ಮೆಲ್ಬರ್ನ್(ಡಿ.15): ಚೀನಾದಲ್ಲಿ ಆಳಿತ ನಡೆಸುತ್ತಿರುವ ಕಮ್ಯುನಿಸ್ಟ್ ಪಾರ್ಟಿ ಆಫ್ ಚೀನಾದ ಸುಮಾರು 20 ಲಕ್ಷ ಸದಸ್ಯರು ರಹಸ್ಯವಾಗಿ ಜಗತ್ತಿನೆಲ್ಲೆಡೆಯ ಬೃಹತ್ ಸಂಸ್ಥೆಗಳಲ್ಲಿ ನೌಕರಿಗೆ ಸೇರಿಕೊಂಡಿದ್ದಾರೆ ಎಂಬ ಸ್ಪೋಟಕ ಬಹಿರಂಗಗೊಂಡಿದೆ. ಸಿಪಿಸಿ ಹಾಗೂ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಅವರೇ ಬೇರೆ ಬೇರೆ ದೇಶಗಳಿಂದ ವ್ಯೂಹಾತ್ಮಕ ಮಾಹಿತಿಗಳನ್ನು ಸಂಘ್ರಹಿಸಲು ಇಂತಹುದ್ದೊಂದು ಜಾಲವನ್ನು ಮುಂದೆ ಬಿಟ್ಟಿದ್ದಾರೆ ಎಂದು ಹೇಳಲಾಗುತ್ತಿದೆ.

ಲೈಂಗಿಕ ತೃಪ್ತಿಗಾಗಿ ಮಹಿಳಾ ಸ್ಕ್ವಾಡ್ ಇಟ್ಟುಕೊಂಡ ಉತ್ತರ ಕೊರಿಯಾ ಸರ್ವಾಧಿಕಾರಿ!

ಶಾಂಘೈ ಸಂಸ್ಥೆಯೊಂದರ ಸರ್ವರ್‌ನಿಂದ ಈ ರಹಸ್ಯ ಸಿಿಆಸ್ಪಿಟ್ಸಿರೇ ಬೇಹುಗಾರಿಕಾ ನೌಕರ ಜಾಲದ ಮಾಹಿತಿಯನ್ನು ಆಸ್ಟ್ರೇಲಿಯಾದ ಪತ್ರಕರ್ತೆಯೊಬ್ಬರು ಸೋರಿಕೆ ಮಾಡಿ 'ದ ಆಸ್ಟ್ರೇಲಿಯನ್' ಪತ್ರಿಕೆಯಲ್ಲಿ ಪ್ರಕಟಿಸಿದ್ದಾರೆ. ಮೊದಲೇ ಪರಸ್ಪರ ಶತ್ರು ರಾಷ್ಟ್ರಗಳಾಗಿರುವ ಚೀನಾ- ಆಸ್ಟ್ರೇಲಿಯಾ ನಡುವೆ ಈ ಸಂಗತಿ ದೊಡ್ಡ ವಿವಾದ ಹುಟ್ಟು ಹಾಕಿದೆ. ಸರ್ವರ್‌ನಿಂದ ಪಡೆದ ದತ್ತಾಂಶಗಳನ್ನು ಜಾಗತಿಕ ಕಂಪನಿಗಳಲ್ಲಿ ಕೆಲಸ ಮಾಡುತ್ತಿರುವ ಸಿಪಿಸಿಯ ಎಲ್ಲಾ 1.95 ದಶಲಕ್ಷ ಸದಸ್ಯರು ಚೀನಾದ ಕಮ್ಯುನಿಸ್ಟ್ ಪಾರ್ಟಿಯಲ್ಲಿ ಹೊಂದಿರುವ ಹುದ್ದೆ, ಜನ್ಮ ದಿನಾಂಕ, ರಾಷ್ಟ್ರೀಯ ಐಡಿ ಸಂಖ್ಯೆಹೀಗೆ ಎಲ್ಲಾ ವಿವರಗಳಿವೆ. 

ಚೀನಾ ಜೊತೆ ಗಡಿ ಸಂಘರ್ಷ: 15 ದಿನದ ಭಾರಿ ಯುದ್ಧಕ್ಕೆ ಶಸ್ತ್ರಾಸ್ತ್ರ ಸಂಗ್ರಹ!

ಇವರೆಲ್ಲರೂ ಜಗತ್ತಿನ ಅತಿ ದೊಡ್ಡ ರಕ್ಷಣಾ ಸಂಸ್ಥೆಗಳು, ಬ್ಯಾಂಕ್, ಕೊರೋನಾ ವೈರಸ್‌ಗೆ ಲಸಿಕೆ ತಯಾರಿಸುತ್ತಿರುವ ಫಾರ್ಮಾಸುಟಿಕಲ್ ಕಂಪನಿಗಳೂ ಸೇರಿದಂತೆ ನಾನಾ ಕಂಪನಿಗಳಲ್ಲಿ ಕೆಲಸಕ್ಕೆ ಸೇರಿಕೊಂಡಿದ್ದು ಅಲ್ಲೇ ಸುಮಾರು 79,000 ಸಿಪಿಸಿ ಘಟಕಗಳನ್ನು ಸ್ಥಾಪಿಸಿಕೊಂಡಿದ್ದಾರೆ. ಸಿಪಿಸಿ ಸದಸ್ಯರು ರಹಸ್ಯವಾಗಿ ನೌಕರಿ ಪಡೆದಿರುವ ಕಂಪನಿಗಳಲ್ಲಿ ಅಮೆರಿಕ, ಬ್ರಿಟನ್ ಆಸ್ಟ್ರೇಲಿಯಾ ಮುಂತಾದ ದೇಶಗಳ ಬೋಯಿಂಗ್, ವೋಕ್ಸ್‌ವ್ಯಾಗನ್, ಫೈಝರ್, ಆಸ್ಟ್ರಾಜೆನಿಕಾ, ಎಎನ್‌ಝಡ್, ಎಸ್‌ಎಸ್‌ಬಿಸಿ ಮುಂತಾದ ಕಂಪನಿಗಳೂ ಸೇರಿವೆ