Asianet Suvarna News Asianet Suvarna News

ರೈಲು ಖಾಸಗೀಕರಣ: ಸಚಿವರಿಂದ ಮಹತ್ವದ ಘೋಷಣೆ!

ಸರ್ಕಾರಕ್ಕೆ ರೈಲ್ವೇ ಇಲಾಖೆ ಖಾಸಗೀಕರಣಗೊಳಿಸುವ ಇರಾದೆ? ಕೇಂದ್ರ ರೈಲ್ವೇ ಸಚಿವ ಪಿಯೂಷ್ ಗೋಯೆಲ್ ಮಹತ್ವದ ಘೋಷಣೆ| ಯಾವುದೇ ಕಾರಣಕ್ಕೂ ರೈಲ್ವೇ ಇಲಾಖೆ ಖಾಸಗೀಕರಣವಿಲ್ಲ ಎಂದ ಸಚಿವ| ಖಾಸಗಿ ರೈಲು ಸೇವೆಗೆ ಅನುಮತಿ ನೀಡುವ ಪ್ರಸ್ತಾವನೆ| 

Big Announcement Made By Railway Minister On Privatisation
Author
Bengaluru, First Published Jun 30, 2019, 6:48 PM IST
  • Facebook
  • Twitter
  • Whatsapp

ನವದೆಹಲಿ(ಜೂ.30): ರೈಲ್ವೇ ವ್ಯವಸ್ಥೆಯನ್ನು ಖಾಸಗೀಕರಣಗೊಳಿಸುವ ಮಾತುಳ ನಡುವೆ, ಕೇಂದ್ರ ರೖಲ್ವೇ ಸಚಿವ ಪಿಯೂಷ್ ಗೋಯೆಲ್ ಈ ಕುರಿತು ಸ್ಪಷ್ಟನೆ ನೀಡಿದ್ದಾರೆ.

ಯಾವುದೇ ಕಾರಣಕ್ಕೂ ರೈಲ್ವೇ ಇಲಾಖೆಯನ್ನು ಖಾಸಗೀಕರಣಗೊಳಿಸುವುದಿಲ್ಲ ಎಂದಿರುವ ಗೋಯೆಲ್, ಆದರೆ ಖಾಸಗಿ ರೈಲು ಸೇವೆಗೆ ಅನುಮತಿ ನೀಡುವ ಪ್ರಸ್ತಾವನೆ ಸರ್ಕಾರದ ಮುಂದಿದೆ ಎಂದು ತಿಳಿಸಿದ್ದಾರೆ.

ರಾಜ್ಯಸಭೆಯಲ್ಲಿ ಈ ಕುರಿತು ಮಾತನಾಡಿದ ಗೋಯೆಲ್, ದೇಶದ ಅತೀ ದೊಡ್ಡ ಸಾರ್ವಜನಿಕ ಸಾರಿಗೆ ವ್ಯವಸ್ಥೆಯನ್ನು ಖಾಸಗೀಕರಣಗೊಳಿಸುವ ಇರಾದೆ ಸರ್ಕಾರಕ್ಕಿಲ್ಲ ಎಂದು ಸ್ಪಷ್ಟಪಡಿಸಿದರು.

ಆದರೆ ಅವಶ್ಯಕತೆಗನುಗುಣವಾಗಿ ಒಂದು ವೇಳೆ ಖಾಸಗಿ ರೈಲು ಸೇವೆಯ ಅಗತ್ಯತೆ ಕಂಡು ಬಂದರೆ ಈ ಕುರಿತು ಯೋಚಿಸಲಾಗುವುದು ಎಂದು ಗೋಯೆಲ್ ತಿಳಿಸಿದರು.

ಅಲ್ಲದೇ 100 ದಿನಗಳ ಯೋಜನೆಯನ್ವಯ ಇಲಾಖೆಗೆ ಎರಡು ವಿಶೇಷ ರೈಲುಗಳನ್ನು ನೀಡುವ ಇರಾದೆ ಇದ್ದು, ಪ್ರಮುಖ ನಗರಗಳ ಅತೀ ಮುಖ್ಯ ಸಂಪರ್ಕ ಮಾರ್ಗಗಳಲ್ಲಿ ಇವುಗಳನ್ನು ಓಡಿಸುವ ಪ್ರಸ್ತಾವನೆ ಇದೆ ಎಂದು ಸಚಿವರು ಮಾಹಿತಿ ನೀಡಿದರು.

ಈ ಹಿಂದೆ ರಾಜಧಾನಿ ಎಕ್ಸಪ್ರೆಸ್ ಮತ್ತು ಶತಾಬ್ದಿ ಎಕ್ಸಪ್ರೆಸ್ ರೈಲುಗಳನ್ನು ಇಲಾಖೆ ಖಾಸಗೀಕರಣಗೊಳಿಸಲಿದೆ ಎಂಬ ಮಾತುಗಳು ಕೇಳಿ ಬಂದಿದ್ದವು.

Follow Us:
Download App:
  • android
  • ios