ಪಲ್ಸರ್ ಬೈಕ್ ಖರೀದಿಸಿದರೆ 6 ಸಾವಿರ ಮೌಲ್ಯದ ಹೆಲ್ಮೆಟ್ ಉಚಿತ!
ಬಜಾಜ್ ಪಲ್ಸರ್ ಬೈಕ್ ಖರೀದಿಸಿದರೆ ಬರೋಬ್ಬರಿ 6000 ರೂಪಾಯಿ ಮೌಲ್ಯದ ಹೆಲ್ಮೆಟ್ ಉಚಿತ ಕೊಡುಗೆ ಘೋಷಿಸಲಾಗಿದೆ. 124 ಸಿಸಿ ಎಂಜಿನ್ ಈ ಪಲ್ಸರ್ ಬೈಕ್ ವಿಶೇಷತೆ ಹಾಗೂ ಆಫರ್ ಮಾಹಿತಿ ಇಲ್ಲಿದೆ.
ಪೊಲೆಂಡ್(ನ.01): ಬಜಾಜ್ ಮೋಟಾರ್ ನೂತನ ಪಲ್ಸರ್ 125 ಬೈಕ್ ಖರೀದಿಸಿದರೆ, 6,000 ರೂಪಾಯಿ ಮೌಲ್ಯದ ಹೆಲ್ಮೆಟ್ ಉಚಿತ ಉಡುಗೊರೆ ಘೋಷಿಸಲಾಗಿದೆ. ಆದರೆ ಈ ಕೊಡುಗೆ ಭಾರತದಲ್ಲಿ ಇಲ್ಲ. ಇದು ಪೊಲೆಂಡ್‌ನಲ್ಲಿ ಮಾತ್ರ.
ಬಜಾಜ್ ಕಂಪೆನಿ ಪೊಲೆಂಡ್‌ನಲ್ಲಿ ನೂತನ ಪಲ್ಸರ್ 125 ಬೈಕ್ ಬಿಡುಗಡೆ ಮಾಡಿದೆ. ಪೊಲೆಂಡ್‌ನಲ್ಲಿ ಈ ಬೈಕ್ ಬೆಲೆ 1.56 ಲಕ್ಷ ರೂಪಾಯಿ. ಎಬಿಎಸ್ ಬ್ರೇಕ್ ಸೌಲಭ್ಯವಿರೋ ನೂತನ ಪಲ್ಸರ್ ಪೊಲೆಂಡ್ ಬಳಿಕ ಭಾರತದಲ್ಲೂ ಬಿಡುಗಡೆಯಾಗಲಿದೆ.
ಭಾರತದಲ್ಲಿ ಇದರ ಬೆಲೆ 60,000 ರೂಪಾಯಿ ಒಳಗಿರಲಿದೆ ಎಂದು ಅಂದಾಜಿಸಲಾಗಿದೆ. ನೂತನ ಬೈಕ್ ಸಿಂಗಲ್ ಸಿಲಿಂಡರ್, 4 ವಾಲ್ವ್, ಫ್ಯೂಯೆಲ್ ಇಂಜೆಕ್ಟ್, ಎರ್ ಕೂಲ್‌ಡ್, 124.4 ಸಿಸಿ ಇಂಜಿನ್ ಹೊಂದಿದೆ. ಇನ್ನು ಟೆಲೆಸ್ಕೋಪಿಕ್ ಫೋರ್ಕ್ ಸಸ್ಪೆಶನ್ ಹೊಂದಿದೆ. ಬೈಕ್ ತೂಕ 126.5 ಕೆಜಿ.
Last Updated Nov 1, 2018, 4:18 PM IST
