80 ತುಂಬಿದ ಬೈಡೆನ್‌ಗೆ ವಿಶೇಷ ಉಡುಗೊರೆ ನೀಡಿದ ಮೋದಿ: ದಶದಾನ ಏನಿದರ ವಿಶೇಷತೆ?
ಅಮೆರಿಕಾ ಅಧ್ಯಕ್ಷ ಜೋ ಬೈಡೆನ್ ಅವರು ಪ್ರಸ್ತುತ ತಮ್ಮ ಜೀವನದ 80 ವಸಂತಗಳನ್ನು ಪೂರೈಸಿದ್ದಾರೆ. ಹಿಂದೂ ಸಂಪ್ರದಾಯದ ಪ್ರಕಾರ 80 ವಸಂತಗಳನ್ನು ಕಂಡ ವ್ಯಕ್ತಿಗೆ ವಿಶೇಷವಾದ ಧಾರ್ಮಿಕ ಕಾರ್ಯಗಳನ್ನು ಮಾಡಲಾಗುತ್ತದೆ. ಅದರ ಸೂಚ್ಯಕವೇ ಈ ದಶದಾನ ಉಡುಗೊರೆಗಳು.
Followನ್ಯೂಯಾರ್ಕ್‌: ಅಮೆರಿಕಾ ಅಧ್ಯಕ್ಷ ಜೋ ಬೈಡೆನ್ ಅವರು ಪ್ರಸ್ತುತ ತಮ್ಮ ಜೀವನದ 80 ವಸಂತಗಳನ್ನು ಪೂರೈಸಿದ್ದಾರೆ. ಹಿಂದೂ ಸಂಪ್ರದಾಯದ ಪ್ರಕಾರ 80 ವಸಂತಗಳನ್ನು ಕಂಡ ವ್ಯಕ್ತಿಗೆ ವಿಶೇಷವಾದ ಧಾರ್ಮಿಕ ಕಾರ್ಯಗಳನ್ನು ಮಾಡಲಾಗುತ್ತದೆ. ಅದರಂತೆ ಅವರಿಗೆ ದಶದಾನಗಳನ್ನು ನೀಡಲಾಗುತ್ತದೆ. ಅದನ್ನೇ ಈಗ ಪ್ರಧಾನಿ ನರೇಂದ್ರ ಮೋದಿಯವರು ಅಮೆರಿಕಾ ಅಧ್ಯಕ್ಷರಿಗೆ ಮಾಡಿದ್ದಾರೆ.
ಪ್ರಾಚೀನ ಭಾರತೀಯ ಗ್ರಂಥವಾದ ಕೃಷ್ಣ ಯಜುರ್ವೇದದ ವೈಖಾನಸ್ ಗೃಹ್ಯ ಸೂತ್ರದ ಪ್ರಕಾರ ಒಬ್ಬ ವ್ಯಕ್ತಿಯು 'ದೃಷ್ಟ ಸಹಸ್ರಚಂದ್ರೋ' ಅಥವಾ ಎಂಬತ್ತು ವರ್ಷ ಮತ್ತು ಎಂಟು ತಿಂಗಳ ವಯಸ್ಸನ್ನು ಪೂರ್ಣಗೊಳಿಸಿದಾಗ ಒಂದು ಸಾವಿರ ಹುಣ್ಣಿಮೆಗಳನ್ನು ನೋಡಿದವನಾಗುತ್ತಾನೆ ಎಂದು ಉಲ್ಲೇಖವಿದೆ. ಅದರಂತೆ ವ್ಯಕ್ತಿಯೊಬ್ಬ ಒಂದು ಸಾವಿರ ಹುಣ್ಣಿಮೆಗಳು ಅಥವಾ 'ಸಹಸ್ರ ಪೂರ್ಣ ಚಂದ್ರೋದಯ' (Sahasra Poorna Chandrodayam) ವನ್ನು ತಲುಪಿದರೆ ಹಿಂದೂ ಜೀವನ ಪದ್ಧತಿ ಪ್ರಕಾರ (Hindu way of life) ಅದು ಆತನ ಜೀವನದ ಪ್ರಮುಖ ಮೈಲಿಗಲ್ಲು.
ಬೈಡೆನ್‌ಗೆ ಕರುನಾಡ ಶ್ರೀಗಂಧ ಉಡುಗೊರೆ : ದಶದಾನ ಮಾಡಿದ ಪ್ರಧಾನಿ ಮೋದಿ
ಎರಡು ಹುಣ್ಣಿಮೆಗಳ ನಡುವಿನ ಅಂತರವು ನಡುವಿನ ಅಂತರ ಸುಮಾರು 29.53 ದಿನಗಳು, ಆದ್ದರಿಂದ ಒಂದು ಸಾವಿರ ಹುಣ್ಣಿಮೆಗಳ ಪೂರ್ಣ ಅವಧಿಯ ತಲುಪಲು ಸರಿಸುಮಾರು 29530 ದಿನಗಳು ಅಥವಾ 80 ವರ್ಷ 8 ತಿಂಗಳುಗಳು ಬೇಕಾಗುತ್ತವೆ. ಜೀವನದ ಈ ಹಂತದಲ್ಲಿ (ಒಂದು ಸಾವಿರ ಹುಣ್ಣಿಮೆಗಳನ್ನು ನೋಡಿದ), ವ್ಯಕ್ತಿಯನ್ನು ಜೀವನದ ಸಂಪೂರ್ಣ ಅನುಭವಕ್ಕಾಗಿ ಗೌರವಿಸಲಾಗುತ್ತದೆ ಮತ್ತು ಅದನ್ನು ಸಂಭ್ರಮಿಸಲಾಗುತ್ತದೆ. ವೈದಿಕ ಆಚರಣೆಗಳ ವಿಧಿ ವಿಧಾನದಂತೆ ವಿಸ್ತೃತವಾದ ಸಂಭ್ರಮಾರಣೆಯನ್ನು ನಡೆಸಲಾಗುತ್ತದೆ. ಗಣೇಶನ ಪೂಜೆ, ಪ್ರಾರ್ಥನೆಗಳು, ಪೂರ್ಣಾಹುತಿ, ಶತಭಿಷೇಕ ಮತ್ತು ಅಂತಿಮವಾಗಿ ಸಹಸ್ರ ಚಂದ್ರ ದರ್ಶನ ಕಾರ್ಯಕ್ರಮ ಮಾಡಲಾಗುತ್ತದೆ.
ಗಿನ್ನಿಸ್ ವಿಶ್ವ ದಾಖಲೆ ಪುಟ ಸೇರಿದ ಪ್ರಧಾನಿ ಮೋದಿ ಅಂತಾರಾಷ್ಟ್ರೀಯ ಯೋಗದಿನಾಚರಣೆ!
ಸಹಸ್ರ ಪೂರ್ಣ ಚಂದ್ರೋದಯಂ ಆಚರಣೆಯ ಸಂದರ್ಭದಲ್ಲಿ, ದಾಸ ದಾನ ಪದ್ಧತಿ ಇದೆ. ಅಥವಾ ಹತ್ತು ವಿಧದ ದಾನಗಳ ಸಂಪ್ರದಾಯವಿದೆ, ಅದರ ಪ್ರಕಾರ ಗೌಡನ್ (ಹಸು), ಭೂದಾನ (ಭೂಮಿ), ತಿಲದಾನ (ಎಳ್ಳು), ಹಿರಣ್ಯದಾನ (ಚಿನ್ನ), ಅಜ್ಯಾದಾನ್ (ತುಪ್ಪ ಅಥವಾ ಬೆಣ್ಣೆ). ಧಾನ್ಯ ದಾನ (ಆಹಾರ ಧಾನ್ಯಗಳು), ವಸ್ತ್ರದಾನ (ಬಟ್ಟೆ), ಗುಡ್ಡಾನ್ (ಬೆಲ್ಲ), ರೌಪ್ಯಾದಾನ್ (ಬೆಳ್ಳಿ) ಮತ್ತು ಲವಂದಾನ್ (ಉಪ್ಪು) ಈ ವಸ್ತುಗಳನ್ನು ಆ ವ್ಯಕ್ತಿಗೆ ದಾನ ಮಾಡಲಾಗುತ್ತದೆ. ಈಗ ಬೈಡೆನ್ ಅವರಿಗೆ 80 ತುಂಬಿದ ಹಿನ್ನೆಲೆಯಲ್ಲಿ ಅದನ್ನು ಸಂಕೇತಿಸುವ ಸಲುವಾಗಿ ಪ್ರಧಾನಿ ಮೋದಿ ಈ ದಶದಾನದ ಸೂಕವಾಗಿ ಉಡುಗೊರೆ ನೀಡಿದ್ದಾರೆ. ಈ ಉಡುಗೊರೆಯ ಶ್ರೀಗಂಧದ ಪೆಟ್ಟಿಗೆಯನ್ನು ರಾಜಸ್ಥಾನದ ಜೈಪುರದ ಕುಶಲಕರ್ಮಿಯೊಬ್ಬರು ತಮ್ಮ ಕುಶಲತೆಯಿಂದ ತಯಾರಿಸಿದ್ದಾರೆ. ಕರ್ನಾಟಕದ ಮೈಸೂರಿನಿಂದ ಬಂದ ಶ್ರೀಗಂಧದ ಮರದ ಮೇಲೆ ಸಂಕೀರ್ಣವಾಗಿ ಕೆತ್ತನೆಗಳನ್ನು ಸಸ್ಯ, ಪ್ರಾಣಿಗಳ ಕೆತ್ತೆನೆಗಳನ್ನು ಮಾಡಲಾಗಿದೆ.
