ಹಾವಿನ ವಿಷದಿಂದ ಕೊರೋನಾಗೆ ಬ್ರೇಕ್‌: ಶೇ.75ರಷ್ಟು ಹರಡುವಿಕೆ ತಡೆಯುತ್ತದೆ!
* ಹಾವಿನ ವಿಷದಿಂದ ಕೊರೋನಾ ಸೋಂಕಿಗೆ ಬ್ರೇಕ್‌!
* ಶೇ.75ರಷ್ಟು ಕೊರೋನಾ ಹರಡುವಿಕೆಯನ್ನು ತಡೆಯುತ್ತದೆ.
* ಈ ವಿಷವನ್ನು ಕೃತಕವಾಗಿ ಪ್ರಯೋಗಾಲಯಗಳಲ್ಲಿ ತಯಾರಿಸಬಹುದು
Followಬ್ರೆಸಿಲಿಯಾ(ಸೆ.02): ಬ್ರೆಜಿಲ್‌ನಲ್ಲಿ ಕಂಡುಬರುವ ‘ಜರಾರಕುಸು’ ಎಂಬ ಸರ್ಪದ ವಿಷವು, ಕೊರೋನಾ ಸೋಂಕು ಪ್ರಸರಣ ತಡೆಯಲು ಬಹು ಉಪಯೋಗಕಾರಿ ಎಂದು ಸಂಶೋಧನೆಯೊಂದು ಹೇಳಿದೆ. ಜೊತೆಗೆ ಈ ವಿಷವನ್ನು ಪ್ರಯೋಗಾಲಯದಲ್ಲೂ ಅಭಿವೃದ್ಧಿಪಡಿಸಬಹುದಾದ ಕಾರಣ, ಮುಂದಿನ ದಿನಗಳಲ್ಲಿ ಇದು ಸೋಂಕು ನಿಗ್ರಹಕ್ಕೆ ಬಳಸಬಹುದು ಎಂದು ವಿಜ್ಞಾನಿಗಳ ತಂಡ ಹೇಳಿದೆ.
‘ಈ ಹಾವಿನ ವಿಷವು ಪ್ರತಿಜೀವಕಗಳನ್ನು ಹೊಂದಿದ್ದು ಕೊರೋನಾ ವೈರಸ್ ವಿರುದ್ಧ ಶೇ.75ರಷ್ಟುರಕ್ಷಣೆಯನ್ನು ನೀಡುತ್ತದೆ. ಇದು ವಿಷವು ಪ್ರತಿಜೀವಕಗಳನ್ನು ಹೊಂದಿರುವ ವಿಷಯ ಈಗಾಗಲೇ ತಿಳಿದಿತ್ತು. ಇದು ಕೊರೋನಾ ವೈರಸ್ ವಿರುದ್ಧ ಪರಿಣಾಮಕಾರಿಯಾಗಿದೆ ಎಂಬುದನ್ನು ಮಂಗಗಳ ಮೇಲೆ ಬಳಸುವ ಮೂಲಕ ಪತ್ತೆ ಹಚ್ಚಲಾಯಿತು.
ಈ ವಿಷವನ್ನು ಕೃತಕವಾಗಿ ಪ್ರಯೋಗಾಲಯಗಳಲ್ಲಿ ತಯಾರು ಮಾಡಬಹುದು. ಕೋವಿಡ್‌ ವೇಗವಾಗಿ ಹರಡುವುದನ್ನು ತಡೆಗಟ್ಟಲು ಇದನ್ನು ಬಳಸಿಕೊಳ್ಳಬಹುದು’ ಎಂದು ಸಾವೋ ಪೌಲೋ ವಿಶ್ವವಿದ್ಯಾನಿಲಯದ ಪ್ರೊಫೆಸರ್‌ ರಾಫೇಲ್‌ ಗಾಯ್ಡೋ ಹೇಳಿದ್ದಾರೆ.
