ಕೊಲಂಬೋ:(ಫೆ.26) ಸಾಲದ ಸುಳಿ​ಯಲ್ಲಿ ಸಿಲುಕಿ ಕಂಗೆ​ಟ್ಟಿ​ರುವ ಪಾಕಿ​ಸ್ತಾ​ನವು ತನ್ನ ಭದ್ರತೆ ಮತ್ತು ರಕ್ಷಣಾ ಕ್ಷೇತ್ರದ ಸಹ​ಕಾ​ರ​ವನ್ನು ಹೆಚ್ಚಿ​ಸಿ​ಕೊ​ಳ್ಳಲು ಶ್ರೀಲಂಕಾಕ್ಕೆ 360 ಕೋಟಿ ರು.ನಷ್ಟು ಸಾಲ ನೀಡಲು ಮುಂದಾ​ಗಿದೆ.

ಪಾಕಿ​ಸ್ತಾ​ನ ಪ್ರಧಾನಿ ಇಮ್ರಾನ್‌ ಖಾನ್‌ ಅವರು ಶ್ರೀಲಂಕಾಕ್ಕೆ ಕೈಗೊಂಡಿದ್ದ 2 ದಿನ​ಗಳ ಪ್ರವಾ​ಸವು ಬುಧ​ವಾ​ರ​ವಷ್ಟೇ ಅಂತ್ಯ​ಗೊಂಡಿ​ದ್ದು, ಈ ವೇಳೆ ಭದ್ರತೆ ಮತ್ತು ರಕ್ಷಣಾ ವಲ​ಯಕ್ಕೆ ಸಂಬಂಧಿ​ಸಿ​ದಂತೆ ಉಭಯ ರಾಷ್ಟ್ರ​ಗಳು ಸಂತೃಪ್ತಿ ವ್ಯಕ್ತ​ಪ​ಡಿ​ಸಿವೆ.

ಅಲ್ಲದೆ ಈ ವೇಳೆ ಪಾಕ್‌ ಪ್ರಧಾನಿ ಇಮ್ರಾನ್‌ ಖಾನ್‌ ಅವರು ಶ್ರೀಲಂಕಾಕ್ಕೆ 360 ಕೋಟಿ ರು.ನಷ್ಟುಭದ್ರತಾ ಸಾಲ ನೀಡು​ವು​ದಾಗಿ ಘೋಷಣೆ ಮಾಡಿ​ದ್ದಾರೆ.

ಭಾರ​ತದ ಎದುರು ಮತ್ತ​ಷ್ಟು ಮೆತ್ತ​ಗಾದ ಪಾಕ್‌

ಭಾರತ ಮತ್ತು ಪಾಕಿಸ್ತಾನದ ನಡುವೆ ಕಾಶ್ಮೀರ ಸಮಸ್ಯೆಮಾತ್ರ ಇದೆ. ಉಭಯ ದೇಶಗಳು ಈ ಸಮಸ್ಯೆಯನ್ನು ಮಾತುಕತೆ ಮೂಲಕವೇ ಬಗೆಹರಿಸಿಕೊಳ್ಳಬಹುದು ಎಂದು ಪಾಕಿಸ್ತಾನದ ಪ್ರಧಾನಿ ಇಮ್ರಾನ್‌ ಖಾನ್‌ ಹೇಳಿದ್ದಾರೆ. ಶ್ರೀಲಂಕಾ ಭೇಟಿ ವೇಳೆ ಇಮ್ರಾನ್‌ ನೀಡಿರುವ ಈ ಹೇಳಿಕೆ ಸಾಕಷ್ಟು ಕುತೂಹಲ ಕೆರಳಿಸಿದೆ. ಇದು​ವ​ರೆಗೂ ಭಾರ​ತದ ವಿರುದ್ಧ ಉಗ್ರರ ಮೂಲಕ ಪರೋಕ್ಷ ದಾಳಿಯಲ್ಲಿ ತೊಡ​ಗಿ​ಸಿ​ಕೊ​ಳ್ಳು​ತ್ತಿದ್ದ ಪಾಕಿ​ಸ್ತಾನ ಇದೀಗ ಮೆತ್ತ​ಗಾದ ಸುಳಿ​ವನ್ನು ನೀಡಿದೆ.

ಶ್ರೀಲಂಕಾದ 2 ದಿನ​ಗಳ ಭೇಟಿ ವೇಳೆ ಈ ಬಗ್ಗೆ ಪ್ರತಿ​ಕ್ರಿ​ಯಿ​ಸಿದ ಅವರು, ‘ನಾನು ಅಧಿ​ಕಾ​ರಕ್ಕೆ ಬಂದ ತಕ್ಷ​ಣ​ದಿಂದಲೇ ನಮ್ಮ ನೆರೆಯ ರಾಷ್ಟ್ರ ಭಾರ​ತದ ಪ್ರಧಾನಿ ಜೊತೆ ನಮ್ಮ ನಡು​ವಿನ ವೈಷ​ಮ್ಯ​ಗ​ಳನ್ನು ಮಾತು​ಕತೆ ಮೂಲಕ ಪರಿ​ಹ​ರಿ​ಸಿ​ಕೊ​ಳ್ಳುವ ಬಗ್ಗೆ ಮಾತು​ಕತೆ ನಡೆ​ಸಿದ್ದೆ. ಆದರೆ ಅದು ಕೈಗೂ​ಡ​ಲಿಲ್ಲ. ಆದಾಗ್ಯೂ ನಾನು ನಿರಾ​ಶ​ವಾ​ದಿ​ಯ​ಲ್ಲ. ನಮ್ಮ ನೆರೆ​ಹೊ​ರೆಯ ವಾಣಿಜ್ಯ ವ್ಯಾಪಾ​ರ​ ಸಂಬಂಧ​ಗ​ಳನ್ನು ವೃದ್ಧಿ​ಸಿ​ಕೊಂಡು ಬಡ​ತ​ನದ ವಿರುದ್ಧ ಜಯ ಸಾಧಿ​ಸ​ಬ​ಹು​ದು’ ಎಂದರು.