ಟೆಹ್ರಾನ್(ಜು.19)‌: ಮಧ್ಯಪ್ರಾಚ್ಯದಲ್ಲಿ ಅತಿ ಹೆಚ್ಚು ಸೋಂಕಿತರು ಪತ್ತೆಯಾಗಿರುವ ಇರಾನ್‌ನಲ್ಲಿ ಈಗಾಗಲೇ 2.5 ಕೋಟಿ ಜನರಿಗೆ ಕೊರೋನಾ ಬಂದಿರಬಹುದು ಎಂದು ಸ್ವತಃ ಅಧ್ಯಕ್ಷ ಹಸನ್‌ ರೌಹಾನಿ ಬಹಿರಂಗಪಡಿಸಿದ್ದಾರೆ.

ಜನರಿಗೆ ಸ್ವಾತಂತ್ರ ಬೇಕು, ಅದಕ್ಕೆ ಅವರಿಗೆ ಮಾಸ್ಕ್‌ ತೊಡಲು ಹೇಳಲ್ಲ: ಟ್ರಂಪ್‌

ದೇಶದಲ್ಲಿ ಕೊರೋನಾ ಸೋಂಕಿನ ಕುರಿತ ಆರೋಗ್ಯ ಇಲಾಖೆ ಸಿದ್ಧಪಡಿಸಿದ ವರದಿ ಆಧರಿತಿ ಅವರು ಈ ಮಾಹಿತಿ ನೀಡಿದ್ದಾರೆ. ಆದರೆ ಯಾವ ಮಾನದಂಡದಿಂದ ಈ ಲೆಕ್ಕಚಾರ ಹಾಕಲಾಗಿದೆ ಎಂಬುದನ್ನು ಅವರು ಬಹಿರಂಗಪಡಿಸಿಲ್ಲ. ರೌಹಾನಿ ಅವರ ಹೇಳಿಕೆ ಪ್ರಕಾರ ಈಗಾಗಲೇ ದೇಶದಲ್ಲಿ 2.5 ಕೋಟಿ ಜನರಿಗೆ ಸೋಂಕು ಬಂದಿದೆ. ಈ ಪ್ರಮಾಣ ಮುಂದಿನ ದಿನಗಳಲ್ಲಿ 3.5 ಕೋಟಿಯವರೆಗೂ ತಲುಪಬಹುದು. ಹೀಗಾಗಿ ಜನತೆ ಹೆಚ್ಚು ನಿಗಾ ವಹಿಸಬೇಕು ಎಂದು ಅವರು ಕರೆ ಕೊಟ್ಟಿದ್ದಾರೆ.

ಇರಾನ್‌ನಲ್ಲಿ ಇದುವರೆಗೆ 2,70,000 ಜನರಲ್ಲಿ ಸೋಂಕು ಪತ್ತೆಯಾಗಿದೆ. 14000 ಜನರು ಬಲಿಯಾಗಿದ್ದಾರೆ.