* ವಿಮಾನದಲ್ಲಿ ಪ್ರಯಾಣಿಸುವಾಗ ಮೃತಪಟ್ಟರೆ?* ಈ ಮೃತದೇಹವನ್ನೇನು ಮಾಡುತ್ತಾರೆ?* ಎಲ್ಲಾ ಪ್ರಶ್ನೆಗಳಿಗೆ ಉತ್ತರಿಸಿದ ಗಗನಸಖಿ
ಕ್ಯಾನ್ಬೆರಾ(ಡಿ.16): ವಿಮಾನದಲ್ಲಿದ್ದಾಗ ಯಾರಾದರೂ ಸಾವನ್ನಪ್ಪಿದರೆ ಅವರ ಮೃತ ದೇಹವನ್ನೇನು ಮಾಡುತ್ತಾರೆ ಎಂಬುದರ ಕುರಿತು, ವರ್ಜಿನ್ ಆಸ್ಟ್ರೇಲಿಯಾದ ಫ್ಲೈಟ್ ಅಟೆಂಡೆಂಟ್ ಬ್ರೆನ್ನಾ ಯಂಗ್ ಅವರು ಪ್ರಯಾಣ ಮಾಡುವಾಗ ಸಂಭವಿಸುವ ಸಾವುಗಳಿಗೆ ಸಂಬಂಧಿಸಿದಂತೆ ಹಾಗೂ ಬಳಿಕ ನಡೆಯುವ ಪ್ರಕ್ರಿಯೆ ಬಗ್ಗೆ ರಹಸ್ಯ ಬಯಲು ಮಾಡಿದ್ದಾರೆ.
ಸಿಬ್ಬಂದಿ ಮೃತದೇಹದ ಸೀಟನ್ನು ಭದ್ರಪಡಿಸಿದ್ದಾರೆ
'ದಿ ಸನ್' ಸುದ್ದಿ ಪ್ರಕಾರ, ಬ್ರೆನ್ನಾ ಪಾಡ್ಕ್ಯಾಸ್ಟ್ನಲ್ಲಿ ಎಲ್ಲಾ ಸಿಬ್ಬಂದಿಗೆ ಪ್ರಯಾಣದ ಸಮಯದಲ್ಲಿ ಮೃತಪಟ್ಟ ಪ್ರಯಾಣಿಕರಿಗೆ ಗೌರವವನ್ನು ನೀಡುವುದು ಅತ್ಯಂತ ಮುಖ್ಯವಾದ ವಿಷಯ ಎಂದು ಹೇಳಿದ್ದಾರೆ. ಅವರು ಆ ಆಸನವನ್ನು ಭದ್ರಪಡಿಸುತ್ತಾರೆ, ವಿಮಾನವು ನೆಲದ ಮೇಲೆ ಇಳಿದಾಗ, ಕ್ರೈಂ ಸೀನ್ನಲ್ಲಿ ಯಾವುದೇ ಬದಲಾವಣೆಯಾಗದಂತೆ ಮತ್ತು ಸಾವಿನ ಸರಿಯಾದ ತನಿಖೆ ನಡೆಯುವಂತೆ ಎಚ್ಚರವಹಿಸುತ್ತೇವೆಂದು ಹೇಳಿದ್ದಾರೆ.
ಇದರರ್ಥ ಇಡೀ ವಿಮಾನ ಮತ್ತು ಅದರಲ್ಲಿ ಕುಳಿತಿರುವ ಪ್ರಯಾಣಿಕರು ಪೊಲೀಸ್ ತನಿಖೆಯ ನಿಯಂತ್ರಣದಲ್ಲಿ ಉಳಿಯುತ್ತಾರೆ. ಸ್ಥಳಕ್ಕಾಗಮಿಸಿದ ಪೊಲೀಸರ ತನಿಖೆ ಪೂರ್ಣಗೊಳ್ಳುವವರೆಗೂ ಎಲ್ಲಾ ಪ್ರಯಾಣಿಕರು ವಿಮಾನದಲ್ಲಿಯೇ ಇರುತ್ತಾರೆ ಮತ್ತು ಅವರು ಬಹಳ ಸಮಯ ಕಾಯಬೇಕಾಗುತ್ತದೆ, ಆದ್ದರಿಂದ ಅಂತಹ ಪರಿಸ್ಥಿತಿಯಲ್ಲಿ ಜನರು ಕಾಯಲು ಸಿದ್ಧರಾಗಿರಬೇಕು.
ಪ್ರತಿ ವರ್ಷ ಸಾವಿರಾರು ಜನರು ಮೃತದೇಹಗಳೊಂದಿಗೆ ಪ್ರಯಾಣಿಸುತ್ತಾರೆ
ಆದ್ದರಿಂದ ಕೆಲವೊಮ್ಮೆ ನೀವು ಕೆಲವು ಮೃತ ದೇಹಗಳ ಬಗ್ಗೆ ಪ್ರಯಾಣಿಸುವ ಸಾಧ್ಯತೆಗಳಿವೆ ಮತ್ತು ಪ್ರಯಾಣದ ಸಮಯದಲ್ಲಿ ನಿಮಗೆ ಇದು ತಿಳಿದಿರುವುದಿಲ್ಲ. ಪ್ರತಿ ವರ್ಷ ಸಾವಿರಾರು ಮೃತದೇಹಗಳು ಆಕಾಶದಲ್ಲಿ ಸಂಚರಿಸುತ್ತಿದ್ದು, ಆ ಸಮಯದಲ್ಲಿ ಯಾರಿಗೂ ಇದರ ಅರಿವಿರುವುದಿಲ್ಲ.
ಪ್ರಯಾಣಿಕರು ಮೃತಪಟ್ಟಿರುವ ಬಗ್ಗೆ ಬೇರೆ ಪ್ರಯಾಣಿಕರಿಗೆ ಹೇಳುವುದಿಲ್ಲ. ಈ ಮೃತದೇಹಗಳಿಗೆ ನಿಕ್ ನೇಮ್ ನೀಡಲಾಗುತ್ತದೆ. ಅಂತಹ ದೇಹವನ್ನು HR(Human Remains) ಎಂದು ಕರೆಯಲಾಗುತ್ತದೆ, ಅಂದರೆ ಮಾನವ ಅವಶೇಷಗಳು.
ಅಂತಹ ವಿಚಿತ್ರ ಪರಿಸ್ಥಿತಿಯಲ್ಲಿ ಏನಾಗುತ್ತದೆ
ಇಂತಹ ಪರಿಸ್ಥಿತಿಯಲ್ಲಿ ಮೃತದೇಹಗಳನ್ನು ಅದೇ ರೀತಿಯಲ್ಲಿ ಇರಿಸಲಾಗುತ್ತದೆಯಾದರೂ ಪ್ರಯಾಣಿಕರೊಬ್ಬರು ಅವನ ಪಕ್ಕದ ಸೀಟಿನಲ್ಲಿ ಕುಳಿತಾಗ, ವಿಚಿತ್ರ ಪರಿಸ್ಥಿತಿ ನಿರ್ಮಾಣವಾಗುತ್ತದೆ, ಟರ್ಕಿಯಿಂದ ರಷ್ಯಾ ನಡುವಿನ ವಿಮಾನ ಪ್ರಯಾಣದ ಸಮಯದಲ್ಲಿ ಇಂತಹ ಘಟನೆ ಸಂಭವಿಸಿದೆ.
50 ವರ್ಷದ ಮಧುಮೇಹಿ ಮಹಿಳೆಯೊಬ್ಬರು ಪ್ರಯಾಣ ಆರಂಭಿಸಿದ 45 ನಿಮಿಷಗಳ ನಂತರ ಇನ್ಸುಲಿನ್ ಇಲ್ಲದ ಕಾರಣ ಸಾವನ್ನಪ್ಪಿದ್ದರು. ಈ ಪ್ರಯಾಣವು ಮೂರೂವರೆ ಗಂಟೆಗಳಾಗಿತ್ತು. ಅಂತಹ ಪರಿಸ್ಥಿತಿಯಲ್ಲಿ, ಅವರ ದೇಹವು ಹೊದಿಕೆಯಿಂದ ಮುಚ್ಚಲ್ಪಟ್ಟಿತ್ತು ಆದರೆ ಅವರೊಂದಿಗೆ ಕುಳಿತಿದ್ದ ಪ್ರಯಾಣಿಕನಿಗೆ ತುಂಬಾ ಭಯದ ಅನುಭವವಾಗಿತ್ತು ಎಂದೂ ತಿಳಿಸಿದ್ದಾರೆ.
