'ಮೋದಿ ಭಾರತದ ಡೆಂಗ್ ಕ್ಸಿಯಾಪಿಂಗ್' ಭಾರತದ ಪ್ರಧಾನಿಯನ್ನು ಚೀನಾದ ಪ್ರಖ್ಯಾತ ನಾಯಕನಿಗೆ ಹೋಲಿಸಿದ ರೇ ಡಾಲಿಯೊ !
ಧಾರ್ಮಿಕ ವಿಷಯಗಳು ಸೇರಿದಂತೆ ಭಾರತವು ಕೆಲವು ಸಮಸ್ಯೆಗಳನ್ನು ಹೊಂದಿದೆ ಎಂದು ರೇ ಡಾಲಿಯೊ ಒಪ್ಪಿಕೊಂಡರೂ ಕೂಡ, ಈ ಯಾವುದೇ ಸಮಸ್ಯೆಗಳು ಭಾರತದ ಬೆಳವಣಿಗೆಯನ್ನು ತಡೆಯುವುದಿಲ್ಲ ಎಂದಿದ್ದಾರೆ.
Followನವದೆಹಲಿ (ಸೆ.18): ಹೂಡಿಕೆ ನಿರ್ವಹಣಾ ಕಂಪನಿ ಬ್ರಿಡ್ಜ್‌ವಾಟರ್ ಅಸೋಸಿಯೇಟ್ಸ್‌ನ ಸಂಸ್ಥಾಪಕ ಬಿಲಿಯನೇರ್ ಹೂಡಿಕೆದಾರ ರೇ ಡಾಲಿಯೊ ಅವರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಪೀಪಲ್ಸ್ ರಿಪಬ್ಲಿಕ್ ಆಫ್ ಚೀನಾದ ಮಾಜಿ ನಾಯಕ ಡೆಂಗ್ ಕ್ಸಿಯಾಪಿಂಗ್ ಅವರೊಂದಿಗೆ ಹೋಲಿಸಿದ್ದಾರೆ. ಡೆಂಗ್ ಕ್ಸಿಯಾಪಿಂಗ್ ಕೇವಲ ಚೀನಾದ ಮಾಜಿ ಮುಖ್ಯಸ್ಥರು ಮಾತ್ರವಲ್ಲ, ಚೀನಾದ ಆರ್ಥಿಕತೆಯನ್ನು ಜಗತ್ತಿಗೆ ತೆರೆದ ಆಧುನಿಕ ಚೀನಾದ ಹರಿಕಾರ ಎಂದೇ ಗುರುತಿಸಿಕೊಂಡಿದ್ದಾರೆ. ಇದೇ ವೇಳೆ ರೇ ಡಾಲಿಯೋ ಭಾರತವನ್ನು 1890ರ ದಶಕದ ಚೀನಾದೊಂದಿಗೆ ಹೋಲಿಸಿದ್ದಾರೆ. ಅದೇ ವರ್ಷದಿಂದ ಚೀನಾ ತನ್ನ ಆರ್ಥಿಕತೆಯನ್ನು ಕ್ರಾಂತಿಕಾರಿಯನ್ನಾಗಿ ಮಾಡಿತು. ಲಾಸ್ ಏಂಜಲೀಸ್‌ನ ಯುಸಿಎಲ್‌ಎ ಕ್ಯಾಂಪಸ್‌ನಲ್ಲಿ ಆಲ್-ಇನ್ ಸಮ್ಮಿಟ್ 2023 ರಲ್ಲಿ ಆಲ್-ಇನ್ ಪಾಡ್‌ಕ್ಯಾಸ್ಟ್ ಅನ್ನು ಹೋಸ್ಟ್ ಮಾಡಿದ ಚಮತ್ ಪಾಲಿಹಪಿಟಿಯಾ, ಜೇಸನ್ ಕ್ಯಾಲಕಾನಿಸ್, ಡೇವಿಡ್ ಸ್ಯಾಕ್ಸ್ ಮತ್ತು ಡೇವಿಡ್ ಫ್ರೈಡ್‌ಬರ್ಗ್ ಅವರೊಂದಿಗೆ ರೇ ಡಾಲಿಯೊ ಮಾತನಾಡುವ ವೇಳೆ ಈ ವಿಚಾರ ತಿಳಿಸಿದ್ದಾರೆ.
1984ರ ದಶಕದಲ್ಲಿ ನಾನು ಚೀನಾಕ್ಕೆ ಹೋಗುವ ಸಂದರ್ಭದಲ್ಲಿ ಚೀನಾ ಇದ್ದ ರೀತಿಯಲ್ಲಿ ಈಗ ಭಾರತವಿದೆ ಎಂದು ಭಾವಿಸುತ್ತೇನೆ. ಆರತದ ತಲಾ ಆದಾಯದ ದೃಷ್ಟಿಯಲ್ಲಿ ನೋಡಿದಾಗ, ಭಾರತದ ಪ್ರಧಾನಿ ನರೇಂದ್ರ ಮೋದಿ ಡೆಂಗ್ ಕ್ಸಿಯಾಪಿಂಗ್ ಎಂದುಕೊಳ್ಳುತ್ತೇನೆ. ದೊಡ್ಡ ಪ್ರಮಾಣದ ಅಭಿವೃದ್ಧಿ ಕಾರ್ಯಗಳು, ಸೃಜಶೀಲವಾದ ಬೆಳವಣಿಗೆ ಈ ಎಲ್ಲವೂ ಈಗ ಕಾಣ ಸಿಗುತ್ತಿವೆ ಎಂದು ಪಾಡ್‌ಕಾಸ್ಟ್‌ನಲ್ಲಿ ಹೇಳಿದ್ದಾರೆ. ಸದ್ಯ ಭಾರತವನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ ಎಂದು ಹೇಳಿದರು. ಅವರ ಅಂಕಿಅಂಶಗಳು ಮತ್ತು ಅಂದಾಜಿ ಪ್ರಕಾರ, ಭಾರತವು ಅತ್ಯಧಿಕ ಸಂಭಾವ್ಯ ಬೆಳವಣಿಗೆ ದರವನ್ನು ಹೊಂದಿದೆ ಎಂದು ಅವರು ಹೇಳಿದರು. ಭಾರತವು ಧಾರ್ಮಿಕ ವಿಷಯಗಳು ಸೇರಿದಂತೆ ಕೆಲವು ಸಮಸ್ಯೆಗಳನ್ನು ಹೊಂದಿದೆ ಎಂದು ಡಾಲಿಯೊ ಒಪ್ಪಿಕೊಂಡರೂ, ಈ ಯಾವುದೇ ಸಮಸ್ಯೆಗಳು ಭಾರತದ ಬೆಳವಣಿಗೆಯನ್ನು ತಡೆಯುವುದಿಲ್ಲ ಎಂದಿದ್ದಾರೆ.
ಡೆಂಗ್ ಕ್ಸಿಯಾಪಿಂಗ್ ಅವರ ಮಾರುಕಟ್ಟೆ-ಆರ್ಥಿಕ ಸುಧಾರಣೆಗಳಿಗಾಗಿ 'ಆಧುನಿಕ ಚೀನಾದ ವಾಸ್ತುಶಿಲ್ಪಿ' ಎಂದು ಪ್ರೀತಿಯಿಂದ ಕರೆಯಲಾಗುತ್ತದೆ. ಕ್ಸಿಯಾಪಿಂಗ್ ಅವರ ಸುಧಾರಣೆಗಳು ಚೀನಾವನ್ನು ಯೋಜಿತ ಆರ್ಥಿಕತೆ ಮತ್ತು ಮಾವೋವಾದಿ ಸಿದ್ಧಾಂತಗಳಿಂದ ವಿದೇಶಿ ಹೂಡಿಕೆಗಳು ಮತ್ತು ಜಾಗತಿಕ ಮಾರುಕಟ್ಟೆಗೆ ಕಾರಣವಾಯಿತು. ಇದು ಸುಮಾರು ಒಂದು ಶತಕೋಟಿ ಜನರನ್ನು ಬಡತನದಿಂದ ಮೇಲಕ್ಕೆತ್ತಿತು. ಕ್ಸಿಯಾಪಿಂಗ್ ತಂದ ಬದಲಾವಣೆಗಳು ಮತ್ತು ಅವರ ನಂತರದ ನಾಯಕದ ನಿಖರವಾದ ಬದಲಾವಣೆಗಳು ಚೀನಾವನ್ನು ಎರಡನೇ ಅತಿದೊಡ್ಡ ಆರ್ಥಿಕತೆಗೆ ಉತ್ತೇಜಿಸಿದವು.
ಡಾಲಿಯೊ ಈ ಹಿಂದೆಯೂ ಭಾರತ ಮತ್ತು ಚೀನಾ ನಡುವೆ ಹೋಲಿಕೆ ಮಾಡಿದ್ದರು. ಚಂದ್ರಯಾನ -3 ರ ಯಶಸ್ಸಿನ ನಂತರ, ಅವರು ಹೇಳಿದರು, “ಭಾರತದ ಯಶಸ್ವಿ ಚಂದ್ರಯಾನ (ಚಂದ್ರಯಾನ -3 ಬಾಹ್ಯಾಕಾಶ ನೌಕೆಯನ್ನು ಚಂದ್ರನ ಮೇಲೆ ಇಳಿಸುವುದು) ಅದರ ದೇಶದ ಯಶಸ್ಸು ತೋರಿಸುವ ಹಲವು ಅಂಶಗಳಲ್ಲಿ ಒಂದಾಗಿದೆ. ದೇಶಗಳ ಮುಂದಿನ 10-ವರ್ಷದ ಬೆಳವಣಿಗೆಯ ದರಗಳಿಗಾಗಿ ನನ್ನ ಪ್ರಕ್ಷೇಪಣಗಳನ್ನು ಪಡೆಯಲು ಬಳಸಲಾಗುವ ದೇಶಗಳಿಗಾಗಿ ನನ್ನ ಆರೋಗ್ಯ ಸೂಚ್ಯಂಕದಲ್ಲಿ ಹಿಂದೆ ತೋರಿಸಿರುವಂತೆ, ಭಾರತವು ಮುಂದಿನ 10 ವರ್ಷಗಳಲ್ಲಿ ಸುಮಾರು 7% ರಷ್ಟು ಯೋಜಿತ ಬೆಳವಣಿಗೆಯ ದರದೊಂದಿಗೆ ಅಗ್ರಸ್ಥಾನದಲ್ಲಿದೆ ಎಂದಿದ್ದಾರೆ.
'ಸನಾತನ ಧರ್ಮವನ್ನೇ ಅವರು ತುಂಡು ಮಾಡಲು ಬಯಸಿದ್ದಾರೆ..' ಇಂಡಿ ಒಕ್ಕೂಟದ ವಿರುದ್ಧ ಮೋದಿ ವಾಗ್ದಾಳಿ
ಜೂನ್‌ನಲ್ಲಿ ಅಮೆರಿಕ ಪ್ರವಾಸದ ವೇಳೆ ಹೂಡಿಕೆದಾರರು ಪ್ರಧಾನಿ ಮೋದಿ ಅವರನ್ನು ಭೇಟಿ ಮಾಡಿದ್ದರು. ಸಭೆಯ ನಂತರ ಭಾರತದ ಸಾಮರ್ಥ್ಯ ಅಗಾಧವಾಗಿದೆ ಎಂದು ಹೇಳಿದ್ದರು. ಭಾರತದಲ್ಲಿ ಮತ್ತಷ್ಟು ಹೂಡಿಕೆ ಮಾಡುವಂತೆ ಪ್ರಧಾನಿ ಮೋದಿ ಒತ್ತಾಯಿಸಿದ್ದರು.
ಜಿ20 ಯಶಸ್ಸಿಗೆ ಶ್ರಮಿಸಿದ 450 ಪೊಲೀಸರೊಂದಿಗೆ ಪ್ರಧಾನಿ ಮೋದಿ ಭೋಜನ ಕೂಟ
