ಒಸಾಮಾ ಬಿನ್ ಲಾಡೆನ್ ಅಲ್ಕಾ ಯಾಜ್ಞಿಕ್ ಅವರ ಹಾಡುಗಳ ಅಭಿಮಾನಿಯಾಗಿದ್ದರು. 2011ರಲ್ಲಿ ಅಮೆರಿಕದ ಸಿಐಎ ಲಾಡೆನ್ನ ಅಡಗುದಾಣದ ಮೇಲೆ ದಾಳಿ ನಡೆಸಿದಾಗ ಆತನ ಕಂಪ್ಯೂಟರ್ನಲ್ಲಿ ಅಲ್ಕಾ ಅವರ ಹಾಡುಗಳು ಪತ್ತೆಯಾಗಿದ್ದವು. ಈ ಬಗ್ಗೆ ಪ್ರತಿಕ್ರಿಯಿಸಿದ ಅಲ್ಕಾ, "ಅವನ ಒಳಗೂ ಒಬ್ಬ ಕಲಾವಿದ ಇರುತ್ತಾನೆ" ಎಂದಿದ್ದಾರೆ. ಅಲ್ಲದೆ, ತಮ್ಮ ವೃತ್ತಿ ಜೀವನದಲ್ಲಿ ರಾಜಕೀಯದಿಂದಾಗಿ ಹಾಡುಗಳನ್ನು ಕಳೆದುಕೊಂಡಿದ್ದನ್ನು ಅವರು ನೆನಪಿಸಿಕೊಂಡರು.
ಒಸಾಮಾ ಬಿನ್ ಲಾಡೆನ್ ಅಲ್ಕಾ ಯಾಜ್ಞಿಕ್ ಅಭಿಮಾನಿ: ಉಗ್ರ ಒಸಾಮಾ ಬಿನ್ ಲಾಡೆನ್ ಭಾರತದ ಪ್ರಸಿದ್ಧ ಹಿನ್ನೆಲೆ ಗಾಯಕ ಅಲ್ಕಾ ಯಾಜ್ಞಿಕ್ ಅವರ ದೊಡ್ಡ ಅಭಿಮಾನಿ ಆಗಿದ್ದರ ಬಗ್ಗೆ ರಿಯಾಕ್ಟ್ ಮಾಡಿದ್ದಾರೆ. 90ರ ದಶಕದ ಸಿಂಗರ್ “ಅವನ ಒಳಗೂ ಒಂದು ಸಣ್ಣ ಕಲಾವಿದ ಇರ್ತಾನೆ ಬಿಡಿ” ಎಂದಿದ್ದಾರೆ. 2011ರಲ್ಲಿ ಅಮೆರಿಕದ ಸಿಐಎ ಪಾಕಿಸ್ತಾನದ ಅಬೋಟಾಬಾದ್ನಲ್ಲಿರುವ ಲಾಡೆನ್ ಅಡಗುದಾಣದ ಮೇಲೆ ದಾಳಿ ಮಾಡಿತ್ತು. ಅಲ್ಲಿ ವಶಪಡಿಸಿಕೊಂಡ ಕಂಪ್ಯೂಟರ್ನಲ್ಲಿ ಅಲ್ಕಾ ಯಾಜ್ಞಿಕ್ ಅವರ ಹಾಡುಗಳ ದೊಡ್ಡ ಸಂಗ್ರಹವಿತ್ತು.
ಗಾಯಕಿ ಅಲ್ಕಾ ಯಾಗ್ನಿಕ್ಗೆ ಹಠಾತ್ ಕಿವುಡುತನ! ಜೋರಾಗಿ ಸಂಗೀತ ಕೇಳಬೇಡಿ ಎಂದು ವಿನಂತಿ
ಒಸಾಮಾ ಬಿನ್ ಲಾಡೆನ್ ಲ್ಯಾಪ್ಟಾಪ್ನಲ್ಲಿ ಸಿಕ್ಕ ಸಿಂಗರ್ಗಳ ಹಾಡುಗಳುಅಲ್ಕಾ ಯಾಜ್ಞಿಕ್ ತಮ್ಮ ವೃತ್ತಿ ಜೀವನದಲ್ಲಿ ಎಲ್ಲಾ ವಯೋಮಾನದವರನ್ನು ತಮ್ಮ ಧ್ವನಿಯಿಂದ ಪ್ರಭಾವಿಸಿದ್ದಾರೆ. ಇತ್ತೀಚೆಗೆ ಅನು ರಂಜನ್ ಜೊತೆಗಿನ ಸಂದರ್ಶನದಲ್ಲಿ, ಸಿಐಎ ಉದಿತ್ ನಾರಾಯಣ್, ಕುಮಾರ್ ಸಾನು ಮತ್ತು ನೀವು ಹಾಡಿದ ಬಾಲಿವುಡ್ ಚಾರ್ಟ್ಬಸ್ಟರ್ಗಳನ್ನು ಹುಡುಕಿದೆ ಎಂದು ಅಲ್ಕಾ ಯಾಜ್ಞಿಕ್ ಅವರನ್ನು ಕೇಳಲಾಯಿತು. ಇಂತಹ ಕುಖ್ಯಾತ ಭಯಾನಕ ವ್ಯಕ್ತಿ ನಿಮ್ಮ ಹಾಡಿನ ಅಭಿಮಾನಿಯಾಗಿದ್ದರ ಬಗ್ಗೆ ಏನು ಹೇಳುತ್ತೀರಿ? ವರದಿಗಳ ಪ್ರಕಾರ, ಒಸಾಮಾ ಬಿನ್ ಲಾಡೆನ್ ಅವರ ವೈಯಕ್ತಿಕ ಲ್ಯಾಪ್ಟಾಪ್ನಲ್ಲಿ ಹಿಂದಿ ಹಾಡುಗಳನ್ನು ನೋಡಿದಾಗ, ಏಜೆನ್ಸಿಯು ಈ ಬಗ್ಗೆ ಸಂಪೂರ್ಣ ತನಿಖೆ ನಡೆಸಿತು. ವರದಿಗಳ ಪ್ರಕಾರ, ಈ ಎಲ್ಲಾ ಗಾಯಕರನ್ನು ಈ ವಿಷಯದಲ್ಲಿ ವಿಚಾರಣೆ ಮಾಡಲಾಯಿತು. 2011 ರಲ್ಲಿ ಅಬೋಟಾಬಾದ್ ದಾಳಿಯ ಸಮಯದಲ್ಲಿ ಒಸಾಮಾ ಬಿನ್ ಲಾಡೆನ್ ಅವರ ಕಂಪ್ಯೂಟರ್ಗಳನ್ನು ಸಿಐಎ ವಶಪಡಿಸಿಕೊಂಡಿತು.
ಪ್ರೀತಿಸಿ ಮದುವೆಯಾದ ಗಾಯಕಿ ಅಲ್ಕಾ ಯಾಗ್ನಿಕ್ ಪತಿಯಿಂದ ದೂರವಿರೋದೇಕೆ?
ಭಯಾನಕ ವ್ಯಕ್ತಿ ಅಭಿಮಾನಿ ಆಗಿದ್ದಕ್ಕೆ ಅಲ್ಕಾ ಯಾಜ್ಞಿಕ್ ಹೇಳಿಕೆಅಲ್ಕಾ ಯಾಜ್ಞಿಕ್ ಲಾಡೆನ್ ಅವರ ಅಭಿಮಾನಿ ಆಗಿದ್ದಕ್ಕೆ ಪ್ರತಿಕ್ರಿಯಿಸಿ, "ಅದಕ್ಕೆ ನಾನೇನು ಮಾಡಲಿ? ಒಸಾಮಾ ಬಿನ್ ಲಾಡೆನ್ ಏನೇ ಆಗಿರಲಿ, ಹೇಗೇ ಇರಲಿ, ಅವನ ಒಳಗೂ ಒಂದು ಸಣ್ಣ ಕಲಾವಿದ ಇರ್ತಾನೆ... ನನ್ನ ಹಾಡುಗಳು ಅವನಿಗೆ ಇಷ್ಟ ಆಗಿದ್ದು ಒಳ್ಳೆಯದಲ್ಲವೇ?" ಎಂದಿದ್ದಾರೆ.
ಸಲ್ಮಾನ್ ಖಾನ್ ಮತ್ತು ಮಾಧುರಿ ದೀಕ್ಷಿತ್ ಅವರ 'ದಿಲ್ ತೇರಾ ಆಶಿಕ್' ಚಿತ್ರದ ಟೈಟಲ್ ಟ್ರ್ಯಾಕ್, ಅಜಯ್ ದೇವಗನ್ ಮತ್ತು ಕಾಜೋಲ್ ಅವರ 'ಪ್ಯಾರ್ ತೋ ಹೋನಾ ಹಿ ಥಾ' ಚಿತ್ರದ 'ಅಜ್ನಬಿ ಮುಜ್ಕೋ ಇತ್ನಾ ಬತಾ' ಮತ್ತು 'ಜಾನೆ ತಮನ್ನಾ ಕಾ ತೂ ಚಾಂದ್ ಹೈ ಪೂನಂ ಕಾ' ಹಾಡುಗಳು ಬಿನ್ ಲಾಡೆನ್ ಅವರ ಲ್ಯಾಪ್ಟಾಪ್ನಲ್ಲಿ ಸಿಕ್ಕಿವೆ.
