ರನ್ ವೇನಿಂದ ಸುಮಾರು 200 ಮೀಟರ್ ಎತ್ತರದಲ್ಲಿದ್ದಾಗ ಪ್ರಯಾಣಿಕ ತುರ್ತು ನಿರ್ಗಮನದ ಬಾಗಿಲು ತೆರೆದಿದ್ದಾನೆ. ಈ ವೇಳೆ ರಭಸವಾದ ಗಾಳಿ ಬೀಸಿ ಅಲ್ಲಿದ್ದ ಪ್ರಯಾಣಿಕರು ಗಾಬರಿಗೊಂಡಿದ್ದಾರೆ.
ಸಿಯೋಲ್ (ಮೇ 27, 2023): ಇನ್ನೇನು ಲ್ಯಾಂಡ್ ಆಗಲಿದ್ದ ಏಷಿಯಾನಾ ಏರ್ಲೈನ್ಸ್ ವಿಮಾನದಲ್ಲಿ ಪ್ರಯಾಣಿಕನೊಬ್ಬ ತುರ್ತು ನಿರ್ಗಮನ ಬಾಗಿಲನ್ನು ತೆರೆದಿದ್ದು ಇದರಿಂದ ಕೆಲವು ಪ್ರಯಾಣಿಕರು ಅಸ್ವಸ್ಥಗೊಂಡ ಘಟನೆ ದಕ್ಷಿಣ ಕೊರಿಯಾದ ಸಿಯೋಲ್ನಲ್ಲಿ ನಡೆದಿದೆ. ಈ ಕೃತ್ಯ ಎಸಗಿದ ಪ್ರಯಾಣಿಕನನ್ನು ಈಗ ಬಂಧಿಸಲಾಗಿದೆ.
ಜೇಜು ಎಂಬ ನಗರದಿಂದ ಹೊರಟಿದ್ದ ಎ321-200 ವಿಮಾನವು ಇಲ್ಲಿನ ಡೇಗು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ರನ್ವೇನಲ್ಲಿ ಇನ್ನೇನು ಇಳಿಯಬೇಕಿತ್ತು. ಅಷ್ಟರಲ್ಲಿ, ರನ್ ವೇನಿಂದ ಸುಮಾರು 200 ಮೀಟರ್ ಎತ್ತರದಲ್ಲಿದ್ದಾಗ ಪ್ರಯಾಣಿಕ ತುರ್ತು ನಿರ್ಗಮನದ ಬಾಗಿಲು ತೆರೆದಿದ್ದಾನೆ. ಈ ವೇಳೆ ರಭಸವಾದ ಗಾಳಿ ಬೀಸಿ ಅಲ್ಲಿದ್ದ ಪ್ರಯಾಣಿಕರು ಗಾಬರಿಗೊಂಡಿದ್ದಾರೆ. ಆದರೂ ವಿಮಾನ ಸುರಕ್ಷಿತವಾಗಿ ಲ್ಯಾಂಡ್ ಆಗಿದೆ. ಈ ವೇಳೆ ಉಸಿರಾಟದ ಸಮಸ್ಯೆಗೆ ತುತ್ತಾದ 9 ಮಂದಿಯನ್ನು ಲ್ಯಾಂಡಿಂಗ್ ಬಳಿಕ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆದರೆ ಯಾರಿಗೂ ಗಂಭೀರ ಸಮಸ್ಯೆಗಳಾಗಿಲ್ಲ.
ಪ್ರಯಾಣಿಕನನ್ನು ಬಂಧಿಸಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದನ್ನು ಓದಿ: ಯೂಟ್ಯೂಬ್ ವ್ಯೂಸ್ಗಾಗಿ ವಿಮಾನವನ್ನೇ ಪತನಗೊಳಿಸಿದ ಭೂಪ: 20 ವರ್ಷ ಜೈಲು ಶಿಕ್ಷೆಗೆ ಗುರಿ!
ಘಟನೆಯ ವಿವರ ಇಲ್ಲಿದೆ..
ವಿಮಾನದಲ್ಲಿದ್ದ ಎಲ್ಲ 194 ಪ್ರಯಾಣಿಕರು ಈ ಘಟನೆಯಲ್ಲಿ ಬದುಕುಳಿದಿದ್ದು, ವಿಮಾನವೂ ಸುರಕ್ಷಿತವಾಗಿ ಲ್ಯಾಂಡ್ ಆಗಿದೆ. ಆದರೆ, ವಿಮಾನದ ಎಮರ್ಜೆನ್ಸಿ ಡೋರ್ ತೆಗೆದಿರುವ ನಡುವೆಯೇ ವಿಮಾನ ಲ್ಯಾಂಡ್ ಆಗಿದೆ. ಈ ಕಾರಣದಿಂದ ಕೆಲವು ಪ್ರಯಾಣಿಕರು ಮೂರ್ಛೆ ಹೋದರು ಮತ್ತು ಇತರರು ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದರು ಹಾಗೂ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತು ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.
ಇನ್ನು, ವಿಮಾನದ ಡೋರ್ ತೆಗೆದ 30ರ ಆಸುಪಾಸಿನ ವ್ಯಕ್ತಿ, ತನಗೆ ಉಸಿರುಗಟ್ಟಿದ ಅನುಭವವಾಗುತ್ತಿದೆ ಮತ್ತು ಬೇಗನೆ ಇಳಿಯಲು ಬಯಸಿದೆ ಎಂದು ಯೋನ್ಹಾಪ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ಕೆಲಸ ಕಳೆದುಕೊಂಡ ನಂತರ ತಾನು ಒತ್ತಡಕ್ಕೆ ಒಳಗಾಗಿದ್ದೆ ಎಂದು ವಿಚಾರಣೆ ವೇಳೆ ವ್ಯಕ್ತಿ ಹೇಳಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆಂದು ವರದಿಯಾಗಿದೆ.
ಇದನ್ನೂ ಓದಿ: ಗೋ ಫಸ್ಟ್ ವಿಮಾನ ಸೇವೆ ದಿವಾಳಿ ಎಫೆಕ್ಟ್: ದೇಶದಲ್ಲಿ ವಿಮಾನ ಟಿಕೆಟ್ ದರ 4 - 6 ಪಟ್ಟು ಹೆಚ್ಚಳ
ವಿಮಾನ OZ8124, ಏರ್ಬಸ್ A321-200 ಜೆಟ್, ಶುಕ್ರವಾರ ಜೆಜು ದ್ವೀಪದಿಂದ ಸ್ಥಳೀಯ ಸಮಯ 11:45 (03:45 GMT) ಕ್ಕೆ ಹೊರಟಿತ್ತು. ಸುಮಾರು ಒಂದು ಗಂಟೆಯ ನಂತರ ವಿಮಾನ ಲ್ಯಾಂಡಿಂಗ್ ಆಗುತ್ತಿರುವ ನಡುವೆ, ನೆಲದಿಂದ 250 ಮೀ ಇರುವಾಗ ಪುರುಷ ಪ್ರಯಾಣಿಕ ತುರ್ತು ಬಾಗಿಲು ತೆರೆದಿದ್ದಾನೆ. ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ಪ್ರಯಾಣಿಕನ ವೀಡಿಯೊವು ವಿಮಾನದ ಎಡಭಾಗದ ಅಂತರವನ್ನು ತೋರಿಸುತ್ತದೆ ಮತ್ತು ಕುಳಿತಿರುವ ಪ್ರಯಾಣಿಕರ ನಡುವೆ ತೀವ್ರ ಗಾಳಿ ಬೀಸುತ್ತಿದೆ.
ವಿಮಾನ ಲ್ಯಾಂಡ್ ಆಗುತ್ತಿದ್ದ ಕಾರಣ ಫ್ಲೈಟ್ ಅಟೆಂಡೆಂಟ್ಗಳಿಗೆ ಆತನನ್ನು ತಡೆಯಲು ಸಾಧ್ಯವಾಗಲಿಲ್ಲ ಎಂದು ಪ್ರತ್ಯಕ್ಷದರ್ಶಿಗಳು ಸ್ಥಳೀಯ ಮಾಧ್ಯಮಗಳಿಗೆ ವಿವರಿಸಿದ್ದಾರೆ.
ಬಾಗಿಲು ತೆರೆದ ನಂತರ ವ್ಯಕ್ ವಿಮಾನದಿಂದ ಜಿಗಿಯಲು ಪ್ರಯತ್ನಿಸಿದ್ದ ಎಂದೂ ಅವರು ಹೇಳಿದ್ದಾರೆ.
ಇದನ್ನೂ ಓದಿ: ಮಿಗ್ 21 ಯುದ್ದ ವಿಮಾನ ಪತನ: ನಾಲ್ವರು ಮಹಿಳೆಯರ ಸಾವು, ಪೈಲಟ್ ಸೇಫ್
ಈ ಮಧ್ಯೆ, ಈ ಘಟನೆ ನಡೆದಾಗ ವಿಮಾನದಲ್ಲಿದ್ದ ಗಾಬರಿಯನ್ನು ಪ್ರಯಾಣಿಕರು ವಿವರಿಸಿದ್ದಾರೆ. "ಬಾಗಿಲಿನ ಹತ್ತಿರವಿರುವ ಜನರು ಒಬ್ಬೊಬ್ಬರಾಗಿ ಮೂರ್ಛೆ ಹೋಗುವುದು ಮತ್ತು ಫ್ಲೈಟ್ ಅಟೆಂಡೆಂಟ್ಗಳು ಪ್ರಸಾರದ ಮೂಲಕ ವೈದ್ಯರಿಗೆ ಕರೆ ಮಾಡುವುದರಿಂದ ಇದು ಅವ್ಯವಸ್ಥೆಯಾಗಿದೆ" ಎಂದು 44 ವರ್ಷದ ಪ್ರಯಾಣಿಕ ಯೋನ್ಹಾಪ್ಗೆ ತಿಳಿಸಿದರು. "ವಿಮಾನವು ಸ್ಫೋಟಗೊಳ್ಳುತ್ತದೆ ಎಂದು ನಾನು ಭಾವಿಸಿದೆ. ನಾನು ಹೀಗೆ ಸಾಯುತ್ತೇನೆ ಎಂದೂ ನಾನು ಭಾವಿಸಿದೆ" ಎಂದೂ ಆ ಪ್ರಯಾಣಿಕ ಹೇಳಿದ್ದಾರೆ.
ಇದನ್ನೂ ಓದಿ: ಸೂಡಾನ್ನಲ್ಲಿ ವಾಯುಪಡೆ ರಾತ್ರಿ ಸಾಹಸ: ವಿಮಾನ ಇಳಿಯಲೂ ಕಷ್ಟವಾದ ಸ್ಥಳದಲ್ಲಿ ಲ್ಯಾಂಡಿಂಗ್ ಮಾಡಿ 121 ಜನರ ರಕ್ಷಣೆ
