ಸರ್ಕಸ್ ತರಬೇತುದಾರನ ಮೇಲೆ ಹುಲಿಯ ದಾಳಿ; ಕುತ್ತಿಗೆ ಕಚ್ಚಿದ ವ್ಯಾಘ್ರ: ವಿಡಿಯೋದಲ್ಲಿ ಸೆರೆ..!
ಇಟಲಿಯ ಪ್ರಾಂತ್ಯದ ಲೆಸ್ಸೆಯಲ್ಲಿ ಕಳೆದ ಗುರುವಾರ ಸಂಜೆ ನೇರ ಪ್ರದರ್ಶನದ ವೇಳೆ ಹುಲಿಯೊಂದು ಸರ್ಕಸ್ ತರಬೇತುದಾರನ ಮೇಲೆ ದಾಳಿ ಮಾಡಿದೆ.
ಕಾಡು ಪ್ರಾಣಿಗಳು (Wild Animals) ಅಂದ್ರೆ ಸಾಮಾನ್ಯವಾಗಿ ಬಹುತೇಕರಿಗೆ ಭಯ ಇದ್ದೇ ಇರುತ್ತದೆ. ಅದೇ ರೀತಿ, ಹುಲಿಯನ್ನು (Tiger) ಬೋನ್‌ನೊಳಗೆ ಅಥವಾ ಝೂನೊಳಗೆ ನೋಡಿದ್ರೂ ಹಲವರು ಹೆದರುತ್ತಾರೆ. ಇನ್ನು, ಸರ್ಕಸ್‌ಗಳಲ್ಲಂತೂ (Circus) ಇವುಗಳನ್ನು ಎದುರಿಸೋದು ಕಷ್ಟ. ಆದರೂ, ಸರ್ಕಸ್‌ನಲ್ಲಿ ಹುಲಿ, ಸಿಂಹಗಳಂತ (Lion) ಪ್ರಾಣಿಗಳ ಜತೆ ಅನೇಕರು ಪ್ರದರ್ಶನ ನೀಡುತ್ತಾರೆ. ಈ ವೇಳೆ ಅಪಾಯದ ಆತಂಕ ಇದ್ದೇ ಇರುತ್ತದೆ. ಇಂತಹದ್ದೊಂದು ಆತಂಕಕಾರಿ ಘಟನೆಯಲ್ಲಿ, ಇಟಲಿಯ (Italy) ಪ್ರಾಂತ್ಯದ ಲೆಸ್ಸೆಯಲ್ಲಿ ಕಳೆದ ಗುರುವಾರ ಸಂಜೆ ನೇರ ಪ್ರದರ್ಶನದ ವೇಳೆ ಹುಲಿಯೊಂದು ಸರ್ಕಸ್ ತರಬೇತುದಾರನ (Circus Trainer) ಮೇಲೆ ದಾಳಿ (Attack) ಮಾಡಿದೆ ಎಂದು ಅಂತಾರಾಷ್ಟ್ರೀಯ ಮಾಧ್ಯಮ ವರದಿ ಮಾಡಿದೆ. ಸರ್ಕಸ್ ತರಬೇತುದಾರನನ್ನು ಹುಲಿ ನೆಲಕ್ಕೆ ಎಳೆದೊಯ್ದ ಭಯಾನಕ ಕ್ಷಣ ವಿಡಿಯೋದಲ್ಲಿ ಸೆರೆಯಾಗಿದ್ದು, ಹಲವಾರು ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ವೈರಲ್‌ ಆಗುತ್ತಿದೆ.
ಸರ್ಕಸ್ ತರಬೇತುದಾರ ಮತ್ತೊಂದು ಹುಲಿಯ ಮೇಲೆ ಕೇಂದ್ರೀಕರಿಸುವುದನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಳ್ಳಲಾದ ಕ್ಲಿಪ್ ತೋರಿಸುತ್ತದೆ. ಈ ವೇಳೆ, ಮತ್ತೊಂದು ಹುಲಿ ಆತನ ಮೇಲೆ ಹಿಂದಿನಿಂದ ಬಂದು ದಾಳಿ ಮಾಡಿದೆ. ಇವಾನ್ ಓರ್ಫೀ ಎಂದು ಗುರುತಿಸಲ್ಪಟ್ಟ 31 ವರ್ಷದ ತರಬೇತುದಾರನು ಈ ವೇಳೆ ನೋವಿನಿಂದ ಕಿರುಚಿದ್ದು, ಮತ್ತು ಹುಲಿಯ ಹಿಡಿತದಿಂದ ತನ್ನನ್ನು ಬಿಡಿಸಿಕೊಳ್ಳಲು ಹೆಣಗಾಡಿದ್ದಾರೆ. ಆದರೂ, ಬಿಡದ ಹುಲಿ ತರಬೇತುದಾರನ ಕುತ್ತಿಗೆಯನ್ನು ಕಚ್ಚುತ್ತದೆ ಮತ್ತು ಅವರ ಕಾಲನ್ನು ತನ್ನ ಹಲ್ಲುಗಳಿಂದ ಇರಿದಿದೆ. ಅಷ್ಟರಲ್ಲಿ ಸಭಿಕರ ಕಿರುಚಾಟವನ್ನು ಸಹ ನಾವು ಕೇಳಿಸಿಕೊಳ್ಳಬಹುದು.
ಇದನ್ನು ಓದಿ: 14 ಜಾನುವಾರು ತಿಂದು ತೇಗಿ ಜನರ ನಿದ್ದೆಗಿಡಿಸಿದ ಹುಲಿ ಸೆರೆ, ನಿಟ್ಟುಸಿರು ಬಿಟ್ಟ ಗ್ರಾಮಸ್ಥರು!
ವಿಡಿಯೋವನ್ನು ಇಲ್ಲಿ ನೋಡಿ:
ಅದೃಷ್ಟವಶಾತ್, ಸರ್ಕಸ್ ತರಬೇತುದಾರ ಓರ್ಫೀ ಹುಲಿಯ ಹಿಡಿತದಿಂದ ತಪ್ಪಿಸಿಕೊಂಡಿದ್ದಾರೆ. ನಂತರ ಅವರ ಸಹಾಯಕನು ಹುಲಿಯನ್ನು ಮೇಜಿನಿಂದ ಹೊಡೆದಿದ್ದು, ಈ ಮೂಲಕ ಅವರು ಅಲ್ಲಿಂದ ಪರಾರಿಯಾಗಲು ಅವಕಾಶ ಮಾಡಿಕೊಟ್ಟಿದ್ದಾರೆ. ಕುತ್ತಿಗೆ, ಕಾಲು ಮತ್ತು ತೋಳಿಗೆ ಆಳವಾದ ಗಾಯಗಳಾಗಿದ್ದು, ಅವರನ್ನು ಲೆಸ್ಸೆಸ್ ವೀಟೋ ಫಾಝಿ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲದೆ, ಅವರು ಪ್ರಾಣಾಪಾಯದಿಂದ ಪಾರಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಿಳಿದುಬಂದಿದೆ.
ಈ ಮಧ್ಯೆ ಪಶುವೈದ್ಯಕೀಯ ಪರೀಕ್ಷೆಗಳಿಗೆ ಒಳಗಾಗಲು ಆ ಪ್ರದರ್ಶನದ ನಂತರ ಹುಲಿಯನ್ನು ಐಸೊಲೇಟ್‌ ಮಾಡಲಾಗಿದೆ ಎಂದೂ ಹೇಳಲಾಗಿದೆ. ಈ ಘಟನೆಯ ಬಗ್ಗೆ ಸರ್ಕಸ್ ಮ್ಯಾನೇಜ್‌ಮೆಂಟ್ ಪ್ರತಿಕ್ರಿಯೆ ನೀಡಿದ್ದು, ಮರೀನಾ ಓರ್ಫೀ ಸರ್ಕಸ್‌ನ ಆಡಳಿತವು ಸುರ್ಬೋದಲ್ಲಿನ ತಮ್ಮದೇ ಆದ ಸರ್ಕಸ್ ಅಮೆಡಿಯೊ ಓರ್ಫಿಯನ್ನು ನಿನ್ನೆ ಅಪಘಾತದಲ್ಲಿ ದಾಳಿಗೊಳಗಾದ ತಮ್ಮ ಸಹೋದ್ಯೋಗಿ ಇವಾನ್ ಓರ್ಫೀ ಅವರಿಗೆ ಅಪ್ಪುಗೆ. ಹೆಚ್ಚು ನುರಿತ ವೃತ್ತಿಪರ ತರಬೇತುದಾರರಾದ ಇವಾನ್ ಅವರು ಪ್ರದರ್ಶನದ ಸಮಯದಲ್ಲಿ ಹುಲಿಯಿಂದ ದಾಳಿಗೊಳಗಾದರು ಮತ್ತು ಅದೃಷ್ಟವಶಾತ್ ಸಣ್ಣಪುಟ್ಟ ಗಾಯಗಳನ್ನು ಅನುಭವಿಸಿದರು ಮತ್ತು ಅವರ ಸ್ಥಿತಿಯು ಚಿಂತಾಜನಕವಾಗಿಲ್ಲ ಎಂದು ಪೋಸ್ಟ್‌ ಮಾಡಿದ್ದಾರೆ.
ಇದನ್ನೂ ಓದಿ: ಮಲೆನಾಡಿನಲ್ಲಿ ಹುಲಿ ದಾಳಿ: ವ್ಯಾಘ್ರನ ಅಟ್ಟಹಾಸಕ್ಕೆ ಜಾನುವಾರು ಬಲಿ: ಆತಂಕದಲ್ಲಿ ಗ್ರಾಮಸ್ಥರು
ಇವಾನ್ ಸ್ವತಃ ತನ್ನ ಪ್ರದರ್ಶನಗಳಲ್ಲಿ ಪ್ರೇಕ್ಷಕರಿಗೆ ಪ್ರದರ್ಶಿಸಿದಂತೆಯೇ, ಸುತ್ತಲೂ ಓದುವ ಪೂರ್ವಾಗ್ರಹಗಳು, ಅವಮಾನಗಳು ಮತ್ತು ಸುಳ್ಳುಗಳನ್ನು ಮೀರಿ, ನಮ್ಮದು ಪ್ರಾಣಿಗಳ ಮೇಲಿನ ಅಪಾರ ಪ್ರೀತಿಯಿಂದ ಮಾಡಲ್ಪಟ್ಟಿದೆ. ಹುಲಿಗಳು ಆಕರ್ಷಕ ಪ್ರಾಣಿಗಳು ಮತ್ತು ಅವುಗಳನ್ನು ಹೇಗೆ ಪಳಗಿಸುವುದು ಹಾಗೂ ಮನುಷ್ಯರೊಂದಿಗೆ ವಿಶ್ವಾಸಾರ್ಹ ಸಂಬಂಧವನ್ನು ಹೇಗೆ ಬೆಳೆಸುವುದು ಎಂದು ತಿಳಿದುಕೊಳ್ಳುವುದು ನೂರಾರು ವರ್ಷಗಳಿಂದ ಸರ್ಕಸ್ ಜಗತ್ತಿನಲ್ಲಿ ನಡೆಯುತ್ತಿರುವ ಕಲೆಯಾಗಿದೆ. ಆದರೂ ಈ ರೀತಿಯ ಅವಘಡ ಸಂಭವಿಸಬಹುದು ಮತ್ತು ಈ ಕೆಲಸ ನಿರ್ವಹಿಸುತ್ತಿರುವ ಇವರಂತಹವರು ತೋರಿದ ಧೈರ್ಯ ಶ್ಲಾಘನೀಯ. ಇವಾನ್ ತನ್ನ ಕುಟುಂಬ ಮತ್ತು ಪ್ರಾಣಿ ಸ್ನೇಹಿತರ ಜೊತೆಗೆ ಶೀಘ್ರದಲ್ಲೇ ಟ್ರ್ಯಾಕ್‌ಗೆ ಮರಳಲು ಬಯಸುತ್ತಾರೆ ಎಂದೂ ಸರ್ಕಸ್ ಆಡಳಿತ ಮಂಡಳಿ ಹೇಳಿದೆ.
ಇದನ್ನೂ ಓದಿ: Mysuru Tiger Attack: ಎಚ್ ಡಿ ಕೋಟೆ: ಹುಲಿ ದಾಳಿಗೆ ರೈತ ಬಲಿ!
