ಈ ವರ್ಷದಲ್ಲಿಯೇ ಬೆಂಗಳೂರಿನಲ್ಲಿ ಬಾಡಿಗೆ ದರ ಶೇ. 30ರಷ್ಟು ಹೆಚ್ಚಳ, ವೈಟ್‌ಫೀಲ್ಡ್‌ ನಂ.1
Bengaluru House Rent Hike ಬೆಂಗಳೂರಿನಲ್ಲಿ ಹಾಲಿ ವರ್ಷದಲ್ಲಿಯೇ ಕೆಲವು ಪ್ರದೇಶಗಳಲ್ಲಿ ಮನೆ ಬಾಡಿಗೆ ದರ ಶೇ. 30ರಷ್ಟು ಹೆಚ್ಚಾಗಿದೆ. ಹೈದರಾಬಾದ್ ಮತ್ತು ಪುಣೆ ಕೂಡ ದೊಡ್ಡ ಮಟ್ಟದ ಬಾಡಿಗೆ ಬೆಳವಣಿಗೆಯನ್ನು ಕಂಡಿದೆ, ಹೈದರಾಬಾದ್ ಬಾಡಿಗೆಯಲ್ಲಿ 24% ಹೆಚ್ಚಳವನ್ನು ಕಂಡಿದ್ದರೆ ಮತ್ತು ಪುಣೆಯ ಹಿಂಜೇವಾಡಿ ಮೈಕ್ರೋ-ಮಾರುಕಟ್ಟೆಯು 17% ಬೆಳವಣಿಗೆಯನ್ನು ದಾಖಲಿಸಿದೆ.
Followಬೆಂಗಳೂರು (ನ.11): ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಹಾಲಿ ವರ್ಷದ ಮೊದಲ 9 ತಿಂಗಳಲ್ಲಿಯೇ ಬಾಡಿಗೆ ಮನೆಗಳ ದರ ಶೇ. 30ರಷ್ಟು ಏರಿಕೆ ಕಂಡಿದೆ. ಅನಾರಾಕ್ ಪ್ರಾಪರ್ಟಿ ಕನ್ಸಲ್ಟೆಂಟ್ಸ್ ಕಳೆದ ಗುರುವಾರ ನೀಡಿರುವ ವರದಿಯಲ್ಲಿ ಭಾರತದ ಐಟಿ ಹಬ್‌ ಎನಿಸಿಕೊಂಡಿರುವ ಬೆಂಗಳೂರಿನಲ್ಲಿ ಹಾಲಿ ವರ್ಷದ ಮೊದಲ 9 ತಿಂಗಳಲ್ಲಿಯೇ ಬಾಡಿಗೆ ಮನೆಗಳ ದರ ಶೇ. 31 ರಷ್ಟು ಏರಿಕೆ ಕಂಡಿದೆ ಎಂದು ತಿಳಿಸಿದೆ. ಬೆಂಗಳೂರಿನ ವೈಟ್‌ಫೀಲ್ಡ್‌ ಪ್ರದೇಶದಲ್ಲಿ ಜನವರಿಯಿಂದ ಫೆಬ್ರವರಿಯವರೆಗೆ 1 ಸಾವಿರ ಚದರ ಅಡಿಯ 2 ಬಿಎಚ್‌ಕೆ ಬಾಡಿಗೆ ಮನೆಯ ದರ ಶೇ. 31 ರಷ್ಟು ಏರಿಕೆಯಾಗಿದ್ದರೆ, ಸರ್ಜಾಪುರ ರಸ್ತೆಯಲ್ಲಿ ಇದೇ ಅವಧಿಯಲ್ಲಿ ಬಾಡಿಗೆಯ ದರ ಶೇ. 27ರಷ್ಟು ಏರಿಕೆ ಕಂಡಿದೆ ಎಂದು ವರದಿಯಲ್ಲಿ ತಿಳಿಸಿದೆ. 2022ರ ಕೊನೆಯಲ್ಲಿ ವೈಟ್‌ಫೀಲ್ಡ್‌ ಪ್ರದೇಶದಲ್ಲಿ 1 ಸಾವಿರ ಚದರ ಅಡಿಯ 2 ಬಿಎಚ್‌ಕೆ ಸಾಮಾನ್ಯ ಮನೆಗೆ ತಿಂಗಳಿಗೆ 24,600 ರೂಪಾಯಿ ಸರಾಸರಿ ಬಾಡಿಗೆ ಇತ್ತು. ಆದರೆ, 2023ರ ಸೆಪ್ಟೆಂಬರ್ ಅಂತ್ಯದ ವೇಳೆಗೆ ಇದೇ ಮನೆಯ ಬಾರಿಗೆ ದರ ತಿಂಗಳಿಗೆ 28,500 ರೂಪಾಯಿಗೆ ಏರಿಕೆಯಾಗಿದೆ. ಇನ್ನು ಸರ್ಜಾಪುರ ರಸ್ತೆಯಲ್ಲಿ 2022ರ ಅಂತ್ಯದ ವೇಳೆಗೆ ಸರಾಸರಿ 24 ಸಾವಿರ ರೂಪಾಯಿ ಬಾಡಿಗೆ ಇತ್ತು. 2023ರ ಸೆಪ್ಟೆಂಬರ್ ವೇಳೆಗೆ 30,500 ರೂಪಾಯಿಗೆ ಏರಿಕೆಯಾಗಿದೆ ಎಂದು ವರದಿಯಲ್ಲಿ ತಿಳಿಸಿದೆ.
ಬೆಂಗಳೂರು ಅಲ್ಲದೆ, ಹೈದರಾಬಾದ್, ಪುಣೆ, ದೆಹಲಿ ಮತ್ತು ಮುಂಬೈ ಸೇರಿದಂತೆ ಇತರ ಮೆಟ್ರೋಪಾಲಿಟನ್ ನಗರಗಳಲ್ಲಿ ವಸತಿ ಬಾಡಿಗೆಗಳು ಗಗನಕ್ಕೇರಿವೆ. ಹೈದರಾಬಾದ್ ಮತ್ತು ಪುಣೆ, ದೇಶದ ಇತರ ಎರಡು ಐಟಿ ಹಬ್‌ಗಳಾಗಿದ್ದು, ಅಲ್ಲಿಯೂ ಸಹ ಬಾಡಿಗೆ ದರ ಏರಿಕೆಯ ಹಾಟ್‌ಸ್ಪಾಟ್‌ಗಳಾಗಿ ಹೊರಹೊಮ್ಮಿವೆ.
ಅನಾರಾಕ್ ವರದಿಯ ಪ್ರಕಾರ, ಹೈದರಾಬಾದ್ ಈ ಅವಧಿಯಲ್ಲಿ 24% ವರೆಗೆ ಬೆಳವಣಿಗೆ ಕಂಡಿದೆ. ಹೈಟೆಕ್ ನಗರದಲ್ಲಿ, 2022-ಅಂತ್ಯಕ್ಕೆ ತಿಂಗಳಿಗೆ ಸರಾಸರಿ ಬಾಡಿಗೆ ₹24,600 ಇತ್ತು; ಸೆಪ್ಟೆಂಬರ್ 2023 ರ ಅಂತ್ಯದ ವೇಳೆಗೆ, ಬಾಡಿಗೆಯು ತಿಂಗಳಿಗೆ ₹28,500 ಕ್ಕೆ ಏರಿದೆ. ಒಂಬತ್ತು ತಿಂಗಳ ಅವಧಿಯಲ್ಲಿ 16% ಬೆಳವಣಿಗೆ ಕಂಡಿದೆ ಎಂದಿದೆ. ಗಚಿಬೌಲಿಯಲ್ಲಿ ಬಾಡಿಗೆಯು ಅದೇ ಅವಧಿಯಲ್ಲಿ 24% ರಷ್ಟು ಹೆಚ್ಚಾಗಿದೆ. 2022 ಅಂತ್ಯಕ್ಕೆ ತಿಂಗಳಿಗೆ ₹23,400 ರಿಂದ ಈ ವರ್ಷದ ಸೆಪ್ಟೆಂಬರ್ ಅಂತ್ಯದ ವೇಳೆಗೆ ತಿಂಗಳಿಗೆ ₹29,000ಕ್ಕೆ ಏರಿಕೆ ಕಂಡಿದೆ. ಪುಣೆಯ ಹಿಂಜೇವಾಡಿ ಮೈಕ್ರೋ ಮಾರ್ಕೆಟ್ ಕಳೆದ ಒಂಬತ್ತು ತಿಂಗಳಲ್ಲಿ 17% ಬಾಡಿಗೆ ಮೌಲ್ಯದ ಬೆಳವಣಿಗೆಯನ್ನು ದಾಖಲಿಸಿದೆ. ಇಲ್ಲಿ, ಸರಾಸರಿ ಬಾಡಿಗೆಗಳು 2022ರ ಅಂತ್ಯಕ್ಕೆ ತಿಂಗಳಿಗೆ ₹21,000 ಇತ್ತು. 2023 ಸೆಪ್ಟೆಂಬರ್ ಅಂತ್ಯದ ವೇಳೆಗೆ ತಿಂಗಳಿಗೆ ₹24,500ಕ್ಕೆ ಏರಿಕೆಯಾಗಿದೆ.
ದೆಹಲಿ-ಎನ್‌ಸಿಆರ್‌ನಲ್ಲಿ, ಜನವರಿ ಮತ್ತು ಸೆಪ್ಟೆಂಬರ್ ನಡುವೆ ಗುರುಗ್ರಾಮ್‌ನ ಸೊಹ್ನಾ ರಸ್ತೆ (ಬಾಡಿಗೆ ಮೌಲ್ಯಗಳು 11% ಹೆಚ್ಚಾಗಿದೆ), ನೋಯ್ಡಾದಲ್ಲಿ ಸೆಕ್ಟರ್ -150 (13% ಬೆಳವಣಿಗೆ) ಮತ್ತು ದೆಹಲಿಯ ದ್ವಾರಕಾ (14% ಬೆಳವಣಿಗೆ) ಪ್ರದೇಶದಲ್ಲಿ ಬಾಡಿಗೆ ದರ ಏರಿಕೆ ಕಂಡಿದೆ. ಮುಂಬೈನಲ್ಲಿ, 2023 ರ ಜನವರಿ ಮತ್ತು ಸೆಪ್ಟೆಂಬರ್ ನಡುವೆ ಚೆಂಬೂರ್ ಮತ್ತು ಮುಲುಂಡ್ 14% ಮತ್ತು 9% ರಷ್ಟು ಬೆಳವಣಿಗೆಯನ್ನು ಕಂಡಿತು ಕಂಡಿದೆ. ಒಂಬತ್ತು ತಿಂಗಳುಗಳಲ್ಲಿ ಹೆಚ್ಚಿನ ಬಾಡಿಗೆ ಮೌಲ್ಯದ ಬೆಳವಣಿಗೆಗೆ ಕೋಲ್ಕತ್ತಾದ ಅಗ್ರ ಎರಡು ಮಾರುಕಟ್ಟೆಗಳೆಂದರೆ ಇಎಂ ಬೈಪಾಸ್ ಮತ್ತು ರಾಜರ್ಹತ್, ಇದು ಕ್ರಮವಾಗಿ 14% ಮತ್ತು 9% ಬೆಳವಣಿಗೆಯನ್ನು ಕಂಡಿದೆ.
ಮನೆ ಹುಡುಕಿ ನೋಡು, ಬಾಡಿಗೆ ಪಡೆದು ನೋಡು; ಯಾರಿಗೆ ಹೇಳೋಣ ಬ್ಯಾಚುಲರ್ಸ್ ಪ್ಲಾಬ್ಲಂ!
2022 ರಲ್ಲಿ ಕೋವಿಡ್ -19 ಸಾಂಕ್ರಾಮಿಕದ ನಂತರ ಬಾಡಿಗೆ ಬೇಡಿಕೆ ಹೆಚ್ಚುವುದರೊಂದಿಗೆ, ಹೂಡಿಕೆದಾರರು ವಸತಿ ಮಾರುಕಟ್ಟೆಗೆ ಮರಳಿರುವುದರಿಂದ ಗಣನೀಯ ಬದಲಾವಣೆಯಾಗಿದೆ ಎಂದು ಅನಾರಾಕ್ ವರದಿ ಹೇಳಿದೆ. ಮೊದಲ ಮತ್ತು ಎರಡನೆಯ ಕೋವಿಡ್-19 ಅಲೆಗಳ ಸಮಯದಲ್ಲಿ ಬಹುತೇಕ ಕುಸಿತದ ನಂತರ, ವಸತಿ ಬಾಡಿಗೆಗಳು ಸಾಂಕ್ರಾಮಿಕ ನಂತರದ ವಸತಿ ವಲಯದ ಅತ್ಯಂತ ಗಮನಾರ್ಹವಾದ ಪುನರಾಗಮನದ ಕಥೆಗಳಲ್ಲಿ ಒಂದಾಗಿದೆ. 2023 ರ ಮೊದಲ ಒಂಬತ್ತು ತಿಂಗಳುಗಳಲ್ಲಿ ಟಾಪ್ 7 ನಗರಗಳಲ್ಲಿ ವಸತಿ ಬಾಡಿಗೆಗಳು 30% ರಷ್ಟು ಏರಿಕೆ ಕಂಡಿವೆ" ಎಂದು ಅನರಾಕ್ ಗ್ರೂಪ್ ಅಧ್ಯಕ್ಷ ಅನುಜ್ ಪುರಿ ಹೇಳಿದ್ದಾರೆ.
ಬೆಂಗ್ಳೂರಲ್ಲಿ ಲೂಟಿಗಿಳಿದ ಮನೆ ಮಾಲೀಕರು, ಯಾರಿಗ್ ಹೇಳೋಣ ನಮ್ಮ ಪ್ರಾಬ್ಲಮ್ಮು ಅಂತಿದಾರೆ ಬಾಡಿಗೆದಾರರು!
