ಚೀನಾದಲ್ಲಿ ಹಬ್ಬುತ್ತಿದೆ ಅಪಾಯಕಾರಿಯಾಗಿ ಪಾಚಿ ಇನ್ಫೆಕ್ಷನ್..!
- ಚೀನಾದಲ್ಲಿ ಪಾಚಿ ಅಲರ್ಜಿ ಸಮಸ್ಯೆ
- ಅಪಾಯಕಾರಿಯಾಗಿ ಹೆಚ್ಚುತ್ತಿರುವ ಇನ್ಫೆಕ್ಷನ್
ಬೀಜಿಂಗ್(ಜು.20): ಚೀನಾದ ಪೂರ್ವ ಬಂದರು ನಗರ ಕಿಂಗ್ಡಾವೊ ಪ್ರದೇಶದಲ್ಲಿ ಅತ್ಯಂತ ಕೆಟ್ಟ ಪಾಚಿ ಮುತ್ತಿಕೊಳ್ಳುವಿಕೆ ಹೆಚ್ಚಾಗಿದೆ. 1,700 ಚದರ ಕಿ.ಮೀ ಗಿಂತಲೂ ಹೆಚ್ಚು ಕರಾವಳಿ ಪ್ರದೇಶದಲ್ಲಿ ಹಾನಿಕಾರಕ ಹಸಿರು ಕಡಲಕಳೆ ತುಂಬಿದೆ. ಇದನ್ನು "ಹಸಿರು ಉಬ್ಬರವಿಳಿತ" ಎಂದೂ ಕರೆಯುತ್ತಾರೆ.
ಕಿಂಗ್ಡಾವೊ 15 ವರ್ಷಗಳಿಂದ ಪಾಚಿ ಸಮಸ್ಯೆಯಿಂದ ಬಳಲುತ್ತಿದೆ. ಇದು ಸಾಮಾನ್ಯವಾಗಿ ವಸಂತ ಋತುವಿನ ಅಂತ್ಯದಿಂದ ಕಾಣಿಸಿಕೊಳ್ಳುತ್ತದೆ. ಮೂರರಿಂದ ನಾಲ್ಕು ತಿಂಗಳವರೆಗೆ ಇದು ಹಾಗೆಯೇ ಇರುತ್ತದೆ. ಪಾಚಿಗಳು ಇತರ ಜೀವಿಗಳಿಂದ ಆಮ್ಲಜನಕವನ್ನು ತೆಗೆದುಕೊಂಡು ಕೊಳೆಯುತ್ತಿರುವಾಗ ವಿಷಕಾರಿ ವಾಸನೆ ಹೊರಹಾಕುವುದರಿಂದ ಸ್ಥಳೀಯ ಸಮುದ್ರ ಪರಿಸರ ಹಾನಿಯಾಗುತ್ತದೆ.
ಮತ್ತೆ ಅಂತರಿಕ್ಷ ಸಾಹಸ: ಜೆಫ್ ಬೆಜೋಸ್ ಗಗನಯಾನ!
ಚೀನೀ ಅಕಾಡೆಮಿ ಆಫ್ ಸೈನ್ಸಸ್ನ (ಐಒಸಿಎಎಸ್) ಇನ್ಸ್ಟಿಟ್ಯೂಟ್ ಆಫ್ ಓಷಿಯಾಲಜಿ ತಜ್ಞರ ಪ್ರಕಾರ 1 ಮಿಲಿಯನ್ ಟನ್ಗಿಂತ ಹೆಚ್ಚು ಪಾಚಿಯನ್ನು ನೀರಿನಿಂದ ತೆಗೆದುಹಾಕುವ ನಿರೀಕ್ಷೆಯಿದೆ ಎನ್ನಲಾಗಿದೆ.
ಕಿಂಗ್ಡಾವೊ ನಗರದ ಅಧಿಕಾರಿಗಳು ಕಳೆದ ವಾರದ ವೇಳೆಗೆ ಸುಮಾರು 450,000 ಟನ್ ಪಾಚಿ ಸಂಗ್ರಹಿಸಲು 12,000 ಕ್ಕೂ ಹೆಚ್ಚು ಹಡಗುಗಳನ್ನು ರವಾನಿಸಿದ್ದರು.