3ನೇ ಡೋಸ್ನಿಂದ ಏನಾಗುತ್ತೆ?: ಫೈಝರ್ನಿಂದ ಅಧ್ಯಯನ!
ಕೊರೋನಾ ವಿರುದ್ಧ ವಿಶ್ವದ ಬಹುತೇಕ ಕಂಪನಿಗಳು ಅಭಿವೃದ್ಧಿಪಡಿಸಿರುವ ಲಸಿಕೆ| 3ನೇ ಡೋಸ್ನಿಂದ ಏನಾಗುತ್ತೆ?: ಫೈಝರ್ನಿಂದ ಅಧ್ಯಯನ
ನ್ಯೂಯಾರ್ಕ್(ಫೆ.26): ಕೊರೋನಾ ವಿರುದ್ಧ ವಿಶ್ವದ ಬಹುತೇಕ ಕಂಪನಿಗಳು ಅಭಿವೃದ್ಧಿಪಡಿಸಿರುವ ಲಸಿಕೆ 2 ಡೋಸ್ನದ್ದಾಗಿದ್ದರೆ, ಮೂರನೇ ಡೋಸ್ ನೀಡಿದರೆ ಅದರ ಪರಿಣಾಮ ಹೇಗಿರಲಿದೆ ಎಂಬುದರ ಅಧ್ಯಯನಕ್ಕೆ ಅಮೆರಿಕ ಮೂಲದ ಫೈಝರ್ ಕಂಪನಿ ಮುಂದಾಗಿದೆ.
ಕಳೆದ ವರ್ಷ ಲಸಿಕೆಯ ಪರೀಕ್ಷೆಯಲ್ಲಿ ಭಾಗಿಯಾಗಿದ್ದ ಸ್ವಯಂಸೇವಕರ ಪೈಕಿ 144 ಸ್ವಯಂ ಸೇವಕರಿಗೆ ಫೈಝರ್ ಲಸಿಕೆಯ 3ನೇ ಡೋಸ್ ಅನ್ನು ನೀಡಲಾಗುತ್ತದೆ. ಆ ಮೂಲಕ ಅವರ ಆರೋಗ್ಯದ ಮೇಲೆ ಲಸಿಕೆ ಏನೆಲ್ಲಾ ಪರಿಣಾಮ ಬೀರಲಿದೆ ಎಂಬುದರ ಬಗ್ಗೆ ಅಧ್ಯಯನ ನಡೆಸಲಾಗುತ್ತದೆ ಎಂದು ಅಮೆರಿಕದ ಫೈಝರ್ ಮತ್ತು ಜರ್ಮನಿಯ ಬಯೋಎನ್ಟೆಕ್ ತಿಳಿಸಿದೆ.
ವಿಶ್ವದಲ್ಲಿ ಕೊರೋನಾ ವಿರುದ್ಧ ಬಳಸಲು ಅನುಮತಿ ಪಡೆದ ಮೊದಲ ಲಸಿಕೆ ಎಂಬ ಹಿರಿಮೆ ಫೈಝರ್ ಕಂಪನಿಯದ್ದಾಗಿದೆ.