ತಾನ್ಝಾನಿಯಾ ಅಧ್ಯಕ್ಷೆಯಿಂದಲೇ ಬಾಡಿ ಶೇಮಿಂಗ್ ಹೇಳಿಕೆ ಫೂಟ್ಬಾಲ್ ಪ್ಲೇಯರ್ಗಳಿಗೆ ತುಂಬಿದ ಎದೆ ಇಲ್ಲ, ಮದ್ವೆಗೆ ಅವರು ಅಕರ್ಷಕರಲ್ಲ ಎಂದ ಅಧ್ಯಕ್ಷೆ
ದೊಡೊಮಾ(ಆ.24): ಬಾಡಿ ಶೇಮಿಂಗ್ ಎಂಬುದು ಯಾರನ್ನೂ ಬಿಟ್ಟಿಲ್ಲ. ಮೈಬಣ್ಣ, ಗಾತ್ರ, ಎತ್ತರ, ಕುಳ್ಳಗೆ, ಗುಂಡು ಹೀಗೆ ಬೇರೆ ಬೇರೆ ರೀತಿಯಲ್ಲಿ ಜನ ಇನ್ನೊಬ್ಬರ ದೇಹ ರಚನೆ ಬಗ್ಗೆ ಅನಗತ್ಯವಾಗಿ ಕಮೆಂಟ್ ಮಾಡುತ್ತಿರುತ್ತಾರೆ. ಇತ್ತೀಚಿನ ದಿನಗಳಲ್ಲಿ ಬಾಡಿ ಶೇಮಿಂಗ್ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಲಾಗುತ್ತದೆ. ಆದರೆ ತನ್ಝಾನಿಯಾ ಅಧ್ಯಕ್ಷೆ ಒಬ್ಬ ಹೆಣ್ಣಾಗಿದ್ದುಕೊಂಡು ಇತರ ಮಹಿಳಾ ಆಟಗಾರರ ಬಾಡಿ ಶೇಮಿಂಗ್ ಮಾಡಿದ್ದು ಈಗ ಭಾರೀ ಟೀಕೆಗೊಳಗಾಗಿದ್ದಾರೆ.
ತಾನ್ಝಾನಿಯಾದ ಅಧ್ಯಕ್ಷೆ ಸಮಿಯಾ ಸುಲುಹು ಹಸನ್ ಅವರು ಮಹಿಳಾ ಫುಟ್ಬಾಲ್ ಆಟಗಾರರು ಫ್ಲಾಟ್ ಎದೆಯನ್ನು ಹೊಂದಿರುವ ವಿವಾದಾತ್ಮಕ ಹೇಳಿಕೆಗಳ ಬಗ್ಗೆ ತೀವ್ರ ಟೀಕೆಗಳನ್ನು ಎದುರಿಸುತ್ತಿದ್ದಾರೆ. ಅವರು ಮದುವೆಗೆ ಆಕರ್ಷಕ ಹೆಣ್ಣಲ್ಲ ಎಂದು ಅವರು ಹೇಳಿಕೆ ಕೊಟ್ಟಿದ್ದರು.
ಬ್ಯಾಕ್ ಶೇಪ್ ಬಗ್ಗೆ ಹಿಯಾಳಿಸಿದವರಿಗೆ ಖಡಕ್ ಉತ್ತರ ಕೊಟ್ಟ ಇಲಿಯಾನ
ಪ್ರಾದೇಶಿಕ ಫುಟ್ಬಾಲ್ ಚಾಂಪಿಯನ್ಶಿಪ್ನಲ್ಲಿ ರಾಷ್ಟ್ರೀಯ ಪುರುಷರ ತಂಡದ ವಿಜಯವನ್ನು ಆಚರಿಸುವ ಸಮಾರಂಭದಲ್ಲಿ ಸಮಿಯಾ ಫ್ಲಾಟ್ ಎದೆಯನ್ನು ಹೊಂದಿರುವವರಿಗೆ, ಅವರು ಮಹಿಳೆಯರಲ್ಲ ಪುರುಷರು ಎಂದು ನೀವು ಭಾವಿಸಬಹುದು ಎಂದಿದ್ದಾರೆ.
ಇಥಿಯೋಪಿಯಾದ ಅಧ್ಯಕ್ಷ ಸಾಹ್ಲೆ-ವರ್ಕ್ ಝೆವ್ಡೆ ಜೊತೆಯಲ್ಲಿ ಹಸನ್ ಆಫ್ರಿಕಾದಲ್ಲಿ ಪ್ರಸ್ತುತ ಕಾರ್ಯನಿರ್ವಹಿಸುತ್ತಿರುವ ಏಕೈಕ ಮಹಿಳಾ ಮುಖ್ಯಸ್ಥೆಯಾಗಿದ್ದು ಈ ರೀತಿ ಹೇಳಿದ್ದಕ್ಕೆ ಟೀಕೆ ವ್ಯಕ್ತವಾಗಿದೆ.
ನೀವು ಅವರ ಮುಖಗಳನ್ನು ನೋಡಿದರೆ ನಿಮಗೆ ಆಶ್ಚರ್ಯವಾಗಬಹುದು. ಏಕೆಂದರೆ ನೀವು ಮದುವೆಯಾಗಲು ಬಯಸಿದರೆ, ನೀವು ಆಕರ್ಷಕ ವ್ಯಕ್ತಿಯನ್ನು ಬಯಸುತ್ತೀರಿ. ನಿಮಗೆ ಬೇಕಾದ ಗುಣಗಳನ್ನು ಹೊಂದಿರುವ ಮಹಿಳೆ ಬೇಕು. ಆದರೆ ಆ ಗುಣಗಳು ಮಾಯವಾಗಿವೆ ಎಂದು ಅವರು ಮಹಿಳಾ ಫುಟ್ಬಾಲ್ ಆಟಗಾರರಿಗೆ ಹೇಳಿದ್ದಾರೆ.
ಇಂದು ಅವರು ದೇಶಕ್ಕೆ ಟ್ರೋಫಿಗಳನ್ನು ತಂದಾಗ ಒಂದು ರಾಷ್ಟ್ರವಾಗಿ ನಾವು ಹೆಮ್ಮೆಪಡುತ್ತಿದ್ದೇವೆ. ಆದರೆ ಭವಿಷ್ಯದಲ್ಲಿ ನೀವು ಅವರ ಜೀವನವನ್ನು ನೋಡಿದರೆ, ಕಾಲುಗಳು ಆಟವಾಡಲು ಆಯಾಸಗೊಂಡಾಗ, ಅವರಿಗೆ ಆಡಲು ಆರೋಗ್ಯವಿಲ್ಲದಿದ್ದಾಗ, ಅವರ ಜೀವನ ಹೀಗಿರುತ್ತದೆ ಎಂದು ಅವರು ಪ್ರಶ್ನಿಸಿದ್ದಾರೆ.
ಮದುವೆಯ ಜೀವನವು ಅವರಿಗೆ ಕನಸಿನಂತಿದೆ. ಏಕೆಂದರೆ ಇಲ್ಲಿ ನಿಮ್ಮಲ್ಲಿ ಒಬ್ಬನು ಅವರನ್ನು ನಿಮ್ಮ ಪತ್ನಿಯನ್ನಾಗಿ ಮನೆಗೆ ಕರೆದುಕೊಂಡು ಹೋದರೂ, ನಿಮ್ಮ ತಾಯಿ ಅವರು ಮಹಿಳೆಯೋ ಅಥವಾ ಸಹ ಪುರುಷನೋ ಎಂದು ಕೇಳುತ್ತಾರೆ ಎಂದಿದ್ದಾರೆ.
