ಫೆಬ್ರವರಿ 11ರಿಂದ ಎಲ್ಲಾ ನಿರ್ಬಂಧ ತೆರವುಗೊಳಿಸುತ್ತೆ ಬ್ರಿಟನ್
- ಪ್ರವಾಸೋದ್ಯಮಕ್ಕೆ ಉತ್ತೇಜನ ನೀಡಲು ಮುಂದಾದ ಬ್ರಿಟನ್
- ಫೆಬ್ರವರಿ 11 ರಿಂದ ಎಲ್ಲಾ ಪ್ರಯಾಣ ನಿರ್ಬಂಧ ತೆರವು
- ಕೋವಿಡ್‌ನಿಂದಾಗಿ ಕಳೆಗುಂದಿದ್ದ ಬ್ರಿಟನ್ ಪ್ರವಾಸೋದ್ಯಮ
Followಇಂಗ್ಲೆಂಡ್(ಜ.25): ಕೋವಿಡ್‌ನಿಂದಾಗಿ ಕಳೆಗುಂದಿದ ಪ್ರವಾಸೋದ್ಯಮ ಹಾಗೂ ಉದ್ಯಮಕ್ಕೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಬ್ರಿಟನ್ ಎಲ್ಲಾ ರೀತಿಯ ಪ್ರಯಾಣಗಳ ಮೇಲೆ ಹೇರಿದ್ದ ನಿರ್ಬಂಧಗಳನ್ನು ಫೆಬ್ರವರಿ 11 ರಂದು ತೆರವುಗೊಳಿಸಲು ಮುಂದಾಗಿದೆ.
ಕೋವಿಡ್ ಲಸಿಕಾಕರಣ ಮತ್ತು ಬೂಸ್ಟರ್ ಡೋಸ್‌ಗಳ ಯಶಸ್ಸಿನ ನಂತರ, ಬ್ರಿಟನ್ ಲಸಿಕೆ ಪಡೆದ ವ್ಯಕ್ತಿಗಳಿಗೆ ಎಲ್ಲಾ ನಿರ್ಬಂಧಗಳನ್ನು ತೆಗೆದು ಹಾಕಲು ನಿರ್ಧರಿಸಿದೆ. ಹೊಸ ನೀತಿಯು ಫೆಬ್ರವರಿ 11 ರಂದು ಬೆಳಗ್ಗೆ 4 ಗಂಟೆಯಿಂದ ಜಾರಿಗೆ ಬರಲಿದೆ. ಈ ಘೋಷಣೆಯು ಬ್ರಿಟನ್‌ನಲ್ಲಿ ಪ್ರವಾಸೋದ್ಯಮ ಮತ್ತು ವ್ಯಾಪಾರಕ್ಕೆ ಕೋವಿಡ್‌ನಿಂದ ಉಂಟಾದ ಅಡಚಣೆಗೆ ಶಾಶ್ವತ ಪರಿಹಾರವನ್ನು ನೀಡುತ್ತದೆ ಎಂದು ನಿರೀಕ್ಷಿಸಲಾಗಿದೆ.
ನಾವು ಸರಿಯಾದ ಸಮಯದಲ್ಲಿ ಸರಿಯಾದ ನಿರ್ಧಾರಗಳನ್ನು ಮಾಡಿದ್ದೇವೆ. ನಮ್ಮ ಲಸಿಕೆ ಮತ್ತು ಬೂಸ್ಟರ್ ಡೋಸ್‌ಗೆ ಧನ್ಯವಾದ ಸಲ್ಲಿಸುವ ಸಮಯವಿದು. ಇದು ಲಸಿಕೆ ಹಾಕಿಸಿಕೊಂಡ ಎಲ್ಲಾ ಪ್ರಯಾಣಿಕರಿಗೆ, ಬಹುತೇಕ ಎಲ್ಲಾ COVID-19 ಪ್ರಯಾಣ ನಿರ್ಬಂಧಗಳನ್ನು ಸುರಕ್ಷಿತವಾಗಿ ತೆಗೆದುಹಾಕಲು ನಮಗೆ ಅವಕಾಶ ಮಾಡಿಕೊಡುತ್ತದೆ.
Kodagu Tourism : ತಲಕಾವೇರಿ ಕ್ಷೇತ್ರದಲ್ಲಿ ಪ್ರವಾಸೋದ್ಯಮಕ್ಕೆ ಅವಕಾಶ ನೀಡದಂತೆ ಒತ್ತಾಯ
ಅಂತರಾಷ್ಟ್ರೀಯ ಪ್ರಯಾಣಕ್ಕೆ ಮೊದಲಿನಂತೆ ಸುರಕ್ಷಿತ ಪೂರ್ಣ ವಾಪಸಾತಿಯು ಬ್ರಿಟನ್‌ನ ಪ್ರವಾಸೋದ್ಯಮಕ್ಕೆ ಪ್ರಮುಖ ಉತ್ತೇಜನವಾಗಿದೆ. ಹೀಗಾಗಿ ನಿರ್ಣಾಯಕವಾಗಿರುವ ಅರ್ಧ ಅವಧಿ ರಜೆ ಮತ್ತು ವಸಂತ ರಜಾ ಋತುವಿನ ಸಮಯಕ್ಕೆ ಬ್ರಿಟನ್ ಅನ್ನು ಈ ನಿರ್ಬಂಧವೂ ಮುಕ್ತಗೊಳಿಸುತ್ತದೆ ಎಂದು ಸಾರಿಗೆ ಕಾರ್ಯದರ್ಶಿ ಗ್ರಾಂಟ್ ಶಾಪ್ಸ್ (Grant Shapps) ಹೇಳಿದರು.
ಫೆಬ್ರವರಿ 11 ರಿಂದ ಲಸಿಕೆ ಹಾಕದವರ ಆಗಮನಕ್ಕೆ ಇದ್ದ ನಿರ್ಬಂಧವನ್ನು ಕೂಡ ಬ್ರಿಟನ್ ತೆಗೆದು ಹಾಕಲಿದೆ. ಹೊಸ ನಿಯಮಗಳ ಪ್ರಕಾರ, ಸಂಪೂರ್ಣವಾಗಿ ಲಸಿಕೆಯನ್ನು ಹಾಕದ ವ್ಯಕ್ತಿಗಳು ಬ್ರಿಟನ್‌ಗೆ ತಮ್ಮ ಆಗಮನದ ನಂತರದ ಎರಡನೇ ದಿನದಂದು ಅಥವಾ ಮೊದಲು, ನಿರ್ಗಮನ ಪೂರ್ವ ಪರೀಕ್ಷೆ ಮತ್ತು PCR ಪರೀಕ್ಷೆಗೆ ಒಳಗಾಗಬೇಕಾಗುತ್ತದೆ. ಈ ಪ್ರಕಟಣೆಯು ಯುನೈಟೆಡ್ ಕಿಂಗ್‌ಡಮ್‌ನಲ್ಲಿ ಪ್ರವಾಸೋದ್ಯಮ ಮತ್ತು ವ್ಯಾಪಾರಕ್ಕೆ COVID-19 ಉಂಟು ಮಾಡಿರುವ ಅಡ್ಡಿಗೆ ಶಾಶ್ವತ ಪರಿಹಾರವನ್ನು ಒದಗಿಸುವ ನಿರೀಕ್ಷೆಯಿದೆ.
National Tourism Day : ದೇಶದ ಆರ್ಥಿಕ ವೃದ್ಧಿಗೆ ನೆರವಾಗೋ ದಿನದ ಮಹತ್ವ, ಇತಿಹಾಸ
ಬ್ರಿಟನ್ ಸರ್ಕಾರವೂ ಚೀನಾ, ಮೆಕ್ಸಿಕೋ ಸೇರಿದಂತೆ ಇನ್ನೂ 16 ದೇಶಗಳನ್ನು ಮಾನ್ಯತೆ ಪಡೆದ ಲಸಿಕೆ ಪ್ರಮಾಣಪತ್ರಗಳ ಪಟ್ಟಿಗೆ ಸೇರಿಸಲಿದೆ. ಈ ಮೂಲಕ ಬ್ರಿಟನ್‌ನಲ್ಲಿ ಮಾನ್ಯತೆ ಪಡೆದ ಲಸಿಕೆ ಪ್ರಮಾಣಪತ್ರಗಳ ಸಂಖ್ಯೆ ಒಟ್ಟು180 ಕ್ಕೆ ಏರಿದೆ. ಎಲ್ಲಾ ದಕ್ಷಿಣ ಏಷ್ಯಾದ ದೇಶಗಳನ್ನು ಈ ಪಟ್ಟಿಯಲ್ಲಿ ಸೇರಿಸಲಾಗಿದೆ.
