ಹೊಸ ಆಶಾಕಿರಣ; ಕೇವಲ 2 ಡೋಸ್‌ನಲ್ಲಿ ಆಕ್ಸಫರ್ಡ್ ಲಸಿಕೆ ಶೇ.70 ರಷ್ಟು ಪರಿಣಾಮಕಾರಿ!
ಕೊರೋನಾ ವೈರಸ್ ನಿಯಂತ್ರಿಸಲು ಹೊಸ ಆಶಾಕಿರಣ ಮೂಡಿಬಂದಿದೆ. ಲಸಿಕೆ ಅಭಿವೃದ್ಧಿಯಲ್ಲಿ ನಿರತರಾಗಿದ್ದ ಆಕ್ಸ್ಫರ್ಡ್ ಯುನಿವರ್ಸಿಟಿ ಇದೀಗ ಮಹತ್ವದ ಘಟ್ಟ ದಾಟಿದೆ. ಇಷ್ಟೇ ಅಲ್ಲ ಆಕ್ಸ್ಫರ್ಡ್ ಲಸಿಕೆ ಶೇ.90ರಷ್ಟು ಪರಿಣಾಮಕಾರಿ ಎಂದಿದೆ. ಈ ಕುರಿತ ವಿವರ ಇಲ್ಲಿವೆ.
ಇಂಗ್ಲೆಂಡ್(ನ.23): ಕೊರೋನಾ ವೈರಸ್ ವಿರುದ್ಧ ಹೋರಾಡಲು ಆಕ್ಸ್ಫರ್ಡ್ ಈಗಾಗಲೇ ಲಸಿಕೆ ಅಭಿವೃದ್ಧಿಯಲ್ಲಿ ನಿರತವಾಗಿದೆ. ಸತತ ಪ್ರಯತ್ನ ಹಾಗೂ ಸಂಶೋಧನೆಗೆ ಫಲ ಸಿಕ್ಕಿದೆ. ಆಕ್ಸ್ಫರ್ಡ್ ಲಸಿಕೆ 2 ಡೋಸ್‌ನಲ್ಲಿ ಶೇಕಡಾ 70 ರಷ್ಟು ಪರಿಣಾಮಕಾರಿ ಅನ್ನೋದು ಪ್ರಯೋಗದಲ್ಲಿ ಸಾಬೀತಾಗಿದೆ.
ಏಪ್ರಿಲ್‌ಗೆ ಆಕ್ಸ್ಫರ್ಡ್ ಲಸಿಕೆ ಮಾರುಕಟ್ಟೆಗೆ: 1000 ರೂ.ದರ?
ಆಕ್ಸ್ಫರ್ಡ್ ಯುನಿವರ್ಸಿಟಿ ಆತಂರಿಕ ಮಾಹಿತಿ ಬಹಿರಂಗ ಪಡಿಸಿದೆ. ಆಕ್ಸ್ಫರ್ಡ್ ಲಸಿಕೆ ಕೇವಲ 2 ಡೋಸೇಜ್‌ನಲ್ಲಿ ಕೊರೋನಾ ವಿರುದ್ಧ 70.4% ಪರಿಣಾಮಕಾರಿಯಾಗಿದೆ. 3 ಹಂತದ ಡೋಸೇಜ್ ಲಸಿಕೆ ತೆಗದುಕೊಂಡರೆ ಶೇಕಡಾ 90 ರಷ್ಟು ಪರಿಣಾಮಕಾರಿಯಾಗಲಿದೆ ಎಂದು ಆಕ್ಸ್ಫರ್ಡ್ ಯುನಿವರ್ಸಿಟಿ ಹೇಳಿದೆ.
ಇನ್ನು ಆಕ್ಸ್ಫರ್ಡ್ ಲಸಿಕೆ ಕಡಿಮೆ ಬೆಲೆಯಲ್ಲಿ ಲಭ್ಯವಾಗಲಿದೆ ಎಂದು ಸ್ಪಷ್ಟಪಡಿಸಿದೆ. ಈ ಮೂಲಕ ಜನಸಾಮಾನ್ಯರಿಗೂ ಸುಲಭವಾಗಿ ಸಿಗಲಿದೆ. ಆಕ್ಸ್ಫರ್ಡ್ ಯುನಿವರ್ಸಿಟಿ ಲಸಿಕೆ ಇದೀಗ ಕೊರೋನಾ ಸೋಂಕಿತರಿಗೆ ಅಶಾಕಿರಣವಾಗಿದೆ.
