೋರ್ಜಿಂಗ್ ವಲಯದ ಪ್ರಮುಖ ಕಂಪನಿಯಾದ ಸ್ಕೋನ್‌ವೀಸ್‌ನಲ್ಲಿ 90.47% ಪಾಲನ್ನು ಪಡೆದುಕೊಂಡಿದೆ.
