3 ಮಕ್ಕಳು ಸೇರಿ ಐವರು ಪ್ರಯಾಣಿಸುತ್ತಿದ್ದ ಕಾರಿನ ಮೇಲೆ ಬಡಿದ ಸಿಡಿಲು; ಭಯಾನಕ ವಿಡಿಯೋ!

ರಸ್ತೆಯಲ್ಲಿ ಪ್ರಯಾಣಿಸುತ್ತಿದ್ದ ಕಾರಿನ ಮೇಲೆ ಬಡಿದ ಸಿಡಿಲು ತುಂತುರ ಮಳೆ ನಡುವೆ ಭಯಾನಕವಾಗಿ ಅಪ್ಪಳಿಸಿದ ಸಿಡಿಲು ಮೂವರು ಪುಟಾಣಿ ಮಕ್ಕಳು ಸೇರಿ 5 ಪ್ರಯಾಣಿಸುತ್ತಿದ್ದ ಕಾರು ಭೀಕರ ದೃಶ್ಯ ಹಿಂಬದಿ ಕಾರಿನ ಕ್ಯಾಮಾರದಲ್ಲಿ ಸೆರೆ

Thunder lightining

ಕನ್ಸಾಸ್(ಜು.03): ಮಿಂಚು-ಹಾಗೂ ಸಿಡಿಲಿನ ಪದ ಒಂದು ರೀತಿಯಲ್ಲಿ ಭಯ ಹುಟ್ಟಿಸುತ್ತೆ. ಕಾರಣ ಅದರ ಪರಿಣಾಮ ಅತ್ಯಂತ ಭೀಕರ. ಅದೆಷ್ಟೋ ಜೀವಗಳು ಸಿಡಿಲಿಗೆ ಬಲಿಯಾಗಿದೆ. ಅದೆಷ್ಟೇ ಜೀವನಗಳು ಸಿಡಿಲಿನ ಭೀಕರತೆ ನಲುಗಿದೆ. ಇದೀಗ ಅಮೆರಿಕದ ಕನ್ಸಾಸ್ ಪ್ರಾಂತ್ಯದಲ್ಲಿ ಚಲಿಸುತ್ತಿದ್ದ ಕಾರಿನ ಮೇಲೆ ಸಿಡಿಲು ಬಡಿದ ದೃಶ್ಯ ಭಯ ಹುಟ್ಟಿಸುವಂತಿದೆ.

ಜೂನ್ 25 ರಂದು 3 ವರ್ಷದ, 1.5 ವರ್ಷದ ಹಾಗೂ 8 ತಿಂಗಳ ಮುಗುವಿನೊಂದಿಗೆ ದಂಪತಿ ಕಾರಿನಲ್ಲಿ ಪ್ರಯಾಣ ಮಾಡುತ್ತಿರುವ ವೇಳೆ ಈ ಘಟನೆ ಸಂಭವಿಸಿದೆ. ಕನ್ಸಾಸ್ ಹೆದ್ದಾರಿಯಲ್ಲಿ ಎಂದಿನಂತೆ ಟ್ರಾಫಿಕ್ ಕೂಡ ಸಹಜವಾಗಿತ್ತು. ಮಳೆ ಸುರಿತ್ತಿದ್ದ ಕಾರಣ ಎಲ್ಲಾ ವಾಹನಗಳು ಮಂದಗತಿಯಲ್ಲಿ ಚಲಿಸುತ್ತಿತ್ತು.

ಇದಕ್ಕಿದ್ದಂತೆ ಸಿಡಿಲು ಕಾರಿಗೆ ಬಡಿದಿದೆ. ಈ ದೃಶ್ಯ ಹಿಂಬದಿ ಕಾರಿನ ಕ್ಯಾಮಾರದಲ್ಲಿ ಸೆರೆಯಾಗಿದೆ. ಸಿಡಿಲು ಬಡಿತಕ್ಕೆ ಕಾರು ಅಲ್ಲೆ ನಿಂತುಹೋಗಿದೆ. ತಕ್ಷಣವೇ ಹಿಂಬದಿ ಕಾರಿನಲ್ಲಿದ್ದವರು, ನೆರವಿಗೆ ಧಾವಿಸಿದ್ದಾರೆ. ಹತ್ತಿರ ಹೋಗಿ ನೋಡಿದಾಗ, ಕಾರಿನಲ್ಲಿದ್ದ ಐವರು ಯಾವುದೇ ಅಪಾಯವಿಲ್ಲದೆ ಸುರಕ್ಷತವಾಗಿದ್ದಾರೆ.

ಪುಟಾಣಿ ಮಕ್ಕಳು ಹಾಗೂ ದಂಪತಿ ಸೇಫ್ ಆಗಿದ್ದಾರೆ. ಆದರೆ ಕಾರು ಸೆನ್ಸಾರ್, ಗೇರ್, ಹ್ಯಾಂಡಲ್ ಲಾಕ್ ಆಗಿದೆ. ಕಾರಿನ ಎಂಜಿನ್ ಸೇರಿದಂತೆ ಎಲ್ಲವೂ ಹಾಳಾಗಿದೆ. ಆದರೆ ಈ ಭಯಾನಕ ವಿಡಿಯೋ ವೈರಲ್ ಆಗಿದೆ.