ಮಹೀಂದ್ರಾ ಕಂಪನಿ ಅಧ್ಯಕ್ಷ ಹುದ್ದೆಗೆ ಆನಂದ್ ಮಹೀಂದ್ರಾ ವಿದಾಯ!
ಮಹೀಂದ್ರಾ ಕಂಪನಿ ಅಧ್ಯಕ್ಷ ಹುದ್ದೆಗೆ ಆನಂದ್ ಮಹೀಂದ್ರಾ ವಿದಾಯ!| 2020ರ ಏಪ್ರಿಲ್‌ 1 ರಂದು ಹುದ್ದೆಗೆ ಗುಡ್‌ ಬೈ
 )
Followನವದೆಹಲಿ[ಡಿ.21]: ಮಹೀಂದ್ರಾ ಆ್ಯಂಡ್‌ ಮಹೀಂದ್ರಾ ಸಮೂಹದ ಕಾರ್ಯನಿರ್ವಾಹಕ ಅಧ್ಯಕ್ಷ ಆನಂದ್ ಮಹೀಂದ್ರಾ ಅವರು ಹುದ್ದೆಯಿಂದ ಕೆಳಗಿಳಿಯುವ ಘೋಷಣೆ ಮಾಡಿದ್ದಾರೆ.
2020ರ ಏಪ್ರಿಲ್‌ 1 ರಂದು ತಾವು ಹುದ್ದೆಯಿಂದ ಕೆಳಗಿಳಿದು, ಕಾರ್ಯನಿರ್ವಾಹಕೇತರ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸುವುದಾಗಿ ತಿಳಿಸಿದ್ದಾರೆ. ಈ ಬಗ್ಗೆ ಶುಕ್ರವಾರ ಪ್ರಕಟಣೆ ನೀಡಿರುವ ಕಂಪನಿ, ‘ಪವನ್‌ ಕುಮಾರ್‌ ಗುಪ್ತಾ ಅವರು ವ್ಯವಸ್ಥಾಪಕ ನಿರ್ದೇಶಕರಾಗಿ ಮರುನೇಮಕಗೊಂಡಿದ್ದಾರೆ.
ಅವರಿಗೆ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹುದ್ದೆಯ ಜವಾಬ್ದಾರಿಯನ್ನೂ ನೀಡಲಾಗಿದೆ. ಏಪ್ರಿಲ್‌ 1, 2020ರಿಂದ ಅವರಿಗೆ ಈ ಆದೇಶ ಅನ್ವಯವಾಗಲಿದೆ’ ಎಂದು ತಿಳಿಸಿದೆ. ಇದೇ ವೇಳೆ ಇತರ ಕೆಲವು ಹುದ್ದೆಗಳ ನೇಮಕಾತಿಯನ್ನೂ ಅದು ಪ್ರಕಟಿಸಿದೆ.
