ಜೀಪ್ ಕಂಪಾಸ್ ಮೇಲೆ 1 ಲಕ್ಷ ರೂ. ಡಿಸ್ಕೌಂಟ್-ಆಫರ್ ಕೆಲದಿನ ಮಾತ್ರ!

ಭಾರತದಲ್ಲಿ ಹೆಚ್ಚು ಆಕರ್ಷಣೆಯಾಗಿರುವ ಜೀಪ್ ಕಂಪಾಸ್ ಇದೀಗ ಬರೋಬ್ಬರಿ 1 ಲಕ್ಷ ರೂಪಾಯಿ ಡಿಸ್ಕೌಂಟ್ ಆಫರ್ ಘೋಷಿಸಿದೆ. ಈ ಆಫರ್ ಕೆಲ ದಿನಗಳು ಮಾತ್ರ. ಇಲ್ಲಿದೆ ಹೆಚ್ಚಿನ ವಿವರ.

ಮುಂಬೈ(ನ.22): ಭಾರತದಲ್ಲಿ ಅತೀ ಕಡಿಮೆ ಅವಧಿಯಲ್ಲಿ SUV ಕಾರು ಸೆಗ್ಮೆಂಟ್‌ನಲ್ಲಿ ಜನಮನ್ನಣೆಗಳಿಸಿದ ಜೀಪ್ ಕಂಪಾಸ್ ಕಾರುಗಳ ಮೇಲೆ ಬರೋಬ್ಬರಿ 1 ಲಕ್ಷ ರೂಪಾಯಿ ಡಿಸ್ಕೌಂಟ್ ಘೋಷಿಸಲಾಗಿದೆ. ಈ ಆಫರ್ ನವೆಂಬರ್ 30 ರ ವರೆಗೆ ಮಾತ್ರ ಅನ್ವಯವಾಗಲಿದೆ.

1ಲಕ್ಷ ರೂಪಾಯಿ ಡಿಸ್ಕೌಂಟ್ ಆಫರ್‌ನ್ನ ವಿಂಗಡಿಸಲಾಗಿದೆ. ಹಳೇ ಕಾರು ಎಕ್ಸ್‌ಚೇಂಜ್ ಬೋನಸ್ 50,000 ರೂಪಾಯಿ ನೀಡಲಾಗಿದೆ. ಇನ್ನು ಕೆಲ ಡೀಲರ್‌ಗಳು 25,000 ರೂಪಾಯಿ ಕ್ಯಾಶ್ ಡಿಸ್ಕೌಂಟ್ ನೀಡಿದ್ದಾರೆ. ಇನ್ನು ಕಾರ್ಪೊರೇಟರ್ ಡಿಸ್ಕೌಂಟ್ 15,000 ರೂಪಾಯಿ ಸೇರಿದಂತೆ ಒಟ್ಟು 1 ಲಕ್ಷ ರೂಪಾಯಿ ಡಿಸ್ಕೌಂಟ್ ನೀಡಲಾಗಿದೆ.

ಪೆಟ್ರೋಲ್ ವೇರಿಯೆಂಟ್ ಜೀಪ್ ಕಾಂಪಾಸ್‌ಗಿಂತ ಡೀಸೆಲ್ ವೇರಿಯೆಂಟ್ ಕಾರಿಗೆ ಹೆಚ್ಚಿನ ಡಿಸ್ಕೌಂಟ್ ಸಿಗಲಿದೆ. 15-25 ಲಕ್ಷ ರೂಪಾಯಿಯ ಜೀಂಪ್ ಕಂಪಾಸ್ ಕಾರು ಇತ್ತೀಚೆಗೆ ಇತರ ಬ್ರ್ಯಾಂಡ್ ಕಾರುಗಳಿಂದ ಭಾರಿ ಪೈಪೋಟಿ ಎದುರಿಸುತ್ತಿದೆ.