ಒಮ್ಮೆ ಚಾರ್ಜ್ ಮಾಡಿದ್ರೆ 100 ಕಿ.ಮೀ.ವರೆಗೆ ಓಡುವ ಇ- ಸೈಕಲ್ ರೋಡ್‌ಲರ್ಕ್ ಬಿಡುಗಡೆ!
ನೆಕ್ಸ್‌ಜು ಮೊಬಿಲಿಟಿ ಕಂಪನಿಯ ಹೊಸ ಇ-ಸೈಕಲ್ ರೋಡ್‌ಲರ್ಕ್ ಅನ್ನು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಈ ಸೈಕಲ್ ಅನ್ನು ನೀವು ಒಮ್ಮೆ ಚಾರ್ಜ್ ಮಾಡಿದರೆ, ಅದು 100 ಕಿ.ಮೀ. ವ್ಯಾಪ್ತಿಯವರೆಗೆ ಓಡುತ್ತದೆ. ಇಷ್ಟೊಂದು ದಕ್ಷತೆಯನ್ನು ಒದಗಿಸುವ ಬೇರೆ ಯಾವುದೇ ಇ-ಸೈಕಲ್ ಭಾರತದಲ್ಲಿಲ್ಲ. ಇದರ ಬೆಲೆ 42 ಸಾವಿರ ರೂಪಾಯಿ ಮಾತ್ರ.
ಭಾರತದಲ್ಲಿ ಈಗ ಎಲೆಕ್ಟ್ರಿಕ್ ವಾಹನಗಳ ಭರಾಟೆಯೇ ಜೋರಾಗಿದೆ. ಮುಂದಿನ ಕೆಲವೇ ದಿನಗಳಲ್ಲಿ ಭಾರತವು ಎಲೆಕ್ಟ್ರಿಕ್ ವಾಹನಗಳ ಉತ್ಪಾದನೆಯಲ್ಲಿ ಜಗತ್ತಿನಲ್ಲೇ ನಂಬರ್ 1 ಸ್ಥಾನಕ್ಕೇರಲಿದೆ ಎಂಬುದು ಸರ್ಕಾರದ ಅಭಿಪ್ರಾಯವಾಗಿದೆ. ಇದರ ಮಧ್ಯೆಯೇ, ನಾನಾ ನಮೂನೆಯ ಎಲೆಕ್ಟ್ರಿಕ್ ವಾಹನಗಳು ಭಾರತೀಯ ರಸ್ತೆಗಳಿಗೆ ಇಳಿಯುತ್ತಿವೆ. ನಾವೀಗ ಇಲ್ಲಿ ಹೇಳಲು ಹೊರಟಿರುವುದು ಎಲೆಕ್ಟ್ರಿಕ್ ವೆಹಿಕಲ್ ಬದಲಿಗೆ ಎಲೆಕ್ಟ್ರಿಕ್ ಎಲೆಕ್ಟ್ರಿಕ್ ಬೈಸಿಕಲ್!
ಎಲೆಕ್ಟ್ರಿಕ್ ವಾಹನ ಉತ್ಪಾದನೆಯಲ್ಲಿ ಶೀಘ್ರ ಭಾರತ ನಂ.1: ಕೇಂದ್ರ ಸಚಿವ ಗಡ್ಕರಿ
ಹೌದು, ಇತ್ತೀಚಿನ ದಿನಗಳಲ್ಲಿ ಭಾರತದಲ್ಲಿ ಎಲೆಕ್ಟ್ರಿಕ್ ಸೈಕಲ್‌ಗಳ ಬಗ್ಗೆ ಆಸಕ್ತಿಯೂ ಹೆಚ್ಚಾಗುತ್ತಿದೆ. ಪರಿಣಾಮ ಅನೇಕ ಕಂಪನಿಗಳು ಎಲೆಕ್ಟ್ರಿಕ್ ಸೈಕಲ್‌ಗಳನ್ನು ರೋಡಿಗಿಳಿಸುತ್ತಿವೆ. ಇದೀಗ ನೆಕ್ಸ್‌ಜು ಮೊಬಿಲಿಟಿ ಕಂಪನಿಯ ವಿನೂತನ ಎಲೆಕ್ಟ್ರಿಕ್ ಬೈಸಿಕಲ್ ಅನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಈ ಬೈಸಿಕಲ್ ಅನ್ನು ಒಮ್ಮೆ ಚಾರ್ಜ್ ಮಾಡಿದರೆ 100 ಕಿ.ಮೀ.ವರೆಗೂ ಓಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.
ಇದು ಭಾರತದ ಮೊದಲ 100 ಕಿ.ಮೀ ವ್ಯಾಪ್ತಿಯ ಬೈಸಿಕಲ್ ಎಂಬ ಹೆಗ್ಗಳಿಕೆ ಪಾತ್ರವಾಗಿದೆ. ನೆಕ್ಸ್‌ಜು ಮೊಬಿಲಿಟಿ ಬಿಡುಗಡೆ ಮಾಡಿರುವ ಈ ವಿನೂತನ ಇ ಸೈಕಲ್ ಹೆಸರು ರೋಡ್‌ಲರ್ಕ್ ಎಲೆಕ್ಟ್ರಿಕ್ ಬೈಸಿಕಲ್. ನೆಕ್ಸ್‌ಜು ಮೊಬಿಲಿಟಿ ಕಂಪನಿಯ ಈ ರೋಡ್‌ಲರ್ಕ್ ಹೊಸ ಬೈಸಿಕಲ್ ಅನ್ನು ನೀವು ಒಮ್ಮೆ ಚಾರ್ಜ್ ಮಾಡಿದರೆ ನೂರು ಕಿಲೋ ಮೀಟರ್‌ವರೆಗೂ ಓಡಿಸಬಹುದು.
ಒಂದೇ ಟ್ರಾಕ್ಟರ್‌ನಿಂದಲೇ 3 ಟ್ರಾಕ್ಟರ್‌ಗಳ ಲಾಭ; ಸೊಲಿಸ್ ಹೈಬ್ರಿಡ್ 5015 ಟ್ರಾಕ್ಟರ್ ಬಿಡುಗಡೆ
ಈ ರೋಡ್‌ಲರ್ಕ್ ಎಲೆಕ್ಟ್ರಿಕ್ ಬೈಸಿಕಲ್ ಕೋಲ್ಡ್-ರೋಲ್ಡ್ ಸ್ಟೀಲ್ ಫ್ರೇಮ್, ಎರಡೂ ಕಡೆಯೂ ಡಿಸ್ಕ್ ಬ್ರೆಕ್‌ಗಳಿವೆ. ಇದರ ಜೊತೆಗೆ ನೀವು ಬ್ಯಾಟರಿಯನ್ನು ಬದಲಿಸಬಹುದು. ಅಂಥ ಫೀಚರ್ ಅನ್ನು ಈ ಬೈಸಿಕಲ್ ಒಳಗೊಂಡಿದೆ. ಈ ಇ ಸೈಕಲ್ ರೋಡ್‌ಲರ್ಕ್ ಅನ್ನು ನೆಕ್ಸ್‌ಜು ಮೊಬಿಲಿಟಿ ಕಂಪನಿಯೇ ಅಭಿವೃದ್ಧಿಪಡಿಸಿ, ಉತ್ಪಾದಿಸುತ್ತಿದೆ. ಒಮ್ಮೆ ಚಾರ್ಜಿಂಗ್ ಮಾಡಿದರೆ 100 ಕಿ.ಮೀ. ವರೆಗೆ ಓಡುವ ಭಾರತದ ಮೊದಲ ಇ-ಬೈಸಿಕಲ್ ಎಂಬ ಹೆಗ್ಗಳಿಕೆ ಇದರದ್ದಾಗಿದೆ.
ಹೊಸ ಹಗುರವಾದ ಫ್ರೇಮ್ ವಿನ್ಯಾಸ, ಹೆಚ್ಚಿನ ದಕ್ಷತೆಯ ಪವರ್‌ಟ್ರೇನ್ ಮತ್ತು ಅತ್ಯಾಧುನಿಕ ಶಕ್ತಿ ಶೇಖರಣಾ ಪರಿಹಾರವನ್ನು ಸಂಯೋಜಿಸುವ ಮೂಲಕ ನಮ್ಮ ತಂಡವು ಈ ವ್ಯಾಪ್ತಿಯ ಬೈಸಿಕಲ್ ಅಭಿವೃದ್ಧಿಯನ್ನು ಸಾಧಿಸಿದೆ ಎಂದು ನೆಕ್ಸ್‌ಜು ಹೇಳುತ್ತದೆ. ರೋಡ್‌ಲರ್ಕ್ ಡ್ಯುಯಲ್ ಬ್ಯಾಟರಿ ಸಿಸ್ಟಮ್ ಒಳಗೊಂಡಿದೆ. ಪ್ರಾಥಮಿಕ 8.7 ಎಎಚ್ ಹಗುರವಾದ, ತೆಗೆಯಬಹುದಾದ ಬ್ಯಾಟರಿ ಮತ್ತು ದ್ವಿತೀಯ 5.2 ಎಎಚ್ ಇನ್-ಫ್ರೇಮ್ ಬ್ಯಾಟರಿಯನ್ನು ದೇಶೀಯ ಸಾಕೆಟ್‌ನಲ್ಲಿ ಚಾರ್ಜ್ ಮಾಡಬಹುದು.
ಪೆಡಲಿಕ್ ಮೋಡ್‌ನಲ್ಲಿ ಈ ರೋಡ್‌ಲರ್ಕ್ ಇ ಬೈಸಿಕಲ್ 100 ಕಿ.ಮೀ. ರೈಡಿಂಗ್ ವ್ಯಾಪ್ತಿಯನ್ನು ಒಳಗೊಂಡಿದೆ. ಈ ಇ ಬೈಸಿಕಲ್ ಪ್ರತಿ ಗಂಟೆಗೆ 25 ಕಿ.ಮೀ.ವರೆಗೂ ಓಡಬಲ್ಲದು. ಈ ರೋಡ್‌ಲರ್ಕ್ ಇ ಬೈಸಿಕಲ್ ಬೆಲೆ 42 ಸಾವಿರ ರೂಪಾಯಿಗೆ. ಗ್ರಾಹಕರು ನೇರವಾಗಿ ನೆಕ್ಸ್‌ಜು ಕಂಪನಿ 90ಕ್ಕೂ ಹೆಚ್ಚು ಟಚ್‌ಪಾಯಿಂಟ್ಸ್ ಇಲ್ಲವೇ ನೆಕ್ಸುಜು ಮೊಬಿಲಿಟಿ ಅಧಿಕೃತ ಜಾಲತಾಣದ ಮೂಲಕ ಖರೀದಿಸಬಹುದಾಗಿದೆ.
ಏಪ್ರಿಲ್ ತಿಂಗಳ ಸಖತ್ ಆಫರ್: ಕ್ವಿಡ್, ಟ್ರೈಬರ್, ಡಸ್ಟರ್ ಕಾರ್ ಖರೀದಿ ಮೇಲೆ 1 ಲಕ್ಷ ರೂ.ವರೆಗೆ ಲಾಭ
ಗ್ರಾಹಕ ಕೇಂದ್ರೀತ ಮೊಬಿಲಿಟಿ ಸಲ್ಯೂಷನ್ ಕಂಡುಕೊಳ್ಳುವ ನಿಟ್ಟಿನಲ್ಲಿ ನಮ್ಮ ಎಂಜಿನಿಂಯರಿಂಗ್ ಮತ್ತು ವಿನ್ಯಾಸ ತಂಡವರು ಏಕಮನಸ್ಸಿನಿಂದ ಕೆಲಸ ಮಾಡಿದೆ ಮತ್ತು ಈ ಹೊಸ ರೋಡ್‌ಲರ್ಕ್‌ನೊದಿಂಗೆ ಸ್ಕೂಟರ್‌ಗಳನ್ನು ಬದಲಿಸುವ ಸಾರಿಗೆ ಪ್ರಾಥಮಿಕ ಮಾರ್ಗವಾಗಿ ಕಾರ್ಯನಿರ್ವಹಿಸಬಲ್ಲ ಸೂಪರ್ ದೀರ್ಘ-ಶ್ರೇಣಿಯ ವಿದ್ಯುತ್ ಚಕ್ರವನ್ನು ನೀಡುವ ಮೂಲಕ ಗ್ರಾಹಕರನ್ನು ಸಂತೋಷಪಡಿಸಲು ನಾವು ಉತ್ಸುಕರಾಗಿದ್ದೇವೆ. ರೈಡಿಂಗ್ ಅಗತ್ಯಕ್ಕೆ ಅನುಗುಣವಾಗಿ ಚಾಲಕರು ಈ ಬೈಸಿಕಲ್‌ನಲ್ಲಿ ತಮಗೆ ಬೇಕಿರುವ ರೈಡಿಂಗ್ ಮೋಡ್ ಆರಿಸಿಕೊಳ್ಳಬಹುದು. ರೋಡ್‌ಲರ್ಕ್‌ನಲ್ಲಿ ನಿಮಗೆ ಕಂಪನಿ 6 ಬೇರೆ ಬೇರೆ ರೈಡಿಂಗ್ ಮೋಡ್‌ಗಳನ್ನು ಒದಗಿಸುತ್ತದೆ. ಎಲೆಕ್ಟ್ರಿಕ್ ಸೈಕಲ್‌ಗಳು ಆರೋಗ್ಯಕ್ಕೂ ಪ್ರಯೋಜನಕಾರಿಯಾಗಿವೆ ಎಂದು ಈಗಾಗಲೇ ಸಾಬೀತಾಗಿದೆ. ಗ್ರಾಹಕ ಕೇಂದ್ರೀತ, ಕಡಿಮೆ ವೆಚ್ಚ ಮತ್ತು ಕ್ಲೀನ್ ಮೊಬಿಲಿಟಿ ಸಲ್ಯೂಷನ್ ಅನ್ನು ಇ ಬೈಸಿಕಲ್ ಒದಗಿಸುತ್ತದೆ ಎಂಬುದು ನೆಕ್ಸ್‌ಜು ಮೊಬಿಲಿಟಿ ಕಂಪನಿಯ ಅಭಿಪ್ರಾಯವಾಗಿದೆ.
